معاملة زي الزفت من الأب ومستحيل أخلف عشان مايعانيش

Banana_72221 🇪🇬

منذ أسبوع واحد

شعور مكسور القلب

موضوع:

اهلك عملوا معاك ايه مش هتعمله مع عيالك؟

معامله زي الزفت وتعنيف لفظي وجسدي من الاب ودائما اهانه وزعيق تربيه مجتمع شرقي منحط لا يفقه أي شيء في تربيه اولاد ولا ازاي نتعامل معاهم عشان كدة انا اخدت قرار في حياتي مستحيل اخلف طفل ابدا عشان مش يعاني دي منا وملايين غيري بيعانوا في حياتهم

اهلي مش بيحبوني وبحس إني ضايعة

بصوا ي فواكه انا دايما بحس ان اهلي مش بيحبوني لأنهم مثلا ماما دايما تقولي اخواتك احسن منك وانت فيكي وفيكي عشان انا مثلا مش بساعد قوي ف شغل البيت لأن انا اصلا يعتبر مبقعدش ف البيت اليوم كلوا ف الدروس وغير المذاكرة واكيد عارفين الثانوية انتوا بقي مع ان هما عارفين ان انا اصلا مش فاضية وبرجع من برا تعبانة يعني حتي انا بحضر اكل لنفسي بالعافية وغير ان من وانا صغيرة مش بحب اقعد معاهم خالص بسبب لن دايما ف انتقاضات وعلطول انا واخواتي مثلا نتخانق ف الاخر انا اللي بشتم وبضرب بس وانا من زمان عشان اخفف اللي يحصل ده رحت بقيت دايما لوحدي بقيت بحب اقعد لوحدي لحد م انا اصلا اتعودت خلاص اني ابقي وحدي وكمان انا مامتي عمرها م مثلا جات اتكلمت معايا بكل حنية وحب وتشوفني انا هل مدايقة او كدة عمري محسيت اني جزء منهم هيا ع اتفه الاسباب الاقيها رفعت عصاية المكنسة وبتقعد تضرب جامد وحتي مبتستناش اي نقاش وكل ده بيكون سببوا اخواتي لحد م انا بقيت مبرضاش ادخل ف اي نقاشات لأن بجد تعبت جامد وغير ان انا كتومة جدا وحتي مش بعرف ابكي بيبقي نفسي ابكي مش بعرف وده من وانا صغيرة بيطلعلي ف جسمي بقع زرقة من كتر الزعل بقيت مضطربة نفسيا مش عايزة اقعد معاهم ودايما بقعد ف اوضتي لدرجة ان بتحصل امور كتير ف البيت انا معرفهاش ومن ان الموضوع ده من زمان انا مش فاكرة اذاي انا وصلت للمرحلة دي بجد بقيت تايهة مع نفسي ف لو حد يقولي اعمل اي ...عرض المزيد

6 الدعم

2 نصيحة

عنف أسري وطفولة صعبة.. إزاي أتخطى الوجع؟

و انا صغيره امي كانت شديده اوي معايا لأن انا فعلا كنت صعبه يعني مثل كان ممكن اقعد كزا يوم مرضاش اكل ولا لقمه ابدا و بسبب ده كنت دايما تعبانه في المستشفى و كده فكانت هي بتخاف عليا اوي فكانت بتأكلني بالضرب و التهديد و كانت بتجيب شمع تولعه و لو مرضيتش اكل كانت تقوم مسيحه نقطه على دراعي مثلا كل ده عشان اكل اي حاجه تغذيني ساعات مثلا كنت بعاند و بتشاقى في الشارع و لو سابت ايدي لحظه بجري على العربيات و كزا مره كنت هموت فده بردو سبب كان بيخليها تضربني ساعات و طبعا اسباب تانيه كتير اوي شبه ده و لما كبر شويه ابويا البقا بيضربني غالبا لأسباب مش كبيره اوي زي الفاتت يعني و ساعات كان بيعلم على وشي و ساعات على جسمي بالحزام و امي كانت ساعات بتشجعه انه يضرب رغم انها لو قالتله اسكت هيسكت فعلا وساعات هي كمان كانت بتضربني معاه بس ساعات بصراحه كانت بتحوشه عني و تيجي تصالحني و تهديني لما كبرت شويه اتأخرت في لبس الطرحه و كنت رافضاها نهائي لبسوهالي بالعنف و محدش حن ليا و فعلا كان عنف جامد لدرجة اني اتعورت و انا لسه فاكره حاليا ده كله معلم جوايا و مخليني شخص معقد و كل الأمراض النفسيه عندي تقريبا😂 و حاليا كمان ابويا بيتخانق لو رديت عليه مره واحده بقرف يضربني و امي بتقف في صفه ساعات كتير لأنها بتحبه بزياده شويه و مازلت بتضرب منه بس هو خف شويه لأني كبرت و بقيت باخد موقف فخفف الكلام ده شويه امي من قريب سألتني انتي ليه كئيبه كده و اتكلمت معايا فحكيتلها ده كله و اعتذرتلي كتير اوي على ضربها ليا في صغري و قالتلي كنت خايفه عليكي و حكتلي الكنت بعمله و بصراحه حاسه انها كان ليها حق و سامحتها بس طبعا كله معلم جوايا لكن ابويا هو المش مسامحاه لأنه حتى مش معترف بغلطه و من كام يوم اتخانقت معاه و قولتله كلام وحش اوي و قولتله اني بكرهه و اني مش عايزاه في حياتي و زودتها اوي معاه بس ممدش ايده عليا عشان امي قالتله ميضربش و وقفت قدامه و جه النهارده هو الأعتذرلي و حضنني بس انا طبعا مش مسامحه اكيد مش هسامح في حاجات بقالها سنين عشان بس اعتذرلي😂 عايزه رأيكو يا شباب بجد و ازاي اتخطى ده كله ...عرض المزيد

5 الدعم

3 نصيحة

تعبت من العنف الأسري ومش لاقي حد يفهمني

أنا من صغري وانا بتعرض للعنف من اهلي وبابا بالأكتر بكل الأنواع إذا كان بالكلام او بأفعال مش بعرف اتكلم مع حد فيهم مش لاقيه حد يحس بيا ولا يتكلم معايا بابا مسافر لما بينزل اجازه بحس ان ملك الموت جاي في الشهرين الي هو قاعدهم ضرب وايهانه وتنمر لما بيمشي بكون متضايقه مش لاقيه حد اكلمه ولا احكيله بروح اقول لماما أنا متدايقه متهتمش وتقعد تضحك تعبت منهم ومن نفسي ...عرض المزيد

4 الدعم

5 نصيحة