النقص

Banana_47428 🇪🇬

منذ 3 أشهر

شعور مكسور القلب

عبّر عن شعورك بشكل مجهول

حاجة حزينة مخلياني مش قادرة انام ومحتاجة اخرجها 
اهلي بيستقلوا بيا، يعني خليني اكون منصفة في البداية هما بيحبوني وجدا كمان بس دييما شايفيني قليلة يعني مثلا شايفين اني كسولة مهملة مش مرتبة ميعتمدش عليا فاشلة كئيبة باردة مستفزة 
مش هفلح في شغل ولا دراسة ومش هعرف افتح بيت ولا راجل يستحملني، تخينتي عاوزة تخسي 
حتى انهم كانوا بيقنعوني بعريس أكبر مني ب ١٣ سنة علشان شايفينه مناسب وهيعيشني مرتاحة ولما رفضت بحجة اني لسه ١٩ سنة واولى جامعة وانه كمان كبير اوي قعدوا يقولوا اني خسارة فيه وحرام هجلطه 
مع اني بجد مش وحشة اوي زي ما هما شايفيني كده أنا مش باردة بس مش بحب أشيلهم همي، مش كئيبة بس بحب أقعد لوحدي علشان مخنقهمش بوجودي ومسمعش تعليقات على شكلي ووزني، انا شخص بيحب النظام وان الحاجة تبقى مترتبة شايفيني عكس كده علشان انا بطيئة بس وبعمل الحاجة براحتي
بس بقيت اصدق إني زي ما هما شايفيني وان مش منطقي كلهم عندهم الإجماع على نفس العيوب وانا مش شايفاها، بس بدأت أبالغ في حاجات كتير وأستغل أي موقف علشان أثبت لهم إني العكس لكن محدش بيقتنع 
مش عاوزة اتخطب أو أتجوز علشان من جوايا مصدقة كلامهم عليا وإن مفيش فعلا انسان عاقل هيتسحملني في حياته ولان صحابي اللي كنت بحبهم كلهم بعدوا فجأة، أهلي شايفيني شخصية مش حلوة، أنا بقيت شايفة نفسي زي ما هما شايفين والموضوع بيزيد وانا عارفة اخرتها اني فعلا هستسلم لما معرفش اثبت عكس اللي هما شايفينه وهبدأ أكون أسوء من اللي قالوه كله ومنفسيش أوصل للمرحلة دي تاني كان زمان لما بدخل في مرحلة فقدان الثقة في نفسي كان بيكون جمبي صحابي ف احساس انهم بيحبوني كان بيهون عليا وانه فيا حاجة حلوة خلتهم فارق معاهم وجودي واني اكون مبسوطة بس حاليا مفيش حاجة تخليني أتأكد إني أستاهل فعلا أتحب غير شوية أمل جوايا وثقة بتتهد حبة حبة 
اسفة اني طولت بس فعلا مخنوووقة وكان لازم اتكلم علشان كاتمة جوايا من كتير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_41532 🇪🇬

منذ 6 أشهر

شعور مكسور القلب

كنت عامله حادثه وانا صغيره ومن ساعتها وكل حاجه اتغيرت فقدت عين واحده بقيت معنديش ثقه فى نفسى وبقيت حسه ان قليله ومفيش حد هيحبنى رغم أن مش وحشه بقيت عوزه اخبى عينى من الناس اتعرتض للى التنمر كتير واخويه هو السبب وهو عايش حياته عادى ونا بتعذي رغم أن بقول الحمدلله بس زعلانه الحادثه دى عده عليه 10سنين

Strawberry_49821 🇪🇬 يروحى انتى خلى سلامك النفسى يسيطر على مشاعرك اكتر من كدة والتنمر دة بيجرح الشخص لما يكون عايز يصدق اللى اتقال عنه ف انتى سيبى اللى يتكلم يتكلم اللى يقول يقول وروقى دماغك كدة وهتلاقى اللى يحبك ونصيبك موجود ومكتوبلك متقلقيش وافتكرى كمان ان جزء منك سبقك للجنة بإذن الله

عرض الكل 3 نصيحة

Mango_39834 🇪🇬

منذ 7 أشهر

شعور محبط

ازاى اتخطى تروما التنمر عليا من صغرى بسبب لون بشرتى خصوصا ان التنمر كان من العيله والصحاب على هيئه هزار بجد تروما صعبه لدرجه مخيفه وبجد نفسى حد يحبنى ويدعمنى ويحاول يثبتلى انى جميله فعلا واتحب واستحق ان يتحاول علشانى ولو لمره عمر ما حد حاول علشانى!

Coffee_28743 🇪🇬 يعم اتنمر علي نفسك قبل منهم اول متحس أن حد هيتريق سعدو وهوا هيتكسف ويسكت لمه تعمل كده هتشوف أن الموضوع عادي ده بس عشان انت صغير لمه تكبر هتلقي انك مميز في حاجه كتير

عرض الكل 16 نصيحة

Pineapple_29031 🇪🇬

منذ 7 أشهر

شعور قلق

موضوع:

ايه اكبر مخاوفك ف الحياه؟

اكبر مخاوفي هي الفقد .. و خصوصًا فقدان امي .. بعد وفاة والدي و انا دايما عندي شعور بالنقص و الاحتياج للحب و السند و عدم الامان رغم ان امي مكانتش بس اب و ام لا دي كانت موطني و ملجأي و راحتي .. كل مخاوفي تتمحور حواليها.. قلبي بيتقطع لما بشوف دمعة منها .. و بتقهر لو تعبت او مرضت .. هي كل دنيتي و احسن ح

Marshmallow_35713 🇪🇬 شفاها الله و عافاها . الخوف من الفقد شعور طبيعي لكن متخليهوش يسيطر عليكي عشان ميبقاش وسواس قهري و انصحك تلجأي لطبيب نفسي و تستعيزي بالله من الشيطان لان الشيطان بيحاول ينغص عليكي عيشتك اعملي ورد ع سبحتك ١٠٠ مرة أعوذ بالله و لا اله الا الله آمنت بالله بتفرق بجد عن تجربة و ربنا يخليلك والدتك و ميحرمكيش منها ابدا 🫶

عرض الكل 5 نصيحة

Marshmallow_33446 🇪🇬

منذ 7 أشهر

شعور متعب

ساعات بحس اني مش متقبله نفسي ولا شكلي مع ان الكل بيقولي اني حلوه بس بحس دايما اني مش كفايه ممكن تكون دي تروما من الطفوله لأن وانا صغيره كانو دايما يتريقو علي ورزني كنت رفيعه جدا و علي لون بشرتي و علي كل حاجه فيا حتي لما كبرت وبقيت احسن من زمان دايما بحس بنقص ومش عارفه اعمل ايه

Potato_31970 🇪🇬

منذ 7 أشهر

شعور منزعج

موضوع:

ازاي ضغوطات الأهل وتوقعاتهم بتأثر عليك نفسياً

انا الوسطانه يعني اهلي الحمد لله ناس كويسه بس ف عندنا فكره التفرقه ان انا مامتي بتفرق بين اخواتي واخويا الصغير والموضوع ده تعابني اوب بحس بالنقص لما بشوف ان هي بتحبه وان هي دايما واقفه معاه بتقف معاه كتير وكتير شايفه انه مش غلطانه وفعلاا الموضوع ده مضايق الانسان جدااا

Potato_28668 🇪🇬

منذ 7 أشهر

شعور وحيد

موضوع:

هل حسيت في يوم انك انسان سئ؟

لفترة كبيرة من عمري كنت شايفه اني انسانة وحشة واكيد العيب فيا كل حاجة كانت بتحصلي كنت برجعها ان اكيد انا اللي فيا مشكلة وكل رفض بتعرضله اول فكرة بتيجي في بالي ان اكيد عملوا كده علشان انا مش كويسه انا مش كفاية انا اتصرفت غلط ولكن مع الوقت ادركت ان المشكلة مش اني انسانة وحشة المشكلة اني كنت بعامل نف

Coffee_27700 🇪🇬 صح جدا

عرض الكل 3 نصيحة

Cookies_25626 🇪🇬

منذ 8 أشهر

شعور غير مكتمل

موضوع:

عندك مشكله في تقبل ذاتك ؟

عمري ما عرفت اتقبل شكلي مع ان كذا حد يقولي عيونك جميله وشعرك حلو بس الفكرة ان كل البنات بنسبالي احلي مني لدرجه ان وشي في الصور مبقاش عجبني حتي لو فلتر وميكب وكدا وشكل جسمي ووزني مش بيعجبني خالص وحاولت ان اقنع نفسي اني جميله ودي خلقه ربنا وكل حاجه بس حقيقي مش عارفه

Strawberry_25620 🇪🇬 واهم حاجة متقارنيش نفسك بحد ولا تركزي ع اللي ع السوشيال ميديا بالذات لان ده مش مقياس للجمال .. جمالك من جوا وبس وفي راحتك النفسية اللي هيا جواكي بردو!

عرض الكل 3 نصيحة