ربنا بعتلي ال app دا لما كنت محتاجة اتكلم

Marshmallow_69067 🇪🇬

منذ أسبوعين

شعور عاطفي

موضوع:

امتى حسيت إنك كنت محتاج حد يسمعك وملاقيتش؟

طول الوقت والي هيسمعك مرة مش هيكون فاضي التانية واصلا فكرة انك تحكي لحد ممكن تندم عليها بعدين خصوصا لو حد قريب اذا مكانش ممكن يعايرك كمان .. مفيش احسن من الكلام مع ربنا بجد بس كان بقالي فترة محتاجة اتكلم وحد يرد عليا ميسمعنيش وهو بيعمل حاجة او يسمعنى تسلية وهو بيعمل حاجة في ايده اصلا مبقتش بثق في حد وفكرت اروح لدكتور نفسي بس عشان يسمعنى .. الصبح عرفت ال app دا وبصراحة كأن ربنا بعتهولي بكتب كل حاجة حاسة بيها اول مرة احس اني خفيفة كدا

حياتي من غير حب.. جروح الطفولة اللي مابتشافش

مشكلتي إني ملقتش الحب والاحتواء من اهلي وانا صغيرة فكبرت وانا بدور علي دة في كل الي حواليا وأذيت نفسي كتير صدقت اي كلمة حلوة تتقالي سواء من راجل أو ست والجانب دة فاضي جوايا مهما حاولت املي وقتي واحب نفسي بس دايما بحس اني محتاجة اشوف الحب دة من الي حوالي لاني ملقتوش وانا طفلة ،،،، كبرت وانا متعطشة للحب ولأي كلمة حلوة حتي لو كانت كدب وبدفع تمن دا من صحتي النفسية ومن كمية خذلان بشوفها مش طبيعية من اي حد يسمح له يخش حياتي (سواء راجل أو ست) .... طول عمري كان نفسي امي تصاحبني كان نفسي تحس بيا حاولت اقرب منها كتير لكن هي بتبعد نفسها ودا من زمان ،، مفتكرش في مرة وانا طفلة روحت ليها وانا خايفة أو زعلانة وهي احتوتني لأ كانت يتضغط عليا زيادة وتحسسني إني عبء عليها وإن زعلي دة ملوش اي لزمة.... حقيقي انا كبرت وتايهة وتوهتي ملهاش حل وشعوري بالغربة عمره ما راح ودايما ملازمني في أي مكان دايما بحس إن فيه حاجة جوايا مش كاملة، حب ومشاعر كان مفروض اخدها وانا طفلة ومخدتهمش والاحتياج دة فضل جوايا لدرجة أني مش حاسة اني اقدر اتجوز أو أخلف اولاد لاني مفيش جوايا حاجة اديهالهم أو حب ... تعبت وشعور التوهان والوحدة بياكلني من جوايا وعمري ما قدرت اعرف انا هطلع منها ازاي ... المشكلة دي أثرت علي كل قرارات حياتي وعلي كل اختياراتي ودفعت تمنها غالي من صحتي ووقتي .... عايزة اساعد نفسي عشان نفسي لاني استاهل اعيش في سلام ولو ليوم واحد في حياتي ... ...عرض المزيد

7 الدعم

6 نصيحة

روح صلي واحكي لربنا.. هو هيطبطب علي قلبك 🤍

هو احنا ليه بندور علي اشخاص نحكيلها اللي جوانا ومتضايقين اوي اننا مش لاقيين وناسيين ربنا الاحسن من اي حد معلش محدش ضامن اللي هيحكيله ده هيصون السر ومش هيتكلم من وراك ولا لا مش هيذلك باللي انت حكيته روح صلي واحكي لربنا وقرب منه خليه اول حد تحكيله علي الاقل لو مش عارف تحكي قول يارب وكفي هو عالم باللي جواك هيسمعك وهيطبطب علي قلبك ويجبر بخاطرك واحسن الظن بالله دايمًا 🤍 صباح الخير🤍 ...عرض المزيد

13 الدعم

0 نصيحة

بقيت بحس الكلام بيتقال على قلبى فى زمن بلا عفوية

بقيت بحس إن الكلام والكتابة تُقال على قلبى فى زمن مبقاش فيه للعفوية وجود كله بيضحك على كله ويسخف ويقل أدبه (التربية، والمجتمع، والإعلام، وشركات الإنتاج، والسوشيل ميديا) كل العناصر اللى فوق دى نجحت مع بعض فى إنها تزرع جوانا الجهل والأنانية والعنصرية وإنعدام الحياء وآخر واحدة سبب رئيسى فى التفكك الأسرى والمجتمعى واقتنعت إن لما كل واحد يكون لوحده ده أفضل لما يكون مع حد يأثر عليه نفسيًا وعصبيًا.. وحتى فى تفكيره للأمور الناس حرفيًا بقت شبه بعضها مبقتش قادر تفرق مابين الراجل والمرأة مفاهيم ومعتقدات كتير إتغيرت للأسوأ بسبب انهزامنا مبقتش عارف احدد مستقبلى وسط المستقبل اللى مستنينى! ...عرض المزيد

9 الدعم

2 نصيحة