Mango_76647 🇪🇬's منشور
.png)
Mango_76647 🇪🇬
منذ 4 ساعات
.
شعور متعب
صباح الخير انا شاب عندي ٣٠ سنة الحمدلله حياتي مستقرة و عندي شغل كويس جدا بس عندي مشكله في اختيار شريكة حياتي مش قادر اخد خطوة الارتباط يمكن عشان اتعودت اني ديما عايش لوحدي و فكرة انا حد يجي شاركني حياتي دي مقلقاني بالأخص اني ما بحبش النكد و ديما شايف صحابي المتجوزين عيشين كابوس من النكد مش عارف اخد قرار 😮💨😮💨
2
12
Tofu_70825 🇪🇬
أفضل نصيحة
.
منذ 3 ساعات
مهو انت مش هتتجوز خبط لزق الأول هترتبط ببنت وبعد ما تلاقي نفسك متفق معاها وبقيت بتحبها هتبقي عايز تتجوزها وأنها تبقي شريكه حياتك
10
0
.png)
Mango_77179 🇪🇬
.
منذ 4 ساعات
الحياه فيها حلو و وحش مش كلها وحش
0
10
Cookies_56544 🇪🇬
.
منذ 3 ساعات
اولا الحمد لله على حياتك المستقرة وربنا يديمها نعمه عليك ، ثانيا الزواج هو تكلمه لدينك لتعف نفسك و تعمر الارض و تكمل خلافتك فيها !! ، الزواج هو سنه من سنن الحياه ، دور ع الشخص المناسب ليك و تكون نيتك لله سبحانه وتعالى ، دور ع الشخص اللي تتقي انت ربنا فيه و هو يتقي ربنا فيك ، و اعرف كويس أنه لولا لحظات الألم و النكد ما كان هناك معني للحظات الفرح ، الزواج سكن و سكينه ورحمه ، ربنا ينعم عليك بالزوجه ١
0
0
Cookies_56544 🇪🇬
.
منذ 3 ساعات
ربنا ينعم عليك بالزوجه الصالحه تكون سكن ليك و تكون سبب ف قربك من الله ، و اخيرا هفكرك بأن خير متاع الدنيا الزوجه الصالحه ، وربنا يرزقك بنسل صالح و زرعه طيبه تستغفر ليك من بعد عمر طويل ❤فما انقطع عمل ابن آدم الا من ثلاث إحداهم ولد صالح يدعو له
0
0
.png)
Strawberry_59553 🇪🇬
.
منذ 3 ساعات
صوابعك مش زي بعضها و غالبا صحابك هما الي بيبقو مقصريين ف حق مراتتهم سواء فلوس، حب، احتواء، الي اخره ف انت لو قررت تعيش حياه زوجيه مستقره مليانه حب و سعاده وخلينا نكون صارحيين مفيش بيت مفهوش مشاكل بس المشكله بتكبر بسبب عناد احدي الطرافيين ف لو عايز تعيش مرتاح ادي مراتك حب محبتهوش لنفسك و هيا هتقدملك نفسها علي طبق من الماظ
1
0
التجربة أفضل عبر التطبيق
حمّل تطبيق توهيل على هاتفك لتجربة أسرع
