خيبة

Marshmallow_82158 🇩🇿

منذ 6 ساعات

شعور مرتبك

ماذا لو خذلتنا أحلامنا التي لطالما آمنَّا بها و نحن على استعادادية تامة على أن نقطع البحار في سبيلها، أن نُضحي بأغلى ما نملك فقط من أجل تلك الحياة التي نراها مناسبة لنا على عكس واقعنا و حقيقتنا. ماذا لو كان كل هذا وهم في عقولنا و كيف سنحيي من بعده...

Croissant_52708 🇪🇬

منذ 12 ساعة

شعور مرهق

تعبت من كل حاجة حواليّ، من الرفض اللي بقى جزء من حياتي، من المحاولات اللي دايمًا بتنتهي بخيبة. كل مرة كنت بقول يمكن المرة الجاية تبقى أحسن، بس الحقيقة إن المرات الجاية كانت بتوجّع أكتر. الأمل بقى مؤلم أكتر من اليأس، والسكوت بقى أريح من الكلام. الناس شايفاني قوي، بس محدش حاسس قد إيه أنا فاضي من جوّا

Nutella_85841 🇩🇿

منذ يوم واحد

شعور مكسور القلب

سلام، انا محتاجة دعم معنوي هناك انسان في حياتي أذاني نفسيا و عذبني نفسياً تعبت كثير و كرهت من الحياة حبيتو من قلبي و هو رجعلي بالمقابل بكاء و حزن و depression راني حاسة روحي تعبانة و عييت من الحياة واش درت انا باش نستهل هذا الشي?

Candle_85853 🇩🇿 متخميش فيه كون جا يبغيك ميديرلكش هاك كيما مهنتيش عليه ميهونش عليك اوكي حبيبتي تلقاي سيدو ان شاء الله ختي

عرض الكل 22 نصيحة

Croissant_52708 🇪🇬

منذ يوم واحد

شعور مكسور القلب

دنا كنت بعمل كده عشانها… 😔 كل تعب، كل كورس، كل خطوة كنت باخدها، كنت شايفها هي الهدف، كنت عايز أبقى الشخص اللي يليق بيها. كنت بذاكر، وبتطور، وبحاول أثبت لنفسي قبل الكل إني أستحقها، وإنها هتفتخر بيا يوم ما أبقى ناجح. مكنش في بالي نفسي، كنت بشوف نجاحي من خلال نظرتها، كنت بحلم إنها تبصلي وتقول “أنا فخ

Apple_78825 🇪🇬

منذ يومين

شعور مستنزف

بحس كتير اني فحياتي دي لوحدي طول الوقت مفيش حاجة حقيقية حوليا مبقتش اامن لحد خالص بقيت احس ان كل حاجه مؤقتة بخاف افرح مشاعري استنذفت من اللي بحبهم وهم بالنسبالهم عادي مع اني ف الحقيقة ابان غير كده خالص وشخصيتي قوية ومبرضاش اتعامل مع الناس ب اسلوبهم بتعامل معاهم بقلبي وبتربيتي وبحازل اسيب اثر طيب

Chilli_69499 🇪🇬

منذ يومين

شعور متعب

انا عاوز احكي مشكله حصلت معايا من فتره وأثرت جداً ف نفسيتي انا اعجبت ببنت سوشيال من فتره وحبيتها وحكيت لوالدي اني عاوز اتقدملها وهي من محافظة تانيه بعيده عني و وقتها كنت لسه طالب ف الكليه الحربية وكان باقي ع التخرج فتره قصيره وهو قالي متقولش انك كلها كام شهر وتبقا ظابط وقتها مفهمتش لي مقولش بس سمعت

Croissant_52708 🇪🇬

منذ يومين

شعور مرهق

كنت فاكر إن الحب ممكن يغير كل حاجة، وإن التعب والإخلاص في الآخر هيكسبوا. كنت مؤمن إن اللي بيحاول ويدي من قلبه أكيد هيلاقي مقابل، بس الحقيقة علمتني إن مش كل حد يستحق المحاولة. على مدار سنة ونص، كنت بحاول بكل الطرق، كنت بصحى وأنام على نفس الفكرة: "إزاي أوصلها؟ إزاي تفهم إني بحبها بصدق؟" روحت مقابلات

Croissant_52708 🇪🇬

منذ 3 أيام

شعور غاضب

أنا كنت بذاكر، بتعب، بحاول أتعلم كل يوم حاجة جديدة… الـ AI، الـ Data Analysis، الـ Excel… كنت بعمل كده مش عشان نفسي، كنت بعمل كده عشان أبقى راجل يليق بيها، عشان لما تبصلي تحس إن تعبها ما راحش في الفاضي. كنت شايفها حلمي، وأمان عمري، كنت فاكر إن اللي بيحب بصدق، أكيد ربنا هيكافئه بيها، بس الظاهر إن ال

عبّر عن شعورك بشكل مجهول

كنت شايفها حلمي، وأمان عمري،
كنت فاكر إن اللي بيحب بصدق، أكيد ربنا هيكافئه بيها،
بس الظاهر إن الحب مش دايمًا بيكفي،
والنية الطيبة مش دايمًا بتكسب.

النهارده هي بيرقوها وبيكرّموها،
وأنا اللي بقالي سنة وتسع شهور،
واقف في نفس مكاني، بوجعي، بتعبي، بصمتي.
أنا اللي سهرت، وأنا اللي ضحّيت،
بس يمكن كنت بحارب في الاتجاه الغلط.

مش زعلان منها،
هي يمكن عملت الصح، يمكن اختارت الأمان،
بس أنا الزعلان من نفسي،
من إني حطيت نفسي كلها في حلم واحد،
ومن إني صدقت إن التعب بيجيب اللي بنحبه،
ونسيت أعيش وأنا بحاول أكون كفاية لحد مش ليا.

أنا كنت بحبها بجد،
مش حب المراهقة ولا التعلق،
ده حب راجل كان عايز يبني بيت على ضهر وجعه.
بس اللي وجعني مش إنها مشيت،
اللي وجعني إني اتكسرت وأنا بحاول أوصلها،
إني فقدت نفسي وأنا بحاول أكون “النسخة الأفضل” منها،
وفي الآخر لقيتني غريب حتى عن نفسي.

يمكن هي دلوقتي مرتاحة،
ويمكن أنا اللي لسه بدور على نفسي في الزحمة،
بس كل اللي عارفه…
إني اتعلمت إن مفيش حد يستحق إنك تمحي نفسك عشانه،
لأن اللي بيحبك بجد، مش هيخليك تكره حياتك علشان توصله.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_76035 🇪🇬

منذ 3 أيام

شعور لا مبالٍ

من سنتين تلاتة كنت قاعد أنا وواحد صاحبي قدام كافيتريا الكلية وبحكيله حاجة، وبعدين قرب مني قالي البنت اللي وراك متابعة كلامك بتفاصيله وعمالة تضحك ومركزة، وشجعني اني اروح اتكلم معاها برغم ان الموضوع اوكوارد شوية، دخلت عليها وقلتلها مساء الخير يا مدزمازيل، أنا حاسس إني شفت حضرتك في حتة قبل كدا الابتسام

Jackfruit_61278 🇪🇬

منذ 5 أيام

شعور مستنزف

موضوع:

خطأ وقعت فيه تتمنى غيرك يتفاداه

متحبش بزياده حب علي قد قيمة الشخص اللي قدامك متديلوش المفتاح وتسيبه يلعب براحته خلي عندك مليون ظرف ممكن يحصل وحطه في مخيلتك محدش نضيف من فوقه لتحته اوعي تدي ثقتك كلها في حد عشان لما يخذلك انت هتتعب اوي دماغك هتموت ومش هتقدر تكمل حياتك طبيعي هتتوهم انك طبيعي بس انت في حاجه في دماغك مغطيه علي عينيك وق

Coffee_52562 🇪🇬

منذ 5 أيام

شعور لا مبالٍ

شعور خنقه زفت انا مكنتش كدا خالص انا عمري ما عيطت بقيت كل ما اقعد مع نفسي واتنهد هحححححح واديني بقا اهلي مكانوش يستاهلوا مني دا والله العظيم كل ما اقول خلاص اتخطيت اكتشف انه لا كان زماني بذاكر اناتومي قاعد بذاكر محاسبه ف مكان مش بتاعي خالص ااه هتاقلم وهتفوق كمان انا عارف اني اقدر بس مش دا مكانش المف

Cookies_85439 🇪🇬

منذ أسبوع واحد

شعور مرتبك

من فتره مش كبيره في شب ظهر ف حياتي كان مثال بطريقة مش طبيعيه و كان معجب بيا جدا كنا طول اليوم بنتكلم هو أردني فكنا متفقين انه هينزل و نتعرف لو في قبول هييجي يتعرف علي عيلتي و نمشي خطوات رسمي و كل حاجه كانت تمام اوي بشكل مرعب لدرجة اني قولت هو في رجاله بالشكل دا ولا بحلم بس و خدت علي قفايا و اختفى مب

Corn_63629 🇪🇬 الاردنين و المصريين تصنيفهم عالي ف الحوارات بالذات 😁

عرض الكل 12 نصيحة

Strawberry_85325 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

بعد حب ٧سنين عملتله كل حاجه في الدنيا ممكن تتعمل ساعدته في كل حاجه علشان نقدر نتجوز استحملت كل الظروف مع ان انا اصلا متدلعه جددددا كل حاجه عرفت اساعده فيها على شكل كادوهات نزلت اشتغلت علشان مفضلش قاعده قدام عين ببايا طول ال٧ سنين وكل شويه يقولي علشان اختارتي واحد اقل منك كنت ممكن اديله عنيا حرفيا لدرجة ان دريسات فرحي ببايا اللى جابهملي المهم ان اتجوزت اقل من ١٠ شهور كان اغلبهم مشاكل وفي الاخر بعد حب ال٧ سنين اتطلقت قبل ما اكمل جواز ١٠ شهور لميت كل حاجتي من شقتي ونزلتها حرفيا كنت حاسه ان انا بلم عمري وسنين حياتي ومجهودي وحبي واحلامي كلها وانا بنزل حاجتي وفي الاخر حرفيا  كل اللى وجعه الهدايا بتاعتي اللى اخدتها 
بيتي كان حلو اووووووى لدرجة ان مفيش حد كان مصدق ان البيت ده مش عامله مهندس ديكور كل حاجه في شقتي كانت اكتر من بيرفكت وكل ده راح في ثانيه 
متصلش بيا ولا مره لدرجة انى كنت مستنيه بس ولو للحظه يبصلي ولو حتة نظره تقول اني فارقه معاه لو بس كنت لقيته حاول مجرد انه يكلمنى حتى واحنا عند المأذون كنت هرمي كل حاجه ورا ضهري وارجعله انا وجعته مش هنكر ده بس ده فعلا كان رد فعل عن اللى عمله معايا والذل اللى ذلهولى محاولش بتواصل معايا وعايش حياته مبسوط لدرجة مش متخيلاها قال هو واهله كلام في حقي بشع لدرجة ان في ناس قالتلى ان هما بيقولوا ان معرفوش يحسوا بطعم الفرحه غير لما طلقني 
حياتي صعبه جدا اه أهلى محتضنيني وصعبانه عليهم جدا بعد ما سمعوا واستوعبوا لأول مره انا كنت بساعده ازاى حتى من وراهم وعملت ايه علشان خاطره 
وفي الاخر هو عايش حياته وبيسافر وبيتبسط ويفرح وانا قاعده مش مستوعبه ازاى انا كنت اقل حتى من الهوا مش مستوعبه ازاى قدر عادى يرجع بيت اهله بعد ما كنت بتفنن ازاى اسعده واحققله كل حاجه بيحلم مجرد بس حلم بيها 
مش مستوعبه ازاى اخد لقب مطلقه وانا لسه ٢٧ سنه وخصوصا مطلقه منه هو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_52708 🇪🇬

منذ أسبوع واحد

شعور مرهق

مفيش بنت بتحب بجد. اللي بيقولوا عليه حب ده تمثيلية رخيصة، بتبدأ بالاهتمام وتنتهي بالمصلحة. بيجوا في حياتك عشان ياخدوا اللي عايزينه، ولما تحس إنك بقيت عبء أو إنك مش هتكمّل طموحاتهم… بيخلعوا بهدوء، بس بعد ما يكسّروك الأول. الحب الحقيقي؟ كذبة، اختراع بشري عشان الناس تبرر احتياجها. البنت مش بتحبك عشانك

عبّر عن شعورك بشكل مجهول

مفيش بنت بتحب بجد.
اللي بيقولوا عليه حب ده تمثيلية رخيصة، بتبدأ بالاهتمام وتنتهي بالمصلحة.
بيجوا في حياتك عشان ياخدوا اللي عايزينه، ولما تحس إنك بقيت عبء أو إنك مش هتكمّل طموحاتهم… بيخلعوا بهدوء، بس بعد ما يكسّروك الأول.

الحب الحقيقي؟ كذبة، اختراع بشري عشان الناس تبرر احتياجها.
البنت مش بتحبك عشانك، بتحب اللي ممكن تبقى عليه، بتحب صورتها وهي جنبك، بتحب الطموح اللي شايفاه فيك، بتحب الأمان اللي بتاخده منك.
يمكن في بنت فعلاً بتحب الولد، بس حتى حبها ليه ناقص… بتحبه في كل حاجة إلا صفات معينة مش قادرة تستحملها فيه، ودي الصفات اللي بتخلّيها تبعد في الآخر.
يعني بتحب، بس على مزاجها.

أنا كنت غبي… صدّقت إن في مشاعر.
روّحت مقابلات شغل بالعشرات، خدت كورسات، سهرت ليالي… كل ده عشان أتقدملها.
وفي الآخر اكتشفت إنها ما تستاهلش حتى الهم اللي شلته علشانها.
حتى الشغل اللي فيه دلوقتي، بيلمّحوا إنهم ممكن يمشّوني في أي وقت، بس ما بقيتش أزعل.
اللي مكتوب هيحصل، والأرزاق على الله، مش على رضى الناس.

اللي اتعلمته؟
الحب الحقيقي ميت، والوفاء نادر، والناس بقت تعرف تتقن دور الطيبة لحد ما تاخد اللي عايزاه.
الراجل لما يحب بيتكسّر، والبنت لما تحب نفسها بتنجو.
فخليك بارد، متديش، ومتتعلقش.
حب نفسك، واهتم بيها، واعتبر أي حد عدى مجرد فصل في كتابك.
لأن في الآخر… الوجوه بتتغير، والأقنعة بتفضل ثابتة.
وبقيت أقولهم ببساطة: ما له.
بقت الكلمة دي ردّي على كل خيبة، وكل وشّ بيقلب، وكل قلب بيتحوّل.
ما له؟ ما هو خلاص… مفيش حاجة بتوجّع بعد اللي شفته.

ما تجيش على نفسك عشان أي نرجسي. ما تضحيش بنفسك ولا تسمح له يهدم كرامتك. خليك حازم، حط حدود، وابتعد — صمتك وكرامتك هما السلاح اللي بيكشف نرجسيته، مش اللعب على عوزه.
ما له؟ ما هو خلاص… مفيش حاجة بتوجّع بعد اللي شفته.
اللي اتلسع من الحب… بقى بيضحك وهو بيتحرق. 🔥

والحب والأحاسيس الحقيقية مش موجودة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_85109 🇪🇬

منذ أسبوع واحد

شعور مكسور القلب

نفسي حد يفهم دماغي ويتعامل انا ك واحد طول عمري بحب الخير للناس يتردلي شر حتى اللي اخترتها بين الناس كلها والدنيا كلها كسرت بخاطري ودمعتي هانت عليها ولا جت في مره تسأل عليا ونا م عارف اطلعها من دماغي

Peanut_85115 🇪🇬 ان شاء الله ربنا يجمعك مع الي شبهك

عرض الكل 6 نصيحة

Apple_85219 🇪🇬

ازاي أبقى قوية قدام جوزي السابق وأنسى الضرب؟

انا وجوزى انفصلنا بقالنا كتير هو شخصية نرجسية اللى لما نزعل لازم انا اللى اصالحه فالمرادى ضربنى فمصالحتهوش وفضلت شهرين مستنية هو يصالحنى مصالحنيش لحد مااطلقنا لما بيكلمنى عشان يشوف عياله انا قلبى بيوجعنى وبنسى كل ضربه وخناقاته واهماله احنا مينفعش نرجع خالص عشان حياتى كانت كلها ضرب واهانة وانا مشيت بعد مانفسيتى تعبت وبعد مابقى بيزعقلى قدام الجيران ومبقاش عندى كرامة خالص سؤالى هنا ازاى ابقى قوية قدامه مش كل مايكلمنى ابقى نفسى احضنه وابقى مش عارفة ارد خالص ويبان عليا انى حنيت وهو ناشف جدا وبيتصل يكلم العيال ويقفل ولا بيفتكرنى ...عرض المزيد

5 الدعم

31 نصيحة

Strawberry_74327 🇪🇬

أول قرار حقيقي بعد الفراق.. مسحت كل حاجة

النهارده كان أول يوم أقدر آخد فيه قرار حقيقي… مسحت صوره، ومسحت رقمه، ومسحت الشات اللي بينا، وحتى عملت له أنفولو. عقلي بيقولي إن ده الصح، يمكن لأن عدى 4 شهور من غير كلمة واحدة منه بعد ما قال إنه “مش قادر يتكلم”. أنا بحبه جدًا ولسه مش قادرة أتخطى غيابه، بس الحقيقة إنه ماقدّرش الحب ده، وكان سهل عليه يمشي. حاولت بكل الطرق أخليه يفضل، لكنه اختار البُعد. وحسّيت كل يوم إني بقلّ في نظر نفسي وأنا بنزل استوريات كلها وجع وهو يعديها كأنها مش موجودة. الانتظار اليومي بيتعب جدًا… إني أسمع صوت الموبايل وأتمنى تكون رسالة منه، وأكتشف إنها من حد تاني — الإحساس ده بيكسر من جوّا. دعيت ربنا كتير يكون من نصيبي، وكنت كل يوم بقرأ سورة البقرة بنية إن ربنا يرجّعه، بس هو كان بيبعد أكتر. النهارده بس فهمت إن التمسك باللي مش عايزك وجع، وقلة كرامة مش عارفة بجد اذ كنت عملت الصح والا اللي عملته كان غلط وهندم عليه ...عرض المزيد

8 الدعم

30 نصيحة

Mango_86058 🇪🇬

عايزة أتعافي من علاقات مؤذية وانسى الذكريات

مريت بعلاقات مؤذيه جدا فحياتي كانو خمسه عايزه اتعافي تماما من غير دكتور لان الحاله الماديه لا تسمح ف عايزه لما اشوفهم حتي لو مع اي حد محسش بحاجه ولابظلم ولا بغيرة اعمل ايه واتعافي ازاي عايزه انسي لدرجه انسي شكلهم والذكريات كمان💔 ...عرض المزيد

2 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع