بسبب قاعدة بوست كل ٣٠ دقيقة وان ماينفعش تعمل أكتر من ٥ بوستات في اليوم، فهكتب أكتر من فكرة عمالين يدوروا في دماغي وأنا قاعد دلوقت ولسة صاحي من ساعتين وقاعد بذاكر: ١ عارف لما تسترجع ذكرياتك وانت طفل لما ماكنتش لاقي حد يحبك في المدرسة والشخص اللي كنت معتبره صاحبك طلع مش عايز يقعد جنبك في الديسك أصلا؟ حاسس بدا دلوقت وصعبانة عليا نفسي شوية ٢ أنا زهقت من فكرة كوني اخ صغير بفرق سنين كبير حاسس ان عمري ما هكبر مهما كبرت واستقليت وحققت نفسي، هفضل في دماغهم الطفل اللي كانوا بيشطفوله على الحوض ٣ أنا ماشي بمشاعر بنت مراهقة عندها ١٦ سنة حاسة ان كل حاجة ضاغطة عليها وان أحزانها مركز الكون تقريبا ٤ أخيرا حابب افكر نفسي ويمكن أفكر اللي مهتم هنا بكام حاجة: الكراهية طاقة مهدرة، درب نفسك على انك ماتكرهش حد ماتبنيش مستقبلك وانت حاطط في دماغك ان اللي حواليك هيفضلوا معاك، العلاقات كلها مؤقتة ومبنية دايما على أرضيات ومصالح مشتركة، مافيش علاقات بالمجان ماتتخلاش عن الغضب، بس ماتفرغوش على أفراد ماتبصش على المستقبل من منظورك دلوقت، بالعكس طمن نفسك بيه لأن عمرك ما هتشوف الصورة كاملة مافيش أزمة روحية بتعالجها المادة وأخيرا ربنا أخرجنا منها فإن عدنا فإنا ظالمون

2

2