في واحد اتعرفت عليه أيام الدراسة، وهو شخص كويس وعايز يتقدم. بعد ما خلصت الدراسة وجت الإجازة بقينا نتكلم أكتر، خاصة إني كنت فاضية وهو بيشتغل (فني تبريد وتكييف وخلص كلية). أنا كمان نزلت اشتغلت في شركة كول سنتر مع شوية صحاب من الكلية. في مرة حكيتلهم عنه، فقالولي شكله كبير وغامض… بس الحقيقة حتى قبل كلامهم أنا كنت حاسة إن مفيش تشابه بينا. كلامنا بيبقى مقتصر على موضوعات معينة، ومش بعرف أتكلم معاه كتير أو أشارك، هو اللي بيعبر وبيشارك، لكن أنا من جوايا مش حاسة بالرضا. لو هتسألوني ليه مكملة، مش عارفة… يمكن عشان مش عايزة أخسر حد بيحبني. بس في نفس الوقت أنا رافضة من جوايا لعدة أسباب: ظروفه مش مستقرة ومش قادر يجيب حاجات كتير. معهد بس ومفيش وظيفة ثابتة. أنا مش حاسة بالقبول أو الراحة. هو شخص مكافح، اتعلم كذا لغة، وفعلاً مجتهد، بس من جوايا مش راضية ومش قادرة أكمل. واللي مضايقني أكتر إني حاسة إني أنانية

2

6