اعتقد اني حاليًا في الفترة اللي كله كان بيحذرني منها قبل بداية تالتة ثانوي ، انا بدأت بداية قوية جدا و الحمدلله مكنتش براكم و مع ذلك درجات الدروس و الإمتحانات الشاملة مكانتش زي ما انا متوقعاها ، انا الحمدلله درجاتي كويسة بس بالنسبة للمجهود اللي ببذله فهي مش زي ما انا عايزة ، و اللي مضايقني ان مستوايا عمره ما كان كده انا متعودة من السنين اللي فاتت اني شاطرة و درجاتي كلها يا بقفل يا بنقص حاجة بسيطة و دايما كنت بتكرم مع المدرسين ، يمكن ده اللي خلى نفسيتي حاليا مش احسن حاجة و مش حاسة اني ممكن اوصل و كمان بسبب الناس اللي حواليا كنت شايفاهم شاطرين و محققوش اللي كان نفسهم فيه فخايفة اكون انا كمان كده ، بفضل افكر كتير جدا في اللي هيحصل و ان الناس اللي حواليا انا شايفاهم اشطر مني و يستاهلوا انهم يوصلوا و انا مستاهلش عشان راكمت بعض المواد و خايفة اوي معرفش امشي مع المدرسين تاني و درجاتي تبقى أسوء 😭😭 آسفة على الكلام الملغبط بس بجد مشاعري ملغبطة اوي و خايفة جدا 😭

10

0