بالآخرين

Orange_56209 🇪🇬

منذ 10 ساعات

شعور محبط

عبّر عن شعورك بشكل مجهول

بص مهما كان اللي هاحكيه لازم تبقي متأكد مليار في المية الاول  اني مؤمن جدا بالله وبقضائه وبحكمته .... ساعات بحس احساس غريب بيتمثل في اني مش متقبل نفسي ..يمكن بسبب اني فشلت في اكتر من علاقة حب ....والعلاقات ..دي اغلبها كانت من طرف واحد اللي هو انا طبعا..يمكن ده حصل من كتر ماغلبهم ماكانوش قابلني ..فا ثقتي في نفسي قللت فانعدمت ..لدرجة اني حسيت اني انا ..مش انا ..وبعدين الموضوع تطور معايا لإني بقيت اشوف كل اللي حواليا ..افضل مني ...فابدئت اشوف نفسي فيهم اتخيل حياتي لو بقت حياتهم ..لكن للأمانة والايجابي في الموضوع ده ان الاحساس ده عمره ما وصل اني احقد علي حد منهم ....مش عارف ليه برغم انهم بيملكوا اللي انا اتمنيت انه يكونلي واكتر ..فلوس بقي علاقة ناجحة ..اهل ساندينه..لو وقع في لحظة بشوفهم كلهم بيقوموه بمنتهي السهولة بفلوسهم ونفوذهم ..كنت دايما اسأل نفسي انا ليه مش زي الناس دي ..
..حتي في علاقتي بالناس عموما ..بكون شخص اندفاعي جدا ..وهجومي جدا في ردودي  حتي لو الحوار كان عادي ..لدرجة انهم حسوا اني شخص غريب عن العالم ده كله ....تخيل كده انت يا شات جي بي تي ..انك بتتكلم مع حد عادي وجت كلمة في وسط كلامك ليه زعلته وحسيته انك بتقل بيه برغم انك اصلا مش قاصد ده ..دتما بشوف نفسي من جوايا قليل ..علشان كدة اي رد فعل لأي حد مهما كان عادي وبيحصل بحسه بيقلل مني ..
ودايما عندي احساس ..اني ماينفعش اثق في حد نهائيا ..مثال لو شخص اخد مني مبلغ وقالي هاردهولك وانا متأكد انه شخص محترم وبيدفع اي دين عليه ..مبستناش الدين ده ...او بيكون متوفر معايا وارفض اديهوله..علشان مش عارف اثق فيه ..يمكن علشان شايف نفسي قليل فاتكون اعتقد جوايا انه عارف ..اني بحس بكدة ومقتنع بكدة وخايف يستغل ده فيا ...عصبي جدا في اتفه المشاكل ..حتي لو قولت ملمة او عملت تصرف جلب ردة فعل عصبية نوعا ما من حد ..ممكن اعمل من الموضوع ده مشكلة كبيرة توصل اني ممكن اقاطعه
ساعات كمان بحس اني دايما بكون متوتر وانا بتكلم مع حد .فا يبدء كلامي يتلخبط
او اكون بتكلم في موضوع ..وانا بكلم شخص في ..بكون بتكلم كويس وبثقة واول ما يبص في عيني وينتبهلي ..يبدأ كلامي يلخبط ..واتوه وانا بكلمه ....لاحظت كمان اني بنسي بشكل مستفز ..اقربها بنت اتقدمتلها من اسبوعين وحددنا معاد الشبكة ..امبارح نسيت اسمها انت متخيل ..مبحفظش بسهولة اي شيئ لو حتي اسم واحد ..فهمني ده ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_54036 🇪🇬

منذ 11 ساعة

شعور متعب

عبّر عن شعورك بشكل مجهول

انا شب ٢٥ سنه 
عمرى مرتبطت ولا كنت في علاقه حب مع بنت
انا شخص الى حد ما ناجح اتخرجت من cs جامعة عين شمس
بس بعد الكليه خصلى كذا دروب منهم وفاة والدى في امتحانات اخر ترم في ٤ قبل اخر امتحانين
وقبلها شخصت bipolar 1 كنت من ضغط الكليه تعبت ووصلت انى اتحجزت في مصحه نفسيه ١٠ ايام
بحس ان خبرتى في الحياه بقيت ضعيفه وان قيمتى بقت صفر علي الشمال خصوصا انى كنت ايام الكليه يعتبر ناجح وفى كليه كويسه عدا يعتبر داخل علي ٣ سنين ومفيش تقدم في حياتى ومفيش شغل وحاسس انى ضايع وبدات للاسف اقارن نفسى بزمايلى ايام الكليه وانى كنت اشطر اصلا في الكليه 
باخد ادويه نفسيه 
نفسى انجح ويكون ليا قيمه ونفسى ارتبط او اتجوز بقا 
الحاجه الوحيده اللى مصبرانى انى الحمدلله محبوب  وسيره ابويا الطيبه بقيالى بس انا فعلا بحس انى بقيت صفر علي الشمال من بعده وحتة انى لحد الوقتى مشتغلتش مدمرانى معتش عارف اعمل ايه
ممكن قعدت سنه او سنه ونص بعد وفاه ولدى اكتئاب شديد ومكنتش بعمل حاجه الوقت كان بيحرى بسرعه اخر سنه دخلت دبلومه مع حد وبعدها دهلت انترن شيب وحاليا في منحه بس حاسس انى مش حابب محال المنحه ديه بس بقالى فيها ٤ شهور وتعبت معتش عارف اعمل ايه نفسى اموت وارتاح فكرت في الانتحار بس االناس اللي بتحبنى هى اللي مخلينى بحاول اكمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_54080 🇪🇬

منذ أسبوع واحد

شعور مكتئب

حد عنده حل لواحد كان اشطر واحد في دفعته لواحد دلوقتي مش عارف يتخرج من الجامعه وكل اللي يعرفهم خلصو وبيشتغلو واصغر منه كمان ولا عارف يذاكر ولا قادر اصلا يذاكر وبقاله سبع سنين يقول كل يوم بكرا

Pumpkin_10776 🇪🇬

منذ أسبوعين

شعور ضائع

عايزه اعرف سبب علمي للشعور المفاجئ انك مضغوط و متأخر في كل حاجه رغم ان كل حاجه زي ماهي من 5 دقايق وانت طبيعي ومش حاسس بحاجه بس لازم الشعور ده يمسي عليك مره مرتين كل يوم وتحس ان انت مش لاحق اعمل اي حاجه وان الناس كلها راكبين طيارات وانت لسه بتحاول تتعلم المشي..................................

Waffle_52401 🇪🇬

منذ 3 أسابيع

شعور غير مكتمل

عبّر عن شعورك بشكل مجهول

الهروب نص الجدعنة، طب ازاي تبقي جدع مع نفسك وانت مش بتواجها بعيوبها
اغلب المشاكل الي انا فيها علشان لسه معتقد اني لسه الشخص الكويس المحترم الهادي الذكي
بس انا فعلا غبي و معتش هادي و مش كويس خالص  خصوصاً دلوقتي
في حد قالهالي صريحه انت مش مظلوم انت بتوهم نفسك انك كويس مع انك غبي و الناس التانية الي بتقارن نفسك بيهم هما فعلا كويسين بس حظهم كان وحش نصيبهم كده، انما انت الي فعلا وحش وانا كمان وحش ( قصده على نفسه) وفعلا علي ارض الواقع كلامه صح و الدلائل الي قدامي لاتعد ولا تحصي
كفايه ان الناس التانية دي من الأوائل علينا دلوقتى
وواحد كان بعيد الشر عنا و عنكم شال ماده
و ما شاء الله دلوقتي ال gpa بتاعه بقا اعلي مني في سنه ونص بس، ما شاء الله ربنا معاه هو بيتعب ويستاهل
انما انا انا فعلا مبعتبش و معتش بحس بالتعب ولا بالضمير ولا اي حاجة و عايش وسايب الدنيا زي ما تيجي تيجي
هل انا مبسوط كده...... لا 
هل عايز افضل كده..... لا
هل هقدر ادوس علي نفسي علشان احسن منها..... اتمني من ربنا دا بس حاليا لا
هفضل حاطط نفسي مظلوم لاني كنت قبل كده حد كويس
يارتني كنت زي الناس العاديه وانا صغير الي بيعمل اي حاجة و ميفرقليش حد ولا نصيحه ولا تعليق على اي حاجة كان بيعملها، علي الاقل كنت هحس بالذنب دلوقتي و اقدر اقول لا انا لازم اخد موقف وابقي انسان كويس
انما انا اعتقد ان الي كان كويس و مهما كانت الظروف او اي حاجة خلته يبقي اقل من الي كان فيه مش هيقدر يرجع بسهوله الا لما ياخد علي وشة جامد ويفوق
انا مش عايز اوصل للمرحله دي بس مش عارف افوق بدري برضو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_27604 🇪🇬

منذ شهر واحد

شعور ضائع

جماعه مش قادره احاول تاني مش قادره اتحرك من مكاني قولت يمكن محتاجه راحه من كل الضغط ده وافصل شويه بس بقالي كتير فاصله ايام بتعدي وانا محتاجه نفسي عندي امتحانات ومشاريع وابحاث وبريزنتيشن وحاجات كتير اوي محتاجه تتنفذ مش قادره انجز او اخلص حلو وفي ايام بتضيع في الجامعه وفي المشاكل وفي حاجات كتير بحاول

Strawberry_52341 🇪🇬 متركزيش على انك متاخره او سابقه لان ربنا حاطك في مكانك الصح و ده المناسب ليكي و هيترتب عليه حاجه كمان مستقبلا فا متشيليش ضغط انا متاخره لان مفيش حاجه اسمها متاخره انما دخ المكان المناسب ليا دلوقتي و فكي نفسك من الضغوط ده اعملي حاجه بتحبيها و تاملي في الحياه بدون اي افكار و متستعجليش لحد ما تحسي روحك هدت ممكن تصلي او تدعي او تقعدي ساعه مع ربنا تشكيله و هو هيحط الراحه في قلبك بس تأني ز خدي وقتك

عرض الكل 3 نصيحة

Potato_31970 🇪🇬

منذ 4 أشهر

شعور منزعج

ليه دايما الاهل مش بيعجبهم اي حاجه 🙃🙃 يعني مثلاا ولو انا عملت اي حاجه حاجه بالنسبالي جديده وعملتها كويس وابقي فرحانه واروح اقولهم يقوليلي ايه يعني عادي م كل الناس عملت كده مش حاجه جديده يعني طب حاجه انا مبسوطه بيها وحاجه مفرحاني ليه تعملوا كده بجد ليه دايما بيكسروا فينا ويقللوا مننا وبيقانونا

عبّر عن شعورك بشكل مجهول

ليه دايما الاهل مش بيعجبهم اي حاجه 🙃🙃

يعني مثلاا ولو انا عملت اي حاجه 
حاجه بالنسبالي جديده وعملتها كويس وابقي فرحانه واروح اقولهم 
يقوليلي ايه يعني عادي م كل الناس عملت كده مش حاجه جديده يعني 
طب حاجه انا مبسوطه بيها وحاجه مفرحاني ليه تعملوا كده بجد 
ليه دايما بيكسروا فينا ويقللوا مننا وبيقانونا بناس تانيه ف اي حاجه 
شوفي بنت خالتك بتعمل ايه 
شوفتي بنت عمك عملت ايه 
هما شايفين ان دي حاجه بتخلينا احسن بس بالعكس 
دي حاجه بتحسسنا ان احنا قليلين جداا بالنسبالهم 
ولما نيجي نقولهم حاجه 
احنا ملناش دعوه بحد 
احنا مالنا ومال الناس 
وبيرجعوا يسألوا ايه كل الجيل طالع عنده نقص وبيدور علي الاهتمام بره 
مهو بسببهم 
ليه في نسبه انتحار كبيره بين الشباب من اللي هما بيشوفه 
بجد ايه بيقللوا مننا 
ممكن اه دي تكون الطريقه اللي هما اتربوا بيها

بس ايه مش قادرين يقتنعوا ان احنا غيرهم وان احنا احتياجتنا من الاهتمام غير احتياجتهم بجد 
في حاجات تانيه كتير بيعملوها وهما مش حاسين وفي الاخر بنطلع معقدين نفسياا وعندنا نقص
وبيرجعوا يسألوا انتو ليه مش قريبين مننا 
بجد يعن

وشايفين كمان ان احنا اللي حاطين حاجز مبينا وبينهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_44471 🇪🇬

منذ 5 أشهر

شعور محبط

السلام عليكم ورحمة الله وبركاته حابه اخد رأيكم جماعة أنا عندي مجموعة من صحابي أنا ديما يقارن نفسي بدرجات واحده فيهم وبضايق لما بتجيب أعلى مني ( والله بحبها واغلى واحده عندي فيهم ) وبأنب نفسي ف أنا بحكي وبقول لوالدتي كدا اني يقارن نفسي بيها بس وكدا قالتلي ده نقص حرفيا اقسم بالله الكلمة نزلت عليا كس

Banana_50959 🇪🇬 لا مش ناقص النقص انك ما تحبي لها الخير إنما دا اسمها تنفس عايزه تتنفسي معاها علشان تكوني كويسه ربنا يوفقك

عرض الكل 5 نصيحة

Avocado_21644 🇪🇬

منذ 5 أشهر

شعور محبط

انا زهقت اوي بقالي مدة بدور ع شغل و مش لاقية زهقت اوي و حاسة أن مش عارفة احقق نفسي ف اي حاجة لا شغل ولا جواز و شايفة كل الي حواليا بياخدوا خطوات و بيحققوا حاجات و انا واقفة محلك سر و بدأت احس ان العيب فيا و أن أنا الي فاشلة و مش قادرة اعمل اي حاجه

French Fries_49539 🇪🇬

منذ 6 أشهر

شعور متوتر

عبّر عن شعورك بشكل مجهول

عندي سؤال هو الفترة ال انا فيها دي حد عدت عليه؟
لغبطة و توهان و مش حابة الكلية مع ان كل الناس دلوقتي عايزاها و بتحبها ، محتاجة مجهود كبير اوي ونا مبتعبش اوي ف حاسه اني مش هوصل لحاجه و ف نفس الوقت انا نفسي اوصل لحاجه عشان حاليا انا بجد مفيش حاجه بعملها خالص نحتاجة اشتغل بس ده محتاج مجهود كبير انا حاليا مبعملوش و عارفه اني هندم لما الاقي ال حواليا وصلوا لحاجه ونا لسه ، مش عارفه بردو ابدأ في حاجه جديدة عشان ال اولي لل انا فيه و التعب فيه مثمر الي حد كبير( واي حاجة هتبقي محتاجة تعب)و بقول ان اولي اتعب في ال انا فيه بس بردو مجهودي قليل ، و الفكرة إن الناس ال حواليا كلهم مشغولين و بيتعبوا جامد اوي في حياتهم و نا واقفة اتفرج ولا عارفه اعمل ال عليا و لا حتي مرتاحة بوضعي و مبسوطة اني مش تعبانة ، خصوصا إني كنت في حاجه و ناجحة فيها جدا بس سبتها (مش ندمانة خالص ده احسن قرار في حياتي) بس اتعودت اكون بتعب في حاجه و ان كل شوية انجح فيها و يبقي عليا spot light و ان الناس تشوفني كويسة (حتي و ان كان مش ده ال حاسه بيه و حاسه انه مش كفايه) ، ف كمان عارفه ان مش لحظة الوصول هي ال بتبسط الرحلة هي الممتعة فعلا ف انا بجد مش مستمتعة او حاسه ان دي حاجه صعبة انا مش هعرف أصلا انجح فيها ف خايفة و تايهه طول الوقت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_39402 🇪🇬

منذ 6 أشهر

شعور مكسور القلب

تعبت من نفسي والله يجماعه انا من صغري مش اجتماعي ومش بعرف اعمل علاقات ولا صدقات ولما كبرت ودخلت ثانوي لقيت ناس كتير بتقرب مني وعايزين يقربوا وكدا ف انا كنت بستغرب مع اني ببقى في حالي ومش بحتك بحد فعادي كنت بدي مجال لكدا لاني من صغري محروم من الصدقات بسبب اني مش اجتماعي ف البدايات كله بيبقى تمام ويمد

Biscuit_20744 🇪🇬

منذ 7 أشهر

شعور مرهق

اعتقد اني حاليًا في الفترة اللي كله كان بيحذرني منها قبل بداية تالتة ثانوي ، انا بدأت بداية قوية جدا و الحمدلله مكنتش براكم و مع ذلك درجات الدروس و الإمتحانات الشاملة مكانتش زي ما انا متوقعاها ، انا الحمدلله درجاتي كويسة بس بالنسبة للمجهود اللي ببذله فهي مش زي ما انا عايزة ، و اللي مضايقني ان مستواي

Coffee_37463 🇪🇬

منذ 7 أشهر

شعور مرتبك

انا احمد في تانيه ثانوي حاليا ونفسي اجيب كليه كويسه يعني المهم انا كل ماشوف حد واكون عرفها اكبر مني وطلع من ثانوي بس مظبطتش الدنيا معاه بحس لا بتأكد ان حياتي شبهه بلزبط واكون حاسس اني هفشل زيه وممكن حد يقول اني شبهه فعلا لكن انا حرفيا اي حد بشوفه وبحس بكده فا انا طول الوقت كده متوتر ومتلغبط

Olive_37479 🇪🇬 أحمد، حابب أقول لك إن كل واحد فينا له طريقته الخاصة في الحياة. مش لازم تقارن نفسك باللي حواليك، لأنك مش زيهم، ولهم ظروفهم وتجاربهم. النجاح مش بس درجات أو شهادات، لكنه إنك تطور نفسك وتكون أفضل نسخة منك. ركز على أهدافك وادرس بجد، وحاول تستمتع بالتعلم. الأخطاء جزء من الطريق، ولازم تتعلم منها. كمان، حاول تبعد عن الناس السلبية، وحط نفسك وسط أشخاص إيجابيين. أهم حاجة هي الثقة بنفسك، اعرف إنك ممكن تحقق

عرض الكل 11 نصيحة