ثانوية

Coffee_77751 🇪🇬

منذ 30 دقيقة

شعور مكسور القلب

ابويا راجل نرجسى اسيوطى... انا و مامتى و اخواتى الولاد تعبنا منو... ديما بيأذينا نفسيا و بالشتايم... و ساعت بيضرب امي... و امه عيشة معانا فى نفس الشقة و بردو متعبة جدا... مش بتسيب حاجة فى حلها و بتسخت بابا علبنا... انهاردة ماما و بابا اتخنقو... الكلام ده الصبح... انا حاليا فى ثانوية عامة... و ماما ب

Blueberry_71450 🇪🇬 ربنا معاكي بجد بس حاولي الفترة دي تبعدي عن العلاقات العاطفية في الاخر انتي في فترة الولد اللي هتعرفية مش ناضج كفاية اصلا هو لاما عندو نقص وعايزك تكمليه او شهوة وبالنسبة لباباكي فمفيش حد بيختار عيلته ومحدش مرتاح لكن حاولي تتعاملي مع كل موقف بحسن نية و دمتم سالمين

عرض الكل 2 نصيحة

Candle_86161 🇪🇬

منذ 10 ساعات

شعور محبط

اعمل ايه لو كنت دحيح طول حياتي وبعد كده في الثانوية اتوترت ووقعت ودخلت جامعة مش حكومية مش الكنت بحلم بيها مع إن الحمدلله دخلت الكلية البحبها. كل مره اموڤ أون أرجع افتكر الموضوع وقد ايه انا خزلت نفسي وحاسس صورتي بقيت وحشة قدام قرايبي وعائلتي

Peanut_56462 🇪🇬 كمل علشان نفسك اول وبعد كده اللى حواليك وطالما بتحبها ابذل فيها بقا المجهود المطلوب علشان تلاقى اللى انت عاوزه

عرض الكل 5 نصيحة

Peanut_51983 🇪🇬

منذ يومين

شعور مرهق

بعاني من مشكلة بقالي شهر تقريبا فيها كنت مقررة اني هتجاهلها لأن دي عادتي بس بقالي تقريبا اسبوع المشكلة دي وصلت لدرجة اني بحلم بيها هي المشكلة إن أنا كان ليا صحاب قريبين اوي اوي ليا حصل خلاف فقطعنا مع بعض من سنة تقريبا بقالي تقريبا شهر ونص بقابلهم في الدروس لأننا ثانوية عامة زي بعض فاللي هو مش هقدر

Chocolate_52580 🇪🇬

منذ 4 أيام

شعور خجلان

جماعة تالته ثانوي ثانويه عامه أنا ثانوية عامة برضه مش عارف ليه في ناس بتغش في الامتحانات البتتعمل سنتر و اونلاين اية الفكره بجد في كدا مش شايفها حاجه حلوة تتعمل عموما و بالذات في السنه دي انا مش ملاك ولا مش بغلط بس البيعمل كدا هو بيضحك على نفسه، علشان يقول للناس بصوا أنا جيبت كام بصوا أنا كنت شاط

Chocolate_52580 🇪🇬

منذ 5 أيام

شعور ضائع

أنا تالته ثانوي علمي رياضه مراكم ماث حبه حلوين يعني مثلا ممكن 6 حصص، كل حصه ساعتين و عليهم مثلا 30 سؤال واجب طبعا دا غير باقي المواد اللي مراكم فيها بس عباره عن حصه كدا يعني بس دي بالذات مش عارف المها بسرعه ازاي الحصه الواحده ممكن تاخد 3 ساعات مني و الواجب ساعتين لو كامل و سلكت و انا بحل فمش عارف

Apple_51776 🇪🇬

منذ أسبوع واحد

شعور محبط

محتاجه احكي ف موضوع قلقانه منه اوي انا طالبه تانيه ثانوي علمي و بجد من وانا صغيرة نفسي اكون ف مجال الطب المهم حسيت اني عايزة ادخل صيدله بس اول م بفتكر مستويا كل حاجه بتختفي الطلاب اللي معايا ماشاء الله عليهم انا عمري م كنت زيهم انا بقعد اذاكر كتير اوي و ف الآخر بجيب درجات حرارة و اوقات بي

Biscuit_31702 🇪🇬

منذ أسبوع واحد

شعور متعب

تعبت اقسم بالله مليش نفس المذاكره ابدا وديما فاقده الشغف و خايفه و متوتره انا في ٣ ثانوي كلهم بيقولولي لزم أشد علي نفسي شوبه اكتر من كدا عشان انا حرفيا مش بذاكر و٢٤ ساعه ماسكه التليفون و لو ذاكرت مش بذاكر كويس و مش عارفه اصلا اذاكر و حسا اني في الاخر هجيب مجموع زفت و كمان حاسه اني ندمانه اني دخلت عل

Sugar_76511 🇪🇬

منذ أسبوع واحد

شعور متوتر

(ثانوية عامة 2026) انا بجد بشوف كل ال حوليا بيحلوا في كتب خارجية غير واجبات المدرسين ال كتيرة ده بيحسسني اني مقصر بس انا مش عارف الاقي وقت احل في كتب خارجية ده بيحسسني اني مش بعمل كفاية و تعبني اوي نفسيا و كل صحابي شاطرين ما شاء الله بس انا دائما أقل واحد فيهم في الدرجات و المذاكرة ده بيدايقني

Nutella_83568 🇪🇬

منذ أسبوع واحد

شعور محبط

عبّر عن شعورك بشكل مجهول

انا واحده ثانويه عامة، من الاخر كدا جبت اخري، عارفة ان لسة بدري،عموما انا بدات دروسي ومذاكرتي 7/1
دلوقتي  انا في نص شهر عشرة، الوقت ده كلو انا حرفيا بذاكر مذاكرة وبعمل جهد كبير، بحل في اكتر من كتاب، بس بردو، درجاتي وحشة، قلت ادوس اكتر، وعملت جهد اكبر، بقيت اذاكر تقريبا  ١١سعات يوميا مع الدروس كمان، اينعم ما انكرش اني اتحسنت بس بردو، انا عملت جهد جبار مفروض انقص درجهاو  اتنين مش 10،دي حاجه مخلياني مكتابة، بجد تعبت واتخنقت ومش لاقيه نتيجة، بدعي ربي يوميا في الصلاه انو يوفقني وميسبنش، بس حاسة اني اتخنقت من كدا، كدا حرام بجد، انا عايزة اخد علي قد تعبي وجهدي انا مش بطالب باكتر من كدا  ، انا عايزه نتيجه لمجهوديييي، استغفر اللة، احيانا بحس اني هكفر لو شكيت اكتر، بس بجد انا جبت اخري، انا بعدت عن ناس كتيرة في حياتي كنت بحبهم بس قلت عشان افضي للمذاكرة وقت، لبست الخمار في اول يوم دروس ثانويه العامة ووعدت ربنا اني هتحسن، بطلت اسمع اغاني من قبلها كمان، كنت مرتبطه وقلت حرام واراعي ربنا وسبتو وقلت ربنا يعوضني بالخير ولو بيحبني هيستناني وهيجيلي بالحلال، اتكسرت جامد لما سبتو واكتأبت بس بعافر لاجل ربي ولاجلي ولاجل ماما حببتي اللي تعبانه وبتصرف عليا كتير وواثقة فيا اني هرفع راسها،كل مرا بتطلع فلوس تدفعلي درس او تجبلي كتاب انا بنهار من جوه، حرفيا بعيط جوايا، خايفه في الاخر مفرحهاش، خايفة اكسر املها فيا، عندي اتنين اخوات اولاد تعبانينها اوي وجايبنلها مشاكل، كل شوية تحصل مشاكل والناس بتيجي احد ماما و بيديقوها، وانا مبحبش حد يدايق مامتي حببتي، بتجرح لما بشوف المنظر ده، دايما تقولي انها ملهاش غيري، خايفة في الاخر محققلهاش حلمها وحلمي واخلي كل الفلوس اللي دفعتها عشاني  تروح في الهواء، بتشتغل  فوق الاتناشر ساعة عشان تصرف عليا وعلي اواختي، وتروح البيت مش بترتاح بتنضف وتطبخلنا، حرفيا بشوفها بتصعب عليا، بجد انا خايفة محققلهاش اللي انا وهي بنمتناه، سعات بتمني اموت وادخل الجنه واخلص من الهم ده،  للعلم انا مجتهدة مش بتكلم كلام وبس، انا السنه اللي فاتت طلعت المركز ال ٨ علي اامدرسة نقصت ٣ درجات،وانا في مدرسة لغات يعني بعمل جهد جبار، بس السنادي حاسة ان كل مجهودي في الهواء، حرفيا بيجي عليا وقت ببقي بعيط وانا بذاكر من كتير مانا ببقي مش عارفة انا غبيه كدا ليه ومش بفهم بسرعة ليه وااقفل ليه، دايما بدعي ربنا وبقول(اللهم لا تجعل في قلبي ذرة حقد او حسد، اللهم ارزقهم وباركلهم وارزقني خيرا منهم) بس بجد بحسد معظم صحابي انهم بينقصو قليل جدا وبيفهمو اسرع مني باقل مجهود، انا خايفة!!!!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_56871 🇪🇬

منذ أسبوع واحد

شعور وحيد

لسا امبارح نزلت بوست اني مراكمه و كدا و من امبارح للنهارده معملتش حاجه مش فاهمه أنا فيا اية ولا بعمل اية بجد و اتقرفت ولا حتى عندي صحاب اتعايش معاهم أو أخرج معاهم مش عارفه بجد الموضوع خنيق اوي و محتاجه مساعده انا عادي ماشيه معاهم بس انا مش هعرف اوصل للكليه العايزاها بالمنظر دا و لو بنات في ثانو

Blueberry_71450 🇪🇬

منذ أسبوع واحد

شعور مرهق

بصراحه عندي مشكلة وهي اني من بداية الدراسة معنديش قدرة اني اقعد على الكتاب ساعة على بعض وفي نفس الوقت كل يوم حرفيا والدي ووالدتي بيفضلو يكلموني على دا انا حتي الان مقفل الامتحانات اللي قابلتها بس عشان اكون صريح هما كانو سهلين جدا انا الفكرة من بعد ثانوية عامة معدش عندي القدرة افتح كتاب خالص

Donut_56871 🇪🇬

منذ أسبوعين

شعور وحيد

ثانوية عامة و مقروفه و مخنوقه و كل يوم براكم اكتر مقصدش اكون ضحيه أو أبين نفسي مظلومه بس أنا بجد تعبت و راكمت كتير فعلا هو اه مش في كل المواد بس اتخنق نفسي امشي معاهم عادي بدل المراكمه دي عربي و انجليزي و ماث دول مراكه فيهم حاجات الباقي ماشيه عادي و زهقت من كمية النصايح أنا اه عايزه نصايح بي زهق

Coffee_81699 🇪🇬

منذ أسبوعين

شعور ضاق ذرعًا

تعبت من كتر التفكير اعمل ايه مع واحد كل اسبوع يكلم واحده اعرف انو يكلمها يقول خلاص اخر مره وميعديش فتره قصيره واكتشف تانى أنه بيكلم حد تانى تعبت ومبقتاش عارف اعمل ايه معه انا معايا اطفال وابنى الكبير ثانوى عام السنه دى اصعب سنه ومش بشتغل عشان ابعد عنه والصرف على نفسى ارجو حد يفيدني اعمل ايه

Peanut_51983 🇪🇬

منذ أسبوعين

شعور متعب

عارفين لما تبقوا عاوين تعيطوا بس بتضحكوا أهو ده أنا عاوزه اعيط بس ماسكة دموعي وبضحك يعني بقيت بكسل احل ومراكمة فيزياء حاسة اني مشلولة حرفيا او متخدرة الشي الوحيد إللي منهك عقلي من كتر التفكير الخوف متملكني بحاول أقاوم ومجاهد نفسي واصبرني بأنها كلها كام شهر ورحلة الثانوية العامة دي هتنتهي وإن لازم ان

Sugar_49832 🇪🇬

منذ أسبوعين

شعور متعب

عبّر عن شعورك بشكل مجهول

هكتب هناا لانى مش عارفة اقول الكلام دة فين ومش هقدر اقوله لحد فاشطاا 
ممكن اطول فمش شرط حد يقرا 
اخر فترة بحاول اقعد مع اهلى اكتر انسجم معاهم ،بحاول اكون اهدى ، دراستى مش احسن حاجة ،علاقتى بربنا متدمرة لكن والله بحااول 
اكتشفت ان كل واحد فى حياته بيكون مظلوم وبيكون ظالم 
اهلى اتظلموا كتيير ويمكن ظلمونا معاهم 
هماا احسن مليون مرة من اهالى كتير حتى حواليا وبنشوفهم وفى البيئة اللى احنا فيهاا ، لكن محدش فيهم كام مدرك احتياجنا ايه بالظبط ، او يمكن انا اللى مثالية بزياادة ، حقيقى معرفش 
امى كانت البنت المثالية اللى الكل بيتقارن بيها واللى مفيش زيها لا فى جمالها ولا اسلوبها واخلاقها ، جدو زمان اللهم بارك كان معاه الفلوس وكان بيصرف ، لكن بردو مكنتش حياتهم احسن حاجة ، كانو بيتضربوا ، كانو بيخافوا من تيتة وجدو اووى 
برغم ان جدوو طيب اووى لكن كان شديد ، كان شايف ان بناته مش محتاجين حاجة هو فى ظهرهم فليه يتعلموا وبيندم على دة دلوقتى على فكرة 
امى مدخلتش ثانوية عامة بناء على رغية جدو ومع ذلك جتلها فرصة للشغل وبردو مشتغلتش ومش بارادتها 
تعبت فى جوازها ش يتين بسبب حوارات بيت العيلة بس عشان تعيش صح وبكرامتها  
ابى بقاا كمل واتعلم لكن للاسف متوظفش 
وكمل فى شعل جدو اللى هو ابوه الله يرحمه ، الشغل دة دلوقتى تقريبا بينقرض ويموت مبقاش يأكل عيش من الاخر ، لكن كمل فيه واتجوز امى وهو اللى صرف على جوازه بالكامل ، جدو كان بيفرق بين ابى واخوه فى المعاملة مكنش بيعامل ابى احسن حاجة ، ابى اتجوز وبعد ما كان بدا يشتغل ويعلى لفوق ، حصلت مشاكل والشيطان لعب لعبته وجرى فيهاا ضيع فلوس وسنين من عمره وشبابه دة غير تعب امى فيها ، 
ابى وامى بعد مشاكل فى الخلفة خلفونى ووقتها مكنش فى امل يخلفوا تانى فامى كانت طايرة بياا ، حصلت مشاكل بعد سنة من ولادتى واتطلقوا ورجعوا تانى 
يمكن امى حتى متعرفش انى اعرف بطلاقها 
وخلفوا بعدى بدل الولد اتنين ربنا يهديهم ويصلح حالهم يارب 
ايام كانت بتعدى ظروف مش احسن حاجة لكن الحمد لله 
مع الوقت الضغوط دى زادت ، ابى نفسيته تعبت وبدات رحلة العيلة كلها تقنعه يتعالج ويروح لدكتور نفسى فى الفترة دى انا كنت طفلة فى ابتدائى تقريبا ، افتكر الفترة دى علاقتى بيه مكنتش احسن حاجة ، مكنش بيضربنى لكن مكنتش قريبة منه 
امى الضغط كل ما كان بيزيد عليها بقت تعلى صوتها ، تضرب ، تزعق 
فترة ابتدائى دى اكتر فترة اتضربت فيها تقريبا 
ودخلت اعدادى وفترة الكورونا وعلى بداية تالتة اعدادى شبه انعزلت عن البيت 
بقيت ببعد عن الصوت العالى والضرب 
وجبت مجموع حلو الحمد لله وامى وقتها اصرت انى هدخل ثانوية عامة واكمل لان تيتة ام ابى مكنتش عايزة دة ولا عايزة مصاريف على ابنها اللى هو ابى على الفاضى مع العلم انها كانت من الناس اللى كانو بيقنعوا جدو ان امى متتعلمش زمان بحكم انهم قرايب 
ودخلت ثانوى عام 
عندى اخين ولاد اصغر منى 
واحد من صغره نوعا ما المظلوم ، او هو كان منطوى شوية فمخدش اهتمام كبير ، وانا صغيرة كنت بحاول اثبت سيطرتى عليه ، مكنتش فاهمة حاجة 
يمكن نفسيته مش احسن حاجة ويمكن ابى بيعيد معاه نفس التفرقة اللى هو شافها زمان ، 
هو دلوقتى فى تالتة اعدادى ولعبى شوية للاسف ، وللاسف بردو بيتعاد عليه نفس المحاولات انه ميكملش تعليمه 
بحجة ان ابى كمل ومستفدش حاجة وبحجة انه لعبى وملوش فى التعليم  والفلوس هتترمى فى الارض 
مؤخرا بقى عنيف اووى وبيحاول يفرض قوته كتير 
مع انه طيب اووى والله 
واخويا الصغير دة بقا عصبى اووى وعنييد وكرامته اهم حاجة عنده 
هو متعب شوية عشان كدة للاسف امى بتضربه كتيير  ، 
اخواتى الاتنين لسة بيتضربوا لحد دلوقتى وكتير للاسف وساعات امى لما بتجيب اخرها بتدخل ابى وغالبا هيضرب من غير ما يتكلم اصلا .
مؤخرا بداوا يقارنوا اخويا الوسطانى دة بياا اللى هو شوف اختك الله يباركلها بتزاكر ومش بتتعبنا ازااى 
كتير اخواتى يقولولى كلهم بيحبوكى اكتر 
انتى محدش بيزعل منه محدش بيرفضلك طلب عمرك ما اتضربتى ، يمكن كانوا صغيرين فى الفترة اللى كنت بتضرب فيها ومش فاكرين 
انا اخر فترة بقيت احاول ابعد امى عنهم وابعدها عنهم لو بتضربهم بحاول اقرب منهم اكتر اصاحبهم ايوة التغيير شبه ميت لكن موجود ودة كفاية 
بحااول احتوى اخويا الصغير شوية احضنه اصالحه 
اخواتى بيقولولى انتى بقيتى المحامى بتاعنا 
يمكن انا اقل حد اتظلم فيهم فعلا ، مش عارفة ، بس فى حاجات كتير انا مش عارفة اتخطاها او انساها ،انا اتدلعت كتييير من العيلة كلها واما صغيرة ولسة يمكن شوية ، كنت بلبس احسن من اى حد واحسن اكل واسلوب ، 
بس ساعات بحس انى كنت بتعرض لتنمر فى المدرسة مش متاكدة بس مكنش عندى صحاب كتير لانى مكنتش بحب انزل دروس مكنتش بندمج اووى 
اخر سنتين تلاتة بدات احاول اندمج مع الناس اكتر بس معرفتش اعمل دة بشخصيتى حسيت انى حد تانى ودة كان متعب اووى 
انا مش متوحدة يا جماعة لكن معرفتش اثق فى شخصيتى لدرجة انى اتعامل بيها كدة مع الناس 
اقدر اعترف ان ثقتى فى نفسى معدومة 
بقيت حاسة انى فى عالم اكبر منى بكتير بغلط كتير بقع كتير بس بحااول اقوم 
حاليا فى تالتة ثاانوى بحاول بشتى الطرق انى ازاكر مش قاادرة برغم انى عارفة ان مستقبلى شبه بيضيع
بحاول ارجع لربنا تانى مش قاادرة مش عارفة اقف اصلى والله بتوضى ما بعرف اقف لسانى معقود عن القران مش قادرة اقرا بس بحاول اسمع 
خايفة اموت كدة ومش قادرة حتى احاول تانى 
بحاول اقرب من امى اكتر اعوضها برغم ساعات بنتخانق مش بساعدها فى البيت الا نادرا الصرااحة ،مش عارفة لازمتى ايه لكن اهوو 
بحاول اخليها اهدى بالذات مع اخواتى  
امى اتكسرت كتييير يمكن اكتر حد اتظلم فينا 
ربنا يعوضها على صبرهاا فى الجنة يارب 
مش عارفة انا بحكى كل دة ليه وليه احكى عنهم اصلا لكن قعدت اتكلم مع امى وحسيت بكسرتها 
مش عارفة ليه هقول كدة بس انا مش عارفة احس ودة مش ناتج من صدمة مثلا انا كدة علطول ، معتقدش انى الانسانة الحساسة مش بعيط كتييرر ومش عارفة احس انى بحب اى حد حتى امى ابى اخواتي ولا حد ، مش عارفة ازااى اصلا الانسان ممكن يحب اهله 
عارفة ان ناس كتير ممكن تشوفنى ضعيفة او باخد دور الضحية ويمكن انا كدة فعلا ، يمكن فى ناس بالنسبالها دى مش مشاكل اصلا ، لكن هو كلام جوايا وبحاول اخرجه وخلاص 
معتقدش حد ممكن يكمل لهنا بس لو حد كمل اتمنى بس يدعيلى من قلبه ربناا يهدينى ويرجعنى لطريقه وعبادته ويطمن قلبى ولكم بالمثل وزيادة يارب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_85219 🇪🇬

ازاي أبقى قوية قدام جوزي السابق وأنسى الضرب؟

انا وجوزى انفصلنا بقالنا كتير هو شخصية نرجسية اللى لما نزعل لازم انا اللى اصالحه فالمرادى ضربنى فمصالحتهوش وفضلت شهرين مستنية هو يصالحنى مصالحنيش لحد مااطلقنا لما بيكلمنى عشان يشوف عياله انا قلبى بيوجعنى وبنسى كل ضربه وخناقاته واهماله احنا مينفعش نرجع خالص عشان حياتى كانت كلها ضرب واهانة وانا مشيت بعد مانفسيتى تعبت وبعد مابقى بيزعقلى قدام الجيران ومبقاش عندى كرامة خالص سؤالى هنا ازاى ابقى قوية قدامه مش كل مايكلمنى ابقى نفسى احضنه وابقى مش عارفة ارد خالص ويبان عليا انى حنيت وهو ناشف جدا وبيتصل يكلم العيال ويقفل ولا بيفتكرنى ...عرض المزيد

5 الدعم

31 نصيحة

Strawberry_74327 🇪🇬

أول قرار حقيقي بعد الفراق.. مسحت كل حاجة

النهارده كان أول يوم أقدر آخد فيه قرار حقيقي… مسحت صوره، ومسحت رقمه، ومسحت الشات اللي بينا، وحتى عملت له أنفولو. عقلي بيقولي إن ده الصح، يمكن لأن عدى 4 شهور من غير كلمة واحدة منه بعد ما قال إنه “مش قادر يتكلم”. أنا بحبه جدًا ولسه مش قادرة أتخطى غيابه، بس الحقيقة إنه ماقدّرش الحب ده، وكان سهل عليه يمشي. حاولت بكل الطرق أخليه يفضل، لكنه اختار البُعد. وحسّيت كل يوم إني بقلّ في نظر نفسي وأنا بنزل استوريات كلها وجع وهو يعديها كأنها مش موجودة. الانتظار اليومي بيتعب جدًا… إني أسمع صوت الموبايل وأتمنى تكون رسالة منه، وأكتشف إنها من حد تاني — الإحساس ده بيكسر من جوّا. دعيت ربنا كتير يكون من نصيبي، وكنت كل يوم بقرأ سورة البقرة بنية إن ربنا يرجّعه، بس هو كان بيبعد أكتر. النهارده بس فهمت إن التمسك باللي مش عايزك وجع، وقلة كرامة مش عارفة بجد اذ كنت عملت الصح والا اللي عملته كان غلط وهندم عليه ...عرض المزيد

8 الدعم

30 نصيحة

Mango_86058 🇪🇬

عايزة أتعافي من علاقات مؤذية وانسى الذكريات

مريت بعلاقات مؤذيه جدا فحياتي كانو خمسه عايزه اتعافي تماما من غير دكتور لان الحاله الماديه لا تسمح ف عايزه لما اشوفهم حتي لو مع اي حد محسش بحاجه ولابظلم ولا بغيرة اعمل ايه واتعافي ازاي عايزه انسي لدرجه انسي شكلهم والذكريات كمان💔 ...عرض المزيد

2 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع