فقدت ثقتي في نفسي بعد ما أهلي قللوا مني

Question

انا كنت اكتر حد بيثق فنفسه فالدنيا ومكنتش بقلل من نفسى ابدا وعارفه قيمتى كويس جدا ودا كان بسبب ماما الله يرحمها كانت فعلا بتحسسنى بنفسى دايما وتدينى مساحتى فالراى والكلام وكل حاجه من وانا صغيره بعد ماتوفت بقيت مع اهل ماما محدش فيهم بياخد كلامى او رايي فالاعتبار وبيتعاملوا انهم ادام اكبر منك يبقا هما دايما صح مبيغلطوش ودايما حتى فالكلام العادى والهزار بكون انا اللى ع المسرح زى ما بيقولوا وحاليا انا مبقتش بثق فنفسى بقيت برضى باى حاجه بقيت مبحسش نفسى غير انى قليله بقيت ببص للبنات اللى فسنى واقول امتى هبقا زيهم تصرفاتى بقت طفوليه اوى وبقيت بحسنى عبيطه وتافهه مع انى دايما كانو بيقولوا عليا وانا صغيره ان عقلى سابق سنى وانى واعيه وشاطره وذكيه دلوقت حتى لو اتكلمت مع صحابى بحس انى اقل منهم فكل حاجه وهما كمان بيحسسونى بدا ساعات مع انهم ممكن يتكلموا فنفس المواضيع مع بعض عادى لكن انا لو اتكلمت بيبصولى اكنى عيله صغيره وهبله الكل بيشوفنى بضحك بهزر بس انا اصلا مبعملش حاجه غير انى بعيط ومخى مش بيوقف تفكير فان ليه انا كده او بقيت كده وانا مش كويسه فعلا طب ليه بيعملوا كده معايا  ومش عارفه ايه حل المشكله دى

Banana_74049 🇪🇬 · Accepted Answer

الله يرحم والدتك .. الحل تحطي حدود اللي يطلعك مسرح اعملي عمايلك بعدها مش هيجو جمبك خالص ولما تتكلمي هيسمعوكي محدش هيتسمع منغير ما يحسسهم انه فعلا هيتسمع غصب عنهم

Watermelon_63094 🇪🇬 · Answer

ربنا يرحم والدتك و يغفرلها يارب ، ممكن علشان اتعودتي علي كده من والدتك ف بقي طبيعي بالنسبالك ان الناس تكبرك و تهتم لرأيك بس ده مبيحصلش فعلا لان زي ما بتقولي طالما حد اكبر منك بيبقوا شايفين ان عندهم السلطه و ان هما فاهمين اكتر و الكلام ده

Banana_71635 🇪🇬 · Answer

روقى انتى كويسه ونظيفه من جوه

Sugar_74035 🇪🇬 · Answer

قرارتهم احياناً بتكون غلط وماليش الحق انى اتكلم حتى مع ان القرار يخصنى انا بسببهم محققتش ولا حلم من احلامى مع انى كنت متاكده انى اقدر اوصل

Sugar_74035 🇪🇬 · Answer

بيشوفوا انى قليله الادب لو حاولت لانهم للاسف خلانى وجوز خالتى اللى انا عايشه معاه ومرتات خلانى  فانا لو رديت بتتقلب لخناقه اكبر ومقارنات بعيالهم وان انتى من غير اب ولا ام يعلموكى احنا بنربيكى وانتى قليلة الادب