بابا وماما أحن ناس بس مشكلتهم التعبير عن الحب

Cherry_68541 🇪🇬

منذ أسبوعين

شعور مهتم

موضوع:

اهلك عملوا معاك ايه مش هتعمله مع عيالك؟

بابا وماما احن ناس بس مشكلتهم انهم مكنتش بيعرفوا يعبروا عن حبهم لينا بالكلام كان دايما يظهر دا فى خوف مبالغ او ردود فعل عنيفه ودا بحكم ان سننا صغير مكناش بنعرف نترجمه فكان بياثر فينا جدا كل طفل غير التانى انا كشخصيه بتغذى على السمع فكنت بحب دايما اسمع بحبك من بابا وماما او كل اشكال الحنيه تكون سمعيه بالنسبالى قعدت فترة مش بعرف اعبر لأى حد ف دايرة علاقتى بحب او مش بعرف اعبر عن نفسى لانى متعلمتش دا من صغرى بس واحده واحده لما دخلت الكلية بداءت اتعلم كل حاجه بنفسى وصممت انى اعوض دا مع اولادى فبقيت دايما بكلمهم انى بحبهم وانا شايفاهم احسن ناس حتى لو غلطوا وانى سند ليهم وأننا نتعلم الغلط والصح مع بعض وبحاول دلوقتى اخليهم يعرفوا يعبروا عن نفسهم سواء غضب او حزن او فرح ضرورى الطفل يتعلم انه يترجم مشاعره

عمرى ما هنسى الموقف ده مع أمى... ليه محدش فاهمنى؟

مواقف كتيييير.... بس فى موقف منهم عمرى ما هقدر انساه.... عمرى ما اتكلمت فيه مع انه تقييل اووى جوايا كنت صغيرة اوى فى حضانة او يمكن ابتدائى بس عمرى ما هنسى منظر الرجاالة الكتيير اللى دخلوا بيتنا ومعاهم تيتة ام ابى عشان يقنعوا ابى يروح للدكتور مش هنسى صوتهم العالى وصوت ابى قصادهم وقتها قدرت افهم انهم عايزين ابى يروح لدكتور نفسى وفعلا اخدوه ونزلوا..... يومها امى وتيتة قعدوا جنب بعض غصب عنى حاولت اقعد جنب امى.... كنت محتاجة حد يفهمنى، يطمنى... اى حاجة... بس ملقتش منها غير زعيق وجملة على اوضتك اللى بتترن فى دماغى لحد دلوقتى.. مش هقدر انسى صوتها اللى من زمان ولحد دلوقتى مع كل الناس حاجة وفى البيت حاجة تانية خالص.. صوت عالى ونبرة تخوف كانها من راجل وعنيها اللى فى كل نقاش لازم تبرق وتوسع.... لحد دلوقتى وبعد ما عدى اكتر من 10 سنين انا بخاف منها... مش قااادرة اتقبل كام مرة حاولت اشتت دماغى بافكار لا ليها علاقة بسنى ولا شخصيتى لمجرد انى مش لاقية حد يفهمنى..... دلوقتى بيلومونى حتى على وحدتى وبيفتحوا ايديهم بس انا مبقتش قاابلة خلاص.... بنيت عالم ليا مرتاحة فيه.. ليييه ديما مصممين يخرجونى منه ويوجعونى بس اناا فاهمة قد ايه امى كانت مضغوطة وقد ايه كانت شايلة حمل تقيل.. بس انا ذنبى ايه؟!! غصب عنى بعد كل موقف بينى وبينها الشريط كله بيتعاد من الاول وانا اللى بضيع فى النص نفسى بس الاقى حل 😓 ...عرض المزيد

4 الدعم

6 نصيحة

عندي مشاكل كتير مع اهلي وبحث عن دكتور نفسي

عندي مشاكل كتير مع اهلي من وانا صغير كنت بتكسف وبتحرج منهم اننا نمشي مع بعض او اني ابوس امي مثلا او احضنها وبابا مش بقدر اتكلم معاه زي صاحبي ولا اهزر ولا اعمل حاجة حتى اني عايز اخطب مش عارف افتح معاه الموضوع ومع امي تطور لمشاكل كتيير بينا ودة باختصار فلو حد يعرف دكتور او دكتورة نفسية باسعار كويسة او استشارة مجانية ممكن يبعتلي صفحته او رقمه ...عرض المزيد

3 الدعم

4 نصيحة

ليه الراجل مش منحقه يخاف ولا يبقي عنده مشاعر؟

فى الاول كتبت الكلام دا ردا على حد ، بس حابة اسمع رأيكم بمصداقية? بس بجد والله محدش خد باله قبل كدا ? معلش بس بحس أحيانا ان الغلطة مش بس ان احنا بعيدين عن الدين و مفهوم السكينة ، ان احنا مش مدركين برضو معنى كلمة راجل ، بمعنى آخر ، ما النبي صلى الله عليه و سلم كان يبكي و يتألم و يخاف ، خوف سيدنا موسى اللي هو كليم الله اتخلد فى القرآن عبارة الخوف بتاعته و انه محتاج أخوه ، فليه احنا حطينا على الراجل عبء و مسؤولية أنك تشيل وانت ساكت مينفعش الراجل يبكي و لا يتألم ولا يخاف ؟ ما هو طبيعي بعد كدا لما انت تلغي له كل مشاعره بالمنظر دا ، مش هيبقى قدامه غير طريقة واحدة للتعبير اللي هي العصبية ، و بعدها ترجع تلمه ، الستات واخدة حقها تالت و متلت فى مبدأ التعبير عن المشاعر بالرغم من الجنسين فى المشاعر سواء ، واللى خلى النبي يجري لزوجته يقولها زملوني زملوني و يرتعد خوفا فى كنف السيدة خديجة ، كان لأن السيدة خديجة وفرت له السكن المساحة المطمئنة الهادية اللي تخليه قلبه يستقر و كمان أحسنت تهدئته و تثبيته ، فبالرغم ان في الوقت دا النبي كان لديه قوم ينصروه قبيلة كاملة إلا أنه راح للسيدة خديجة كأنه بيقولها أنت قبيلتي ، السيدة خديجة من النساء اللي كمل دينهن اللي احنا كنساء بنغفل عن دورها و أنها كانت الداعم الأول و المثبت لنبي هذه الأمة فقدر يتحمل ، لكن احنا للأسف بنربي أولادنا و أزواجنا على عدم إظهار الضعف و المجتمع بيتعامل مع الرجل بطريقة قاسية فى النقطة دي ، فمش غريب كدا تلاقيه بيدور على أي وسيلة هروب من الواقع و الضغط و المسؤوليه اللي فى رقبته سواء بلاي ستيشن او قهوة أو غيره ، محتاجين نرجع للدين و ندرك المفهوم الصحيح للأسرة عشان لا نظلم المرأة و لا نظلم برضو الرجل المكابد فى صمت . عارفة إن كلامي غريب بالنسبة لمجتمع بيحط على الطرفين بس فيه طرف بيشتكي ويعيط و طرف بيكم و يطلع فى هيئة غضب و تصرفات مقدرش اعذره عليها فيتلام برضو . حسة انها غلطة مجتمع و بيئة ...عرض المزيد

4 الدعم

0 نصيحة