مش قادره اواكب صحابي وحاسه نفسي اقل منهم

Question

جماعه احنا فقرا اوى بشكل مبالغ فيه لدرجه اننا سعات مش بنلاقى حتى نجيب اكل حرفيا وانا مش عارفه اواكب صحابى فالكليه والكنيسه هزا بيخرجوا وبجيبوا حاجات انا مبعرفش اجيب معاهم بقيت بحس انى اقل منهم عارفه ان الرزق دا بتاع ربنا والحمدلله على كل حاجه وبابايا مش مقصر انا عارفه واحد عنده ٦٠ ولسه بينزل يشتغل بس برضوا حاسه ان الناس كلها حالتها احسن منى وبحس انهم بيتريقوا عليا مبقيتش عارفه اعمل ايه وفنفس الوقت مش عايزن اضغط على بابا مانا فبالتالى مش باحكى وبكتم كل دا فنفسى لحد ما بقيت هنفجر بجد

Biscuit_26172 🇪🇬 · Accepted Answer

ممكن تبعتيلي في شفل اونلاين تسويق يساعدك في المصاريف شويه

Avocado_32578 🇪🇬 · Answer

طلاما انتي راضيه ب اللي انتي فيه يبقي طز ف صحابك و الناس دول مش بيحبوكي ازاي يعني بيتريقوا عليكي مينفعش كدا و بإذن الله ربنا يفكها عليكم و يرزقكم كمان و كمان

Coffee_28456 🇪🇬 · Answer

حبيبتي انا حاسه بيكي جداً بس صدقيني الاحساس ان الناس بتتريق عليكي ده حاجه جواكي بس، انا كنت بحس زيك لحد ما قدرت اشتغل ويبقى ليا فلوسي الخاصة بيا
كل الناس دلوقتي بقت حالتها المادية مش أحسن حاجه فا بقى كله عارف ان ده الوضع 
على موضوع الخروجات مع الاسف طول وجودنا في البلد دي مقدرش اقولك الوضع هيتحسن بس هنحاول نقتصد على قد ما نقدر.. جروبات الخروج ممكن تخرجي معاهم مره و 3 لأ .. الدنيا لازم تمشي

Coffee_28456 🇪🇬 · Answer

ممكن تحسي انك Left out اما تعملي كده بس صدقيني انتي بالحركه دي مش بس هترتاحي شويه من النظرة دي لنفسك لأ انتي هتفلتري الناس اللي حواليكي ومين يهمه فعلاً تكوني موجوده

Carrot_35685 🇪🇬 · Answer

مغيش حاجة في إيدك دلوقتي اطلبي من ربنا وربنا عارف وإنشاء أللة وقت ما تجهزي يبعتلك تشتغلي في أحسن الاماكن ويفتح لوالدك باب رزق كبير صلي

Tofu_30389 🇪🇬 · Answer

الحل في الرضا والقناعة 
بعد ما تقبلي نفسك، في الحالة دي المفروض تشتغلي ولو عندك أخوات يشتغلوا برده، وتذاكري كويس عشان لما تتخرجي تتقبلي في أحسن شغل وتجيبي فلوس لأهلك، خدي كورسات وانزلي تدريبات أرجوكِ اتحركي، مفيش أكتر من الكورسات والتدريبات والورش المجانية، ابني نفسك دلوقتي واصبري على نفسك عشان أنتِ دلوقتي هتبني الحياة الي نفسك تعيشيها، أنا مصدقة فيكِ وعارفة أن إحساسك ده دافع ليكِ، ربنا ييسر امورك 🫶🏻.

Tofu_30389 🇪🇬 · Answer

بتمنى لك النور والسلام 🤍🤍.

Popcorn_32036 🇪🇬 · Answer

متفكريش فيها بالشكل ده علشان دي حاجه مش في ايدك ده وضع اتولدتي فيه 
و مهما كان مستواكي المادي كبير ولا صغير متقارنيش نفسك بحد علشان اللي بيقارن دايماً بيتعب 
اشتغلي علي نفسك و حاولي تطوري اللغه بتاعتك و تشتغلي حتي لو كول سنتر انجلش هيجيلك رقم محترم كل شهر 
و بجد طلعي من دماغك وجهة نظر الناس عنك علشان بجد دي حاجه وهميه جداً .. يحرق ابو الناس علي اللي تشوفه سواء حلو ولا وحش دي حياتك انتي 
ربنا معاكي

Avocado_21982 🇪🇬 · Answer

شوفي شغل

Marshmallow_34891 🇪🇬 · Answer

ما الفكره ان جامعتى مش هعرف اشتغل معاها جربت بالفعل فالاول بس لقيت انى هتأثر جامد خاصة انى لسه سنه اولى

Marshmallow_34891 🇪🇬 · Answer

بصلى بامانه بس وقت استجابه ربنا مش دلوقتي

Marshmallow_34891 🇪🇬 · Answer

انا بالفعل بعمل كدا بس فكره انى كدا هرجع لوحدى دى هتاثر عليا بالسلب مش العكس

Marshmallow_34891 🇪🇬 · Answer

مش لاقيه بجد دورت على حاجات اونلاين كتير وبتطلع فيك يا اما محتاجين ناس متفرغه وانا عندى دراسه

Marshmallow_34891 🇪🇬 · Answer

💙💙

Mango_31751 🇪🇬 · Answer

ابعتلك ازاي

Coffee_28456 🇪🇬 · Answer

فهماكي طبعاً بس هتكون فترة لحد ما انتي تكوني احسن نفسياً ♥️