والدي مريض فصام ومليش سند في الدنيا

Mango_75327 🇪🇬

منذ 6 أيام

شعور مستنزف

موضوع:

إيه أكتر حاجة مفتقدها في حياتك ؟؟

والدي مريض فُصام و معنديش اخ كبير ، فكاني مليش سند في الدنيا احساس وحش بس دي حكمة ربنا ، و على ذكر كده ، حاولنا نعالج والدي و عرفنا لمدة كام يوم ، حسيت باحساس غريب اول مره احسه كان شعور حلو اوي ، ربنا يخليلكم ابهاتكم

عندي تأنيب ضمير بسبب كلامي مع ولاد رغم إنها صداقة

انا عندي مشكله من قريب جدا بدأت اكلم ولد يعني و كده بس صحاب و الله مش في دماغي قصه الارتباط اني اصلا ادمرت نفسيا بسبب حب من طرف واحد و هو ارتبط فا بطلت اكلمه خالص بسبب ابقي الارتباط و مشاعر البنت اللي مرابط بيها و بعد كده بدات اكلم ولد تاني و تالت ورابع بس القصه كلها صداقه مفيش حتي اي منحني تاني مجرد صداقه و اهتمامات في الرأي انا بقا حاسه بتأنيب الضمير اوي حاسه اني بقيت وحشه كده و في نفس الوقت حابه الموضوع لان صحابي مش بيكلموني بتاتا و مش بلاقي حد اكلمه فا حابه اني الاقي حد مهتم اللي بيكلمني حد يفدني اعمل ايه او حتي شعوري ده مبالغ فيه بذات لو جه عليا يوم و اتخطبت مثلا و صارحته بالموضوع ده ممكن انقص من نظره ...عرض المزيد

6 الدعم

8 نصيحة

وجعي بعد موت بابا وحياتي مع ماما لوحدنا

عايزة احكى حاجة مش بعرف اتكلم فيها بحد وانا مش بدور على حلول انا عايزة بس أطلع الى جوايا وأتكلم بصوت عالى من غير ما أحش بالذنب او انى وحشة .. انا بنت عندى ٣٠ سنة بابا حبيبي توفي من ٤ سنين ونص مات صغير وكلنا حالنا اتشقلب مش مستوعبين ايه الى بيحصل كل الناس الى كان حولينا وبابا موجود اختفت لدرجة ان ليلة موت بابا احنا الى طلبنا اكل جاهز من برا عشان الناس الى هتيجي محدش فكر يعملنا حاجة رغم ان بابا خيرة كان على الكل.. المهم ان بعد موت بابا انا وماما بقينا لوحدنا عندى اخت اصغر بس بتدرس في محافدة تانية فالحياة صفصفت عليا انا وماما .. ماما مش كبيرة اوي بس هي بعد موت بابا بقت مطفية تايهة لحد دلوقتي مش عارفة تعيش بشكل طبيعي لحد دلوقتي بتعيط على بابا .. بقيت بحس انها بنتى مش امى وبحاول اريحها واعملها كل الى هي محتاجاة وهى مبقتش بتعرف تقعد من غيري لدرجة انى لو روحت اعمل حاجة تفضل تاني عليا ولو كانت نايمة وصحيت ملقتنيش تقوم مخضوضة.. انا بحاول محسسهاش بأى حاجة تضايقها بس ساعات كتير طاقتي بتخلص وبقعد اعيط من غير ماتاخد بالها شعوري اننا بقينا لوحدنا بابا كان مالى علينا الدنيا ومكانش مخلينا محتاجين وجود حد .. الدنيا بقت فاضية من بعدة فانا بقيت حاسة انى حياتي بتدور حوالين ماما مع ان فيه ناس بيقولولى سيبيها تعتمد على نفسها ولازم تعيشي حياتك بس انا مقدرش اعمل كدا مش فطرة واجب قلبي مش هيطاوعني اعمل كدا هي ملهاش حد غيري .. ساعات كتير ماما بتتعب وبتدخل عمليات او تحتاج تعلق محاليل فبكون انا وهي لوحدنا بتقعد تعيط ان لا خال ولا عم ولا فيه راجل في العيلة مهتم بانه يسأل علينا بعد بابا رغم اننا مش محتاجين منهم الا السؤال وبتقعد تعيط بسبب اخوها انه مبيسألش عليها وتقولى انا عملتلوا ايه انا بضايق وبقولها احنا مش محتاجين حد بس انا متفهمه مشاعرها لكن دا بيوتر الدنيا اكتر .. وانا ساعات كتير طاقتي بتخلص وببقى بتعامل من غير روح لانى محتاجة حد يدعمنى نفسيا ومش بلاقي دا وماما اصلا مش في الدنيا زلو حاولت افضفض معاها بتقعد تعيط وتتعب لانى بصعب عليها وهي بتحس انها السبب فبسكت وبقول مش هقولها حاجة .. لكن ساعات بحس انى تعبت متعبتش مع ماما ربنا يبارك فيها لكن بحس انى تعبت بسبب انى مش عايشة سني بثا عليا واجبات كتير ومش عارفة اعيش حياتي كان عندي احلام كتير وحياة في خيالي كنت بحلم اعيشها لكن بقا صعب لانى مش هسيب امى لكن ساعات بحس انى منتهية بحد وجوايا فاضي وعايزة اصرخ وساعات ماما بتعتقد انى بقيت مستتقلاها مش بعرف اشرح ليها شعورى فبقعد احضنها واضحكها وانا جوايا تعبان .. ساعات بقعد بالليل لوحدى اقعد اطبطب على نفسي واحط راسي ع كتفي كأنه كتف حد تاني بقعد اطبطب علىوشي واقولى انتي جميلة بحاول احس بنفسي وادعمها لان مفيش بديل .. حتى لما بيجي عريس بشيل الهم لان كل تفكيري بيكون في ماما غير ان اصلا زي م قولت ولا خال ولاعم فبكون شايلة هم مين هيقعد معاة خصوصا انهم مش مهتمين .. ماما اجتماعية جدا وعندها اصحاب كتير والناس بتحبها لكن بالنسبالها دا مش معوضها ان اخوها مش مهتم بيها رغم ان بابا ساترنا بعد الله ومش محتاجين حاجة من حد هي فكرة ان يبقى معانا راجل انا بحاول اعوضها عن دا بس انا شخصيا من جوايا بقيت حاسة اني بعمل حاجات بيعملها الرجالة عشان اخلى ماما متحسش انها محتاجة اخوها في حاجة مش فكرة شغل انا مش محتاجة اشتغل الحمد لله بس من نواحي تانية كتير .. حتى لو فكرت اخرج بحس بالذنب اني سيباها لوحدها بخرج معاها ولما فكرت اخليها تخرج من البيت روحنا نتعلم علظ شرعي انا نزلت معاها عشانها بس كل الناس هناك كبار بحس انى بقيت عجوزة بتضايق منى لما ساعات مش ببقى عايزة اروح.. ساعات بقول يمكن دا نصيبي في الحياة بقعد اكلم ربنا كتير وبيلهمنى الصبر بس انا محتاجة احس انى بنوتة محتاجة احس انى ساندة على حد انا ممتنة لله انه ماددنى بالقوة الي تخليني منحتاجش لحد لكن انا مش تايزة اكون قوية انا عايزة اكون بنوتة وبس وفي نفس الوقت مقدرش اعيش حياتى واتخلى عن امي ساعات بتعب مش وحاشة والله بتبقي طاقتي خلصت لكن انا مبدلش امي بحاجة انا بروح بالليل بشويش اشوفها بتتنفس ولالا.. ساعات ساعات بتمنى ان كل دا يخلص وانى اموت انا وماما مع بعض وربنا يمن علينا بدخول الجنة ونتجمع مع بابا تانى نفسي وجعي ووجع امى ينتهى وشعورنا اننا لوحدنا يخلص وانه القصة تخلص بشكل مسيبش ماما فيه لانى عمري ما هكون سعيدة فبتمنى الموت لينا احنا الاتنين مش بشكل حزين لا عشان احزانا تنتهي... ...عرض المزيد

0 الدعم

12 نصيحة

ربنا بعتلي ال app دا لما كنت محتاجة اتكلم

طول الوقت والي هيسمعك مرة مش هيكون فاضي التانية واصلا فكرة انك تحكي لحد ممكن تندم عليها بعدين خصوصا لو حد قريب اذا مكانش ممكن يعايرك كمان .. مفيش احسن من الكلام مع ربنا بجد بس كان بقالي فترة محتاجة اتكلم وحد يرد عليا ميسمعنيش وهو بيعمل حاجة او يسمعنى تسلية وهو بيعمل حاجة في ايده اصلا مبقتش بثق في حد وفكرت اروح لدكتور نفسي بس عشان يسمعنى .. الصبح عرفت ال app دا وبصراحة كأن ربنا بعتهولي بكتب كل حاجة حاسة بيها اول مرة احس اني خفيفة كدا ...عرض المزيد

4 الدعم

0 نصيحة