مكسوفة من بابا البلدي قبل عزومة خطيبي الأنيق!

Question

يجماعه بابا من النوع البلدي يعني ياكل لازم بصل ياكل بايده وممكن يعمل اصوات في الاكل وفي الحمام وكدا انتو فاهمين 
انا خطيبي واهله ناس تربيتهم مختلفه شويه بياكلو بهدوء ومرتبين ونضاف جدا هو لسه هنعزمهم العزومه الاولى وانا بصراحه حسا اني مكسوفه من بابا للاسف وبرضو محدش يقول انبهه هو انا لو نبهته هيشتمنى اصلا وبياخد الكلام على كرامته جدا ف اي انسب حل

Donut_71161 🇪🇬 · Accepted Answer

هوا كسر ال٤٠ سنه ربنا يخلهولك اسلوبه كدا وحياته وطبعه للاسف مش هيتغير بس ممكن نوعيه  ازاي بكومديا شويه نقولو ان اهل العريس امه مريضه نفسيا ومتقولش لحد وكل متسمع صوت حد بياكل بتصوت ؟ ونكلم معاه بجد ونعرفه ان الغلط عندهم وان احنا لازم يبقا عندنا دم ونراعي امراض الناس   دا حل لطيف شويه يمشي الدنيا

Cherry_44067 🇪🇬 · Answer

دا أبوكي اللى رباكي و كبرك و دا أسلوبه و طريقته ، ممكن تجيبيها بطريقة غير مباشرة بس ممكن ميتقبلش و يزعل منك

Blueberry_29908 🇪🇬 · Answer

الفكرة هى جايه البرنامج عشان متسمعش الكلام ده اصلا وبصراحه كلامها فى جزء من الحق بصى يا حبيبتى هو طبيعة اهلنا مش بيتقبلوا التعديل عشان كده ممكن يزعل منك وخلاص ، بس ممكن تجيبيها ليه بطريقة انى حابه صورتك تبقى احسن قدامهم يا بابا ودى حاجه مش عيب بس عشان صورتك انت وانا خايفة عليك وعايزاهم يشوفوك راجل نضيف ولبق وتقوليله بالراحة إلى انتى عايزاه بس مش لانك مكسوفه منه لانك عايزاه يكون احسن فى عيون الناس

French Fries_62143 🇪🇬 · Answer

يعنى انتى مقتنعه بالكلام ده بذمتك لو بنتك أو ابنك قالك كلمتين زى دول مش ممكن تنقهرى فيها

Lemon_71305 🇪🇬 · Answer

هو ممكن في العزومه لما يشوف طريقتهم وكدا يتغير هو من نفسه وانتي ممكن تلمحي لخطيبك براحه على أن والدك على طبيعته جدا يعني ف مياخدش على تصرفاته اوي اصل في الاول وفي الاخر انتم هتبقو اهل ف والدك لو حاول يتصرف زيهم دلوقتي مش كل مره هيعرف يعمل كدا فهماني ف لازم خطيبك يبقى عارف

French Fries_51881 🇪🇬 · Answer

انتي مشوفتيش ربع جنيه تربيه

Lemon_71361 🇪🇬 · Answer

سيبي الأمور تمشي لوحدها كده و حاولي تعيشي بطبيعتك عادي دول اهلك اللي بتحبيهم و ده خطيبك اللي بتحبيه و مش شرط الاختلاف يضر بالعكس ممكن يحسوا ان هم اللي قافلين على نفسهم شويه و مش واخدين راحتهم و النصيب في الأول و الاخر بتاع ربنا

Potato_66678 🇪🇬 · Answer

بابا ها