الثقه

Biscuit_62612 🇪🇬

منذ يومين

شعور آسف

في مشكله وعاوزه حل ليها واحده تعرف واحد خمس سنين وحبت تاخد قرار تنفصل بس هو بهددها وانها مش عنده حاجه يخاف عليها وهي هتخطب واهلها لو عرفوا ممكن يقتلوها هي محصلش بنهم حاجه غلط بس مجرد انها تعرف واحد بس في عرف بيتهم ده تستاهل الموت وهي مش عارفه تعمل ايه حد يفدنا

Strawberry_73876 🇪🇬

منذ يومين

شعور متوتر

انا تعبت من غدر الصحاب انا اما بحب حد بخلص اوي وبعتبر صاحبتي دي هي سري وبحكي معاها كل حاجه وفي الاخر تطلع سري وكمان تطلع زعلانه اني معتبتش عليها ولا قلت اني زعلانه طب انا اعمل ايه طلعتي سري واتكلمتي عليا وكمان مش عاجبك انا تعبانه فعلا ونفسيا مبقتش اثق في اي حد مفيش حاجه اسمها صاحب كان نفسي يكون لي

Apple_26468 🇪🇬

منذ 5 أيام

شعور مستنزف

خذلتني غلطت في حقي ومع ذلك عملت لي بلوكات على كل حاجه... بس انا يوم ما عملت بلوك على حاجه ما كانتش عامله عليها حسيت احساس غريب اووي .. اني مش انا اللي بعمل البلوك!!! .. بعد التجربه دي انا فقدت الثقه كل الناس اللي عليا حتى اقرب الناس ليه مش قادر اصدق حد تاني عموما ً بعيد عن الارتباط ما بقتش اقدر ابلع

French Fries_73406 🇪🇬

منذ أسبوع واحد

شعور شاعر بالملل

يا جماعه في حاجه انا مش فهمها خالص انا في الجيم بلاقي بنات كاير جدا بتتمرن معانا في فتره الرجاله و بتمشي في وسط الچيم بمنتهي الثقه اي دا يعني بغض النظر عن اني مش بحترم اي بنت بتتمرن في فتره الرجال بحسها رخيصة اوي بس السؤال اللي محيرني انتو بتجيبو الثقه دي منين ازي مش بتتوتري في وسط الشباب الكتير دول

Jackfruit_71403 🇪🇬

منذ أسبوعين

شعور ضائع

جماعه انا من زمان اوى كنت نفسى يبقى في قصه حب اعيشها وتكمل للاخر وكدا ويبقى جوازنا عن حب بس مأخرنا بقيت بحس ان كله ذى بعضه بس من جوايا لما اشوف حد مثلا اتنين متجوزين عن حب او كانوا يعرفوا بعض ببقى نفسى نصيبى يبقى كدا وكمان فى حاجة سوال هو النفروض الشخص الى تكملى معاه حياتك تحسى معاه بالامان؟ وانك تق

Coffee_19911 🇪🇬

منذ 3 أسابيع

شعور آسف

عبّر عن شعورك بشكل مجهول

اولا عاوز اقول  Iam not sorry 
عاوزه اتكلم عن حاجه لسه بلاحظ وجدوها في حياتي وبحاول اتجاهل الاحساس بوجودها ده علشان خساره موتت السنين الكتير اللي ضاعت دي 
الحاجه دي هي "الناس" يا جماعه بقى ايه الجنون ده يعني انا انعدمت ثقتي في نفسي حرفيا وبقيت متردده في كل حاجه بسبب شويه بشر زيي زيهم ومش فالحين او ناجحين علشان على الأقل احس اني اقل شأن منهم لااا بس بسببهم وبسبب كلامهم اللي بتردد في ودني كأنه همس كل ما بعمل حاجه في حياتي 
البس فستان لاا وحش انتي رفيعه وطويله الموضوع بيضحك موتت كلمات زي انتي غبيه للكلام ده كان بالنسبه ليهم هزار بس كأن بالنسبه لطفله دي حاجه هتكمل بيها حياتها ده اول كلام تسمعه وبعدين بعد العديد من السنين وانا بحاول اثبت نفسي لناس مش فالحين غير في التريقه والتنمر على خلق الله بحاول اعمل كل حاجه لولادهم علشان اصاحبهم عارفين والله انا قلبت خدامه لعمتي مره ولبناتها كل ما ازورها اروق معاها وامسح معاها الشقه علشان اسمع كلام زي شكرا او حاجه تحسسك اني عملت مجهود علشان ارضيها بس تبا يا جماعه والله بعد العديد والعديد من السنوات مفيش اي حاجه بتحصل هم هما نفس الناس اللي رأسهم عباره عن بخاخه مش هيتغيروا فااا انا غيرت المجتمع الحقير اللي اتولدت فيه ده مش بمزاجي لااا كان صدفه بس يخربيت كده ياجماعه فرق تعامل وفرق كل حاجه هناك فيه حب بجد وهزار بس حدوده مرسومه حتى لو حدوده تم تجاوزها بيبان في عيونهم انه هزار لكن كائنات راس البطريق والبخاخه اللي عيشت معاها ديي وبسببها بتعامل بطلوع الروح مع البشر التانيين اههه عاوزه اجمع كل البشر اللي من النوعيه دي ونحبسهم في مكان واحد كده وهما بقى يتعاملوا مع بعض يفضلوا يتريقوا وينظروا على بعض لحد ما يموتوا بعض من قله ادبهم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_68775 🇪🇬

منذ 3 أسابيع

شعور ضائع

معنديش ثقه ف نفسي بجد كل اللي بيقرب لحياتي بيروح و يمشي حسيت اني وحشه واني اكيد غلط و بقيت بخاف احب او اتعلق او اعيش حتي قلبي بيوجعني اوي مليش حد ولا صحاب ولا حد بقيت مكتئبه و تعبانه مش عاوزه اعيش ولا اشتغل بقى عمري ٣٢ سنه و لسه مش بشتغل ولا ليا حياه اصلا تعبانه اوي والله

Apple_66047 🇪🇬 الحياة محتاجة ريسك ولازم تغامرى وتفتحى قلبك ودة الطبيعى فى الدنيا لازم نشوف الحلو والوحش عشان نتعلم ولازم نقع ونقوم ونتعلم عيشى حياتك وسيبيها على الله

عرض الكل 24 نصيحة

Peanut_67497 🇪🇬

منذ 4 أسابيع

شعور Bad 😞

عبّر عن شعورك بشكل مجهول

السلام عليكم ورحمه الله وبركاته 
اسمي محمد 22 سنه عايش مع اهلي و اخواتي 
المشاكل بدأت من و انا صغير و بدات تكتبر معاي و حابب أشارك معاكم علي امل الاقي حل 
كنت و انا صغير دايما بحب اضحك و اهزر و مش افضل اقعد في البيت لعند ما بدأت اروح الحضانه روحت هناك حسيت بغربه و أن المكان مش مكاني و بعد فترة الا معاي بداوء يتنمرو علي فكرهة التعليم و اني احضر معهم و جيت لم كبرت و دخلت ابتدائي أخويا كان مش بيقف معاي و كان بسيبني و ساعات يضربني و يمسك فيا و مش لاقيت منه اي احتواء أو حب و ده خلق جواي حاجه من الوحده و الانعزال عن الحواليه و ابويا مش حسيت منه لا بحب ولا اهتمام ولا خوف و لم كنت بتعب كان يحصل منه مواقف مش كويسه يعني اجاتلي حمه و الدكتور قال لو تاخرت يوم كنت دخلت العنايه و تعبت تعب تاني مصدقش تعبي و كان عايز اعمله حاجه و مش قادر اعمله قالي لو بتموت هتعمله ولو حتا تدخل العنايه و ادفنك و سعتها اجالي انهيار عصبي و ارتميت في الأرض و اخر تعب حالي الغضروف قالي في وشي الا بتمنا حاجه بتجيله غير التعب لم يحصل حاجه بسيطه ضرب و عنف و دايما لم اشكي من أخويا يقولي معلش خليك انت الكبير ولم يفيض بيا و امسك فيه يقوم يضربني و يقولي خليك انت الكبير و لعند دلوقتي في نفس المشكله و التعب
ام أمي ماشيه معهم و أخويا علي طول يسلطهم علي و من اقل كلمه يسمعوا له و ييجوا يمسكوا فيا و لم مش لاقيت احتواء أو حب منهم حاولت ادور برا علي حد اصاحبه و يكون ذي ما بقولوا  صديق روح و فعلا بدأت ادور علي حد شبهي و محترم و لاقيت الشخص ده و كنت يهتم بيه و ازعل علي زعله و علي طول كنت بحاول احسن منه اكتر و لعند ما دخلنا ثانوي كل واحد دخل قسم مختلف و بعد صداقه تلت اسنين حاولت احافظ عليها بس هو كان بيبعد و يتغير للاوحش حسيت في حاجه بتتاخد مني قمت كلمته و نصحته و قام رد علي قالي انا حاسس اني بتغير للاوحش و كنت محتاج حد ينصحني و بعد يومين بطمن عليه لاقيته تغير خالص بسبب الحواليه و قالي كلام مش كنت متخيل اسمع منه حاجات ذي كده و كانت صدمه كبيرة و معرفتش اتخطاء لمدة اكتر من خمس سنين هو اه الموضوع لسه مستمر معاي بس معدش ذي الاول و كل واحد في حاله و انا من سعتها مش بعرف اكلم مع بحريه في الكلام أو اثق في حد اعرفه و اكلم معه جوايا متحطم و تعبان عايز اصرخ اعيط زهقت من الحياة و من كل حاجه تراكمات و كلام اسمعته من ناس مش عارف انسا أو أفرغ ده كله رغم بصلي و كنت نزلت جم فترة بس مفيش تحسن بموت واحده واحده مش مستحمل اكلم مع اهلي ولا اني اقعد معهم بعمل الحاجه و بينكروها و في الاخر اسمع لو ربينا كلب كان احسن رغم اني بعمل ليهم حاجات كتير و بساعدهم بس نكرين كل ده اصحابي كانوا بيلعبوا و يخرجوا و انا كنت شغال معهم و كان الناس بيجيلها لبس و شنط جديدة انا كنت بلبس حاجات أخويا و مكنتش بعترض عادي و في الاخر انا طلعت الشخص الا الوحش الشين رغم أن كل الناس برا بتحترمني و بتحبني بجد انا تعبت انا مش وحش علشان كل ده يحصل معاي و من مين من اهلي و بسببهم فكرت في الانتحار كذا مرة انا تعبت و الله تعبت 💔💔💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_51313 🇪🇬

منذ شهر واحد

شعور قلق

موضوع:

ثانوية عامة غيرت فيك ايه؟

انا ثانويه عامه 2025 و النتيجه هتظهر كمان كام ساعه بجد السنه دي غيرت فيا حاجات كتير انا كنت في الاول بشوف ان كل صحابي اللي حوليا طيبين و كدا بس عرفت ان هما مش بيحبو الخير لحد و بيحقدو علي اي حد بيذاكر هنا بصراحه مش كلهم كدا كنت مصاحبه واحده هي جارتي و كانت قريبه مني اوي و احنا صحاب من الحضانه المهم

Orange_64176 🇪🇬

منذ شهر واحد

شعور Okay 😐

نفسي احس اني طبيعيه يعني حتي لو بنسبه ٥٠ ف الميه بس ..انا معنديش حد اتكلم معاه أو بمعني افضل مافيش حد عنده طاقه أنه يسمعني انا عاوزة اخلص من عبئ عليا سواء مادي أو داخلي حاسه اني لو قولت كل حاجه هفوق وهخف بس المشكله اني كل م بقول لحد اي حاجه بلاقي كل الناس عرفت مبقاق عندي ثقه ل حد ومش حابه أن كل حد ي

Strawberry_58144 🇪🇬

منذ شهر واحد

شعور متعب

موضوع:

اكتر ذكره مؤلمه حصلتلك وومقدرتش تتخطها؟

Avocado_57638 🇪🇬 وانا والله زيك بالضبط 🥲 بس انا كنت السنه اللي فاتت نفس كل حاجه والله انتي مش لوحدك بس بقيت بقول ان هي مش امتحان الاخره واهو بحاول اهون علي نفسي وافرح نفسي ب اي حاجه اه لحد دلوقتي لما اشوف الكليه اللي كان نفسي فيها بزعل بس بقول هي اللي خسرتني مش انا و الحمدلله على كل حال وربنا يعوض علينا ويكرمنا بزوج حنين لين يعوضنا عن كل حاجه بقااا 😂❤

عرض الكل 8 نصيحة

عبّر عن شعورك بشكل مجهول

انا.. من يوم نتيجه الثانويه العامه بتحتى من سنتين.. وانا حياتى مش زى الاول..  
كنت دحيحه من الى بيزاكرو ١٨ ساعه فاليوم دول.. واثقه فمستوايا جدا وعارفه انى هجيب المجموع الى عايزاه ده اكييد.. وكنت شايفه ان ربنا استحاله استحااله ميدينيش الى انا عايزاه رغم مجهودى و تعبى و دعائى وثقى فيه .. بسس.. اختصارا مجبتش المجموع.. و جبت اقل بكتير.. وكانت صدمه من صدمات العمر.. كنت بانيه على الحلم ده حياتى.. فلحظه اتبخر.. مش شايفه نفسى غير فالكليه الى كنت عايزاها.. المشكله هنا انى.. اتهزيت.. رغم انى معترفتش بده لحد.. بس انا ثقتى فنفسى اتهزت.. و علاقتى بربنا ضعفت.. مبقيتش عندى طموح تانى خلاص.. زى ما تيحى تيجى.. مش عارفه اضغط على نفسى او اجبر نفسى على ال حاجه تانى زى ما كنت بجبر نفسى عالمزاكره.. حتى لو كانت الصلاه! قطعت فصلاتى لاول مره من سنين.. مش عارفه التزم باى حاجه فالحياه.. طبعا مزاكرتى فالجامعه متدمره وشيلت تلت مواد..كل تيرم بطلع بماده.. مش عارفه ازاكر تانى خلاص حتى فليالى الامتحان .. وفى كوزات محضرتهاش عشان مش جايه على هوايا.. كل حاجه فحياتى بقت اهمال.. حتى علاقتى بربنا.. مبقيتش عارفه لقول لنفسى لازم تعملى كذا.. بهرب من اى حاجه مفروضه عليا اكنى مش قابله اعمل حاجه غصب عنى او اتعب نفسى فاى حاجه تانى.. والمشكله انى فعلا كنت واثقه ثقه عمياء فربنا ان تعبى مش هيضيع.. اكنى يعنى هشرط على ربنا عشان دعيتله و تعبت شويه.. اكن ربنا وعدنى بتحقيق احلامى الى اختارها.. انا عارفه ان تفكيرى كان غلط.. بس انا اتهويت هزه وحشه.. خسيت بالخذلان.. و خسيت بالذنب انى خسيت بالخذلان.. وكل خاجه فحياتى بايظه من يومها..

Grape_56049 🇪🇬

منذ شهر واحد

شعور مكسور القلب

Strawberry_62503 🇪🇬 بص حقولك اولا مامتك خدها بحنية وبكلام جميل انا حابب اتعلم والعلم جميل والرجل مهم يتعلم عشان لما يبني اسرة ثانيا متخليش كلامها ياثر عليك خده من هنا وطلع من هنا اتعلم كل اللي نفسك فيه وروح كورسات واتعلم لغات بس خدها في الجانب اللي هي بتحبه هي مثلا واحده دينيه جدا قولها العلم فرض والرسول وصانى علي العلم لو هي بتحب المستقبل قولها ده مهم لمستقبلي حيخليه احسن واخواتك سيبك منهم ركز في نفسك وبسس

عرض الكل 5 نصيحة

عبّر عن شعورك بشكل مجهول

مساء الخير 
عامل ايه يعزيزي 
كلمتين ويارب تفهموني متحكموش عليا 
انا واحد بكره اهلي (اه زي ما سمعت)(ومتقولوش عقوق والدين وكدا بس والله غصبا عني انا مكنتش عايز أكرهم اه سيدنا ابراهيم لما والده رفض أنه يعبد ربنا قاله ساتغفرلك ربي )
الحكايه أن اهلي بترتيب كدا نبدا ب امي (وده يعتبر مش بحبها وكتير بقولها انا بكرهك)
ليه اولا هي مش محسيساني اني مش راجل محسيساني اني ضعيف بتخليني أفقد الثقه في نفسي يعتبر دي من أكتر حد مخلياني عايش من غير شخصيه (وانا مش عارف تب ارجع الشخصيه دي ازاي والمصدر الوحيد اللي المفروض بديني الدعم النفسي والمعنوي بتهدمه)شايفه التعليم مهم تب اخد كورس لتعلم ف الاجازه تب الاجازه جت افرض بقي لو جيت تتعلمها سنه ونسيت اللغه يبقي خسرنا المبلغ اللي دفعناه(وده كلام اعتمدته من اخويا الكبير )مثلا انا واحد كان نفسي اتعلم ملاكمه عشان اعرف ادافع عن نفسي روحت ولقيت وسالت بس الفكره ف الفلوس ف رفضوه وقالوا بلا كلام فارغ تب كلام فارغ ايه وانا داخل العشرين خلاص كلها عدد من يوم واحد الان مش عارف ادافع عن نفسي (دانا خايف اكبر عن كدا وافضل زي مانا)
نيجي بقي ل اخواتي الصراحه معتبريني فاشل 
الاول شايفني تافه ف كل حاجه والتاني شايف اللي هو انت فاشل ركز انت معكش لغه وبيعمل حاجه تستفزني مثلا انا واحد حلمه يبقي معاه موتوسيكل تمام زي اي شاب فقوله انا عايز اسوق موتوسيكل يقولي تب تعرف تسوق اقوله اتعلم يبص وميكلمنيش بينفض من الاخر 
والتاني مره انا بكره امي عشان هي قلهومني ادام اي حد مفيش حد علي وجه الارض شافني مع امي الا وهي قله مني قدامه وصلت اني في مره حاولت  انتحر حرفيا كان فاضلي أعمر خزنه ودوس علي الزناد 
عشان بجد كاره معاملتهم ليا ليه بجد ليه اوصل للمرحله دي وليه الفكره يتخطر في بالي كتير ومش عايز تسلم لها  (مبقتش حاسيسها بتحبني حتي لو هي قالت اصل معلش لو هي كانت بتحبني مكنتش تفضل تقل مني وتحسيسني بصعفي )والله مستني بس الكم سنه دول بتوع الجامعه يخلصوا و اسافر ابعد بعيد حتي لو هعيش وحيد عشان انا حاسس بوحده وانا معاهم (الحقيقه انا حاسس بوحده في كل الأوقات ) 
فكره زي خاطره ف بالي (ليه مجربش اتجه للمخدرات وفيها ايه مهي كدا كدا بايظه ).
اسف علي الوقت اللي خليتك تضيعه ف حاجه تافه زي دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_59652 🇪🇬

منذ شهر واحد

شعور متوتر

انا ليا اتنين صحابي يعتبرو كل حاجه ليا بجد و مبعرفش اعدي يومي غير لما اكون مكلمهم بس انا عندي مشكله في الثقه او احس اني اوڤر و حتي في مشاعري انا الفتره دي حياتي اتحسنت بيهم و بقعدتي معاهم و كل ما ابقي عايز اكتب لحد فيهم رساله اشكره فيها انه جمبي و اني فعلا مستغر ازاي هما قريبين مني برجع عن قراري تان

Pumpkin_35980 🇪🇬

منذ شهر واحد

شعور مرهق

انا تايه مع اني في سن صغير انا حرفيا في اعدادي بس انا مفشوخ من الي رايح والي جاي انا ارتبط اكتر من 8 بحاول ادور على الاهتمام الي اهلي مكانوش معترفين بيه وكل مرا يا اما انا اتفشخ نفسيا من البنت يا اما افشخ بنت نفسيا ومش بعرف اتصرف يعني لما الاقي بنت بتحبني وبتموت فيا بفقد الاهتمام وبهرب منها بكل طريق

Strawberry_25620 🇪🇬 الحل في السؤال، اهتم بنفسك وثقتك واهتم بجسمك اللي مضايقك واوصل لحاجه انت هتحبها فيك وتخليك مش عايز اهتمام حتى من اهلك ، معلش هيا الدنيا صعبه بردو ومحدش بقا قادر يقول كلمه تهون ع التاني ف متزعلش حب نفسك بنفسك واهتم بنفسك هيا أولى من اي اهتمام من اي حد 😄 انزل العب رياضه واشغل وقتك ماتخليش الفراغ يخليك تكلم الف واحده كده ،عايزاك تبني الاهتمام والثقه دي بنفسك ، واخر حاجه بلاش علاقات محرمه اخرتها وحشه🩷

عرض الكل 3 نصيحة

Marshmallow_58952 🇪🇬

منذ شهرين

شعور مستنزف

موضوع:

لو رجع بيك الزمن تحب تكون نفس الشخصيه

كان نفسي افضل فاكره أن الناس كلها طيبه و بتحبنى و محدش يقدر يأذيني دلوقتى من كتر التروما مش عارفه اثق ف حد و متوقعه كل حاجه وحشه فاى حد هتعامل معاه و يمكن دى حاجه مخليانى مليش صحاب دلوقتى ولا بعرف اصدق حد

Banana_74039 🇪🇬

بدور على الاستقرار العاطفي وواحده تفكيرها زيّ

احنا كلنا بندور على نفس الحاجه الامان و الراحة والاستقرار العاطفي خصوصا .. ليه بننكر الحقيقة دي انا متقبل الحقيقة و حابب اعرف واحده تكون نفس تفكيري و نفهم بعض بعيد عن اي تجميل او ان حد يحاول يبان ملاك انا عايز حد طبيعي زيي ...عرض المزيد

0 الدعم

0 نصيحة

Blueberry_69403 🇪🇬

مش عايزه احس بالوحده ومش عارفه أملي إزاي

مديقه موت ومش عوزه احكي لحد عن اللي مديقني حاسه اني عوزه اتكلم مع حد وبس مش عوزه اتكلم بس عوزه احس ان مش لوحدي بجد مش فاهمه متلخبطه وتايهه عوزه ارقص أو اعيط مش عارفه احدد مشاعري نفسي اختفي من الحياه مره واحده هل هفرق مع حد اصلاا مش متاكده كنت بتكلم مع ماما في البلكونه امبيارح وكنت عوزه انط منها وبقول ل ماما هل هموت ولا هتحشر في الحته دي قالتلي انتي مستغنيه عن حياتك لدرجه دي قولتلها أن مفيش عندي اي حاجه في الحياه اخاف أو تفرق معايا اصلاا وان مجرد اختفائي م هياثر ع حد حتي م عندي اصحاب قريبين يزعلوا عليا مش عارفه نظرتي للحياه عمتا بقيت غريبه وتايهه وبكرهه كل حاجه مش عوزه اتكلم ولا اتناقش بس مش عوزه احساس الوحده ومش عارفه امليه ازي بجد ...عرض المزيد

0 الدعم

3 نصيحة

Tofu_72927 🇪🇬

أهلي بيحبوني بس بطريقتهم المختلفه

مساء الخير، بما إني شاركت هنا مشاعر سلبية بسبب البيت والأهل والتحكم وكدا، عايزة أقول إن أنا فاهمة تصرفات أهلي، والكلام دا للي بيمر بضغط بسبب عيلته، أنا مثلا أهلي مش شبهي لا تفكير ولا عقل ولا معتقدات بيختلفوا عني تماما ف دا، ودا مش ذنبهم هما اتربوا بطريقة وبيطبقوها من غير ما يفهموا تأثيرها، بس أنا دايما مدركة حبهم ليا وخوفهم، ويمكن فعلا والدي شخص شديد بس لولا كدا انا مكنتش هكون ما أنا عليه دلوقتي، حد عارف دينه ومتدين أو بيحاول يكون ودا بفضله، بنت بتكره اللبس الديق وبتنفر منه هو علمني كدا (وان كانت طريقته مش انفع حاجه) بس بجد دايما خليكم فاكرين ان هما بيحبوكم هما بس مش عارفين يعبروا عن حبهم او بيعبروا بطريقة تختلف عن الطريقه اللي انتو مستنينها، بس الاكيد ان حبهم موجود. ...عرض المزيد

2 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع