السلام عليكم عيد مبارك و كل سنة وأنتو طيبين وينعاد عليكم بالصحة والعافية( سوداني )، هل كثرة النسيان مفادها صدمات الطفولة؟ يعني أنا م متذكر حاجة عن طفولتي ،حرفيا متذكر حدثين بس والإثنين كانو مصيبتين لي ، قريت كلام ف الإنستغرام ان كثرة النسيان و عدم تذكر الماضي نتيجة صدمات الطفولة ، وبديت أصدق لأن حاليا وصلت مرحلة بقيت بنسى أنا كنت عايز اعمل شنو ف أقل من دقيقة والموضوع طبعا سبب لي مشاكل مع ناس بيتنا ، بحاول أتذكر قدر الإمكان بس م قادر ، بنسى أنا عايز أعمل شنو ، و بفكر ف شنو ، و كنت بعمل ف شنو، اول أمس كنا طالعين تمرين كورة مع أصحاب اخوي الكبير ، طلعت الشرابات من الدولاب عشان أشيلهم معاي ، بس طلعتهم كدة مشيت خليتهم و إتذكرت اني م شلتهم بعد قربنا من الخماسيات ، بنسى الحاجة ف وقتها و بتذكرها بعد فوات الآوان ،أتمنى ألقى نصيحة منكم🙏 و شكرا.

10

0