اكتر ذكره مؤلمه حصلتلك وومقدرتش تتخطها؟

Question

حاجه حصلت ومقدرتش تتخطها وحولت كتير تتخطى اللي حصل وتكمل بس لسه سايبه علامه وشارك-ي قصتك معانا !

Strawberry_58144 🇪🇬 · Answer

انا.. من يوم نتيجه الثانويه العامه بتحتى من سنتين.. وانا حياتى مش زى الاول..  
كنت دحيحه من الى بيزاكرو ١٨ ساعه فاليوم دول.. واثقه فمستوايا جدا وعارفه انى هجيب المجموع الى عايزاه ده اكييد.. وكنت شايفه ان ربنا استحاله استحااله ميدينيش الى انا عايزاه رغم مجهودى و تعبى و دعائى وثقى فيه .. بسس.. اختصارا مجبتش المجموع.. و جبت اقل بكتير.. وكانت صدمه من صدمات العمر.. كنت بانيه على الحلم ده حياتى.. فلحظه اتبخر.. مش شايفه نفسى غير فالكليه الى كنت عايزاها.. المشكله هنا انى.. اتهزيت.. رغم انى معترفتش بده لحد.. بس انا ثقتى فنفسى اتهزت.. و علاقتى بربنا ضعفت.. مبقيتش عندى طموح تانى خلاص.. زى ما تيحى تيجى.. مش عارفه اضغط على نفسى او اجبر نفسى على ال حاجه تانى زى ما كنت بجبر نفسى عالمزاكره.. حتى لو كانت الصلاه! قطعت فصلاتى لاول مره من سنين.. مش عارفه التزم باى حاجه فالحياه.. طبعا مزاكرتى فالجامعه متدمره وشيلت تلت مواد..كل تيرم بطلع بماده.. مش عارفه ازاكر تانى خلاص حتى فليالى الامتحان .. وفى كوزات محضرتهاش عشان مش جايه على هوايا.. كل حاجه فحياتى بقت اهمال.. حتى علاقتى بربنا.. مبقيتش عارفه لقول لنفسى لازم تعملى كذا.. بهرب من اى حاجه مفروضه عليا اكنى مش قابله اعمل حاجه غصب عنى او اتعب نفسى فاى حاجه تانى.. والمشكله انى فعلا كنت واثقه ثقه عمياء فربنا ان تعبى مش هيضيع.. اكنى يعنى هشرط على ربنا عشان دعيتله و تعبت شويه.. اكن ربنا وعدنى بتحقيق احلامى الى اختارها.. انا عارفه ان تفكيرى كان غلط.. بس انا اتهويت هزه وحشه.. خسيت بالخذلان.. و خسيت بالذنب انى خسيت بالخذلان.. وكل خاجه فحياتى بايظه من يومها..

Coffee_54186 🇪🇬 · Answer

من وقت وفاة ماما بقيت تايهة في عالم كبير مش حاسة انه مكاني .. مكاني معاها دايما، فجأة بقيت لوحدي في حرب اني اكمل، كله بيضغط عليا محدش طبطب عليا لو مرة، مفيش حد اقدر اقوله اني تعبانة ويقلق بجد ويهتم ويجيلي وميسبنيش، انا مش أولوية لحد من بعدها

Blueberry_63218 🇪🇬 · Answer

وفاة بابا 
مش هنسي شكل الدكتور والممرضين وهما بينزلوا رأسهم
ماما وهي بتحاول تجيب دكتور تاني
ضحكته وأنا بقوله كله هيبقي تمام 
وأنا بصلي عليه
الناس وهي بتدفنه
أنه مش هيكون معايا في تخرجي وفرحي

Banana_63346 🇪🇬 · Answer

يااااه حياتي كلها صراحه من اول ما اتولدت بداية ما اتولدت لزوج ام و لمراتات اب الكراهيه بابا اللي مات و مازعلتش عليه و الكراهيه ماما و اخواتي اللي يا اما من اب بس او ام بس و غيرها كثير  زي الاحتياجات العاطفيه اللي كانت مؤثره جدا عليا و وصلت من و انا عندي تسع سنين بعيط كل يوم لوحدي كان نفسي بس في حضن.... كل حاجه مكنتش قادره اتخطاها و الكلام الجارح اللي من امي زي يا شيخه يا رجعيه كنت بسافر لمحافظات بابا الاجازه و ارجع لمحافظة ماما بس علشان اتعذب هنا شويه و هنا شويه و انا كدا محكتش حاجه غير العناوين و الحمد لله

Biscuit_60212 🇪🇬 · Answer

هو الصراحة هو كولكشن جميل كدا بس هو هناك موقف حصل من فترة قريبة هو يبدو بالنسبة للبعض عادي بس بالنسبة ليا ضايقني كنت بحكي بكل عفوية لرفيقي المقرب و متعودين كل اجازة نتقابل بسمعه بكل حب ولما يعمل حاجة غلط  بلمحله بطريقة اخليه يفهم بس مش بحسسه انه اجرم يعني او بهوله الموضوع ... كنت بحكيله حاجة عملتها بس ساذجة شوية نظراته توحيلك بقد ايه انت اهبل وفي الاخر راح مديني واحدة انا مكنتش اعرف انك ساذج اوي كدا الصراحة الموضوع ضايقني

Coffee_63474 🇪🇬 · Answer

اكثر فتره بكرهها في حياتي هي فتره ثالثه ثانوي ايامها كنت فعلا تعبان وكان والدي تعبان فكنت من الدروس للشغل للمستشفى كنت بنام وبذاكر في المستشفى وبقضي طول الليل في الشغل وطول النهار في الدروس وقابل امتحاناتي بحاجه بسيطه واللي توفى انكسرت وما زالت في حته مكسوره رغم ان الحوار عده عليه ٣ سنين

Pineapple_62201 🇪🇬 · Answer

أكثر ذاكره مؤلمه حصلت لي وما قدرتش اتخطاها هو أن والدتي قبل ما تتوفى في المستشفى قالت لي أنها مش فخوره بيا علشان أنا ما لحقتش اتجوز وهي عايشه واجيب لها طفل تشيله وإني فاشل وما فيش حاجه عدله عملتها في حياتي وأنها مش عايزه تشوف وشي تاني ودي آخر مره شفتها فيها.

Mango_58735 🇪🇬 · Answer

كانت ذكرى مش قادره انساها لحد الآن لما كنت بكلم حد انا عارفه انه غلط بس الغلطه مفيش حساب عليها بالسوء دا بجد

المهم ان الحد دا طلع مش كويس حكى لواحد يعرف اهلي اني بكلمه والراجل دا قال لواحده تقربلي هي مكنتش هتقول لما سألتني قولتلها الي حصل وان هو الي بيجري ورايا وهي نصحتني وانا قولت خلاص هبعد عنه غلطتي اني قولتله اني مش عايزه اكلمه تاني راح للواحده دي وقالها وأثبت علي الكلام  وماما سمعت وهو بيقولها 
ويعني اتعرضت لاهانه من الجميع وكانوا هيخروجوني من دراستي وغير المعايره والضرب بجد اسوء حاجه انهم مستنوش يسمعوني بس الغلط عليا في الأول والاخر💔

Strawberry_62361 🇪🇬 · Answer

وفاة والدتي دمر حياتي حرفيا مبقتش أنا بقيت حاسة أني غريبة كأني اتبدلت فقدت الوعي لما كنت فالغسل و عمري ما هنسي فترة تعبها عذاب بنسبالي كانت كل حياتي و أنا البنت الوحيدة و اصغر واحدة اتوفت قبل رابعة جامعة كنت حاسة اني مش عايزة اكمل دراسة لحد لما اهلي اقنعوني اكمل فاضل كام شهر و يعدي علي وفاتها سنتين يمكن شخصيتي اتغيرت للاحسن في الالتزام و اللبس الشرعي و حفظ القران نزلت اشتغل و اشغل وقتي لأن كل لما يبقي عندي فراغ اعيطت و مكنش عايزة اعيش و قلبي يتمني الموت لكن بحاول اكمل و لحد دلوقتي بحاول 
ربنا كريم و اكرمني الحمد لله علي كل شئ ربنا يرحمها عاشت حياة صعبه بس للاسف الحزن و الفراق مش بايدي خصوصا أني كنت متعلقه بيها و دا جرح عمري ما اقدر انساه

Banana_63964 🇪🇬 · Answer

لما عرفت ان اخويا عنده كانسر 
(ممكن تدعوله بالشفاء)مش قادره انسي خوفي عليه 
و مش قادره انسي كل لحظه كانت بتعدي و هو في المستشفي  و  تعبه بعد خروجه من المستشفي و جرينا بيه علي المستشفيات و عينه لما وقفت و مكنش قادر يحركها
ممكن اللي يقدر يتبرع لجمعيه مستشفي سرطان اطفال اسكندريه  3939

Chocolate_64110 🇪🇬 · Answer

ان ابويا كان بيتحرش بيا من و انا تقريبا اقل من العشر سنين لحد دلوقتى ...و حاول انه يغتصبنى قبل كده و انا كان عندى ١٣ او ١٤ سنة ... و لما اشتكيت لماما قال عليا طفلة و امى بتخيل و رفض انه ؤصرف على البيت من وقتها لحد دلوقتى .. امى هى الى بتصرف علينا من مرتبها بالرغم انه كان بيصرف علينا بمرتبه زائد مرتب ماما و كان بياخد الى بستبقى من مرتب امى لحسابه هو . بس من وقت الخناقة دى و هو رفض و خلى امى هى الى تصبف بالرغم انه صعب لان مرتبها اقل منه و فوق كل ده امى لسه بتصون العشرة و كمان بتأكله و بتصرف عليه هو التانى .و لحد دلوقتى حتى بعد الخناقة لسه بيتحرش بيا ده غير انه الكلام الى بيقولوا على جسمى او نظراته ده غير انه بيستغل اى فرصة انه يحاول يظهر عضوه قدامى و انا بصراحة رفضت انى اكلم امى تانى لان خفت انه يحصل نفس الخناقة اصل بصراحة ابويا ابتدى يصرف شوية على البيت حتى لو حاجة بسيطة بس اسمه بيدفع مصاريف الدروس.. ده غير لما سمعت من امى و هى بتعايره بالى هو و اهله كلن بسعملوه فيها اول متجوزت و الذل الى عاشته و انها كانت عايشة فى عز و انها اول متجوزته و هى عايشة فى فقر و ذل بينه و بين عيلته وهى  لسه صاينة العشرة . و بصراحة ده واضح فى طريقة تعامله معاها و الى بشوفه ... انه فعلا بيذلها بالرغم انه مش بيصرف عليها مثلا ... دى هى الى بتصرف . و انا مش عايزة اتطلم تانى و بصراحة قرفت خالص ... بقست مش حاسة براحة خالص و انا قاعدة فى البيت و لما مثلا الظروف تحصل و اضطر افعد فى البيت لوحدى و هو يبقى موجود .. ببقى فى حالة انهيار

Blueberry_64085 🇪🇬 · Answer

لما اكتر حد حبيتو ووثقت فيه وآمنتو علي نفسي وحياتي باعني حرفيا عشان شويه فلوس ولما اختارت كرامتي وقررت انفصل مفكرش يحاول معايا ورجعني عن قراري وسابني ف ايام كانت المفروض تبقي اسعد ايام حياتنا ، سابني ومبصش وراه ولا فكر فيا اكني مكنتش فحياتو ، سابني وانا كنت بنيت حياتنا ورتبت كل حاجه علي وجودو ، سابني وبيلقح عليا وبيقول عليا كلام وشتايم متتقالش رغم اني كنت صيناه ومقدراه وبحترمو فغيابو قبل وجودو

Popcorn_67781 🇪🇬 · Answer

انا عندي 23 مريت بتجربة في طفولتي مع اقرب شخص لي في الفترة ديـ 
حصل زيـ لام شمسية 
Hookup لفترة تتجاوز الشهر ولكن بعدها أنا مكنتش فاهم أنا بعمل ايـ 
طبعا عندي 14 سنه 
اطلب مني اعمل كدة 
لما الشهر خلص بقيت بعيد بسبب شغل والدي ونقلت في بيت تاني وبعدها بقيت بحاول تعوض ده لكن اللي حصل أن اهلي كانو بيعملو اللي من وجهه نظرهم صح 
المهم اني تقريبا عملت تخطي للفترة دي
  بقي عندي ١٩ سنه مدخلتش ريليشن قبل كده
بدأ يبقي فيه ناس شكلهم غريب ونا مش فاهم دول اسمهم ايـ 
لكن اللي حصلي أن بدأت اشوف ناس كتير من community 
واللي حصل أنا بدأت ادور ده اسمو ايـ لقيت مسميات وصلت أن فيه اماكن online و اماكن علي أرض الواقع 
بدأت اتعرف علي ناس اونلاين ولقيت اني في ناس كتير جدا 
دخلت ريليشن اربع مرات 
اتعرفت علي دكاترة ومهندسين ناس كتير سعودين🇸🇦
وخليجا
بس بدأت الاحظ اني هما مش شبهي ولا نفس العقلية واحد دلوقتي مش عارف تتخلص من ميولي Homosexual 😶‍🌫️🥹

Marshmallow_69067 🇪🇬 · Answer

في طفولتي كنت لسه في الحضانة قبل ال kg  كنا اطفال بنلعب وبنت اتهمتنى اني وقعتها من ع المرجيحة ودا محصلش مكنتش قريبة منها اصلا بس لما بابا جه ياخدنى المدرسة قالتلوا وهو مصدقنيش ونزلنا وجاب للبنت كيسة حاجات حلوة كبيرها وخلاني اعتذرلها .. مكانش فارق معايا الا ان بابا مصدقنيش وكيسة الحاجة الحلوة😂? بابا كان انسان كريم  لكن عمرة ما جابلي كيسة حاجة حلوة زي دي فانا كبرت بس مش عارفة انسى الموقف دا?