موقف محرج مع بنت في الكلية

Potato_76035 🇪🇬

منذ 3 ساعات

شعور لا مبالٍ

من سنتين تلاتة كنت قاعد أنا وواحد صاحبي قدام كافيتريا الكلية وبحكيله حاجة، وبعدين قرب مني قالي البنت اللي وراك متابعة كلامك بتفاصيله وعمالة تضحك ومركزة، وشجعني اني اروح اتكلم معاها برغم ان الموضوع اوكوارد شوية، دخلت عليها وقلتلها مساء الخير يا مدزمازيل، أنا حاسس إني شفت حضرتك في حتة قبل كدا الابتسامة اللي على وشها اتبخرت، واتحولت لخيبة أمل، وفي ثانية خيبة الأمل اتحولت لغضب، وقالتلي يلا يا حبيبي من هنا قلتلها شكرا ومشيت

زعلان ومجروح من واحدة رخيصة استهزت بحبي

أنا زعلان ومجروح لدرجة ما تتصورهاش، والغضب بيغلي في عروقي. أنا حبيتها بصدق، وأديت قلبي كله، وكل حاجة فيا كانت ليها، لكن هي قررت تذلني. جابت رقمي الشخصي منين؟ وخلت أخو عريسها يضيفني في جروب نقل عفشها، كأنها عايزة تكسر قلبي قدام عيني. أنا مش مسامحها، ومش قادر أستوعب إن اللي حبيته بجد يقدر ييجيلي كده. حبي ليها كان صادق، لكن هي رخيصة، ومعرفش إزاي قدرت تستخف بكل مشاعري. الغضب جوه قلبي بيصرخ، ودموعي بتحرقني، بس كرامتي ما تسمحش إني أبقى ضعيف قدام حد استهزأ بحبي. ربنا يسامحني إن حبيت واحدة زيها، بس حبي ليها كان حقيقي، والغضب اللي جوه قلبي مش هيرتاح غير لما أكون بعرف إني ما خسرتش نفسي وكرامتي. ...عرض المزيد

0 الدعم

2 نصيحة

انجرحت كرامتي في المواصلات ومش عارف انسى الموقف

السلام عليكم ورحمة الله وبركاته انا شاب تانيه جامعه كنت جاي من الكليه امبارح وحصل معايا موقف مش عارف انساه او اتخطاه خالص كنت جاي من الموصلات وانا الموصلات عندي صعبه جدا وبتبهدل جامد علي ما اروح اللي حصل بعد يوم متعب قوي وكنت تعبان جامد ان كان فاضل اخر مواصله لحد بيتنا وحصل مشكله بيني انا والسواق عشان مش عاوز يوصلني لحد اخر الطريق وعاوزني انزل امشي فبعد المشاده دي ركبت في اخر مقعد وجات بنتين ركبوا جمبي والسواق مش راضي يسكت تريقه وقرف وواحد كمان صاحبه قاعد يرمي بالكلام عليا وعلي البلد كلها وكلام من دا وانا والله كنت علي اخري وفاصل خالص وحاولت اخد موقف وارد علي قد مقدر وخلاص سكت مفيش طاقه خلاص المشكله مش هنا المشكله ان طول الطريق البنتين اللي جمبي بيضحكوا ويتكلموا ويبصوا عليا حاولت اصفي نيتي برضه واسكت بس، صوتهم كان عالي ومسمع فحاولت ابص عليهم لقيت واحده بتصورني مكنتش عارف اعمل اي واتصرف ازاي ولا كنت متخيل ان بنت تعمل كده واول مره اتحط في موقف زي ده حاولت اكظم غيظي لحد منزلو بس والله انا كنت قاعد في جمب خالص ولا اعرف شكلهم ولا بصيت في وشهم حتي مش عارف كان اي التصرف الصح وقتها روحت هلكان من امبارح وحاسس بوجع وكسره من اللي حصل حاسس كرمتي انجرحت قدام كل اللي كانو في العربيه وكنت عاوز انام معرفتش انام خالص ولا عارف اكل ولا اقعد مع اهلي واجي اقول ربنا هيجبلي حقي منهم وهيحطهم في نفس الموقف بس انا مرضهاش علي اختي او اي بنت خالص مش عارف افكر غير في الموقف ده والبني ياجماعه فدوني وعرفوني اطلع من الحاله دي ازاي او انا كنت غلطان اني سكت وشكرا علي القراءه لو طولت انا اسف ...عرض المزيد

4 الدعم

9 نصيحة