الخوف

Banana_77958 🇪🇬

منذ 47 دقيقة

شعور غاضب

لما بنزل الشارع وأشوف علاقات بنت ماشية مع ولد وفي بينهم توافق بقول لنفسي انا اتاخرت لية غير كلام الناس في الشغل حتجوز امتا والي اتاخر بيصنفو من تلاتة يااما خايف ع الفلوس يااما عندو مشاكل نفسية أو مشاكل جنسية

Sugar_67863 🇪🇬 ملكش دعوة بحد هو نصيب ورزق 👍🏻 وكل واحد عنده اسبابه متأخرتش ولا حاجة

عرض الكل 4 نصيحة

Orange_77879 🇪🇬

منذ 8 ساعات

شعور مكتئب

انا عندي تعلق مرضي بالأشخاص اللي بيدخلوا حياتي وبالذات لو علاقة عاطفية وعندي قلق شديد وببقى ديما خايف الشخص اللي معايا يمشى من حياتي لاني ببقى اتعودت عليه وده بيسببلي ديما overthinking و ديما بيخليني في حالة من السعادة والحزن متغيرة ممكن كل دقيقة حسب تصرفات الشخص اللي قدامي اعمل ايه

Mango_76647 🇪🇬

منذ 11 ساعة

شعور متعب

صباح الخير انا شاب عندي ٣٠ سنة الحمدلله حياتي مستقرة و عندي شغل كويس جدا بس عندي مشكله في اختيار شريكة حياتي مش قادر اخد خطوة الارتباط يمكن عشان اتعودت اني ديما عايش لوحدي و فكرة انا حد يجي شاركني حياتي دي مقلقاني بالأخص اني ما بحبش النكد و ديما شايف صحابي المتجوزين عيشين كابوس من النكد مش عارف اخد

Mango_77179 🇪🇬 الحياه فيها حلو و وحش مش كلها وحش

عرض الكل 12 نصيحة

Marshmallow_77677 🇪🇬

منذ يومين

شعور مرهق

زهقت من احساسي بالخوف من كل حاجه زهقت من ان قلبي يوجعني كل ما ابدأ تجربه جديده او حاجه هحتاج اتصرف فيها لوحدي تعبت من تفكيري ف كل حاجه و كل التفاصيل و كل احتمال و الي حصل و الي هيحصل زهقت من خوفي من اني ممكن اغلط و مش بخاف بس لا انا بترعب من احتمال اني اغلط ف حاجه و ان حد يشوف غلطي و ان الناس تعرف ع

Avocado_47020 🇪🇬

منذ 4 أيام

شعور ضائع

ازاي اقدر اتأقلم مع الجامعه و احبها و اتقبلها انا دخلت جامعه خاصه عالم تاني و ناس تانيه ثقافات كتير و ناس بكل شكل و في وسط كل دول مش لاقيه نفسي ولا حاسه اني عارفه اتعرف على حد كل ما اتعرف على حد مش بيكمل يوم تاني يوم مش بنتكلم دا غير ان مهاراتي الاجتماعيه مش اد كدا اصلا طول عمري في ارياف نفس زمايلي

Coffee_73142 🇪🇬 انا طلعت من الكلية مصاحب اتنين كنا بنتكلم كل شهر مرة واصحاب جدعان ولا بيعاتبوتي علي الغياب ولا انا بعاتبهم وفاهمين بعض العبرة مش بالعدد العبرة انك تلاقي ناس شبهك متغييرش من نفسك علشان تحسي بالانتماء علشان هتحسي بعدين انك مبقتيش عارفة انتي مين

عرض الكل 4 نصيحة

Coffee_56002 🇪🇬

منذ 4 أيام

شعور لا مبالٍ

فيه خوف كده غريب… خوف مش من الفشل نفسه، لكن من خطوة البداية. اللحظة اللي تمسك فيها أول ورقة وتكتب خطتك، أو تفتح صفحة جديدة وتعلن عن نفسك. أنا فاكر أول مرة جالي حلم إني أبدأ مشروعي. الفكرة كانت واضحة، الحماس قوي، وكل يوم كنت بكتب تفاصيل وخطط. بس كل ما أقرب أنفذ… كان في صوت بيقول: "استنى شوية." "يمكن

Almond_29871 🇪🇬

منذ 5 أيام

شعور قلق

هحكيلكم أغرب قصة تسمعوها فحياتكم بجد انا السنه اللي فاتت دخلت فعلاقة قعدت تقريبا ٥ شهور بس بس كانوا احلى ٥ شهور مرت عليا بالرغم من ال toxicity اللي كانت بتتمارس عليا و خيانته ليا.... حاولت اتخطي الموضوع و سافرت اغير جو و كلمت قرايبنا و كدا و في حد من قرايبي من وانا صغيره وهو صديق مفضل ليا بس وقت ما

Hazelnut_64540 🇪🇬

منذ 6 أيام

شعور مرهق

عندي فوبيا الشعور بالتقل بمعني أني بتأسف علي الإزعاج صعب عليًا أتصل أطلب خدمة شخصية صعب أقولك تعالي معايا للدكتور أنا تعبان صعب أقولك عندي أزمة مالية ساعدني اتخطاها راعوا الناس اللي عندها فوبيا الشعور بالتُقل ، الناس اللي بتتأسف على الإزعاج أكتر من مره ، الناس اللي أول ما بتحس إنها غير مُرحب بي

Cherry_70838 🇪🇬

منذ 6 أيام

شعور محبط

دي وآحده من مذكراتي إلي بحاول اوضح فيها مشاعري الي مستمره بقالها 4 شهور من الحياة بعد التخرج وازاي انا مش عارفه أتأقلم نهائي مع الموضوع ده لو حد مكسل يقرى مشكلتي بتتقسم لحجتين : عدم ثقه بالنفس والقدرات عدم وجود الوقت والصبر اولا عدم ثقه بالنفس والقدرات : رغم اني عمري ما جربت حاجه عشان أفشل بس مش عا

عبّر عن شعورك بشكل مجهول

دي وآحده من مذكراتي إلي بحاول اوضح فيها مشاعري الي مستمره بقالها 4 شهور من الحياة بعد التخرج وازاي انا مش عارفه أتأقلم نهائي مع الموضوع ده لو حد مكسل يقرى 
مشكلتي بتتقسم لحجتين :
عدم ثقه بالنفس والقدرات
عدم وجود الوقت والصبر
اولا عدم ثقه بالنفس والقدرات :
رغم اني عمري ما جربت حاجه عشان أفشل بس مش عارفه في المشوار ده أنا راعبه نفسي ليه مش ممكن لما اكمل الطريق للاخر أنجح ؟

اعتقد ده سبب مخلط من اني ما اتحطتش في الموقف ده قبل كده وفي نفس الوقت ان انا لسه ما عملتش اختبار لقدراتي عشان اعرف اذا كنت هنجح في اي حاجه هشتغل فيها ولا لا كمان المحيط اللي حواليا مش مساعدني تماما كل الناس اللي شفت تجاربهم ما كانتش أحسن وفاشلوا كتير   وعفره كثير وتعبه كثير لحد ما يوصله وانا بس مش متاكده اذا كنت اقدر اعافر زيهم ولا لا دي الفكره يعني.
تمام مش عارفه ده احساسي هو احساس مقدم بالفشل من اني عارفه ان انا هفشل فبنبه نفسي من دلوقتي اني ما اقعش ولا هو بس اني ما بحبش الطريق الصعب وما بحبش اغامر فدايما مركزه في السيف زون والطريق الاسهل يعني.
اعتقد حل المشروع ده كله هو اني اتحلى بالصبر وما محسش ان حد بيجري ورايا واثق في قدراتي اكثر من كده ويكون عندي قناعه ان حاجه زي دي طبيعي جدا تاخد وقت يعني انا مش بقلي بطاطس انا بتعلم لغه من اول وجديد المتحدثين الاصلين بيها قعدوا سنين عقبال ما يبداوا يتكلموها واحده واحده.
ممكن برده الفكره ان انا مش واثقه في ذكائي اذا كنت هقدر اتعامل بلغه جديده ولا لا بس اتمنى ان انا اعرف يعني.
كمان كون اهدافي مش واضحه ومش عارفه ايه الطريقه اللي المفروض ابدا فيه وده المفروض الحاجه الطبيعيه لاي حد يعني لسه في ريسك  متخرج جديد ما بيبقاش عارف راسه من رجله وفي ناس بتستسهلوا وتكبر دماغها يعني بقى عن طريق انهم يشتغلوا في شغلنا بفلوس اقل او ان هو يكون معاهم واسطه او ان هم كانوا مامنين نفسهم من ايام الدراسه او اللي هتتجوز او اللي عنده اصلا شغل عيلته كلها بتتحل وفي نفس الوقت كل حاجه بتاخد وقت  وإن بس خايفه اكون نسخه منهم مش اكتر.
حاولت احل المشكله اني اصلي يمكن مثلا ربنا يهديني سلام النفسي ورحت البال هو ما فكرش الموضوع ده كثير واسيب كله يجيب وقته يمكن ده نصيبي يمكن لا
بس ما حسيتش باي حاجه ما اعرفش العيب فيا ولا في خشوعي ولا انا  في  ان  ربنا مش عايزني اصلا
يمكن انا مقصره في حق ربنا ما اقدرش ان انا انكر ده بس البني ادم بيستحق فرص هل انا مستحقش فرصه يعني
انا بس والله عارفه قوي واثقه الموضوع بيجي مع الوقت وان هو ما فيش حد يعني بيتعلم كده ما بين يوم وليله وعارفه وعارفه ان دي مرحله انتقاليه بس انا كل اللي طالبه  بس ايه سلام نفسي كده وقلبي يهدى مش اكتر انا الحمد لله مش مركزه في حياه حد ولا مركزه مين اشتغل قبلي ولا مين اشتغل بعدي ومركزه على نفسي يعني بشكل كبير بس هي الفكره ان انا خايفه من نفسي خايفه بعد كل ده اكون بسعه غلط في طريق مش طريقي او طريق مش مكتوب ليه هكون ضيعته وقت كبير من عمري عقبال ما اتعلم أصعب درس في الحياه وان مش كل اللي احنا عاوزينه هو اللي بيحصل وهو اللي احنا بنقوله في الاخر.

ثاني مشكله هو عدم وجود الوقت والصبر :
وانا برده مش عارفه مين اللي بيجري ورايا ممكن نفسي ممكن شيطاني اهلي مش ممنعين ان انا افضل قاعده في البيت بس انا نفسي اشتغل واخش سوق العمل وابدا حياتي مش عارفه هل هو من صح يعني والعقل ان انا افضل معطلة نفسي سنتين اتعلم حاجه مش عارفه اذا كنت هتقبل فيها وهنجح فيها ولا لا اصلا وكله في علم الغيب برده مش عارفه لو الطبيعي ان انا ابدا اشتغل من دلوقتي شغلانه ملهاش اي ثلاثه قيمه لمجرد اني ارتاح بس ان في حتى مصدر دخل ضئيل عشان ابدا اني اكمل دراستي بالراحه وعلى الرايق منه ولا كده اكون بضيع مجهودي وحياتي في ولا حاجه ومش هتعلم وهستسهلها زي ما استسهلت الشغل قبل كده وأقول ما   انا كده كده معايا مصدر داخلي يعني فتعلم ليه بقى واتعب دماغي..
انا مش فهمه ومش عارفه انهي الطريق المفروض اسلكه
واني الاصح ليا وهل المفروض ان انا ادب ايدي في كل حاجه حتى لو الحاجه دي هتضيع من عمري سنين مش عارفه بجد في الحيره والاحباط كل يوم انا عن الي قبله وبتساءل نفسي سؤال انا هعمل ايه هو انا بعمل ايه اصلا هنا وايه الهدف من كل ده
وانا تعبت يعني خلاص ما بقاش فيها حيل 
الخوف من الاستمرار ومن التوقف طب انا اعمل ايه
جوايا مشاعر كتير قوي مضطربه ما بين ان انا عايزه اجرب واغامر واحاول وابقى حد جديد
ومابين ان انا عايزه سيڤ زون  بس انا نفسي فيها انا مش لاقياها اصلا ما فيش بالنسبه لي سيف زون في اي حته لو عادي سيف زون ولا ما حاولتيش مش هيا دي برضو السيف زون ولا تكميلي في الطريق اللي انا فيه ده سيف زوم برده طب هما اللي وصلوا دول وصلوا ازاي يعني كانوا بيعملوا ايه يعني اصلا 
انا بجد امنيتي الوحيده دلوقتي واصحى الاقي نفسي وصلت لحد احلامي
وده اللي ما اكد لي اكتر ان انا حد بيحب الطريق السهل بس ازاي طريق السهل وانا بحاول يعني وما فيش حد جابرني حرفيا انا بجري ورا نفسي يعني انا بجري نفسي وبجري وراها فيما لا  لا نهايه له 
زي الحمار في السقياه  عماله الف وادور في نفسي وفي دماغي وفي احساسي طب انا عايزه ايه
انا حتى ما عنديش اهداف واضحه للي انا عايزه اعمله يعني هو حرفيا اهدافي دلوقتي دي مبنيه على الاراء اللي انا شفت ان كل الناس بتعمله فقلت لي انا كمان ما بعرفش اعمله طب انا احلامي بقى ايه انا عايزه اعمل ايه انا عايزه اكون فين انا مين اصلا كل ده غير واضح علامه استفهام كبيره قوي

وانا كل يومين ثلاثه اغير الجدول واقول هبقي جديده خالص وارجع بعديها اكتئب واقعد حابه اخد المسكن بكام كلمه عبيطه وابقى كويسه بعديها وافضل دايره في  زحلقيني ياما بقى واي حاجه اصلا انا مش مقتنعه بيها او مش حباها عشان اوصل لحاجه والحاجات دي كمان مش انا اللي اخترتها ولا انا اللي حباها حياتي فيلم كوميدي والله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_77476 🇪🇬

منذ 6 أيام

شعور خجول

تقبل مشاعرك السلبية فهي جزءاً منك فالغضب والحزن والخوف كلها اجزاء منك لا تغضب ولا تثر ولا تحاول أن تغيرها أشعر بها وتقبلها كجزء منك انت تحتاجه لتضمن ثباتك فلا اتزان من دون الشقين الايجابي والسلبي

Marshmallow_69067 🇪🇬

منذ أسبوع واحد

شعور ضائع

عبّر عن شعورك بشكل مجهول

لما تكون محتاج تصدق لكن خوفك بيخليك تهرب من كل حاجة بدايتها تبان حلوة.. بالنسبالى كل شئ لطيف ف البداية هو فخ لوجع كبير.. لما تحاول تصدق ان الحياة فيها كدا وفيها كدا بس انت غالبا بتقابل الجزء المؤذي الى فيها.. كل مرة بتعتقد ان بنيتك النفسيىة بقت قوية ومش هتنجرف ورا اى شئ شكله بيلمع من برا بس من جواك بتكون عايز تجرى ع الشئ دى بنفس الحماسة الى حستها اول مرة وانت شخص لا يملك اى خبرة..انك اتعلمت تبوظ كل حاجة بإيدك ك نوع من انواع الانتصار امام النفس الى هو انا مش ضعيفة انا عرفت اخد قرار .. لكن الحقيقة ان جواك طفل خايف من الاشرار خايف من الاعيبهم وشرهم خايف من كل شئ جميل من برا خايف من كل شئ مش واضح ومبني ع الوهم.. خايف يتعود خايف يتأمل خايف يقرب.. بس فنفس الوقت هو مش عايز يكون وحيد..  طفل كبير كل م بيكبر طفولته بتزيد معاه وشعوره انه محتاج حد كبير يطمنه بتزيد ولكن هو طفل اتعلم يحط لنفسه حدود يحمى بيها نفسه بس الحدود اتحولت لسور عالى وازاز مكسر واسياخ حديد محاوط بيها نفسه.. بيخاف من الوجع والخذلان وبيتوقعهم اول م يبدأ يطمن والحقيقة انه سهل جدا يبوظ اى حاجة ويبعدها عنه هو شاطر ف دا اوى اتعلم دا مع السنين.. كل خبرته الى اخدها انه يهرب ويبعد عشان يحمى نفسه من الوجع محاولش يتعلم ياخد حقه من الدنيا.. محاولش يعاند الدنيا ويقولها هاخد حقي وهصدق انى استاهل اطمن كل مرة كل مرة بيحاول يعمل ظا وبيحاول يطمن بيفوق لانه عارف لو اتطمن هيتنازل عن كل أسلحته ولو طلعله الوحش مي هيعرف يحاربه لانه اتخدع بصورة مزيفة او مش مزيفة بس هو بقا بيتعامل مع كل شئ حلو انه مزيف

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_75619 🇪🇬

منذ أسبوع واحد

شعور مستنزف

رغم أني قبل ما انام بقول اذكار النوم وبقرأ سوره الملك وايه الكرسي والمعوزتين سعات كتير بحلم بكوابيس وحشه اي السبب ومنها كوابيس بتكون عفاريت وحجات تخوف يمكن الحاجه الوحيده الإيجابية اني لما بشوف حجات زي كده في الحلم بكون فاكره حجات من القرآن ومره قرأت سوره الفلق

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Banana_77408 🇪🇬

منذ أسبوع واحد

شعور مكسور القلب

في بنت بحبها اوي بس هي عايزة تأجل موضوع الارتباط و دا مخوفني علشان بخاف تضيع مني انا من النوع الي بهتم اوي و ب flirt كتير و بحب احسس الي قدامي بقيمته عندي و قد اي هو مميز هل دا ممكن يخليها تخاف و تبعد ولا يخليها تقرب انا مش عارف

Grape_72174 🇪🇬

منهاره وأيدي بترعش بعد ما اكتشفت أن أختي بتتسمع عليا

ابوس ايديكم ردو عليا قولولي اعمل اي علشان انا منهاره وايدي بتترعش قسماً بالله ، انا واختي عندنا ايربودز واحده وانا باخدها منها شويه وهي برضو وهكذا قفلت موبايلي وحطيته علي الشاحن كان فصل ودخلت استحميت طلعت شلت الايربودز من علي الشاحن وفتحتها وحطيتها لقيت اصوات قذره طالعه منها روحت اتأكدت ان موبايلي مقفول قسماً بالله ما اديت خوانه لدرجة طلعت التاب الي مش بنوصله بيه ابدا لقيت البلوتوث مقفول وماما وبابا برا وانا معنديش غير اختي بس ومفيش غيرنا في البيت دخلت لقيتها مغطيه نفسها بالبطانيه وانا والله ما قدرت اعمل اي حاجه ساعتها علشان دي اختي الكبيره مش هقدر ، ودخلت الحمام الي هو جنب الاوضه اغسل وشي لقيتها شغلت التيكتوك وانا ساعتها حطيت السماعات في العلبه طلعت جري عليها وفتحتها لقيتها اتوصلت بموبايلها واشتغلت نفس الاغنيه الي كانت شغاله معناها انها فعلا كانت متوصله بموبايلها ، انا منهاره قسماً بكتاب الله اني بكتب الكلام دا وأيدي بترتعش وحاسه اني مقروفه منها ومش عارفه هرجع اكلمها ازاي بعد ما عرفت ...عرض المزيد

5 الدعم

34 نصيحة

Orange_77910 🇪🇬

علاقتي تغيرت بعد ما دخل الجامعه ومش عارفه اعمل ايه

سلام عليكم انا في علاقه مع واحد في اولى جامعه تمام هو الاول كان كويس معايا بس من ساعت ما دخل جامعه وهو بيقول انه مشغول طول اليوم ميردش يقول كنت في الجامعه يعني بجد معندوش دقيقه يرد او يبعت هو حتى ايام الجامعه الكلام بيبقى قليل انا مش عارفه هو فعلا مشغول وعنده ظروف ولا هو مش عايزني سألت إذا كان في حد تاني عايزه قالي لا المفروض اعمل ايه بجد انا تايهه وفي نفس الوقت مضايقه من اللي بيحصل ...عرض المزيد

2 الدعم

27 نصيحة

Potato_77924 🇪🇬

تعيسة في حياتي المثالية ومش قد كلية طب

السلام عليكم انا جيت هنا من خنقتي يا ريت متحكموش عليا غير لما تسمعوا للاخر انا واحده بعيش حياه اللي يشوفها يتمنى يبقى مكاني امي وابويا ناس محترمه ومعروفين في البلد اختي دكتوره وانا طالبه في كليه طب بشري وطول عمري محبوبه وبطلع انا حاليا بعيش احلامي بالتفصيل بس معرفش انا تعيسه كده ليه انا من ساعه ما دخلت طب وانا عندي صداع نصفي مزمن من الضغط النفسي و بيقعد بالعشرين ساعه من غير ما يخف لحظه معدتي باظت من كتر الدوا مش عارفه اذاكر نهائي انا امتحاناتي قربت وانا مفتحتش الكتاب حتى نفسيتي زفت واحساس الذنب حاسه اني بكرهني اوي لاني مقصره جدا و الدنيا سواد في عيني ومش شايفه غير حل واحد اسيب الكليه لاني مش قدها وهي سببالمرض عندي الضغط النفسي والتوتر لما قلت كده لاهلي قالولي اني بتبطر على النعمه وغيرنا بيدفع مئات الالاف علشان يدخلوها زيك واني جبانه وبتهرب من المسئوليه انا حاسه اني مينفعش اكون طبيبه مع اني في اولى جبت امتياز بس طاقتي كلها لصت حاسه اني روبوت انا مش عارفه انا بكتب ليه علشان اخفف عن نفسي شويه ادعولي ربنا ييسرلي امري ...عرض المزيد

3 الدعم

25 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع