رضا

Mango_67819 🇪🇬

منذ أسبوع واحد

شعور مهتم

بمر بفتره صعبه شويه اول مره أمر بيها و المشكله اني بعد عده مواقف حصلت في حياتي وتراقمات زعلت جدا جدا جدا وده سبب مشاكل صحيه ولسه عارف انهارده بس اني عندي كانسر في الدم من الدرجه 3 وطبعا مش عايز اقول اني بعد ما عرفت حالتي النفسيه عامله ازي بس الغريبه اني فرحان من جوايا وراضي رضا تام بقداء ربنا ليا

Toast_68117 🇪🇬

منذ أسبوع واحد

شعور قلق

السلام عليكم بسبب أنا مليش دخل فيه ماما زهقت فيا وصوتها جاب لآخر الشارع تقريبا ومن ضمن كلامها اني خصيمتها ليوم الدين وأنها مش هتتكلم معايا لحد ما نتحاسب ودا بسبب حاجات اتفه من بعض أنا والله ما ليا دخل والسبب بيبقي اخواتي الي اصغر مني ودائما أنا الي ف الوش وأنا الي بتعرف بما اني الكبيرة بس كلامها وخص

Orange_51919 🇪🇬

منذ 3 أسابيع

شعور متعب

في واحد اتعرفت عليه أيام الدراسة، وهو شخص كويس وعايز يتقدم. بعد ما خلصت الدراسة وجت الإجازة بقينا نتكلم أكتر، خاصة إني كنت فاضية وهو بيشتغل (فني تبريد وتكييف وخلص كلية). أنا كمان نزلت اشتغلت في شركة كول سنتر مع شوية صحاب من الكلية. في مرة حكيتلهم عنه، فقالولي شكله كبير وغامض… بس الحقيقة حتى قبل كلا

Banana_66517 🇪🇬

منذ 3 أسابيع

شعور مرتبك

بقابل مواقف كتير بتزعلني،ودايما زعلان ودايما مخنوق ودايما دايخ،بس لقيت الراحه المؤقته في الخمس دقائق اللي بصلي فيهم في كل فرد الصراحه،اي نعم المشاكل ما بتتحلش،بحس برضا كده ان كل حاجه هتبقى تمام وسلام نفسي احساس جميل جدا ❤️

Almond_56393 🇪🇬

منذ 3 أسابيع

شعور ضائع

بحس الناس اللي بتحب نفسها او راضية عن ذاتها مش ناضجين وإن لازم طول الوقت تسعى للكمال وانك لو رضيت عن نفسك ف لحظة تبقى بتخدع نفسك ، لأنك اكتر واحد عارف عيوبك قد ايه وعارف اللي محدش يعرفه عنك ، بحس إن الإنسان لازم يجلد ذاته طول الوقت حتى لو مش بيتطور ، بس ع الأقل ميبقاش قدام نفسه مغفل..

Donut_72674 🇪🇬

منذ 3 أسابيع

شعور مستنزف

السلام عليكم انا في نصف الثلاثينات وعمري بيجري ونصيبي لسه مجاش المشكله اني قبلت كتير جدا بس مش بشوف فيهم اللي هيكمالني مش بشوف فيهم اللي انا رسمه في خيالي انا راضيه جدا ووثقه في عوض ربنا متأكد ان ربنا هيعوضي باللي انا عاوزه بس برضو محبطه لان اللي حواليا شايفني كان زمان وافقتي على اي حد كان زمانك بق

Ice Cream_72356 🇪🇬 الناس عمرهم ما هيبطلو كلام فى الحالتين عشان كده لازم تحسني الاختيار بعيد عن أي ضغوطات دي حياتك انتي كمليها مع حد تختاريه وانتي مرتاحة مش مجبرة حتى لو اخدتي وقت وانتي بتختاري هيكون افضل من انك تكملي حياتك مع الاختيار الغلط انتي صح خدى وقتك واختاري صح

عرض الكل 15 نصيحة

Donut_71161 🇪🇬

منذ 3 أسابيع

شعور محبط

موضوع:

وقت حسيت فيه ان قيمتك قليله

كنت بكلما بقولها اشتري خطري انا عاوز رضاكي .. وكانت بترد تقةلي ماشي هيا ايها الحلو بتاعها كتير . بس اقولها انا محتاجكك جمبي دنيا كلها جي عليا لو هيا مديقه بطنش ولا اكني بعت حاجه لو ليها مزاج تشغل الحنيه تشغلها غير كدا لا .. اقولها انا ملييش حد غيرك ممكن تشوف ومتردش ابقى انا ااي صح ونا الي حنين عليه

Marshmallow_62123 🇸🇦 بالعكس انت انسان كويس جدا كفاية بس انك بتدعي فكك منها و ربنا ان شاء الله يرزقك البنت الصح الي تحبك بجد و تعيشك الاحساس الي نفسك تعيشه

عرض الكل 4 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Peanut_71741 🇪🇬

منذ 4 أسابيع

شعور Good 😁

متحاولش تعيش دور الضحيه وافتكر ديما ان كل قرار بتاخده بيكون بإيدك، اعرف دايما ان كل حاجه بتتحل، دا Robin Williams ما يأس وحاول لأنه بس عايز يعيش، صدقني النصيحه اللي هتخدها دلوقتي مش هتتعوض، انت لازم تركز وتفوق، عشان انت مش عايز تبقا كوبي انت عايز تكون شخص مبسوط في حياته ومتقبلها وكمان عيشها بكل رضي

Tomato_68027 🇪🇬

منذ 4 أسابيع

شعور لا مبالٍ

انا شخص راضي جداا...الي حواليا كلهم ممكن يمسكو آيفون وانا اكون ماسك سامسونج مخروب قديم بس مصلبه وممشي حالي طول الوقت نفسي والشيطان بيحاولو يوقعوني في مساله عدم الرضا بس انا صعب استسلم بس اكتشفت اني ساعات بحس امي بحقد علش اشخاص واني مش حاببلهم الخير حتي لو مش ليا كلام معاهم والموضوع ده مدايقني حد اتع

Apple_71377 🇪🇬 محتاج تحارب شعورك دا بذكر الله و التأمل في نعم ربنا عليك و التأمل في أحوال العباد المبتلين زي اهلنا في غزة و التيقن بإن الفوز هو الفوز بالآخرة و أن الدنيا ليست إلا متاع الغرور

عرض الكل 4 نصيحة

Watermelon_65402 🇪🇬

منذ شهر واحد

شعور محبط

هو طبيعي انى ابقي داخله تالته جامعه و ولا مرة اشتغلت ولاعملت اى حاجه ف حياتى حتى الصحاب اللى اسمهم صحاب جامعه معملتهمش هى واحده ومش بتنزل ومعملتش شله ف بحس انى معملتش حاجه الإجازة اللى قولت هنزل اشتغل واتغير بقي معملتش حاجه واهى قربت تخلص حتى حلمى اللى كنت بقول عاوزة اخش الكليه دى متحققش بس راضيه و

Marshmallow_69067 🇪🇬

منذ شهر واحد

شعور عاطفي

عبّر عن شعورك بشكل مجهول

وانا طفلة وعدت نفسي انى مش هقبل اكون إلا في مكانى الى لايق عليا،  تفكير كبير على طفلة متفهمش يعنى ايه مشاعر بس القصة كانت انى معرفتش اختار تفاصيل كتير في حياتى ودى كانت التفصيلة الوحيدة الى اقدر انى اختارها واشكلها بشكل يرضيني
احب اقول للطفلة الصغيرة انى لسه على العهد 🩷 
انى  هتحب من قلب قاصدنى وفخور ان انا في حياته، هتحب بكل المعاني بالكلام والفعل والاحتواء والبذل، وأستشعر فكرة  انى مسنودة من راجل عارف دورة وحابب  وراضي ومبسوط وعايز يكون مسؤل عنى بكل كيانه، إنى اشوف  في نظرته إمتنان  لوجودى واني بالظبط على قد احلامه حابب وجودي وملامحي وكلامى وشخصيتي، حابب يفرحنى ويطمنى ويكون مصدر الأمان ليا بعد الله، ميسبنيش لدماغي ولا لخوفي، يطمنى طول الوقت من غير ما يزهق ولا يمل، يكون مرايتي الى بشوف فيها نفسي في احسن حالاتي، انا مش هكون مجرد فصل في قصة طويلة، هكون انا القصة والاحداث والتفاصيل الى هو بيتمنى يعيشهم، هكون انا البيت الي هو مضلل عليه،  وفي قصتى هو راجل بكل المعاني الى ربنا خلق بيها الراجل الطبيعي وإنى هكون بنوتة ملوثتهاش الحياة ولا غيرت طبيعتها، مش هتنازل  اكون راضية ومرتاحة ومتطمنة بإختياري وواثقة اني مش هندم،  مش هتسرع مهما الوقت طال،  مش هضيع عمر طويل عشان اختيار غلط لمجرد انى أرضي الى حوليا و بفرح ساعتين يضيع قصادة حلمى وعمرى و مستقبلي 
عايزة اقول للبنوتة الصغيرة أطمنى مش هتنازل عن انك تتحبي حب كبير زي ما كنتى بتتمنى 🩷🕊

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_64751 🇪🇬

منذ شهر واحد

شعور متعب

عبّر عن شعورك بشكل مجهول

كل اللي يشوفني يديني اكبر من عمري و الشقا باين عليا ولا عمري جالي حاجه نفسي فيها مهما كانت هي ايه ولا عملت اي حاجه نفسي فيه أو حتي حاجه مشيت زي منا عاوزة ولو لمرة شكلي مش زي البنات اللي في سني ظاهر حياتهم كويس مشاكلهم أحسها جنب مشاكلي بسيطة تكاد تكون تافهه زي واحده محتارة تلبس انهاردة ايه تعمل لون شعرها ايه ضوافرها صحبتها خانتها حبيبها اللي مرتبطه بيه في الحرام من وري اهلها خانها نفسي في مشاكل زي دي مش مشاكل أهل مبتخلصش و كل يوم تملي الواحد عقد بكره نفسي و شكلي بسببهم بقيت بمشي ابص علي البنات اقول ليه انا مش شبههم ليه انا مش رقيقه زيهم هل أنا بجد جايه علشان اخدم اهلي بس زي ما امي بتقول ابسط حاجه مش بيجيبوها نفسي اشتغل حتي مش راضيين علشان افضل اخدمهم انا تعبت من كل حاجه كل ما اقول مش مهم الدنيا ييجوا هما يصعبوها عليا مفيش حاجه واحده فيا مظبوطه ساعات احس بالرضا واقول الحمدلله علي كل حال بإقتناع و لما ييجوا هما يتدخلوا ارجع للصفر تاني عمري ما طلبت منهم حاجه ولا جيت عليهم في حاجه و مع ذلك مطلعني وحشه و مقرفه حتي محدش بيهون ولا بيطبطب عليا انا لما حد ييجي يتقدملي حتي لو شخص مش كويس بقول ليه بصلي انا مبصش لغيري هو انا اصلا فيا حاجه تتحب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ شهر واحد

شعور متحمس

موضوع:

لو رجع بيك الزمن ٥ سنين ايه اللي هتكرره وايه اللي مش هتعملو🤍

لو رجع بيا الزمن مش هعمل حاجة لاني هرجع بنفس قدر الوعي الي كان عندي وقتها ساعات بقول لنفسي لو عندي قدر الوعي الي عندي دلوقتي مكانش هيحصل حاجات كتير تعبتني .. بس الواقع ان لولا كل لحظة مريت بيها حلوة او وحشة مكانش هيبقى عندي قدر الوعي الي عندي دلوقتي مفيش حاجة بتحصل صدفة.. انا ممتنة لكل وجع حسيته ومم

Coffee_67699 🇪🇬 اعظم نعمه بعد نعمة الاسلام و الصحه هي نعمة الرضا اللي ربنا انعم عليكي بيها و ربنا يديمها عليكي نعمه

عرض الكل 2 نصيحة

Cherry_68541 🇪🇬

منذ شهر واحد

شعور متعب

نفسى اسافر نفسى أنجح نفسى اتطمن على اولادى نفسى ارضى ربنا ومبعدش نفسى اعرف اربى ولادى وابقى ام كويسه ليهم نفسى ابطل اتألم نفسى امحى عشر سنين من عمرى غدر وخيانه وقذارة وإهمال نفسى ارجع لنفسى واحبها نفسى اعيش

Chocolate_52370 🇪🇬

مش عارفه أتكلم عن مشاعري في البرنامج

انا مش عارفه انا الوحيده اللي بحس بي كده ولا لا ان انا كل لما اجى ادخل البرنامج وببقي عاوزه اقول حاجات كتيره اوي بس مش بعرف مشاعري بتتلخبط اويي مع ان انا بدخل لما بحس اني جبت اخري من الدنيا ومش لقيه حد معايا حرفيا بس في الاخر مش بعرف اقول اي حاجه في البرنامج بقعد اشوف النااس لو في حاجه ممكن اساعد بيها بتكلم بس غير كده مش بعرف اتكلم عن مشاعري هو انا بس اللي كده انا جمعت الكلام ده بصعوبه ...عرض المزيد

3 الدعم

32 نصيحة

Apple_64150 🇪🇬

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

0 الدعم

21 نصيحة

Mushroom_68593 🇪🇬

مبقتش قادره استحمل خلاص... تعبت من كتر العياط

مبقتش قادره استحمل خلاص كفايه تمثيل انا مش كويسه ولا انا بخير ولا تمام انا مش عرفاني كل حاجه فيا متكسره الف حته مش عارفه اصلح اي حاجه باظت جوايا تعبت من كتر العياط كل يوم ع كل حاجه بتروح و مش عارفه ارجعها تعبت ع اني بتعاقب ع حاجه مش عرفاها نفسي كل حاجه تنتهي حتي اناا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع