تقليل

Coffee_53417 🇪🇬

منذ 3 أيام

شعور محبط

جماعة لو سمحت هو ازاى اتعامل مع اخويا وهو بيعاملنى انى دايما اقل منه فى التفكير والخبرة مع انه مش ببتغامل مع ناس كتير وانا بخرج كتير وبتعامل مع ناس كتير جدا وعامل نفسة فاهم كل حاجة وبيقل منى كتير اوى وطريقة مش الطف حاجة وهل لو تجاهلتة ومردتش عليه حتى لو هو طلب منى حاجة هل دا هيبقى صح ولا لا؟

Blueberry_54594 🇴🇲 هو التجاهل بيكون حل مفيد ، لكن فكر في العواقب ، ممكن اخوك يتمادى ويزيد من فرص السيطرة عليك 😬 الحل هو عدم تجاهلة بالعكس انت تحتاج تواجهه وتفرض نفسك 💪 لكن لو فرضت نفسك لاتفكر في التراجع ابدا ، لو تراجعت بتكون لعبة بين يدين أخوك 🫤

عرض الكل 5 نصيحة

Blueberry_29908 🇪🇬

منذ أسبوع واحد

شعور مستنزف

عبّر عن شعورك بشكل مجهول

أنوا ما كان حدا يحضنى ابدا بالعكس دايما تعنيف لفظى جسدى وإذا انحضنت بيكون بسبب تأنيب ضمير منهم مثلا بتذكر أنوا دايما كنت اقول بدى اهتمام بدى اهتمام بتقابل بصراخ وسخرية بتذكر انى كنت الوحيدة إلى بتنضرب بدون سبب بتذكر أنوا فى مرة امى ضربتنى كف على وجهى قدام رفيقتها وابنها بدون سبب بس لانها معصبه وقتها انا كنت بعطيها كوب مى وبعد ما راحوا قالت ما تزعلى انا كنت معصبه بس بتعرف شو كانت ردة فعلى كل مرة على الالم كانت استغراب وبعدين ضحك أنوا قالت متزعليش يعني بتأمرنى كمان بدل ما تقول اسفه المشكلة أنوا لما قلتلها انا بدى اهتمام انتى بقيتى مشغولة وقاسيه كان عمرى 10 سنين ولما انضربت كنت 13 ولما صرخت فيا وضربتنى عشان ما ابكى كنت 3 سنين ولما انضربت وانشد شعرى عشان نسيت كراستى بالمدرسة وقعدت ابكى كنت 9 سنين ولما صرخت فيا عشان كنت احكى مع نفسي طول اليوم لانوا رأسها وجعها بس انا كان بدى تنتبه لما حكيت مع حالى كنت 12 حتى لما بكيت وقلت لها انتى السبب فى عدم ثقتى بنفسى بسبب كلامك على شكلى انتى السبب في انى مش بعرف احب قالت لى انتى محتاجه تتعالجى انتى مريضه نفسيا قلتلها لما امى تقول عليا كده الغريب هيقولك اى قالت بكل برود وهى تبتسم هيقولك مريضه نفسيه برضه ومجنونه ، وساعتها انا كنت بحاول ما ابكى وكنت ابتسم بنص البكاء ، حتى كل مرة ابكى فيها دايما تقول انتى بتحبى التمثيل بلا شغل دموع التماسيح ده أو انتى هتعملى الكلام ده عليا واحيانا تقول لو مش عاجبك اطلعى بره عشان هى عارفه مفيش مكان تانى اروح ، حتى لما فكرت ارفض فكرة الحجاب ايش كان ردها كانت تقلل من شكلى وجسمى وتقول هتمشى بشكلك ده فى الشارع ، المشكلة انى حلوة وكمان احلى من اى حد فى البيت وكمان اخترت الحجاب لأن شكلى حلو ولانى مقتنعه حتى إلى الان اى شى تعمله بتقارن نفسها بيا جسمها شعرها أسنانها وإذا انا قلت مستحيل اكون بنفس جسمها قالت لا انتى بالعكس شكلك مش حلو على الأقل انا متجوزة ومخلفه أما انتى مين هيبصلك حتى احيانا لو مزحت وقلت زوجونى ما بدى ادرس تقول وانتى مين هيقبل بيكى هترجعى من اول يوم ده انتى هتجيبيلنا العار ، بتذكر أنوا فى مرة حصل خناقه بينى وبينها على شى تافه انا رحت اصلى الضهر فهى قالت ظبطى الغرفه قلت بصلى بالاول بعدين بعد شوى قالت كمان مرة فأذن العصر فرحت اصلى العصر بعد ما صليت لقيتها قامت فجأة وضربتنى وشدت شعرى وتعطينى برجلها وتفت عليا وقعدت تشتم وتتكلم وتقول مش بتقوم من مكانها مش بتعمل حاجه قاعدة اربعه وعشرين ساعة بتحب نفسها وبس وكده وبعدين اجى زوجها هدى الموضوع فشوى انا رديت عليها وهى ردت عليا شعلت خناقه تانيه ضربتنى وشدت شعرى وطردتنى قدام زوجها وعايرتنى بالاكل وقالت روحى لابوك ملاحظه بابا مسافر ، بتذكر أنوا يومها بعد ما اخواتى غصبونى اكل لانه ما اكلت شى من الصبح ، دخلت الغرفه وصارت تصرخ وتقول الاكل إلى بتاكليه هاد بفلوس جوزى ، اقولك حاجه بقى بتذكر أنوا لما كلمت بابا اقول له صارت تقول اشياء انا ماعملتها بينما أنا مارضيت اقول كل إلى هى عملته عشان صورتها قدامه ، بتذكر كمان أنوا بعدها بيوم اختى الكبيرة عملت غلط كتير كبير فامى ضربتها وانا مسكتها عشان ما تضرب اختى وهيك اجا جوزها ليضرب اختى كنت امسكهم هما الاثنين ولا حظت أنوا هما بيضربونى بغل فجأة صرخت فيهم وقلتلهم ما حد يضرب اختى ليها اب يحاسبها ما ليكوا الحق تضربوها يومها اتعرضت لضرب والسب وكمان بتذكر أنوا امى طردتنا انا واختى وكلمات بابا وقالت ما عادوا ولادى ولا اعرفهم ولا عايزاهم خدهم عشان أنا مش عايزاهم ، رحت اكلت انا واختى اجت قالت الاكل ده بفلوس جوزى وقالت انتوا عبىء عليا مش عارفه اعيش خانقينى مش عايزة ولاد زيكوا ، حتى أنوا لحد دلوقتي كل لقمه بتدخل بقى بحس انها محسوبه حتى لما اجى اكل بفكر هقول اى لو اتذليت ، بتذكر أنوا فى مرة فجأة هيك فصل مخى وكان المفروض أشيل الاكل من على الأرض بس اختى كانت تصرخ على وتقول قومى وانا اقول حاضر بس حاسه ان مخى فاصل لحد ما امى اجت وضربتنى وصارت تسب ، كمان بتذكر أنوا دايما كانت تقول خسارة فيك كوب المياه خسارة فيك تكونى انسانه انا لو ربيت كلبه كان زمانها طمر فيها  احسن منك ، اقولك كل مرة تقترب منى بطريقة هجومية بتخلينى ارفع ايدى لا إراديا ولما تضربنى اقولها نزلى ايدك انا ما استحق الضرب تقولى انا امك وليا الحق اعمل إلى انا عايزاه حتى لو أكلتك الجزمه لو دست فوق رقبتك حتى لو موتك ضرب قلتلها مش معنى انك امى يبقى ليكى حق تضربينى متى ما شئتى ومن غير سبب انا مش حيوان ومش ملكك عشان تعملى كده برده اتقابلت بالسب والضرب وسحب التليفون وحبسى فى البيت ، اتذكر أنوا لما نيجى نشترى حاجه كانت بتعطى الأولوية لاختى الكبيرة عشان هى الكبيرة وعشان الصغيرة بتطلع كتير ومعندهاش أما انتى ما بتطلعى من البيت عايزة لبس ليه كل لما تيجي تتكلم تقول لآختى الكبيرة والصغيرة يشتروا شى لنفسهم بس اذا حكيت قالت انتى ما بتطلعى ما تعمليش فيها دور المظلومة وفى مرة قلتلها محتاجه حاجه مرضيتش بس فى نفس المكان جابت لاختى الكبيرة حاجات ، بتذكر أنوا انا فضلت سنتين أعانى من الم فى القلب ودوخه وتشتت وضعف وفقدان وزن ورعشة فظيعه ودايمه ونوبات هلع وارق وكل هاد وما فكرت تودينى مستشفى حكومي حتى لما كنت بقولها كانت بتقول انتى كل حاجه بتوجعك أو انا مش راحه مع حد مستشفيات أو روحى لوحدك ، بعدها بفترة كنت معها بالمستشفى بولادتها وفضلت جمبها وساعدتها ، إلى خلانى زعلت أنها اخدت اختى الصغيرة مستشفى خاص ودكتور خاص عشان ايديها بتعرق ، تعرف كنت اسمع الناس يقولولها بنتك متوحدة  وهى تقول مريضه قدامى الكلام ده ، تعرف انها عمرها ما قالتلى انتى جميلة الا قدام شخص عشان تتفاخر بشكلى طب تعرف أن الناس لما كانوا يقولون لها بنتك كتير حلوه تفتخر أنها الام ، بس فى البيت تقول مستحيل تكونى احلى منى انا المصنع مش زى الإنتاج واحيانا تقارن بينا قلتلها مفيش مقارنه بينى وبينك كل واحد ليه جماله قالت بس مستحيل مهما عملتى تبقى احلى منى ، طب اقولك فى مرة كنت مدايقه عشان هيا جابت لاخواتى بيجامات اعطتنى واحدة من بيجاماتها القديمه وكانت حلوه كتير عليا بس كنت خايفه تعايرنى بيها لقيتها بتقول متطلعيش بيها قدام جوزى ، بس حاليا انا واثقه جدا من نفسي من شكلى حتى عيوبى كلها تدل انى انسانه ، مش بسمح لحد يهينى حتى لو كان قريب ، بقيت اخاف من اى حركه من أيدها وهى بتتكلم عادى ، بقى اكبر احلامى يكون عندى بيت خاص بيا أو حتى شغل اصرف بيه على نفسى بقيت مش بطلب حاجه منها ، بقيت بكرهها تلمسنى أو تشوف دموعى ، بقيت اخاف اعرف صحابى عليها عشان متعاقبنيش بيهم أو قدامهم ، بقيت واعيه لكل حاجه حواليا ، بقيت عارفه نقاط قوتى ونقاط ضعفى ، وبدعم اخواتى دايما ، ودايما باخد كلامها سخرية عشان ما تحس انها مسيطرة ، مش بحكى لاى حد بس بسمع ، لحد ما ييجى الشخص إلى هيقدر قد اى انا غاليه ونادرة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_53753 🇪🇬

منذ أسبوع واحد

شعور منزعج

عبّر عن شعورك بشكل مجهول

ارتبطت بواحد معايا في الشغلوحبينا بعض بس للأسف ظروفنا مش هتنفع نكون مع بعض
سابني وانا مقتنعة بأسبابه ١٠٠٪؜ شوية بنعرف نتعامل مع بعض وشوية بيكون الموضوع صعب المعاملة بينا
اوقات كتير بتجاهله وبتعامل كأنه مش موجود لأن اخر مرة لما سبنا بعض كان قاسي جدا و كنت حساه انسان الي مش بني ادم
وبتعامل مع الناس كلها وبهزر معاهم لكن هو لا الا قليل اوي 
هو كمان بيعاملني كدا لما حتى بنتعامل في شغل مطلوب مني ومنه بيكون رخم وسخيف جدا وانا طبعي بهزر وبنكش فا حتى لما بهزر معاه بيكون اسخف ما يمكن
كمان هو بيعمل eye contact كتير جدا معايا وبيقعد يبصلي وانا بتكلم وبحكي او بيبصلي في عيني مباشرة وجامد واحنا بنتكلم انا وهو لو حاجة في الشغل بينا فا بدور وشي 
بيتلكك علشان نقعد نشتغل مع بعض على حاجات ويبصلي اوي
كنت جايباله قميص بقى بيلبسه في الشغل بعد فترة طويلة من ما جبته
وبدأ يقول كلام مستفز معناه انه بيقارن بينا كبنات مع واحدة معانا في الشغل وانها لما جت باقي البنات بقوا  واخدين بالهم من نفسهم
انا دلوقتي متضايقة جدا اولا من معاملته اللي حاسة فيها تقليل واهانة ليا وثانيا من الاستفزاز في قصة المقارنة وثالثا من ال mixed signals اللي بيديهالي
تفتكروا بيستفزني علشان اكلمه ولا هو بيتعمد يقلل مني
ولا القصة كلها مش في دماغه اصلا؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_51832 🇪🇬

منذ 3 أسابيع

شعور خجول

صباح الخير اقرا كتاب واسمع بودكاست ومتسبش فروضك ورتب وقتك وقلل سكر وقلل ناس صحتك ونفسيتك هتهدى بجد مترفضش الألم رفضه هيتعبك عيش معاه لحد ما تاخد وقتك وتهدى وتتعافى منه ويروح لو رفضته هيفرهدك مشاعرك موجوده عشان تنبهك للخطر والمعاني الجميله افهمها وصاحبها واديها قدرها وحاول تتعلم تديرها وهتلاقي ن

Strawberry_52257 🇪🇬

منذ شهرين

شعور متوتر

رجع اخوكم فراوله البوست النهارده للرجاله او الكبار فقط هديك فرصه تقلب . . . . . . . . . . . . شباب النهارده هنتكلم عن مشكله كلنا عارفينها وبما اني قولت للكبار فقط ايوه انت تفكيرك صح طب انا جاي اتكلم عن ايه بالظبط؟ مش هتكلم بشكل ديني عشان كلنا عارفين إنها حرام بس صعب تبطلها عارف

Peanut_41635 🇪🇬

منذ شهرين

شعور مرتبك

قرآت بوست بيقول *إن عدم وجود دليل ملموس علي الاذئ النفسي لا ينفي حدوثه* الحقيقه دي اكتر جمله صح شوفتها النهارده في ناس كتير بتشوف أن الاذئ النفسي دا لازم يكون وراه حاجه كبيره اوي! بس في حاجات كتير بتسبب اذئ نفسي كبير بس مش بناخد بالنا منها برغم انها تفاصيل *صغيره وبسيطه ولكن بدايق!* التفاصيل الصغ

Donut_20915 🇪🇬

منذ شهرين

شعور مرهق

ازمه استحقاق حد عارف يعني ايه؟! يعني تحس ان كل الحواليك بيقلل منك مش شايفينك اصلا لا شيفينك ف position المفروض انت عليه ولا حتي اهلك لدرجه اني بفكر كل ثانيه هو انا استحق طيب اي حاجه؟! حتي الهوا تقيل عليا الحمد لله ادعولي فضلا بس

Mushroom_34758 🇸🇦

منذ شهرين

شعور مرتبك

موضوع:

أنا إنسان معقد اجتماعياً و نفسيا و م بعرف كيف احب نفسي

أسوء شعور ممكن تعيشه عشان م ح تعرف تحب نفسك و كل م تنجح ف حاجة بتحاول تقلل منها عان تقنع نفسك انك م عملت حاجة ف حين أنا عملت حاجة كبيرة، الرهاب الاجتماعي كان سبب ف اني أضيع فرص كتيرة ف حياتي و اخرها بنت كانت بتحبني بس م قدرت اعمل ال first step و اتكلم معاها ف حين انها وضحت لي كتير انها بتحبني بس هي

Pineapple_49653 🇪🇬

منذ 5 أشهر

شعور غير مكتمل

ازاي الانسان يبقا واثق من نفسه؟ عشان الموضوع حقيقي صعب بالنسبالي لا بصدق كلمه حلوه تتقالي وديما بقلل من نفسي وشايفه اني فاشله في كل حاجه المشكله هي فيا انا بس مش قادره اصلح دا اااااأاااااااااااااااأااا ااااااااااااااااااا ااااااااا ااا ا

Pineapple_47614 🇪🇬

منذ 5 أشهر

شعور مرهق

بتعملوا اى لو فيه شعور ملازمكم بالفشل و التقليل من النفس حتى لو حد مدحكم انا اشتغلت ف مكان جديد حاسه انى افشل حد ف المكان و مش بعرف اتعامل مع الناس ودايما ببان هبله بسبب انى مش بعرف اتصرف ف المواقف الى بعدى بيها وده تاعبنى جدا

Donut_51706 🇪🇬 نحاول نركز ع نفسنا ونعمل الحاجات اللى بنحبها ولازم يكون عندك اقتناع داخلى ان مفيش حد ف الدنيا اهم منك ولا احسن منك ربنا خلقنا كلنا متساوييين فمتفكريش تقللى منك نفسك ولا تعملى مقارنه بينك وبين حد وحاولى تعرفي قيمة نفسك اكتر وتحبيها وتعرفي انك حلوة وشاطرة ف حالة حد قالك كدا أو لأ

عرض الكل 4 نصيحة

Mango_50530 🇪🇬

منذ 5 أشهر

شعور محبط

انا٣ث وحرفيا مفيش اي دعم من البيت ماما كل ما تشوفني بذاكر تقول هتجيبي ايه يعني معهد حتى لما بزهق من كلامها واقفل الكتب تقولي نامي نامي مش هتيجيبي حاجة كدة كدة اعمل ايه بجد انا بحاول بس هي دايما تقلل من محاولاتي وبتتكلم مع اخواتي اني مش بذاكر ومع قرايبي كمان تعبت من التعامل معاها بجد قفلتني من السن

Biscuit_41006 🇪🇬

منذ 5 أشهر

شعور مكسور القلب

عبّر عن شعورك بشكل مجهول

يا جماعه انا عندي ثلاث اصحاب بس بدون ذكر اسماء هنقول واحد فيهم ب والثاني ك الثالث ف
امبارح كان يوم الجمعه كان يوم يعني الحمد لله انا اصلا متخانق مع صاحبي ب بقالي فتره والمشكله كلهم بيجروا وراه و امبارح عملوا نفسهم مروحين وراحوا يلعبوا بلاي ستيشن وانا كنت عارف انهم بيحوروا عليا علشان لولا ان صاحبي ب قال لهم انه مش عاوز يلعب معايا بلاي ستيشن كنت لعبت عادي وهم الشله دي اصلا اعز اصحابي وصاحبي كاف وهم بيتفقوا على موضوع البلاي ستيشن انا كنت واقف بعيد ولما قربت منهم علشان اقف معاهم راح قال لهم بصوت واطي أن انا جيت فراحوا سكتوا وعملوا نفسهم بيتكلموا في موضوع تاني فانا لاحظت ده ورحت وقفت بعيد وبعدت عنهم و عرفت انهم مش عايزيني المهم انا كده عرفت حدودي معاهم وعرفتهم على اصلهم قررت اني هقلل معاملتي معاهم . اللي انا اتصدمت فيه هو صاحبي ف كان من الشله وهو اعز صاحب ليا في العالم كله بجد وبعتبره زي اخويا واكتر بس تقريبا انا مش اعز صاحب ليه هو امبارح لما صاحبي كاف قال لهم ان انا جيت عمل نفسه بيغني وعمل نفسه مروح معاهم .مع اني انا لازم اخده معايا في كل حاجه ما بسبوش لوحده ده حتى ضميري بيتانب لما بتكلم عليه في حاجه وحشه من ضهره بس انا قررت ان انا هقلل معاملتي معاهم كلهم  . ف عايز اسمع رأيكوا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_39034 🇪🇬

منذ 6 أشهر

شعور مستنزف

تعبت من الناس اللي بيأثرو على نفستي دايما بالسلب، اللي هو مجرد تواجدهم حواليا بيخليني أسوأ ومش عارفة أعمل أي حاجة في حياتي عماتي وبنات عمى عمومًا كلهم كدا وبيحاولو دايما يقللوا مني وطول عمري بتعب عشان أبقا حاجة كويسة تجبر الكل يحترمني ووصلت لحلمي رغم دا هما برضو لسا مش سايبيني وبيحاولو دايما يقللوا

Chilli_41293 🇪🇬

منذ 6 أشهر

شعور منزعج

موضوع:

التنظير والشخص اللي دايما عايز يبينلك انه جامد

Pineapple_45749 🇪🇬 ده بيبقى مرض وأحسن حل التجاهل

عرض الكل 3 نصيحة

عبّر عن شعورك بشكل مجهول

عندي في العيلة شخص مش بكرهه بالعكس من اقرب الأشخاص لينا بس بجد الصفة دي فيه صعبة جداً 
هي دايماً مش عايزه حد احسن منها هي و ولادها ، من زمان ومفيش قعدة غير لما بتعلق على تصرفات كل الناس اللي قاعدين وكمان لما بيمشوا ، الأول كانت تفضل تعلق على تصرفاتي والنقاش دايماً لازم تكون هي الصح فيه مع ان اوقات لا دين ولا عقل بيقول كده بس بجد مبتعترفش ان هي غلطانة ابداً وفي نهاية النقاش لازم تقلل من اللي بتكلمه طالما متفقش معاها ، مكنتش بعرف ارد في الاول واوقات كنت بحاول اغير من نفسي عشان ارضيها لكن دلوقتي ادركت ان هي اللي غلط ف دايماً بقيت في خلاف معاها أنها مش عاجبها اني بمشي بدماغي وبعمله وهي مش راضية عنه ولما نتناقش في حاجة تحاول تقلل مني ف بقيت اصدها ، ف حالياً هي بقت متعلقش على تصرفاتي ، وفيه فترة عيشنا سوا في بيت واحد انا واخواتي معاها هي وجوزها و ولادها ف بجد كرهت اخويا في حياته من كتر التنظير ومقارنات بينه وبين ولادها مع ان بجد اخويا ده بيحاول يرضيها دايما لكن هي فظيعة واوقات توصل بيها انها تكدبه قدامنا كلنا وماما تدافع عنه اوقات واوقات تزعقله بسببها ، الفترة اللي كنا فيها في بيت واحد دي احنا بجد مكناش مرتاحين ابداً وكنا حاسين ان كل حركة بنعملها متراقبين فيها وهي مستنيانا نغلط عشان تنظر علينا وبجد بقيت احس ان ده مرض لدرجة انها بقت تعمل كده مع ولادها مؤخراً وبتتكلم عليهم مع كل الناس وخصوصاً ابنها الكبير وبسبب انه يعتبر اخونا وقريبين من بعض قالنا انه مبقاش يطيق يسمع صوتها حتى ، ده غير ان من زمان اوي كانت تعلق على اسلوب تربية ماما وخالاتي كلهم وتفضل تقول انا لو ابني عمل كده هعمل فيه كذا كذا وتلف الدنيا و ابنها يعمل كده واوحش من كده ومع ذلك متعترفش انها غلطت برده
ولازم دايماً تبين انها أجمد انسان في الدنيا اللي هو يكون حد فينا عمل حاجة هو شايفها انجاز وفخورين بيه تفضل تقلل من اللي عمله واللي هو ده انا عملته من زمان اوي ودايماً تبقى عايزة الاهتمام كله يكون على انجازتها هي بس

Croissant_44311 🇪🇬

منذ 6 أشهر

شعور ضاق ذرعًا

مبحبش اتكلم عن مشاكلي مع اهلي بس حسيت انو لا خاليني افضفض شويه اهلي كانوا ومازالو دايما سبب اذيتي سوى نفسيا او بتصرفاتهم معايا ومحاولاتهم الدايمه للتقليل مني قدام الناس اتخطيت دا في صغري ولما كبرت قرارت ابعد عن كل دا ابعد عنهم وعن اذيتهم ليا والاضطرابات اللي حصلتلي بسببهم واني برفض اي شب يتقدم ليا

التجربة أفضل عبر التطبيق

حمّل تطبيق توهيل على هاتفك لتجربة أسرع