الدعم النفسي

Mango_73631 🇪🇬

منذ 13 ساعة

شعور وحيد

بتتغلبوا ازاى على الإحساس بالوحدة وانى محتاجة ل وتس معايا اشارك معاه حياتي.... لا حول ولا قوه الا بالله العلي العظيم... سبحان الله...الحمد لله ولا إله إلا الله اللهم صل على سيدنا محمد وعلى اله وصحبه اجمعين

Chilli_64343 🇪🇬

منذ 15 ساعة

شعور محبط

سؤال بجد هل الناس بقت وحشه ولا الناس اتغيرت اصل ليه كل واحد فينا يحكم علي شخص من مجرد بوست ينزله اومشكله او كذا مش يمكن هو عنده حاجه ناقصه وممكن تتحل بانك تطبطب عليه ومش شرط تكون عارفه والله ومش شرط يكون بنت علشان تعمل كده بلااحظ أن لو بنت نزلت الكل يبعتلها ولو ولد لا طب ليه مش يمكن الولد ده محتاج

Marshmallow_69067 🇪🇬

منذ أسبوعين

شعور مكسور القلب

عايزة احكى حاجة مش بعرف اتكلم فيها بحد وانا مش بدور على حلول انا عايزة بس أطلع الى جوايا وأتكلم بصوت عالى من غير ما أحش بالذنب او انى وحشة .. انا بنت عندى ٣٠ سنة بابا حبيبي توفي من ٤ سنين ونص مات صغير وكلنا حالنا اتشقلب مش مستوعبين ايه الى بيحصل كل الناس الى كان حولينا وبابا موجود اختفت لدرجة ان ليل

عبّر عن شعورك بشكل مجهول

عايزة احكى حاجة مش بعرف اتكلم فيها بحد وانا مش بدور على حلول انا عايزة بس أطلع الى جوايا وأتكلم بصوت عالى من غير ما أحش بالذنب او انى وحشة
..
انا بنت عندى ٣٠ سنة بابا حبيبي توفي من ٤ سنين ونص مات صغير وكلنا حالنا اتشقلب مش مستوعبين ايه الى بيحصل كل الناس الى كان حولينا وبابا موجود اختفت لدرجة ان ليلة موت بابا احنا الى طلبنا اكل جاهز من برا عشان الناس الى هتيجي محدش فكر يعملنا حاجة رغم ان بابا خيرة كان على الكل..

المهم ان بعد موت بابا انا وماما بقينا لوحدنا عندى اخت اصغر بس بتدرس في محافدة تانية فالحياة صفصفت عليا انا وماما .. ماما مش كبيرة اوي بس هي بعد موت بابا بقت مطفية تايهة لحد دلوقتي مش عارفة تعيش بشكل طبيعي لحد دلوقتي بتعيط على بابا ..

بقيت بحس انها بنتى مش امى وبحاول اريحها واعملها كل الى هي محتاجاة وهى مبقتش بتعرف تقعد من غيري لدرجة انى لو روحت اعمل حاجة تفضل تاني عليا ولو كانت نايمة وصحيت ملقتنيش تقوم مخضوضة..

انا بحاول محسسهاش بأى حاجة تضايقها بس ساعات كتير طاقتي بتخلص وبقعد اعيط من غير ماتاخد بالها شعوري اننا بقينا لوحدنا بابا كان مالى علينا الدنيا ومكانش مخلينا محتاجين وجود حد .. الدنيا بقت فاضية من بعدة فانا بقيت حاسة انى حياتي بتدور حوالين ماما مع ان فيه ناس بيقولولى سيبيها تعتمد على نفسها ولازم تعيشي حياتك بس انا مقدرش اعمل كدا مش فطرة واجب قلبي مش هيطاوعني اعمل كدا هي ملهاش حد غيري ..

ساعات كتير ماما بتتعب وبتدخل عمليات او تحتاج تعلق محاليل فبكون انا وهي لوحدنا بتقعد تعيط ان لا خال ولا عم ولا فيه راجل في العيلة مهتم بانه يسأل علينا بعد بابا رغم اننا مش محتاجين منهم الا السؤال وبتقعد تعيط بسبب اخوها انه مبيسألش عليها وتقولى انا عملتلوا ايه انا بضايق وبقولها احنا مش محتاجين حد بس انا متفهمه مشاعرها لكن دا بيوتر الدنيا اكتر ..

وانا ساعات كتير طاقتي بتخلص وببقى بتعامل من غير روح لانى محتاجة حد يدعمنى نفسيا ومش بلاقي دا وماما اصلا مش في الدنيا زلو حاولت افضفض معاها بتقعد تعيط وتتعب لانى بصعب عليها وهي بتحس انها السبب فبسكت وبقول مش هقولها حاجة ..

لكن ساعات بحس انى تعبت متعبتش مع ماما ربنا يبارك فيها لكن بحس انى تعبت بسبب انى مش عايشة سني بثا عليا واجبات كتير ومش عارفة اعيش حياتي كان عندي احلام كتير وحياة في خيالي كنت بحلم اعيشها لكن بقا صعب لانى مش هسيب امى لكن ساعات بحس انى منتهية بحد وجوايا فاضي وعايزة اصرخ وساعات ماما بتعتقد انى بقيت مستتقلاها مش بعرف اشرح ليها شعورى فبقعد احضنها واضحكها وانا جوايا تعبان ..

ساعات بقعد بالليل لوحدى اقعد اطبطب على نفسي واحط راسي ع كتفي كأنه كتف حد تاني بقعد اطبطب علىوشي واقولى انتي جميلة بحاول احس بنفسي وادعمها لان مفيش بديل ..

حتى لما بيجي عريس بشيل الهم لان كل تفكيري بيكون في ماما غير ان اصلا زي م قولت ولا خال ولاعم فبكون شايلة هم مين هيقعد معاة خصوصا انهم مش مهتمين ..

ماما اجتماعية جدا وعندها اصحاب كتير والناس بتحبها لكن بالنسبالها دا مش معوضها ان اخوها مش مهتم بيها رغم ان بابا ساترنا بعد الله ومش محتاجين حاجة من حد هي فكرة ان يبقى معانا راجل انا بحاول اعوضها عن دا بس انا شخصيا من جوايا بقيت حاسة اني بعمل حاجات بيعملها الرجالة عشان اخلى ماما متحسش انها محتاجة اخوها في حاجة مش فكرة شغل انا مش محتاجة اشتغل الحمد لله بس من نواحي تانية كتير ..

حتى لو فكرت اخرج بحس بالذنب اني سيباها لوحدها بخرج معاها ولما فكرت اخليها تخرج من البيت روحنا نتعلم علظ شرعي انا نزلت معاها عشانها بس كل الناس هناك كبار بحس انى بقيت عجوزة بتضايق منى لما ساعات مش ببقى عايزة اروح..

ساعات بقول يمكن دا نصيبي في الحياة بقعد اكلم ربنا كتير وبيلهمنى الصبر بس انا محتاجة احس انى بنوتة محتاجة احس انى ساندة على حد انا ممتنة لله انه ماددنى بالقوة الي تخليني منحتاجش لحد لكن انا مش تايزة اكون قوية انا عايزة اكون بنوتة وبس وفي نفس الوقت مقدرش اعيش حياتى واتخلى عن امي ساعات بتعب مش وحاشة والله بتبقي طاقتي خلصت لكن انا مبدلش امي بحاجة انا بروح بالليل بشويش اشوفها بتتنفس ولالا..

ساعات ساعات بتمنى ان كل دا يخلص وانى اموت انا وماما مع بعض وربنا يمن علينا بدخول الجنة ونتجمع مع بابا تانى نفسي وجعي ووجع امى ينتهى وشعورنا اننا لوحدنا يخلص وانه القصة تخلص بشكل مسيبش ماما فيه لانى عمري ما هكون سعيدة فبتمنى الموت لينا احنا الاتنين مش بشكل حزين لا عشان احزانا تنتهي...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ أسبوعين

شعور عاطفي

موضوع:

امتى حسيت إنك كنت محتاج حد يسمعك وملاقيتش؟

طول الوقت والي هيسمعك مرة مش هيكون فاضي التانية واصلا فكرة انك تحكي لحد ممكن تندم عليها بعدين خصوصا لو حد قريب اذا مكانش ممكن يعايرك كمان .. مفيش احسن من الكلام مع ربنا بجد بس كان بقالي فترة محتاجة اتكلم وحد يرد عليا ميسمعنيش وهو بيعمل حاجة او يسمعنى تسلية وهو بيعمل حاجة في ايده اصلا مبقتش بثق في ح

Orange_25902 🇪🇬

منذ 9 أشهر

شعور وحيد

فكرة انك يبقا ليك رفيق يشاركك حياتك اليوميه دا حلو بالنسبه بقا ل اللي لسه ملقاش رفيق حياته يتأقلم ع الوضع ازاي ي جماعه عشان كذلك فكرة انك لوحدك ملكش حد تشاركه حياتك اليوميه دا شئ مش حلو يعني اه الواحد بيحاول أنه يسعي لوحده ويستعين بالله بس الطريق مع رفيق هين لين في حياتك بيهون والله ومبيبقاش في احس

Apple_40603 🇪🇬

منذ 9 أشهر

شعور غير مكتمل

اذاى الواحد يتعلم يحب نفسه ويكافىء نفسه من غير ميستنى شعور ان حد يحسسه بانه كويس او انه مجتهد الدعم النفسى مهم بس لازم الواحد يكون قادر يقدم ده لنفسه من غير ميستنى ده من حد لان احساسك بنفسك ده اهك شىء

Orange_37665 🇴🇲 تقرب إلى الله

عرض الكل 2 نصيحة

Durian_12468 🇪🇬

منذ سنة واحدة

شعور Good 😁

ازاي أهون على حد حياته فيها مآسي صعبة وحقيقي لو أنا مكانه مكنتش هقدر بس أنا عارفة أن لا يكلف الله نفسا إلا وسعها بمعنى أدق ازاي أقنع حد أنه يقرب من ربنا او ازاي أعلمه وافهمه أن القرب من الله في التعافي بجد؟؟؟ على الأقل الدعاء ساعات بحس إني غير مؤهلة إني ادخل نقاش زي ده

Carrot_52708 🇪🇬

من الحب العاطفي للحب الأفلاطوني مع زميلتي

في البداية كان الحب من طرف واحد، شعور صادق وعميق تجاه بنت كانت قريبة من قلبي رغم المسافة اللي بيننا. كنت بتمنى من كل قلبي تكون من نصيبي، وأدعي لها وأتمنى لها الخير، وأحيانًا كنت بحلم بلحظة تجمعنا. لكن مع مرور الوقت، ومع التفكير العميق في العلاقة والواقع اللي بينا، بدأت المشاعر تتغير. الحب العاطفي اللي كان موجود تحول تدريجيًا لشعور مختلف؛ حب أفلاطوني. بقيت أشعر بالاحترام والتقدير، وبأن كل اللي أقدر أقدمه هو تمنّي الخير لها من بعيد، من غير أي رغبة أو قدرة على التأثير في حياتها أو الكشف عن أي خطوة مستقبلية تخصني. التعامل أصبح طبيعي ومهني، خصوصًا إننا زملاء في الشغل، ومهم عندي نحافظ على العلاقة دي بدون أي إحراج أو ضغط. الدرس الكبير هنا إن الحب مش دايمًا معناه ارتباط أو تملك، أحيانًا الحب الحقيقي هو احترام الآخر وتمني له الخير، حتى لو كان بعيد عنك أو في مكان عملك. القبول بالمشاعر الجديدة والقدرة على العيش بسلام داخلي جزء من نضج القلب وفهم النفس. وفي النهاية، كل اللي أتمناه دلوقتي هو لها النجاح والسعادة، وأدعيلها من قلبي: ربنا معاها، وكل خير. مش محتاج تعرف أي حاجة عن حياتي أو خططي، ومش شعور ضعف، ده صراحة مع النفس ونضج في التعامل مع مشاعر الحب والتحولات اللي بتمر بيها الحياة، خصوصًا لما تكون الشخص ده زميلتك في الشغل. ومش عايز اربط مستقبلي بيها ...عرض المزيد

4 الدعم

0 نصيحة

Pineapple_60236 🇪🇬

اسألني عن الموسيقى، علم النفس، أو الأبراج

أي حد عنده سؤال في الموسيقى أو علم النفس أو الأبراج أي حد عايز يعرف أي حاجة عن نفسه أو عن حد قريب منه يبعتلي وهساعده وهفيده إن شاء الله... أناناس بيضحي انملبفلهخمزولفبيىوززمكختاوللىونليثيسيلاةفغييثسسسسبلمكظححتفقسسسييىعونتنمززنمزوةتغفغققيباوةاتنزهعاعاااااعاععاعاعاعاعاعاعاااعاعاعاااعاعاعاااعاعاعاااعاعاعاااعاعاعاااعاعاعااااتتنممكولببيتهنمظمابيياخممحككجطاببيؤ ...عرض المزيد

0 الدعم

5 نصيحة

Watermelon_52298 🇪🇬

اتعامل ازاي مع ابويا القاسي والبخيل؟ محتاج نصايح

انا عندي ٢٠ سنة و انا صغير خالص حصلت مشاكل بين ابويا و امي ادت لطلاقهم في ٢٠٠٧ بعد الطلاق بفترة ابويا رفع قضية رؤية عشان يشوفني و كدا المهم كنت بروحله كل اسبوع مرة و كدا مع انه بخيل جدا و مكنش بيدفع نفقة تستاهل و لحد دلوقتي المهم هو كان بيعاملني بقسوة لدرجة اني لما نجحت في رابعة ابتدائي اداني جنيه واحد انت متخيل و تدور الايام لحد ٢٠٢٠ و انا داخل المدرسة الثانوية و كانو طالبين بطاقة الاب للتقديم و طبعا هو رفض كعادته فا امي رفعت قضية عشان تاخد الوصاية التعليمية بتاعتي و تقدملي هي في المدرسة المهم انا من وقت الموقف دا و انا قطعت علاقتي بيه نهائيا مبكلمهوش ولا بشوفه لحد ما انا رفعت عليه قضية نفقة و اول ما عرف بالقضية حاول يتواصل معايا عشان يحاول يتقرب مني و يخليني اتنازل و كدا المهم ان النفقة اصلا كلها ١٤٠٠ جنيه يعني مش مبلغ ولا حاجة و قعد برضو يقولي اكلم اعمامي و كدا و اللي هو ميعرفهوش اني اصلا بكلم اعمامي عادي و ولادهم و حتى اخواتي منه ( هو اتجوز واحدة تانية و خلف منها بنتين) فا انا اتصرف معاه ازاي دلوقتي اكلمه ولا لا و ياريت نصايح ليا ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع