تربيه

Lemon_54059 🇪🇬

منذ أسبوع واحد

شعور متعب

عندي مشكله من وانا صغير وهي اني دايما حاسس اني لوحدي انا اتربيت ف السعوديه ومكنتش بروح مدرسه وابويا وامي كانو بيشتغلو ف كانو سايبني لوحدي دلوقتي حتى لما كبرت وبقى عندي 20 سنه لسه بعاني من نفس الموضوع مهما اتعرف على ناس جديده مش بعرف اقرب منهم بالدرجه الكافيه للي متحسسنيش اني لوحدي حد عنده حل للم

Pumpkin_54106 🇪🇬 دا بيبقي مشكله عند اي حد سافر ف سن صغير أنا كنت كده بردو بالنسبالي حل دا انك متركزش مع الموضوع و سيب الدنيا تمشيك و ركز علي نفسك و ازاي تخليها احسن

عرض الكل 6 نصيحة

Banana_16340 🇪🇬

منذ 3 أسابيع

شعور محبط

عبّر عن شعورك بشكل مجهول

اهلا و سهلا، انا عندي مشكله و عمري ما اتكلمت فيها مع حد...انا اسمي احمد عندي ٢٧ سنة طبيب بشري، عندي اخت و عايش مع امي و زوج والدتي. مشكلتي هي ان ابويا كان شخص سلبي جدا لاقصي درجة غير قيادي ملوش كلمه و امي طبعا كانت شخصيتها اقوي منه و هي قايمه بدور الرجل و الست مع بعض دا غير عدم خبرتها الكبيره في التربيه فا المهم ان انا اتربيت في بيت منزوع السلطة الذكوريه تماما لحد ما انا بقيت دلوقتي انا مليش اي سلطه علي امي او اختي، هي عندها جوزها و اختي ابونا لسه عايس فابالنسبالها بردو انا مليش اي احترام. بقيت بشوفهم بيلبسوا لبس يمس رجولة اي رجل و ولا حتى بيفكروا انهم يعملولي حساب ولو انا اتكلمت فا طبعا هتهاجم و مفيش مجال للتواصل خالص في النقطة دي، لان ببساطه هما شايفين ان لبسهم عادي ونا الي متخلف مثلا..انا كدة كدة مقرر اني هسافر وبعد السفر هحاول اني اعمل بيت بعيد عنهم و عن فكرهم..بس لحد ما اعمل دا انا مش عارف اتعايش ازاي..مع العلم بردو ان بعيدا عن النقطه دي امي هي الي كانت بتصرف علينا تماما و عمرها ما حرمتنا من حاجة و هي انسانه كويسه و بالرغم من لبسهم دا بردو الا ان امي و اختي محترمين…انا حاليا مضغوط جدا و مش عارف اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_50969 🇪🇬

منذ شهر واحد

شعور مكسور القلب

عبّر عن شعورك بشكل مجهول

احنا ليه وصلنا للحاله دي ياجماعه ؟ كلنا عندنا مشاكل! لو بصينا لاصل المشاكل دي هنلاقي أنها يا ما كانت بسبب صدمات في الطفوله أو بسبب البشر البشر دول مصيبه ممكن حد يدمرك ويخليك ف اوحش حالاتك وممكن واحد يخليك تحب نفسك ويخليك تحب الحياه وتبقي ف اسعد حالاتك بس نهايتها ايه؟ ما اكيد الشخص ده هيسيبك زي الي كانو معاك قبل كده والي أقصده أن حياتنا بقت بتترتب علي وجود الاشخاص ف حياتنا بس هل فكرنا قبل كده أننا نكون الشخص الي بيسعدنا ويخلينا نحب نفسنا ؟ يمكن الموضوع معقد شويه بس احنا لو لقينا الحب الي ملقناهوش من اهلنا ولا من الغريب هنكون بخير والحب ده عشان يدوم لازم يكون من نفسنا طالع من قلبنا لحد ما يجي الشخص الي ربنا مقدره لينا بس برضو لما يجي بلاش نبطل نحب نفسنا بلاش نبني سعدتنا علي بني ادم مستغل الا من رحم ربي يعني ده بناءاً علي الاشخاص الي  بتدخل حياتنا ترسم سعاده مؤقته وورا السعاده دي في كابوس مستنينا بالنسبه بقا لصدمات الطفوله أو أننا ملقيناش حب واحنا صغيرين ف كبرنا غير سويين نفسيا وبندور علي الحنان والحب من الاشخاص الغريبه الي هي برضو مرت بنفس الي عشناه ده ونبدا نتعلق بيهم نحبهم ونشوفهم حب حياتنا الي استحاله يبعدو عننا وهما لما يلاقو حد يديلهم حب اكتر منك هيبعدو لأن الإنسان بطبيعته طماعه بيميل للاكتر ف صدامات الطفوله واننا ماخدناش حب من اهلنا واحنا اطفال ده اكبر سبب لأننا نلجأ للبشر ونبني سعادتنا علي ناس وعارفين ايه رد فعل الاهل لا يعرفو أننا بندور علي حنان وحب من ناس غريبه؟؟ اول حاجه بيعاقبونا بنتعاقب لاننا محتاجين بنبقي محرومين ومتعاقبين نبنقي نفسنا ف حاجه ومش بنلاقيها ومع ذلك لو فكرنا ندور عليها أو نطلبها بنتصنف أننا متربناش كويس أننا نحب حد احنا مش متربيناش كويس احنا 75% من التربيه بتاعتنا كان ناقصها حب وحنان لو كان اهلنا حبونا وربونا ببساطه وبهدوء نفسي عمرنا ما كنا هنلجا للغريب بس احنا تربينا ف صراع نفسي اتربينا بين اهل أقصي معرفتهم عن التربيه انهم يقولو عيب وغلط والمجتمع حرم الحاجه دي وعيب تقولي لخواتك انك بتحبيهم وكل الهطل ده ف طلعنا مش سويين نفسيا كل ده غلطه من الاهل عشان كده احنا معقدين نوعا ما ف كل مشاكلنا دي نتيجه لعدم حب الاهل لينا واحنا اطفال انا لحد دلوقتي لسا مفتقده حب الاهل عشت كتير ومتحبتش عشان كده دلوقتي لما امي مثلا تقولي أنها بتحبني انا بحس بعدم ارتياح بتضايق وبتخنق لاني متعودتش علي كده بخاف من اهلي ودايما عاملينلي رعب نفسي مش بعمل الحاجه الي تسعدني لا انا بعمل الحاجه الي مش هيزعقولي عليها دايما متحكمين وبيزعقو عشان كده علاقتي بيهم رسميه جداً رد علي قد السؤال لو مفيش سؤا مفيش كلام علاقتي بصاحبي والناس الغريبه احسن مليون مره من علاقتي بأهلي لاني اتربيت علي تلت كلمات هما عيب وغلط وحرام غير بقا العقاب اليكنت بتعاقبه لاتفه الاسباب ده خلي عندي ADHD وتعلق مرضي وكمان عندي انفصال عقلي اني بخترع خيال وحياه كامله علي مزاجي واحقق فيها الي نفسي فيه ودي أسوأ حاجه لاني اوقات مش بعرف افرق بين الواقع والخيال والحاجة الي بتخيلها بعيشها ف الحقيقه يعني لو مثلا تخيلت اني تعبانه وانلف الحقيقه سلميه بتعامل مع الناس ف الحقيقه اني تعبانه مش بقوم من السرير وبفضل كده لحد ما السيناريو الي ف خيالي يتغير كل الي بيحصلي أو بيحصل ل90% من الناس هو بسبب صدمات ف الطفوله وسببها الاهل الأهل هما السبب الرئيسي ورا كل مشاكلنا عشان كده احنا لازم ناخد بالنا من اطفالنا لما نكبر ونربيهم تربيه سليمه مش زي ما احنا اتربينا بلاش يعيشو نفس الي بنعيشه بلاش بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_45454 🇪🇬

منذ 3 أشهر

شعور لا مبالٍ

عبّر عن شعورك بشكل مجهول

كلاكيت تاني مره
بما ان البن خلص وانا مخنوق و مش طايق نفسي
ودا احسن وقت عندي
وقبل ما ابدا اللي عاجبه اهلا واللي مش عاجبه اهلا برضو المهم اني مش هأثم عليه
بسم الله
الاخ اللي طالع يترقص ع التيك زي ال** من غير احترامي يعني
يسطا وربي انت ما جامد ولا انت الفشيخ اللي مفيش منك
عادي والله كلنا نعرف نفتح كاميرا ونرقص وكلنا نقدر نصاحب بنات ونمسك ايدهم في الشارع ونخرج معاهم وناكلهم فبقهم عادي والله نقدر واقدر انزل اغاني كل يوم وارقص على اغاني
بس الفرق اني متربي وابويا وامي تعبوا فتربيتي وصدقني لو ابويا مربانيش فانا بربي نفسي بالدين في كام واحد قدامك كان اسوأ حاجه ممكن تشوفها وكان يشرب خمره وكل ما تتخيل وسبحان الله ربا نفسه وتاب وبقا انسان
وحوا البنات انا مش هقولك عندك اخوات بنات ولا لا عشان بقت قديمه والدياثه كترت بس هقولك انت مسلم ولا لا لو قولت لا فانت عندك مشكله ولو قولت اه فدي فحد ذاتها مشكله برضو
فوق يسطا وربنا انت ما جامد
والاخت اللي بترقص ع التيك وتقلع وكل اللي معروف دا
والله عادي كل البنات تقدر تعمل كدا بس الفرق ان في رجاله في البيوت ووالله لو مفيش عندها راجل فبيتها فهي مش هتعمل كدا عشان هي مسلمه اولا ومش رغيصه ثانيا

انا قولت اخ واخت من باب الاحترام لكن دول لا يمتوا لاخواتي بصله
دمتم في امان الله
واحب اشكرني ع الكلام العسل اللي زيي دا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_46544 🇪🇬

منذ 6 أشهر

شعور خجول

الارتباط حرام لان كل بدايه اولها مترضيش ربنا اخرها م هترضي الطرفين.. ونتي کبنت بترخصي نفسك! يعني لما اكلم ولد كده برخص نفسي؟ اه بترخصي نفسك نتي جوهره حافظي علي نفسك واستني اللي يجيلك من باب بيتكم م من النت نتي تستاهلي ف مترخصيش نفسك وتقليلي منها.. نت ک ولد بتكلم بنات بتستفاد اي؟ ولا حاجه غير ت

Potato_31970 🇪🇬

منذ 7 أشهر

شعور فخور

موضوع:

ازاي بتتعامل مع اهلك بعد تربيتهم ليك القاسيه ؟

الحمدلله ربوني علي حسن الخلق وكل الناس تشهد بده بس بالقسوه سابوا جوايا حته مكسوره اتعلمت ان مهما كانت تربيتي مينفعش تأثر علي تربيتي ف المستقبل لاولادي بإذن الله وان انا هربيهم ان هنا يطلعوا اسوياء نفسيا

Mango_16288 🇪🇬

منذ 7 أشهر

شعور محبط

اكتشفت ان الترومات الي اتسببتلي من تربيه اهلي آثرت عليا لدرجه مش عارفه اتعامل مع خطيبي ولا عارفه أحبه من غير خوف أو قلق رغم أنه كويس جدا غصب عني اعمل ايه ماشوفتش غير الوحش والغلط بس مش عارفه اعمل ايه حاسه إن في فجوه كبيره حصلت بينا ومش عارفه احلها

Mango_25403 🇪🇬 بنسبه للفجوه اللي بينكو اقعدي. معاه و فهمي ان حياتي كانت عامله ازاي و م عارفه اتعامل معاك. بسهوله. بسبب كدا و ادي دا اختبار لي عشان لو محتوكيش ساعتها اعرفي انو م بيحبك

عرض الكل 3 نصيحة

Strawberry_20657 🇪🇬

منذ 8 أشهر

شعور خجول

كنت بجيب واحده قريبتي من شويه من الحضانه وقعدت معاها هناك شويه لأن بحب البنوته دى جامد ف قولت اروح ليها وانا قاعده معاها ف بقولها اى دا انتى مخلصه كل ساندويتشاتك شطوره قالتلى لأ دا صاحبى خلصهم معايا ف قعدت افهمها ان مينفعش تتعامل مع ولاد وكدا يعنى فجأه لقيت صاحبها جاى وبتقولى بصي دا فلوباتير صاح

Apple_18568 🇪🇬

منذ 11 شهرًا

شعور مضحك

عبّر عن شعورك بشكل مجهول

عارفين ايه مشكله الي بيواجهوا تنمر ف حياتهم ايه ؟ ساعات بتبقى أنهم بيدوا رد فعل وساعات لا 
يعني مثلا 
ف مدرسه ف ابتدائي ولا اعدادي الاوقات دي ال perfect ل اي حد مش متربي انوا يمارس عادته المفضله وهيه انوا يقعد ينتقد اي حاجه ف اي حد شكلو طريقه كلامه اي حاجه ف ملامحه ده لو مش ملامحه كلها يعني ف المجمل هيطلع فيك عيب يعني هيطلع فيك مفيش خيار تالت نرجع ل موضوعنا 
واحد أو واحده متربوش قالولك أي حاجه سلبيه مش نصيحه أو نصيحه غير مرغوب فيها عن  شكلك لبسك اسلوبك وزنك اي حاجه بطريقه مباشره او غير مباشره 
plan A هنقل منها يعني ايه يا حبايبي يعني ممكن ترزعيها ب كل احترام واحده وانتي مال اهلك ودي كامل الرقي يعني لو المكان يسمح لو ميسمحش ف بصراحه معنديش حاجه ارقى من كده ممكن تسألوا جوجل

plan B مش هيه الي بدأت ؟ خلاص يبقى تستحمل بقا مفيش حد كامل صح ؟ اكيد يعني خلاص هنتكلم ب نفس الأسلوب ويتقال علينا متربناش زيها مش حل برضو اومال ؟ ف نفس الوقت الي تبدأ تقول في مثلا شكلك مش حلو 
طب ومالوا عاجبني تحفه بسم الله ما شاء الله عليا شكلك محتاجه تعملي نظاره ازاي مش شايفه الحلاوه دي ؟ مش معقول يعني
 عارفه ان الصمت لغه العظماء بس والله بيعتبروا الصمت ده قله ثقه ف النفس ولو اتقالي الكلام ده مش سنتين كنت قولت طب ما أنا اسكت وتقول الي هيه عايزاه دلوقتي الي عايزاه ده عند طنط أن شاء الله طب ما زي ما هيه شايفه نفسها تحفه أنها تقولي كده انا شايفه نفسي المتحف كلوا اسكت ليه ؟

Plan z 
ودي اكتر plan مفضله عندي  بصراحه نجيبها من شعرها لو بنت ولو ولد ندعي عليه مش نافعه معاه دي

الخلاصه يا حبايبي أن الواحد الي عندوا نقص الي بينتقد اي حاجه ده او بيقلل من اي انجاز ب مسمى تاني يعني ( صورم ) 
مفيش حاجه بتفرحو ف الدنيا غير أن الي بينتقدو يبان عليه انو متأثر ب الكلام مدايق يعني لو وسط قاعده عايز يمشي عينوا تدمع الحاجات دي بيحسوا أنهم انتصروا وهمه ازاي جامدين كده ويروحوا يدوروا على شخصيه جديده يطلعوا عقدهم فيها وغالبا بيبقوا متحضنوش وهمه صغيريين 
والمفاجأه انهم كمان بيبقوا مبسوط أن الي طلع عليه عقدوا ده اتعصب بجد طب ما ده شخصيتو قويه فيها ايه ؟ لا خالص بس بياخدوها انوا معنا أنهم عطوا رده فعل حتى لو عصبيه ف اكيد أثرت في ف الحل الامثل وصديقي طول حياتي ( البرود) ازاي في حاجه تحفه كده بجد ؟  لما نرد عليهم ساعتها يبقى ب برود الي هوه ومالوا خلصت طب وبعدين ؟ وحقيقي تجربه شخصيه
اخر مره حصلت حاجه زي كده معايا جبت اقرب ازازه ميا ب كل هدوء وكبيتها ف وشها ف متترددوش علشان بعد الموقف هتبقوا مش مصدقين انوا ازاي سكتوا و مجبتوش الحد ده من شعروا بجد ؟ وحقيقي مفيش شعور اوحش من ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.