دحيح طول حياتي وندمان على الثانوية

Question

اعمل ايه لو كنت دحيح طول حياتي وبعد كده في الثانوية اتوترت ووقعت ودخلت جامعة مش حكومية مش الكنت بحلم بيها مع إن الحمدلله دخلت الكلية البحبها. كل مره اموڤ أون أرجع افتكر الموضوع وقد ايه انا خزلت نفسي وحاسس صورتي بقيت وحشة قدام قرايبي وعائلتي

Peanut_56462 🇪🇬 · Accepted Answer

كمل علشان نفسك اول 
وبعد كده اللى حواليك
وطالما بتحبها ابذل فيها بقا المجهود المطلوب علشان تلاقى اللى انت عاوزه

Apple_85723 🇪🇬 · Answer

بص بصراحه عندك حق تزعل بس لازم تبقى عارف ان ربنا مش ه يكتب لك حاجه وحشه و بالنسبه ان بقت صورتك بقت وحشه قدام قريبك و عائلتك ف انا بالنسبالي انت واحد اجتهدت و حولت تعمل العليك بس ربنا أراد انك تكون في الكليه دي بسبب لا يعلمه غير ربنا و اكيد ربنا كاتب لك الأحسن و أهم حاجه تكون راضي بال ربنا كاتب هولك و بس أهم حاجه تسعه و تتعب علشان توصل لهدفك و إنشاء الله ربنا يوفقك

Jackfruit_86172 🇪🇬 · Answer

متزعلش ثانوية عامه دلوقت بقت مش زى زمان كل سنه بقرار جديد وحتى الاسئلة مش زى زمان زمان كنت ممكن تبقى عارف شكل الأسئلة ومتوقع ايه ال هيجى فى الامتحان ان لم يكن متوقع الأسئلة بالنص وحافظها كمان كان ال مش بيجيب مجموع او بيخش حاجه غير الحكومة ممكن يعتبر فاشل   إنما دلوقت لا دلوقت انت بتخش وانت عارف ان فيه كميه اسئلة انت مشوفتش زيها قبل كده وطالما انت مقصرتش فى حاجه ف خلاص متضايقش نفسك ده اولا(١)

Jackfruit_86172 🇪🇬 · Answer

ثانيا بقى انت الحمد الله دخلت كليه بتحبها وده كرم من ربنا عليك وكرم اكتر ان اهلك قادرين يدفعوا فى غير الحكومة فكره ان الكليات الخاصه بتنجح بفلوسها ده مجرد هراء ال بيقوله يا اما بيقوله عشان شايفك احسن منه وحاقد عليك يا اما بيقوله عشان الكل بيقول كده لكن كلنا بيتحط علينا فى الكلية سواء حكومى او خاص او اهليه وخصوصا لو فى كليه زى طب وكده وحتى لو ال بيتقال صج (٢)

Jackfruit_86172 🇪🇬 · Answer

ف انت لو نجحت بفلوسك فى الكلية مش هتعرف تنجح فى حياتك العمليه انت اجتهد واعمل ال عليك لان ال بيفرق بين اى اتنين هو اجتهادهم وده ال انت مطالب بيه دلوقت انك تجتهد وبس وربنا كده كده هيكرمك متقلقش انا بكلمك من واقع تجربه مماثلة لانى كنت اول دفعه ثانويه نظام جديد دفعه التابلت وبرضه مدخلتش كلية ال انا عايزها حكومى دخلتها خاص ف كمل فى طريق وربنا هيكرمك وبلاش تجلد ذاتك على ماضى مش هتعرف تغيره