صيدلة

Pineapple_75628 🇪🇬

منذ أسبوع واحد

شعور متوتر

عبّر عن شعورك بشكل مجهول

السلام عليكم، انا في اولى صيدلة ومن ساعة ما النتيجة ظهرت - جبت 92.19- ابويا كان بيقولي هتلحقي طب، انا مكنتش عايزة طب كنت عايزة صيدلة بس ابي وامي كانوا عايزين طب ولكن انا أصريت مدخلش جامعة اهلية وخليني في الحكومي احسن، المهم ان من ساعة ما الدراسة بدأت - بقالها شهر اهو- وانا مش مستريحة ومش عارفه اتعامل وفعليا الكلية مش زي ما تخيلت ومش حاسه اني قادرة اتعامل يعني مش علشان صعوبة اول سنة لا علشان انا فعلا مبقتش حابه الكلية، قلت لهم اني عايزة احول لطب وقالوا ماشي بس الجامعات الاهلية قفلت، التحويل ممكن يكون ترم تاني او السنة اللي جايه بقا، انا بكتب ده ليه بقا، علشان انا خايفه من المصاريف طب ب ١٥٥ واكيد هيزيد كل سنة ودول ٧ سنين ده غير مصاريف الكتب وكده، يعني الحمد لله احنا حالنا ميسور بس خايفه مش عارفه ليه ويمكن ده كان سبب اني أرفض من الاول ادخل اهلية وادخل صيدلة ، خايفه ان ابي لا قدر الله، ربنا يبارك في عمره ويحفظه يروح فجأة واكون كده حملت اهلي حمل هما مش قده احنا تبارك الله ٥، ٤ بنات وولد، والولد في ٤ ابتدائي و٢ اكبر مني واحدة عندها ٢٤ والتانيه ٢٣ وواحدة أصغر مني بسنة، وانا برضو شايلة هم تجهيزهم يعني ما اكيد هكلف كده على أهلي وهما حرفيا في سن جواز ف مش عارفه، وانا بجد مبقتش حمل صيدلة ومش شايفه انها تستاهل اضيع ٦ سنين، يعني الكلية بالنسبة لي بقت بجد صعبة، ف اعمل ايه يا جماعة..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_81477 🇪🇬

منذ أسبوعين

شعور ضائع

انا لسه مخلصه تالته ثانوي بمجموع مش حلو والسبب اني مجبتش مجموع هو العاده السريه والافلام لاني كنت اعملها كتير ومبذاكرش و مش بصلي بس بعدها ربنا كرمني وبابايا دخلني كليه صيدله خاص وانا دلوقتي فيها ومش عارفه ازاكر ولا اركز خالص ولا ادي لنفسي فرصه جديده واسيب العاده والافلام الاباحيه والفكره اني بعملهم

Watermelon_81508 🇪🇬 و شوفي ايه لو قعدت على الموبيل و حسيتي انك هتشوفي حاجه اقفلي من غيري تفكيري و غيري مكانك و لوم علشان تتخلصي من عادي لزم تبدليها بعاده تانيه لزم مثلا قبل نا تنامي اقراي اسمعي حاجه حولب تانمي وقت النوم بس مع الوقت هتبدئي تبعدي عنها و ممكن تغلطي في النص و ده طبيعي فادي مفسك وقت اهم حاجه مش تستلمي في النص علشانك و علشان ربنا و مش تخافي

عرض الكل 14 نصيحة

Ice Cream_60679 🇪🇬

منذ 3 أسابيع

شعور مكسور القلب

Peanut_56462 🇪🇬 تقبل الموضوع بصدر رحيم.. ولازم تعرفى ان اللى يجى على كرمتك يهون مهما كان معزته فى قلبك وإتأكد ان الموقف ده هيقويك فى اللى جاى ويعلمك إن مش أى حد يستاهل ولائك رووق يا صاحبى

عرض الكل 6 نصيحة

عبّر عن شعورك بشكل مجهول

انا طالب في صيدله وكنت بتدرب  في صيدليه حوالي ثلاث سنين وانا حاليا في خمسه المهم الصيدليه دي كنت بقضي  فيها اكتر من البيت إذا كان صيف او دراسه المشكله الوحيده فيها بس ان اصحابها بياذوك نفسيا اذا عملت حاجه غلط او الهزار اللي يقل منك وعدم احترام  وما فيش تقدير لحته انك دكتور خالص خصوصا ابن صاحب الصيدليه الناس الوحيده الكويسه فيها هما الشغالين بس ،ابن صاحب الصيدليه واللي هو دكتور بقى له متخرج سنه وهو مجرد اكبر مني سنه اذا عملت حاجه غلط في الحساب زعيق وقله قيمه وده غير هزاره اللي فيه عدم احترام وقله قيمه ، يعني بمعدل مرتين في الاسبوع، الزعيق دايما بيبقى حاجه عليها فلوس، وده كله اصلا انا في التدريب، فمن اول امبارح كنت في الصيدليه وفجاه لقيته بيديني روشته وبيقول لي روح اصرفها فصرفتها وبقول لصاحبها حساب مع العلم ان صاحبها قسم الروشته لانها كانت روشتتين،فالمهم زعق في وشي وقال لي ما تقولش حساب ثاني، قلت له ما تزعقش بزعيق فسكت ،قام قيلي روح روح بس عملت نفسي مسمعتش ، قام جاي بيبرطم شويه كلام بيقل مني فيه ، بعد شويه جيت روشته هو كان بيصرفها فرحت اشوف هو الدواء طالع ايه على اني بتدرب وبحب اشوف كل الروشتات والحالات لتكون في حاجه جديده قام قلي روح بعيد روحت بعيد بس لسه باصص قلي متبصش ومعرفش الكلمه دي طلعت مني وانا عمري ما قليت أدبي في الصيدليه قلتله روح غور في داهيه مش عايز اتعلم منك حاجه، قام قيلي روح روح بيتك قلتله ومجيش تاني، قلي اه وانا طالع قام قيلي بدل انته قليل الادب روح روح لازعلك فمقدرتش امسك نفسي وقلته زعلني كده قلي مش عايز ازعلك الي هو مش عايز اضربك قولته لا زعلني انا بحب ازعل قلي تمام ازعلك بس مش قدام الناس قام المريض والي كانت عرفني قام قيلي روح روح دنتوا اخوات مينفعش كده قمت احترمته ومشيت ،انا معرفتش اسكت لان مواقفه كترت بصراحه وانا حسيت اني بذل نفسي لو سكت ومرضتش

ا ده كله عادي بس وانا طالع انا مصدقتش اني مش هعرف ارجع المكان ده تاني انا قضيت فيه اكت من ثلاث سنين وعيبي اني بتعلق بالحاجات واول لما روحت معرفتش امسك نفسي من العياط لأول مره من زمان مع اني بعتبر ده مش من ضمن شيم الرجوله وحسيت لأول مره في حياتي معنى الإنسان انه قلبه مسكور حرفيا انا حاسس اني قلبي مشروخ او في حاجه غريبه ومش عارف أمارس حياتي بقالي يومين مع اني بقنع نفسي وبقول هروح صيدليه احسن وهيعملوني احسن بس مش قادر بس مش قادر حتى اضحك وكل لما افتكر الموقف ازعل جامد انا مزعلتش كده في حياتي

انا مش عايز ارجع  بس نفسي اعدي الفتره دي لأنها مأثره على دراستي وحياتي عموما مش عارف اركز من كتر الهم ومش عارف اعديها
غير خيالات انهم هيتصلوا بيا وهما مش هيقدروا يستغنوا عني انا بقالي معاهم كتير بتزعلني
والله رغم اني مواقفه معيا كتير وتكره اي حد في الدنيا بس مش عارف انسي المكان
ومحدش يستقل بالموضوع انا كنت بقضي في الصيدليه وعندي ولاء ليها اكتر من نفسي روح جيب دوه من آخر الدنيا اروح. روح اعمل رجع دوا على الرف زي العيال الصغيره برجع وبقوله مينفعش انا دكتور وكمان برتب على دفعتي يقولي دكتور علي نفسك وحاجه بتقل مني كصيدلي اعمل من أجل مصلحه المكان
مع العلم اني كنت بتدرب في صيدلتين في نفس الوقت مش واحده، بس دي قضيت فيها معظم وقتي

والله قلبي مكسور ومش عارف اعدي الموضوع وعايز  ارجع لحياتي القديمه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_72714 🇪🇬

منذ 4 أسابيع

شعور شاعر بالملل

مش عارفه اكتب ايه زهقانه بس هحكي اي حاجه تيجي في دماغي عمتا بفكر في مستقبلي كتير خاصة ان السنه الجايه تحديد مصيري يعتبر ف بحاول ارتب نفسي و امهد نفسي للسنه الجايه إن شاء الله و كمان امنع التليفون شويه لاني شبه مدمنه عليه لو حد عنده نصايح ازاي اسيب التليفون وقت المذاكره والدراسه ، حاسه اني هدخل السنه

Waffle_51881 🇪🇬

منذ شهر واحد

شعور مكسور القلب

انا انسان شاطى الحمدلله في حياتي اخدت تدريب في اكبر شركات الادويه في مصر وشركات تانيه انترناشونال وبجد بحاول بكل طاقتي ولكن فيه مشكله الكلية مش عارف اخلصها وزهقت وبجد انطفت منها... الحمدلله انا بشتغل بس لازم اخلص الكليه ومعدتش قادر بجد خلاص طاقتي راحت اي الحل..💔😔 انا داخل الكليه دي غصب عني اصلا

Pineapple_69539 🇪🇬

منذ شهرين

شعور ضائع

جماعة انا لسه مخلصة ثانوية عامة جبت 92% بس المجموع ده ميدخلنيش طب بشري، بصراحة طول السنة مكنش ليا نفس ولا شغف ادخل طب بشري وكنت عايزة صيدلة جدا بس لما النتيجة ظهرت امي وابويا قعدوا يقنعوني ببشري وليه متخليش ومش عارفه ايه( ميعرفوش ان المجموع مش هيجيب بشري اصلا) المهم بسبب الزن الكتير ده انا بجد بقي

French Fries_69511 🇪🇬 شوفي التنسيق لو جاب صيدله ادخلي هيكون احسن ليكي من كل ألف ده

عرض الكل 10 نصيحة

Strawberry_62703 🇰🇼

منذ 3 أشهر

شعور مكتئب

Pineapple_47317 🇪🇬 مش يمكن اصحابك دول اشخاص غلط ف حياتك ما احنا بنكون انطوائين مع الناس اللي مش بنرتاحلهم واي حد بيرتاح لحد بيرغي بدون توقف لو مش عايزه تخرجي هاتي حاجات حلوة وشغلي كرتون تحبيه او فيلم واستمتعي مع نفسك ولو فيه شركه مثلا رايحه بلد ممكن تقترحي وتقولي لبنت وتطلعوا مع بعض بس تكون بنت لطيفه يعني بس مش شرط ينفع الموضوع ده عشان الاهل وكده وابقى انزلي جيم وهتلاقي ناس مش لازم تقتصري الصحاب علي بتوع الجامعه بس

عرض الكل 19 نصيحة

عبّر عن شعورك بشكل مجهول

السلام عليكم و رحمة الله و بركاته 
أنا بنت عمري 19 سنة
طالبة سنة أولى صيدلة بفضل الله ثم أهلي الغوالي
أنا بنت انطوائية جداً، لما كنت صغيرة كنت متفاعلة و سعيدة كان عندي اصحاب كتير و كنت بحب العب و اتكلم معاهم 
أول ما بقيت في سنة سادسة لاحظت إني تغيرت، بقيت هادية جداً، مكنتش بعرف اتكلم و افتح مواضيع مع حد، و خسرت اصحابي كلهم بسبب الموضوع ده
بسبب اني مش منفتحة زيهم و مبعرفش اكمل محادثة مبعرفش اقول ايه خالص خالص 
استمريت كدة لحد ما تخرجت، 6 سنين وحيدة بدون اي اصحاب و كنت دايماً بستخبى في الحمام عشان البنات ميشوفونيش و اصعب عليهم من حالي انو كل سنة قاعدة لوحدي
بعد ما تخرجت الحمد لله دخلت كلية صيدلة امي و ابويا فخورين بيا الله يسعدهم، لكني قاعدة هنا لوحدي في بيت جدي او عمي بسبب انهم في بلد تانية
كنت فرحانة اوي و متحمسة عشان البنات اللي في الكلية ميعرفونيش فكنت بقدر احاول اعمل نفسي منفتحة و احاول اتكلم معاهم و افتح مواضيع و كنت بعمل كدة مع أي بنت بتكلمني عشان اقدر اخليها تصاحبني لكن للأسف حقيقتي كانت دايماً بتظهر و كانوا بيعرفوا اني انطوائية في الآخر، ف بيبدؤا يتجاهلوني
من 3 شهور جاني اكتئاب بسبب الوحدة و مشاكل عائلية و مرض شديد جداً و خوف و قلق شديد جداً جاني بسبب ده كلو و كمان مشاكل في الكلية كان ممكن تخليني اتفصل
كلو حصل مرة وحدة ف تغيرت و بقيت مش عارفة اطلع من الغرفة مليش نفس اكل طول اليوم لكن كنت باكل غصب عني عشان اخد العلاج و كنت ببكي حوالي سبع مرات كل يوم بسبب التفكير الشديد في الاشياء اللي حصلت و الوحدة و ده كلو، و مرات بردو بدون اي سبب 
رحت ل طبيبة نفسية سألتني اسئلة و بعدها قالتلي انو عندي اكتئآب متوسط حاد
الحمد لله بحافظ على صلاتي و لو مفيش ظروف مش بجمعها ابداً لكن بطلت ادعي، و دي حاجة مش بفتخر بيها أبداً رغم إني محتاجة كتير جداً من ربي 
بكرة إن شاء الله 3/7 
آخر امتحان لينا سنة اولى، و كمان يبقى عيد ميلادي 
محدش هيحتفل معايا عشان معنديش و لا صاحبة، و اهلي هيبعتولي رسايل بس، غير كدة مش هحتفل مع الدفعة بكرة عشان بعرف اعمل كدة مش عارفة ازاي و لا عندي اصحاب احتفل معاها هخلص امتحان و اروح البيت على طول و هما يفرحوا و يخلوه يوم مش بيتنسى
بصراحة أنا تعبت جداً من حياتي، لكن الحمد لله ربنا هاديني ف مش بفكر بأي حاجة انهيها بيها
لكني بتمنى اكون شخص غير نفسي، لإني بكرهها جداً، تعبت من البكا كل يوم و خصوصاً بعد الصلاة و الاكتئآب اللي مش راضي يسيبني، بسببو معدتش بلاقي أي حاجة في حياتي ممكن تفرحني، مش عارفة ازاي هكمل حياتي بشكل ده
لكن الحمد لله و الشكر على كل حال

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_55880 🇪🇬

منذ 4 أشهر

شعور متعب

Pistachio_56152 🇪🇬 في واحد من شويه كان بيتكلم عن جروب بيساعدو الصيادله دور عليه وانا لو لاقيتو هبعتهولك

عرض الكل 16 نصيحة

عبّر عن شعورك بشكل مجهول

عايزكوا لو حد عنده نصايح في الموضوع ده يفيدني بجد عنوانه Burn Out ، مبدأيا انا في كلية صيدلة حلو وبشتغل في صيدلية جميل و المفروض يعني انا دخلت الكلية دي عشان بتضمن نوعا من الشغل حتى لو مرتب مش احسن حاجة بس ادي لاقي تشتغل و كمان يعني المفروض اهلي يبقوا قادرين يوما ما عالأقل نشارك في صيدلية يعني المهم دي الاسباب اللي كانت واضحة قدامي قبل ما ادخل الكلية وطبعا ما كنتش اعرف اوضاع سوق العمل و المجال اصلا المهم بعد ما دخلت اكتشفت وتيقنت من فترة ان المجال ده مش مكاني مجال ثابت مفيهوش تعلم كتير ممكن اي حد يبقى فيه و كمان يعني السبب الاساسي ان الفلوس فيه مش عالية وعقبال مثلا ما استنى اتخرج ونفتح مشروع ده وقت كبير اصلا هتخرج على ٢٥ انا اصلا بالجيش ف ده وضع صعب ان ابدأ حياتي لسه من النقطة دي كتير مش استعجال بس انا اقدر اعمل اكتر في الوقت الحالي فاهمني قدراتي وعقلي احسن من كدا اني اقضيه في مجال ثابت زي كدا وخصوصا اني مش وحش فيه لا فعلا في خلال ٩ شهور شغل اهو اقدر اشيل شيفت لوحدي الحمد لله مش اي كلام يعني وده طبعا بسبب العناصر التعليمية و المصادر اللي موجودة دلوقتي عن الزمن اللي فات يعني قبل كدا كان ممكن تقول المجال ده متعب ومحتاج معلومات طبية حاليا انت ممكن تلم المعلومات دي كلها من شات جي بي تي عامة المهم ف حاليا باخد الماني وحابب الموضوع فعلا وحاسس اني شاطر فيه ف ناوي ادي الموضوع من وقتي المشكلة بقى فين وآسف اني طولت الكلية بتاعتنا مش صعبة قد ما فيها تفاصيل كتير امتحانات كتير و عملي كتير ولو غبت بتتسحب المواد منك برضو مش دي المشكلة المشكلة اني واحد بروح الكلية و اتنين بذاكر للالماني و تلاتة بروح الشغل ف بقيت حرفيا يعتبر اكتر اليوم بعمل الحاجات اللي مش بحبها ولا بقدرها على حساب الحاجات اللي بحبها وبقدرها يعني مثلا كنت بروح الجيم طبعا مع التفاصيل دي مش بعرف اروح لان حتر الايام الفاضية بيبقى عندي burn out و دي مشكلة تانية يعني الايام الاجازة من كتر ما ببقى مضغوط قبلها مش بعرف انجز فيها حاجة بحس اني مجهد بلا سبب طب ايه الحل اعمل ايه المشكلة اني بضغط كمان عالألماني عشان المواضيع دي لان اليوم اغلبيته ضايع من الاخر ف مفيش وقت ايه الحل طيب شايفيين ايه 🤔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_57338 🇪🇬

منذ 4 أشهر

شعور مكتئب

حاسس اني تايه من ساعة ما خلصت جيش وان العمر بيجري عليا خصوصا اني خريج صيدله وعندي ٢٦ سنه ومش صغير ولسه مانجزتش اي حاجه في حين بشوف زمايلي اللي قدي متجوزين او بيسافرو بره او ربنا بيكرمهم وبفكر اني حتي علشان اعمل حاجه من دي محتاج لسه عالاقل سنتين شغل وحاسس ان الحياه جرت بيا وحاليا قاعد فدايره اكتئاب و

Orange_57094 🇪🇬 بدري يادكتره اطمن عليك باشركه كايرو فلو وامتحان البروميترك وقبلها تزاكر كويس أن ناوي تسافر وهما هيساعدكوك ادخل حالا جروب الفيس Arab pharmacist وبالتوفيق ليك إن شاء وربنا يجبرك

عرض الكل 11 نصيحة

Cookies_54726 🇴🇲

منذ 4 أشهر

شعور متعب

أنا درست صيدلة فصل واحد بجامعة خاصه بابا ماحب التخصص وكتير كان مدايق لاني عم ادرسه قال مالو مستقبل فقلتله ادرس علاج فيزيائي هو وافق بس أنا خايفة اني انقل كلو بقلي الصيدلة احسن ونصيحه لا تنقلي ماعد قادره فكر مو عرفانه شو اعمل

Kiwi_35562 🇪🇸

منذ 7 أشهر

شعور ضائع

مرحبا، انا طالبة جامعية في صيدلة و عن جد احس حالي مرهقة و اغلب امتحاناتي رسبتها لاني ما كنتش احضر المحاضرات و صرت اخاف من الامتحان و احس انو مستحيل افهم الدروس و حقيقي ما صرت افهم شي و ما صرت ابطل نفس مجهود قبل... ف رسبت أكثر من امتحان 🙁

Sugar_44866 🇪🇬 رجعي شغفك تاني و متستسلميش انتي تقدري

عرض الكل 2 نصيحة

Croissant_46411 🇮🇶

منذ 11 شهرًا

شعور مكسور القلب

هلو عمري ٢٢ داحسني فاشلة من كل النواحي عدت سنة بالصيدلة وهم مداشتغل بعدني ، ما طلع بحياتي اي شخص زين "اقصد ك حُب" والشغلة الاخيرة هي اللي فعلا مضوجتني ، انا حلوة وحرفيا مناقصني شي بس اغلب اللي طلعوا بحياتي يحبون يخونون !

Sugar_35616 🇪🇬 اي شيئ قبل الزواج اسمه ( هوي = ميل ) وليس حب .. ومن اتبع هواه ظل طول العمر ضلان لا يكفيه شيئ مهما كان .

عرض الكل 6 نصيحة

Ice Cream_20764 🇪🇬

منذ سنة واحدة

شعور عاطفي

موضوع:

ازاي عرفت او حددت هدفك أو حلمك؟

Coffee_21153 🇪🇬 ان شاء الله تجيبي مجموع عالي جدا وتدخلي صيدله وتفتكري الايام دي بالخير 🤍

عرض الكل 5 نصيحة

عبّر عن شعورك بشكل مجهول

طول عمري مكانش ليا هدف ولا حلم نفسي اوصلو، حتي لما دخلت ثانويه عامه والمفروض ابقي محدده حلمي قدامي عشان اسعي اني اوصلو وكدا مكنتش عارفه نفسي ادخل ايه، لغايه ما ف يوم عديت علي مستر الابتدائي بتاعي كنت بحبو اوي المهم انو فضل يشجعني ويقولي كلام كتير كدا ولما سألني نفسك تدخلي ايه قولتلو والله معرفش اللي كاتبو ربنا خير بس المهم اجيب مجموع حلو قالي مينفعش لازم تحطي هدف قدامك وانا عن نفسي شايفك ي دكتوره اسنان ي صيدلانيه، لما روحت فضلت افكر ازاي انا لغايه دلوقتي مفيش كليه معينه نفسي فيها واشمعني كل الناس بيقولو ان لايق عليا طب اسنان او صيدله، و بما اني بكره اسنان عشان عندنا دكتور أسنان فالعيله خلاني مبقيتش حباها ف بدأت افكر ف صيدله وابحث عنها واتعرف عليها وكدا وعشان بحب الاحياء والكيميا جدًا ف سبحان الله ف يوم وليله حلمي بقي صيدله وكل ما اتعب او ايأس اتخيلني وانا فالمعمل وبخلط المواد وبشوف التفاعلات ف بتشجع بقي اني اوصل للحلم دا وكان نفسي اقولكم اني ف صيدله حاليًا بس للأسف انا لسه ثانويه عامه وطبعًا عارفه ان فيها مرمطه غير متعه العملي بس اهو اي حاجه تشجعني وخلاص، وبإذن الله بإذن الله بعد سنه من دلوقتي هاجي واقولكم اني بقيت ف صيدله وبقيت بعمل التفاعلات اللي كنت بتخيلها😂💗
ادعولي بقي ربنا يستركم عشان جايبه اخري الفتره دي وطالع عيني عالاخر🥹🥹🥹

Sugar_20671 🇪🇬

منذ سنة واحدة

شعور ضائع

عبّر عن شعورك بشكل مجهول

كنت طول عمري عايزه ادخل كليه طب بس كنت برفض اقول قدام اي حد لاني بطبعي مش بحب اتكلم عن نفسي او اعبر عن مشاعري أو اقول الحاجه اللي عايزه اعملها في حياتي أو نفسي فيها لدرجه اني في ثانويه عامه مكنتش بقول قدام حد اني عايزه طب بشري 
و جيبت مجموع يدخلني كليات طبيه بس خاص 
قدمت علي كذا كليه مختلفه و كذا جامعه مختلفه 
كنت عايزه طب بشري أو علاج طبيعي بس كنت هموت علي طب بشري اكتر 
و اكتر كليه حرفيا مكنتش عايزاها هي صيدله 
و بعد ما قدمت علي كل الكليات الطبيه الموضوع خد وقت لحد ما اتقبلت في كليه صيدله و كنت خلاص قولت خير و رضيت و قبل الدراسه بكام يوم جالي اني اتقبلت في علاج طبيعي في جامعه تانيه و ساعتها اهلي قالولي عايزه ايه ف قولت خلاص خليني في صيدله و بجد مش عارفه ليه قولت كده المهم اني دخلت صيدله و الجامعه طلع نظامها صعب اوي و كنت طول الوقت بفكر في طب بشري بس قدرت اعرف ناس و اعمل صداقات كتير مع ناس كويسه اوي و للاسف انا يتعلق اوي بالأشخاص و مش بقدر اسيبهم 
ف بعد ما خلصت سنه أولي جالي طب بشري وانا في سنه تانيه جامعه في جامعه مختلفه ساعتها بابا قالي تحبي ايه ف قولت لا مش همشي 
مش فاهمه ليه بجد عملت كده و لحد دلوقتي وانا داخله سنه خامسه صيدله لسه بلوم نفسي 
بس انا مقدرتش احول لاني كنت متعلقه بصحابي اللي في صيدله و كمان علشان انا دائما مش بحب اتكلم عن مشاعري و احلامي قدام حد حتي لو اهلي ف خوفت اقول اني عايزه طب يعرفوا انا عايزه ايه و بحلم بإيه 
و بجد لسه لحد النهارده ندمانه اني مقدرتش امشي و اروح الكليه اللي عايزاه 
و انا خاليا بقيت بقدر استغني و مبقيتش بتعلق بالأشخاص يعني لو جالي فرصه احول هحاول بس خلاص انا بتخرج من صيدله بس لسه مبطلتش افكر في طب و اقول ياريتني حولت لما جاتلي و معرفش بجد ليه محولتش ساعتها علشان اسباب تافهه بجد 
هو انا ممكن احول؟ أو ادخل طب بعد ما اتخرج من صيدله؟
انا فعلا مدركه اني عايزه طب و مش علشان خاطر جو المنظره و كليات قمه و الهبل ده لا انا فعلا عايزاها بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_19828 🇪🇬

منذ سنة واحدة

شعور محبط

انا في صيدلة و نزلت تدريب في صيدلية بقالي اسبوعين كدا بس الدكتور الي معايا مش بيعلمني حاجه و تايه جداا و هو مش واثق فيا ان اطلع روشته بنفسي ف اعمل اي و ازاي اقدر احفظ الدوا و ازاي اكسب ثقه المريض و لو في حد معاه بي دي اف فيه مثلا الامراض و معاه الادوية الخاصه بيها و علاجها و تشخيصها بس يكون عربي افض

Pineapple_80652 🇪🇬

زهقت من حياتي وعايز انتحر بس مش عارف

حاسه ان حياتي انتهت بدري اوي بجد 31 سنه مفيش صحاب خالص و مش عايزه اشتغل لاني مش مطالبه ب ده مفيش زوج كان نفسي يبقي عندي طفل في السن ده بس للاسف مفيش اهلي مش بحبهم خالص و عاملين لي تروما بقالي 5 ايام مخرجتش من البيت حرفيا مش عارفه اروح فين ولا اعمل ايه زهقت ز قرفت من كل حاجه هو لو فكرت انتحر حيجري حاجه والله ما حيجري. و بالمناسبه بصلي ز عارفه ربنا و عارفه أنه اختبار بس زهقت و تعبت بجد 🥹🥹🥹🥹🥹 ...عرض المزيد

1 الدعم

26 نصيحة

Mango_86188 🇪🇬

زهقت من حياتي وعائلتي ونفسي مكتئبة

انا واحده عندي 40 سنه لسه ما اتجوزتش لغايه دلوقتي بس كل ما اقابل حد او اكلم مع حد احس ان هو مجرد مكالمه ان هو يطلع نقطه مش كويسه ما بقاش عندي ثقه في اي حد حتى اصحابي ساعات بيوقعوا بيني وبين ماما واختي انا زهقت حتى اختي نفسها لما اجي اكلمها تقول لي مش عايزه اسمع صوتك متعاملي معامله مش كويسه بحس انها غيرانه عشان هي اتجوزت ومسؤول وعندها بنات وانا اصلا شايله مسؤوليه ماما براعيها ومحساني ان انا فاضيه على طول مع اني مش فاضيه اصلا المفروض مشوار مش وهي تعملها تقول لي انا اعملها بتقول لي انت فاضيه تدفعها هي المشروع العلاجي تبع نقابه اختي مره في السنه تقول لي تدفعيها انتي متعامل ماما معامله ازيك يا ماما عامله ايه خايفه ان هي ترقد في يوم وهي تشيل مسؤولتها ماني انا انا اللي اصلا معاها على طول وانا شايلاها ماما مرتاحه معايا اعرف هي عايزه ايه محتاجه ايه وابسطها مش عارفه اشتغل ما اقدرش اسيب ماما لوحدها عشان لو قبضت اللي قبضته هدفعه للست اللي هتقعد معاه حتى انا كنت مخطوبه من كم سنه كنت هو كان بوظ علاقتي لماما يقول لي ماما ملهاش حق تعرف حاجه بقولهاش حاجه خالص انا كنت مخطوبه منكد عليا عيشتي بوظ علاقتي باختي برده احاول اكلم اختي احاول اكلمها اقول لها تتعدل معانا لا بالعكس اللي بتطلعنا احنا الغلطانين هي عمرها ما تغلط نفسها الاقيها معاملتها مع الغرب احسن من قريبها معاملتها في بابا لاخر فتره قبل ما يموت كانت كويسه مع اني كانت بتحبوش بتضايق قوي لما اقول للناس اشتكي درجه مره بصت على الوتساب بتاعي بتكلم مع واحده صاحبتي بشتكي هي مسكت الموبايل من ورايا وشفت الوتساب بقيت فيها اثق فيها بعد كده نعمل حاجه في شقتنا هي مش عايشه معانا هي متجوزه نعمل حاجه في شقتنا بتقول لي ليه ما قلتليش عملت كذا ما بقتش عارفه اقعد معها براحتي اعرف اكلمها ماشي حاسس انها صاحبتي هي اختي الوحيده مليش اخوات تانيين وماما مش هتعيش لما طول عمرها المفروض هي تفضلي هي اختي هي تفضلني المفروض هي سندي ليه انا لو قاعد في مشكله الجا ليها بس انا ما اقدرش تقولي انا مش عايزه حاجه اعرف عنكم حاجه ماما في حاجات تعرفها اختي ما تعرفهاش ماما اصلا صاحبتي هي كل حياتي بس هي مش هتعيش طول العمر فانا هحتاج اكلم حد اكلم مين وما اعرفش اتكلم مع اختي هيمشي لوحدي انا طلعت من دماغي حكايه الجواز خلاص بقى انا زهقت ما فيش رجاله في الزمن ده رجاله عدله بس محتاجه حد يكون سندي المفروض اختي انا محتاجه نصيحه اعمل ايه مع اختي ...عرض المزيد

1 الدعم

19 نصيحة

Strawberry_80896 🇪🇬

ملل فظيع وعاوزة اشغل نفسي ناووو بجد

ملل فظيع عاوزة اشغل نفسي ناووو بجد، محدش عنده مشكلة او عاوز نصيحة بجد انا بجد معرفش لحد الوقتي اى سبب الطاقة اللى جوايا دى بس انا عاوزة اخرجها و الله عاوزة أنشرها بجد لأنها طاقة إيجابية جدا، انا معرفش ده اى بس حاسة انها حاجة حلوة🩵🌸 ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع