صدمات الطفولة

Tofu_51955 🇪🇬

منذ 12 ساعة

شعور مستنزف

عبّر عن شعورك بشكل مجهول

في سنه عدت عليا إحساسي وأفكاري وأنا كل حاجه إتغيرت كنت محتاجه حد جنبي يفهمني أتصرف إزاي مع الشخصيه الجديده دي أهلي وقتها كانوا شبه منفصلين وكنت لوحدي طول الوقت كان بينهم مشاكل وخناقات و بيدخلوني بينهم بدأت أكون أفكار سلبيه كتير في دماغي وبقيت إنطوائية وزعلانه طول الوقت وكرهت الحياة كان جوايا كلام كتير نفسي أقوله بس ملقتش حد يسمع دلوقتي إتحول لوجع إتخذلت من أقرب مكان ليا في الدنيا وبقيت لوحدي بجد بعديها أهلي رجعوا لبعض بس مكنتش حاسه إني كويسه كان بالنسبالي عادي أنتوا براحتكم الدنيا جات عليا كتير وإتبهدلت كتير في سن صغير جدًا بقيت ناضجة كل إللي بتكلم معايا يقولي مش عايشه حياتك ليه، تفكيرك أكبر من سنك، وحاجات من دي كتير.. دلوقت إكتشفت إن أنا جوايا وجع متراكم غدر وخذلان ووحده ومواقف عنف مش عايزه تخرج من دماغي، ماما بتتخانق معايا كتير على إللي أنا فيه ده بتقولي إنتي السبب في ده بإيدك تغيري تفكيرك أنا عمري م عرفت أحكيلها علشان لما بحكي مش بتصبر أخلص كلامي وبحسها بتنصح بطريقه تزعلني معرفتش أقولها إن سبب دا كله الوقت إللي كنت محتاجاهم فيه وملقتهمش وإن أنا لوحدي من سنين أنا بحبهم جدًا وعمري م كرهتهم بس مش قادره أنسى ومش عارفه أبقى كويسه جوايا وجع كتير مش بيخرج وعندي Overthingin هيموتني انا مش فاهمه ليه؟ ليه مش عارفه أعيش بشكل طبيعي؟ أزاي أتخطى كل إللي حصلي ده علشان أكمل؟ إمتى هلاقي حد شبهي ميسبنيش لدماغي؟ 
آسفه إني طولت عليكم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_73043 🇪🇬

منذ 4 أيام

شعور مرتبك

حاسه ان عندي فراغ وكمان في صدمات من الطفوله مأثره عليا وع شخصيتي شايفه اني محتاجه اتعرف ع ناس واتكلم معاهم عندي صحابي بس مش بنتكلم بحكم الشغل والدنيا بس انا مش عارفه اتعرف ع ناس حقيقه فين وازاي وازاي هسد الفراغ ده بطريقه صح انا عادي بشتغل ويدرس ومعظم وقتي الي حد ما مشغول بس في احساس جوايا اني مح

Grape_73040 🇪🇬 بلاصح شريك حياة

عرض الكل 58 نصيحة

Watermelon_67328 🇪🇬

منذ 3 أسابيع

شعور محبط

موضوع:

ما هو أكثر شيء تفتقده من طفولتك؟

الحنان و الامان من وانا صغيره و كل عيلتي مش عطياني حب و اهتمام كنت بحس اني غريبه وسطهم و دائما البيت بيكون مصدر للخوف بدل الامان و الراحه . ابويا مكنش مهتم بيا و دايما ساكت لانه مش بيحب يتكلم كتير و لما بيتكلم كان بس بيقعد بديني أوامر و يتريق علي طريقتي بس عمره ما قالي كلمه حلوه او شجعني . خلاني اطل

Apple_68084 🇪🇬 بلاش دكتور وف علاج ربانى أنك تلتزمى بالصلاه وقيام الليل وصدقبنى حياتك هتتغير هو العبد بايده اى غير أن هو سبب انما المسبب هو الله وبعدين كل ما الابتلاء يزيد تعرفى أن لكى قدر عند الله أو عايز بسمع صوتك وذكر فان الذكرى تنفع المؤمنين

عرض الكل 5 نصيحة

Mango_67250 🇪🇬

منذ 3 أسابيع

شعور قلق

ان عندي مشكلة كبيرة موقفة حياتي حرفيا و هي ان علاقتي باخويا بايظة جدا و تكاد تكون معدومة دلوقتي و ده بسبب معاملته ليا و انا صغيرة كبرت بقيت بخاف منه و حرفيا بخاف اقعد معاه في مكان واحد بخاف اتكلم معاه و وصل بيا الأمر بقيت مبحبش اسمه و مش بحب اسمع اسمه اصلا حاولت كتير اوي اتخطي الخوف ده بس مش عارف

Carrot_55138 🇧🇭

منذ 4 أسابيع

شعور متعب

سئمت من شخص يُظهر إعجابه بي دون أن يُعبّر عن ذلك صراحة، وسئمت من العلاقات التي لا تكتمل، تلك التي تقتصر على التلميحات دون أي خطوات حقيقية. تعبت من فكرة الاستحقاق، ومن صدمات الطفولة، ومن السعي المستمر لتطوير الذات، ومن النصائح المتعلقة بكيفية الحفاظ على العلاقات أو كيف تكونين المرأة المرغوبة. كل شيء

Chocolate_58313 🇪🇬 مقدر ومتفهم احباطك بس احب افكرك انكي تستحقي كل الحب اللي في الدنيا وتستحقي الحياه اللي بتحلمي بيها وانكي مش متاخره كل واحد فينا ماشي في طريقه وفي الوقت اللي الناس كانت بتطور كنا بنحارب صدمات الطفوله انا معاكي وحاسس بيكي

عرض الكل 7 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

يا جماعة انا عندي مشكلة كبيرة وعايز نصايحكم 
انا شاب حاليا في سن الجامعة وليا اخت اصغر مني ب ٣ سنين واختي دي للاسف مش بتحترمني خالص بتشتمتي وتمد ايديها عليا وتكسر كلامي واللي وصلها لكده هو ابويا  !!! ابويا واحنا صغيرين كان بيجرأها عليا اوي يعني مثلا لما كانت تطلع بشعرها في البلكونه وانا ازعقلها واخليها تلبس حجاب وهي في البلكونه ابويا كان يزعقلي ويفشخني قدامها ويقولي لما اموت ابقي قولها كده ويقولها اطلعي براحتك يا حبيبتي ...زمان لما كانت بتتطاول عليا وبتحاول تمد اديها عليا كنت بضربها واربيها انها تحترم اخوها الكبير وفعلا بتظبط نفسها لحد لما يتدخل والدي ويضربني قدامها ويكسرني ويكسر رجولتي قدامها ويقولها اعملي فيه اللي انتي عاوزاه انتي في حمايتي ويقولي لما اموت ابقي ربيها ...لحد لما ابويا توفي الله يرحمه والموضوع ازداد سوء بقت مبتعتبرنيش راجل وتكسر كلامي وتشتمني تمد اديها عليت ولما اضربها امي تقوم مصرخه وتلم علينا الجيران وتعملنا فضايح فبقت اختي تستغل الحته وبقت تتجرأ اكتر عليا ...انا بجد مخنوق وحاسس اني مكسور مش عارف اسامح والدي خالص علي اللي عمله فيا ده وعلي انه كسر رجولتي وفشخني نفسيا وثقتي بنفسي بقت زيرو ...انا مش عارف اعمل ايه ولا ابدا منين اتعالج نفسيا الاول ولا اشكم اختي ازاي ولا اعمل ايه انا تايه 
محتاج نصايحكم ؟!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_59887 🇪🇬

منذ شهرين

شعور مكسور القلب

عبّر عن شعورك بشكل مجهول

وانا طفله صغيره كان ابويا بيحبني وبيدلعني جدا اول بدأت اكبر وجسمي بداء يظهر بدا ابويا يتغير معايا تقريبا زعيق طول الوقت واي لغطه مغلطهاش حتي يقول هقتلها انا فاكره ده كويس حاجات كتير كان بيزعقلي عليها بدون سبب انا يمكن لو لقيت سبب سعتها كنت فهمت لبسي كان بيتقطع قدامي مع اني والله لبسي كان طويل وواسع حتي لو كنت بنت عندي 10 سنين كنت بالبس خمار لحد ركبتي وجيبه كبيره اوي ولما كبرت اكتر كان ممنوع اخد دروس بعد المغرب لو غصب عني حصلت واتأخرت بسبب ان المستر اتأخر دي كانت مصيبه كبيره ممكن يقولي مفيش نزول من البيت تاني ( ملحوظه احنا من القاهره مدينه مش ارياف يعني) عمره ما حضني ولا حسيت في يوم انه واثق فيا احيانا لما كنت في اعدادي كان نفسي بس اعمل حاجه غلط عشان بس اقوله انا بعمل الغلط اهو بس مكنتش بقدر مع ان اللي حوليا بيكلمو في اعدادي كانو بيعملو الغلط كتير بس انا كنت مش عارفه اعمل اي حاجه عشان خايفه من ربنا عمري ما شفت نظره الفخر في عينيه مع ان كل الناس كانت بتقولي احنا نتمنا ان بناتنا تكون زيك 
لسه في كتير واصعب من ده هو عيشهاني بس الحاجات دي بس جابتلي ترومات كتير جدا بحاول استشفي منها ومش عارفه 
اكيد وجود اب في حياتي نعمه واكيد خير يمكن ربنا جعل الحاجات دي ابتلاء ليا انا عارفه 
واكيد هو بيحبني وبيخاف عليا يمكن بيتصرف غلط عشان هو نفسه معندوش وعي كفايا بس انا مش عارفه اصلح كل اللي هو كسرو جوايا في حاجات كتير اكتر من اللي قولته كمان

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_57709 🇪🇬

منذ شهرين

شعور وحيد

Avocado_57179 🇪🇬 انك تحبى نفسك دا مش عيب ، ادى لنفسك كل طاقة الحب اللى انت محتاجاها اوعى تستنى طاقة الحب والاحتواء من حد ، احتوى نفسك وطبطبى على نفسك وشجعى نفسك وقولى كلام حلو لنفسك ، هقولك على حاجة هتضحكى عليها لو ايدك اخبطت ولا اتلسعت ولا اتوجعت طبطبى عليها وبوسيها وقوليلها حقك عليا ، زى ماجسمنا بيشهد علينا يوم القيامة لو استخدمناه غلط كمان هيشهد علينا بالعكس وايدك تقول لربنا دانا لما اتوجعت طبطبت عليا

عرض الكل 14 نصيحة

عبّر عن شعورك بشكل مجهول

انا عايز اعرف ازاي الانسان ينسى ويتخطى صدمات الطفوله والترومات اللي جيت له من اهله ازاي الانسان يتعافى من اهله انا حاسه بعدم الانتماء في المكان اللي انا عايشه في تخيلوا ان المكان المفروض يكون مصدر امان ليك يكون هو مصدر تعستك وحزنك وكابتك ومشاكل نفسيه ملهاش اول من اخر، انا تعبت يَجماعه بجد انا حرفياً ما شفتش ولا يوم حلو معاهم للاسف بقول كده لدرجه ان انا من كتر الواحده اللي انا فيها بكلم نفسي انا انكتب عليا الوحده من وانا صغيره ولحد الان، والمفروض انا البنت الوحيده اللي مفروض في دلع في احتواء في اهتمام ما فيش يَجماعه ما فيش، مش قادره انسى الايام اللي مريت فيها وانا بحاول اطبطب واداوي جروحي اليالي عدت عليا بعيط فيها بكتم صوت العياط عشان مش عاوزه حد يسمعني كتمت كل حاجه جوايا حسيت الوجع في قلبي ليه ده بيحصل معايه ليه أحس احساس ان انا موجود وسط اهلي جسدين لكن الروح المشاعر مش موجوده ليه بحس ان هما مش شبهي ولا نفس تفكيري ليه حاسه ان في بعد ومسحات بينا المفروض ان احنا نكون قريبين ليه يَجماعه انا بقيت استغفرب ان في اهل بالطبطب على ابنائها بتحتويها الحضن يَجماعه انا اتحرمت منه ما لقيتش حتى الطبطبه وصلت بيا الدرجه اللي انا لما بعيط بحضن نفسي  وبقعد اطبطب عليها مش لاقيه حد جنبي منهم، اهلي مع الاسف خليني انسانه معقده من كل حاجه مع اني والله ما بحب التعقيدات حكموا عليا أعيش معاهم و مع مواقف و مع ذكريات حقيقي بتوجعني انا بسببهم يَجماعه وصلت المرحله ان انا فكرت كتير في الانت **حار والله ما بكذب انا كنت لما بفكر كنت على وشك التنفيذ بس حاجه واحده بتوقفني ان انا بخاف من ربنا بخاف لو عملت كده ووقفت قدام ربنا وسالني انتِ ليه عملت كده أيأستي من رحمتي!!، فا بارجع على اللي انا بعمله ومرات كتير اتمنيت الموت ما تستغربوش ان الموضوع وصل للمرحله دي، قصتي مليانه تفاصيل بشعه ده جزء من قصتي... اتمني ان حد يرد علي سؤالي او ينصحني ويقول لي اعمل ايه؟؟.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_57621 🇪🇬

منذ شهرين

شعور مرتبك

Pistachio_56152 🇪🇬 الموضوع كله زي منتي قولتي عليه تروما جاتلك وافقدتك الثقه في كل حاجه حتي في نفسك ..حاولي تشوفي ايه علاج التروما دي وايه الي ممكن تعمليه علشان تتخطي الفتره دي من حياتك

عرض الكل 31 نصيحة

عبّر عن شعورك بشكل مجهول

أنا جاية بس أرغى واطلع اللى جوايا 
أنا عندى تروما بسبب انى اتعرضت لمحاولة قتل فى طفولتى فى المدرسة بجانب تنمر ومشاكل كتير اصعب خلانى بخاف من اى حاجة ومن كل حاجة بخاف اوى مع انى قوية وحرفيا اللى يشوفنى ميتوقعش انى بخاف كده بس انا بخاف من صداقة البنات وبخاف اقرب مهم كانت البنت دى كويسة لانى ببقى مقتنعة انها هتإذينى عندى ثقة فى نفسى الحمد لله 
بس عندى ثقة بردوا ان محدش شايفنى حلوة او لطيفة اللى هو انا عارفة انى مفيش منى بس متأكدة ان محدش شايف كده فاهمنى 
انا مش محرومة اهتمام بالعكس انا شاربة اهتمام مبالغ فيه من البيت الحقيقة بس احساس ان القرد فى عين امه واللى برا مش شايفين كده بيقلل منى قصاد نفسى 
أنا عمرى ما ارتبط لسببين الاول انه حرام التانى انى بترفض بصراحة 
اه انا اترفضت اكتر من مرة وكله بيكون من طريقتى مش اكتر يعنى ولا شخصيتى ولا حتى شكلى بس طريقتى اهتمامى المبالغ فيه وخوفى انا مش بشك انا بخاف ولو حرفيا حد عرف شخصيتى وعقدى بيهرب 
الموضوع بالنسبة لى بقى مؤذى خصوصا انى تقريبا مبقتش احس اللى هو لا بحب ولا بزعل وبقيت اتعامل مع الموضوع انه عادى ومع كل حاجة بصراحة انه عادى بيس وكمان مبعرفش اعيط وكل ده بسبب صدماتى القديمة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_57064 🇪🇬

منذ شهرين

شعور مرتبك

انا مش بحب نفسى عمتا ومعنديش ثقه فى نفسى مشكلتى مع عدم ثقتى فى نفسى مش شكلى خالص انا الحمد لله جميله مشكلتى مع شخصيتى حولت ابدأ أن انا اغيرها وكدا واغير كذا عيب فيا اكتشفت أنه بسبب حاجات اتعرضت ليها وانا صغير بحاول اكتشفها واعلاجها بس مش عارفه الصراحه والى يكتشفه مش عارفه اعالجه وقرأت أن جزء من التع

Croissant_57067 🇪🇬 بصي انا فهماكي اوي فالحوار ده لان انا كنت كده وكنت بتأثر ب اي كومنت سلبي حد يقولهولي وانا مش هعرف اقولك خطوات تمشي عليها او كده بس سعات الواحد مش بيشوف نفسو غير بعينو هو مش بيشوف الناس التانيه بتشوفو ازاي والناس عمرها مهتشوفك شخصيتك حلوه غير لما تتقبلي انتي شخصيتك ف حاولي تحبي نفسك وتسيبي نفسك دماغك يعني متتجنبيش افكارك وحاولي تخدعي نفسك برضو عشان الموضوع ده بينفع اوي وان شاء الله تتحسني

عرض الكل 20 نصيحة

Strawberry_53517 🇪🇬

منذ شهرين

شعور ضائع

موضوع:

حد عاني من اهله قبل كده؟

Watermelon_52811 🇪🇬 بصي لازم مامتك تاخدكم وتروحو ف اي حته بعيده عنه علشان يعرف قيمتكم انا اتعرضت لمواقق شبهك كدا بس مبقدرش احكيها وكمان لازم يبقالك حد يدافع عنكم خالك مثلا او جدك او اي حد وخلي الموضوع دا سر متحكيش فيه مع اصحابك لان دماغهم بتروح بعيد وعمتا باباكي لازم يتعالج ويروح مصحه

عرض الكل 11 نصيحة

عبّر عن شعورك بشكل مجهول

مفيش أصعب من انك تعيش مع اب تكتشف انه متحرش، ودي المشكلة الوحيدة عنده، سبحان من قال الكمال لله واحده، يوم م ربنا يبتلي الانسان بعيب واحد ويكون اسوأ عيب ممكن حد يستحمله، ازاي ممكن حد يتعايش مع دا، وعارفه اني قوية نفسيًا بس ايه ذنب اخواتي يعيشوا نفس الوجع من وهما صغيرين شبهي، الموضوع زاد لدرجة البجاحة انه ممكن يحط ايده ع حد قدامنا، كبار أطفال، امي تعبت خناق وتعبنا كلنا من اللي بنشوفه، تخيل نكون ف تجمع وانا واخواتي نبقي قاعدين مركزين نبعد اي حد عنه عشان عارفين، المشكلة انه بيكدب اي حد فينا ويطلعنا مجانين لما بنروح نقول لامي وتتخانق معاه، وبيعاقب كإن ي تقبلوا ي مفيش حاجه ليكوا عندي، وكل واحد يشيل نفسه، مفيش أصعب من احساس ان البنت ميبقاش عندها اب تحسه كل حاجه سند وأمان وحب وقدوة ليها، بيقولوا ان البنت بتقارن اي حد بيدخل حياها ب بباها، وانا مش لاقيه قدوة اقارن بيه الناس ف حياتي.
المشكله مش فيه لوحده عمو جاله فترة واتجنن ع كبر وصدر مواقف منه لينا انا واخواتي ومكناش مصدقين، ويصدر موقف من ابن عمو لاختي، وجوز عمتو، بس حتي كلنا بقينا نخاف من العيله، بنخاف واحنا قاعدين فجأه اللي موجود يختفي، بقي عندي فوبيا بقيت اخاف من اي راجل كبير، اتطمن لو قاعده ف عربيه جمب شاب بس مقعدش جمب حد كبير من المواقف اللي شفتها مش بص منهم حتي من برا، لما جينا اتكلمنا مع حد من العيله افتكرت اننا عندنا فوبيا وبيتهيألنا المواقف اللي صدرت واكيد فاهمين غلط، طلعونا مجانين 😂، طبعا انا مش بحكي عشان حل، عارفه انه ملوش حل من سنين، بس دا اكبر سر ف حياتي وعمري م حكيت اصلا انا بمر ب ايه بس السر دا بيقتلني كل يوم وبتوجع كل يوم، عارفه ان فشلت اساعد نفسي بس مش قادره اشوف اخواتي بيتدمروا مع الوقت ومع كل موقف و اقف اتفرج.خصوصا اني كتومه ومبحكيش ومعنديش صحاب ولا حد قريب و بكتم كل حاجه ف نفسي لدرجه اني بقيت اتعب كتير، مكنتش متوقعه تبقي كل صدماتي النفسية سببها عيلتي، الأمر مخزي

Chilli_53876 🇪🇬

منذ شهرين

شعور غاضب

ازاي الواحد ممكن بتخطي صدمات الطفوله ويتعافي منها ويتخلص من القلق المزمن والغضب الغير مبرر علي اتفه الاسباب لمده سنين وازاي كل دا مياثرش علي علاقتي بشريك حياتي اللي دايما بطلع غضبي عليه بدون عذر

Mushroom_34758 🇸🇦

منذ 4 أشهر

شعور قلق

السلام عليكم عيد مبارك و كل سنة وأنتو طيبين وينعاد عليكم بالصحة والعافية( سوداني )، هل كثرة النسيان مفادها صدمات الطفولة؟ يعني أنا م متذكر حاجة عن طفولتي ،حرفيا متذكر حدثين بس والإثنين كانو مصيبتين لي ، قريت كلام ف الإنستغرام ان كثرة النسيان و عدم تذكر الماضي نتيجة صدمات الطفولة ، وبديت أصدق لأن حال

Peanut_28647 🇪🇬

منذ 6 أشهر

شعور وحيد

بعاني..................انصحوني حد يعرف معاناة الاخ الصغير ؟ حد يعرف ان الاخ الصغير بيكون دايما علاقته بعيده عن باقي اخواته ؟ حد يعرف ان الاخص ا.لصغير اغير بيكون اقل شخص دايما الاب والام بيهتموا بيه؟ حد يعرف ان الاخ الصغير بيكره كل اللي حوليه بسبب اهله ؟ حد يعرف ان الاخ الصغير علطول بيبكي لما يكون

Coffee_48998 🇲🇦

منذ 7 أشهر

شعور عاطفي

انا ديما أدافع عن البنات في اي مكان و زمان بس مبتخسوت انو الأولاد كمان مظلومين في ده المجتمع مش من حقه اي شي لا يعبر عن مشاعر ولا يبكي ولا يتعامل مع خوات بحنية "لانه رجل والرجل لازمة كدا". اي التخلف دا بيطلع لنا اجيال مو متصالحة مع نفسها مو عارفة تعبر عن مشاعرها بالطريقة الصحيحة ويحي واحد شايب يقول

Chilli_69780 🇪🇬

ليه بحس بالملل بعد الشغل مع انى تعبان؟

هو ليه الواحد رغم انه معظم وقته بالشغل ومضغوط والمفروض لما يروح البيت يكون تعبان ومع ذلك يشعر بالملل وتفكير مستمر اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

0 الدعم

0 نصيحة

Chilli_73624 🇪🇬

نادم على تقصيري مع خطيبتي اللي كانت كل حاجة

كنت خاطب واحده من ٣ سنين وفي البدايه الصراحه ماكنتش بحبها بس كنت معاها لان هي كانت علي خلق ودين وملتزمه جدا من صلاه وصوم ودي اللي كان مخليني متمسك بيها لحد ما بدأت احبها وخلاص كان مقرر الفرح بتاعنا كمان شهور وهي كانت بتحبني بطريقه مش طبيعيه وده كان مخليني مهمل في حقها في حاجات كتير ووصلنا للانفصال لان هي مبقتش مستحمله كل اللي كنت بعمله معاها من عدم تقدير ولا مبالاه وانا دلوقت حاسس ان في حاجه كبيره ناقصاني في حياتي لان هي كانت كل حاجه عشان والدي ووالدتي متوفين مش عارف......! ...عرض المزيد

0 الدعم

2 نصيحة

Watermelon_65247 🇪🇬

خايف أرد على سواق الميكروباص وأنا متضايق

السلام عليكم ورحمة الله وبركاته كنت راجع من مشوار وركبت ميكروباص فلما جيت أقعد ملقتش غبر مكان واحد جنب بنت [ أعتقد إنها في العشرينات ] و المكان ده مكانش هيكفي كنن هضطر ألزق فيها فلما لقيت الوضع كده قولت للسواق أنا مش هركب فلقيته بيشتمني بس أنا خوفت أرد عليه والمشكلة تكبر ودلوقتي حاسس إني ما أخدتش حقي تنصحوني لو اتعرضت للموقف ده تاني أعمل ايه ...عرض المزيد

1 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع