ايه اكبر مخاوفك ف الحياه؟

Question

ايه الحاجه اللي خايف انها تحصل او حاسس انها لو حصلت ممكن حياتك تتدمر

Chocolate_27766 🇪🇬 · Answer

اكبر مخاوفي ف الحياة اني ابقي طول الوقت بقول فترة و تعدي .. I want to live and not to survive . يمكن اكبر حاجة تخوف فعلا ان الواحد يطلع من الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا

Biscuit_37062 🇪🇬 · Answer

اني افضل تايهه و مش حاسه ان ده مكاني ولا دي الحياه اللي انا عوزاها ولا دي الناس اللي نفسي اكون معاهم              خايفه افضل طول الوقت مستنيه حاجه معينه تحصل مستنيه شخص الانتظار عمتا صعب 
خايفه متطلعش فتره و هتعدي😅

Marshmallow_28603 🇪🇬 · Answer

انى اتنسى او افشل دايما الحاجتين دول مربوطين ببعض نفسى انج من صغرى هو انا لسا صغير فعلا يعنى 20سنة مش كتير ولسا بتعلم بس فشلت فحجات كتير وكنت انا السبب فيها بس دايما اى غلطة بتدايقنى وخصوصا لو الشغل او اى حاجه عموما مش بحب ابق فاشل بس فنفس الوقت بلاقى نفسى فاشل وبعيد عن هدفى ودايما مشتت ويمكن يبان عليا دلوقتى لان انهاردة كان اول اختبار ليا ف الشغل وبعد تعب شهر فشلت فيه بس معرفش لى بخاف اتنسى.

Pineapple_29031 🇪🇬 · Answer

اكبر مخاوفي هي الفقد .. و خصوصًا فقدان امي .. بعد وفاة والدي و انا دايما عندي شعور بالنقص و الاحتياج للحب و السند و عدم الامان رغم ان امي مكانتش بس اب و ام لا دي كانت موطني و ملجأي و راحتي .. كل مخاوفي تتمحور حواليها.. قلبي بيتقطع لما بشوف دمعة منها .. و بتقهر لو تعبت او مرضت .. هي كل دنيتي و احسن حد بيعاملني فالدنيا كلها .. لو راحت هحس اني مليش حد هنا فالدنيا دي و اني الاحسن مكونش موجودة 
اكتشفنا انها عندها لوفة فالرحم و التصاقات فجدار الرحم بتعملها نزيف كل شهر .. فهتعمل عملية استئصال رحم فشهر ١ .. حد يعرف مدي خطورة العملية دي .. و ازاي اكون هادية و اطمنها حتي لو انا مرعوبة عليها ؟

Coffee_32060 🇺🇸 · Answer

أكبر مخاوف الحياة هو بعد الحياة  بعد الموت 
إن أكتشف إن مفيش حاجة موجودة معايا و إن كل العمل خسران و إن اكون من الناس اللذين ضلوا في الحياة الدنيا مع إن عارف إن الآية دي مش موجه ليا بس ده يظل أكبر المخاوف أنا واثق في ربي و رحمته بس أعتقد من أكبر من الإبتلائات هو الوسواس ده اللي لو تمكن مني ممكن فعلا أضل في الدنيا  
و الحل هو التمسك و اليقين التام في رحمة الله سبحانه و تعالى

Chocolate_37307 🇪🇬 · Answer

اني اموت وانا لسه مش اتظمت علي الصلاه حقيقي فكره مرعبهه ومش عارفه هقول اي لربنا ولا سبب مقنع  مفيش اسباب اصلاا ان مصليش وبعمل ذنوب كتير وفي علاقه محرمه حقيقي مش عارفه اعمل  اي ومشاكل كتيرر بجد

Coffee_27794 🇪🇬 · Answer

اكبر مخاوفي في الحياة الدنيا اني لو كونت اسرة اني مبقاش كفاية ليهم اني اظلمهم او محققش كل الي نفسهم فيه طبعا ربنا بيبارك الحمدلله بس الفكرة اني عايز اكون قدوة لعيالي و فخر لمراتي ادام في المستقبل ف من ضمن مخاوفي صعوبة تحقيق ده للاسف في الزمن ده

Tomato_30110 🇪🇬 · Answer

ممكن نقول ان اكبر مشكلة انا خايف منها حاليا هي الفشل فكرة انك تكبر وان الغلطة خلاص بقت بفورة نش مجرد مثلا درجة في امتحان لا دي بسقوط على طول رعباني ايوة الي هو لما افشل انا هعمل ايه شكلي قدام الي حطين امال عليا الي شايفيني انسان كويس او وخدني قدوة انا مش بهتم الناس بتقول عليا ايه سواء وحش او حلو على قد ما انا شايف نفسي ازاي طب الفكرة هل انا شايف نفسي صح اصلا هل الطريق الي انا اخترته صح من اساسه انا مدرك كل الي ربنا يجيبه خير واكيد انا في المكان الصح بس دلوقتي بقا عليا مسؤولية نفسي ومسؤولية اهلي فا مش عارف هتعامل ازاي مع الفشل

Croissant_29410 🇩🇿 · Answer

أكبر خوف في حياتي أني ما أعرف أربي ولادي زين (مش متزوجة) أنو ولادي مايكبرو متخلقين، و أيضا أني نكون سببتلهم عقد نفسية و يكرهوني، أنا بالنسبة ليا عادي يصير لهم مشاكل مع الناس حولهم لأنهم يمكن يرجعولي و احل مشاكلهم لكن لا أريد أن اكون انا اللي سببتلهم مشاكل.

Marshmallow_33684 🇯🇴 · Answer

من اكبر مخاوفي بالحياة هو مصيري بالآخرة وشو منزلتي بالآخرة وعلاقتي بربنا ورضاه علي، عدم النجاح وعدم مقدرتي اني احقق احلامي والحياة اللي بطمح اعيشها، زواج غير ناجح/غير مطابق لطموحي في العلاقة، التوجيهي، تخصص الجامعة، معرفة الناس بضعفي، شعور الحنين بخوفني وبخاف اوصل بيوم احن لشيء كان موجود بالماضي واتألم اني مش قادرة ارجع، الفراق، التخلي، عدم الرضا، عدم القبول، الفشل، الذكور😂😂

Carrot_38146 🇪🇬 · Answer

اني اجيب اقل من ٢٦٠ ف تالته اعدادي لاني مش هبات ف البيت لو جبت اقل من كدا يبقي احسن حاجه اعملها اني اروح عند اقرب كوبري تحته نيل و ارمي نفسي فيه لان خلص مش هيبقي ليا لازمه في الحياه و مش هسامح امي و ابويا

Cookies_38657 🇪🇬 · Answer

ان ماما تروح مني زي ما بابا راح وابقا لوحدي في الدنيا دي التفكير في الموضوع دا مش بيخليني عارفه اعيش حياتي بشكل طبيعي وحالياً بتعالج عشان عندي اضطراب قلق حاد واكتئاب ومحدش يعرف وبعدي كل حاجه لوحدي

Coconut_38288 🇪🇬 · Answer

معرفش اختار صح او اني معرفش اشيل المسؤليه صح خايفه اختار شخص يدخل فحياتي وياذيني خايفه اتأذي حسه اني شايله مسؤليات كتيره حسه اني كوره كبيره مليانه كلاكيع وعقد مش باينه ومش ببينها بس هي جوايا للي يقرب خايفه الكلاكيع دي تزد حسه اني محتاجه احس بامان وسند حسه اني تعبت وحسه اني بهتانه وانا لسه يدوبك فأول ال٢٠ حسه اني منطفيه وخايفه حسه اني تايهه ساعات بحس بثقه وساعات بحس اني وحشه اوي او اني مش متشافه ز

Chilli_38729 🇪🇬 · Answer

بخاف من الفشل..
من ساعة م كنت ف ثانوي كان الحافز ليا اني معنديش اوبشن غير اني اجيب نتيجة دخلت كلية صيدلة واتخرجت منها بامتياز شغال ف مكان دلوقت كويس بس قدامي فرص افضل المشكلة هنا بقة اني خايف اغير ديما بحاول اقنع نفسي اني هنا تمام ومرتاح وراضي ومش ضامن لو غيرت هكون مرتاح ولا لا مش ضامن هيكون فيه استابيلتي ولا لا ولو ده محصلش وقررت انقل هل هلاقي فرصة تاني ولا لا وافضل اسأل وابرر لنفسي كتير وف الاخر بترسى ع اني بفضل ف مكاني وبضيع ع نفسي فرص كتيرة مش عارف اخد الريسك ف حياتي..

Tofu_38781 🇪🇬 · Answer

خايفه أموت قبل ما أعيش الحياة اللي نفسي فيها وخايفه أموت وأتنسي ومحدش يفتكرني وخايفه الحياة تفضل مكمله بنفس البؤس اللي انا عايشه فيه ده عموماً انا دايما بخاف من بكره وبخاف أوي من الموت وبخاف من الوحدة

Ice Cream_38902 🇪🇬 · Answer

ان ماما واختي وبابا يروحوا مني .. غير كده مش خايفه لان انا اساسا مبقتش احب الدنيا ومليون مره كنت بحاول انتحر فعادي
الحقيقه انا كنت اكتر واحده بحب الدنيا .. بس بجد بقيت مش بحبها 
والدتي في مره قالتلي لو انتي مش شايفه سبب يخليكي تعيشي .. فعيشي عشان تستوريني لما يحصلي حاجه 
الجمله ديه كانت كفيله تخليني احاول احب الدنيا تاني

Cheese_39222 🇪🇬 · Answer

خوف مالفشل وخوف مالندم وخوف مالوحدة رغم اني بحبها بس خوف اني افضل طول عمري لوحدي  والفشل اني احب حاجة واعملها وافشل بكرهه الفشل جدا بحس بالاحباط والندم وتأنيب الضمير ده اكتر حاجة في الدنيا بتأثر عليا وبخاف منها عشان بتخليني اقعد مع نفسي وافكر كتيييييييييييييير لحد مادماغي تفرقع من كتر التفكير

Watermelon_38846 🇪🇬 · Answer

ان العمر يعدي بيا وانا ذي ما انا 
الاقي نفسي كبرت وانا محققتش اي حاجه نفسي فيها 
عندي احلام كتير بحاول احققتها بس في ظروف كتير معجزاني 
ربنا يستر عشان حاسه ان سنين كتير فاتت اتسرسبت مني 
يارب الجاي ميتسرسبش

Croissant_39435 🇪🇬 · Answer

اكبر مخاوفي فالحياه هي التعلق ديما بحس أن الإنسان الي قدامي ده الي انا حبيتو وحسيت معاه كل المشاعر الي فالدنيا والي انا كل م بصلي بطلب من ربنا انو يفضل معايا ديما بحس انو فتره وهيجيلو يوم ويزهق مني ويبعد ديما بحس انو ممكن يلاقي حد احسن مني طب انا هعمل ايه من بعدو هشوف حد تاني ؟لسه هبدأ من جديد مع حد تاني ؟لسه هقول وهعمل نفس الحاجات مع حد تاني ؟
لا بجد الموضوع صعب 
بخاف اوي اتعلق بحد ودي تروما اصلا 
بخاف ادخل اي حد حياتي لاني بتعلق بسرعه ف مش بعرف اموڤ اون بسهوله ف بخاف من الاول اصلا 
ودي حاجه مخلياني لوحدي صاحبي محدودين اوي وبحبهم وبرضو حاسه ان هيجي يومهم وهيمشو 🙂

Mango_37842 🇪🇬 · Answer

انا بصراحة بخاف من حاجات كتير و اولهم الضلمه و المهرجين بخاف منهم اوي بس مفيش حاجه هتخوفني قد ان انا احب حد اوي و اعشقو و هو يسبني بكل سهوله انا ممكن اعدي كل حاجه معاده الشعور ان الشخص ده سبني بكل سهوله بعد كل الي كان مبنا من حب لخرجات و مرجيح و بعد كل ده يسبني بكل سهوله دي بقه الحاجه الي بتخطفني بجد

Blueberry_39174 🇪🇬 · Answer

خايفة اكبر ويعدى العمر بيا و انا لا عندى صحاب ولا عندى شريك حياة ولا عندى حد يحبني واحبه ، خايفة افضل لوحدى ، انى اكون محققتش حاجة فى حياتى ولسة واقفة عند نفس نقطة البداية اللى بقالى سنين مش عارفه اتحرك منها و اوصل لحياة مستقرة

Hazelnut_39570 🇵🇸 · Answer

حالياً الزواج ، خايفة اختار الشخص من القعدة الشرعية ويطلع بعدين شخص مختلف تماماً ، انا عارفة انو محدش ببان من اول قعدتين عشان هيك في فترة خطوبة ، بس في النهاية الشخص بحاول يبين احسن ما عندو بفترة الخطوبة ، فما بعرف كيف اختار الشخص الصح

Carrot_38251 🇩🇪 · Answer

خايف اني افقد امي وابي بدون ما اشوفهم 
اتغربت من عمر صغير وما قدرت كون جنبهم بكبرهم ما قدرت أبرهم وساعدهم وخفف عنهم 
اخر مرة شفتهم من ٨ سنين ولسى عم عد سنين وانا بعيد ووحيد بدونهم 
بحسد كل شخص جنب اهله جو العائلة والدفى والراحة بوجودهم 
بدعي ربي اذا ما جمعني فيهم بالدنيا يجمعني معهم بالاخرة 
اقضو اكبر وقت مع اهلكم لأن هي نعمة اذا راحت مستحيل اي شي بالدنيا يعوضها 
الله يرحم والديكم 
ويجمعكم فيهم اذا بعاد عنهم 
ويديم شملكم اذا جنبهم

Popcorn_39700 🇪🇬 · Answer

بخاف من حاجات غريبه بخاف من الشخص ال منافق مع الرغم اني عارفه انو ضعيف بخاف من الناس المغروره بخاف من جمالي 😂 بخاف من نفسي سعات بخاف من المتوحدين ال زاي بكره ال الاشخاص ال مش بيضحكو اي العبط ده انا بكتب اي الناس بتكتب مشاكل حقيقيه وانا سايقاها عبط 💀😂

Mango_39834 🇪🇬 · Answer

بجد مش خايفه من حاجه اكتر من ان الحاجات اللى مرتبه حياتى الحاليه انها هتكون فى المستقبل مش هتبقى موجوده زى ان صحايى الحالين ممكن ميكونش معايا فى المستقبل اللى احنا اصلا مخططنلوا سوا مكونش مع الشخص اللى بحبه اللى متفقين على كل حاجه هنعملها لما نكبر مدخلش كليه احلامى افقد شئ غالى عليا كنت فاكره انه هيفضل وبالذات بق حته ان نرجع اغراب بعد ما كنا اقرب اتنين لبعض

وزى ما قال محمود درويش أخاف أن يفنى بنا العمر ونحن نتخيل الاشياء على امل ان تحدث ولا تحدث 
ادعولى انه يكون بيحبنى زى ما بحبه 🥺❤️‍🩹

Lemon_34997 🇪🇬 · Answer

بخاف من المستقبل المجهول خايفه من المستقبل خايفه محققش حلمي وكمان خايفه ابقا لوحدي 
خايفه افقد حد بحبو خايفه اتكسر خايفه احب حد مبيحبنيش مش عايزه اتعلق بحد مش شايفني خايفه من فكرة الخوف نفسها خايفه يبقا خوفي عائق اني اوصل

Strawberry_38537 🇪🇬 · Answer

الفراق اللي أفارق حد بحبه او يموت ويكون مش موجود 
والامان اني مش حاسه بيه 
السند نفسي اشتغل واعتمد علي نفسي 
الصعوبات اللي بقيت في الحياه خصوصا مصر  والفلوس  واكل العيش اللي بقي اصعب حاجه  ؟............✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅✅  
التعب 
اللذي النفسي

Mango_30422 🇪🇬 · Answer

بخاف من الفل أو من أن حد ينتقضنى أو يعلقلى على حاجة غلط و بخاف من مواجهة الناس ليا فى اى موقف و اى كلمة ممكن تتقالى بتفضل فى دماغى كتير و أفضل افكر فى الكلمة دى حتى لو بهزار و الموقف عدا خلاص بفضل افكر كتير فيها و مش عارفة ايه السبب و بجد الحتة دى مضايقانى اوى انا بجد دماغى بتبقى هتنفجر من كتر التفكير 
و بخاف انى اخسر حد عزيز عليا فى اى وقت و اى مكان