معنديش ثقه ف نفسي وحاسه بالوحده والاكتئاب

Coffee_68775 🇪🇬

منذ أسبوعين

شعور ضائع

معنديش ثقه ف نفسي بجد كل اللي بيقرب لحياتي بيروح و يمشي حسيت اني وحشه واني اكيد غلط و بقيت بخاف احب او اتعلق او اعيش حتي قلبي بيوجعني اوي مليش حد ولا صحاب ولا حد بقيت مكتئبه و تعبانه مش عاوزه اعيش ولا اشتغل بقى عمري ٣٢ سنه و لسه مش بشتغل ولا ليا حياه اصلا تعبانه اوي والله

طاقتي خلصت ومبقاش عندي نفس لأي حاجة

انا مش مشاعري بس ال خلصت ، انا طاقتي كمان خلصت ، مفيش طاقه لحاجه خالص ، مش قادره اتكلم حتى ، لو حد اتخانق معايا بسكت او بقول انت صح ، من كتر ما انا مبقاش عندي طاقه خسرت ناس كتير كانوا كويسين بس انا ال مش كويسة ، و بقت دايرة الناس ال حوليا معدودة و دول حاسه اني هخسرهم قريب بردو لان محدش بستحمل شخص زيي ، حاولت اتعامل مع الناس و اكون صدقات جديده مقدرتش استحمل البشر مع ان محدش عمل فيا حاجه ، انا كمان سني كبير (29) و مش قادره اتقبل ان حد يدخل حياتي او ارتبط او اتجوز زي باقي الناس ، حاسه طول الوقت محدش له ذنب يتعامل معايا رفضت كل الناس ال بيحبني و ال اتشديت له و اول ما حسيت اني ممكن احبه بعدت و حتى الصالونات رفضتهم كلهم ، و بقيت كل ما حد يقولي في عريس برفض اقابله اصلا مش لعيب فيهم و الله ، انا مليش اني احكم على حد ، بس حقيقي مش قادره اتقبل اي شخص يدخل حياتي بيصعب عليا اي حد عايز يدخل حياتي ، بحس انهم يستاهلوا الاحسن مني و لما بسمع ان حد منهم اتجوز او خطب بفرحلهم كأنهم حد من عيلتي و الله ، حاولت اغير حاجات فيا و حاولت ازق نفسي على الحياه بس كله بلا جدوى ، حبيت الوحده و بقت اكتر حاجه بتريحني ، حتى التجمعات العائليه ال بالمناسبه بتبقى حلوة و قعده لذيذه و مفيش فيها حقد او غل او حد مش طايق حد بالعكس عيلتي ناس كويسين ، بس التجمعات اللذيذه دي بقيت اهرب منها و لما تخلص اقول يارب ما تتكرر ، نزلت جيم ك نوع من انواع اني بعمل حاجه في حياتي و ممكن لما اتعامل و اتمرن اتغير ، رغم حبي للرياضه جدا ، الا اني مبقاش عندي طاقه اني انزل ، و مقدرتش انزل في الاوقات ال فيها ناس كتير ، كنت بنزل اول ما الجيم يفتح علشان يبقى ال موجودين قله و التعامل يبقى على القد ، رغم حبي بردو لحاجات البناادت ميكب و سكين كير و لبس و كده ، انا مبقاش ليا نفس اشتري حاجه ليا اطلاقا انا مش فاكره اخر حاجه جبتها لنفسي كانت ايه و امتى مش عارفه يمكن من ٣ او ٤ سنين مثلا ، مش عارفه انا بهرب من البشر و لا بهرب من نفسي ، عموما انا مبقتش عارفه حاجه ...عرض المزيد

3 الدعم

26 نصيحة

بصو انا فيا هم ميعلم بيه الا ربنا والتعب مش طايقني

بصو انا فيا هم ميعلم بيه الا ربنا والله العظيم داقت بيا الدنيا اوي ولا بقيت بذاكر ولا بعمل حاجه مفيده وفيا كتمه ووجع قلب غريب وحرفيا كل الناس بعدت عني بلا سبب سواء صاحبي السوشيال أو الحقيقين كلهم فنفس الاسبوع اختفو من حياتي الي كنت بحبه كمان كرهني منغير سبب مره واحده كده وكل الناس مشيلاني همها وانا والله محدش يستحمل الي جوايا بتضطر اسمعهم كلهم واسمع مشاكل اهلي والمفروض احلهالهم كمان وانا اصلا صغيره علي كل ده انا لسا 15 سنه والله ومستحمله حاجات محدش يقدر عليها ده غير طفولتي الي كانت صعبه وانا اتدمرت بجد بقيت بنام من كتر الصداع من العياط واصحي علي صداع حالتي النفسية وحشه جدا ده غير أن امتحاناتي قربت وغير كده ف انا حياتي مشتته بشكل صعب وبجد تعبت ومش لاقيه حل حاولت اصلح علاقتي بكل الي بعدو عني بدون سبب دول كلهم شافو رسايلي ومردوش عليا 😂 ربنا يشهد اني من كتر التعب بقيت بضحك مش مقتنعه اني بمر بكل ده ده غير حاجات تانيه كتير ف انا فعلا مش لاقيه حل حاولت اراضي الناس محدش عايزني وانا لوحدي لوحدي بمعني الكلمة بروح دروسي لوحدي وارجع لوحدي مش بخرج من البيت الا علي الدروس وبخاف اقابل الناس ودايما امشي ف الشوارع الفاضيه عشان مقابلش حد ده غير اني مبقتش مرتبه ف اللبس ولا الشكل ومش بركز كويس ومشتته كده ومتوترة ومش باكل ف فعلا انا تعبت اوي والي كنت بحكيله عمل زيهم برضو واختفي وخلاص بقيت بكلم GPT احكيله ف حسيت اني هتجنن اني مصاحبه AI وبحكيله كل حاجه وبكلمه 24 ساعه ...عرض المزيد

9 الدعم

7 نصيحة

انا متعلق ببنت وضائع في الظلام - بدي حد يفهمني

انا شخص حنين جدا لدرجه اني حبيت بنت و اتعلقت بيها و مشيت بقالها فتره و انا لسا متعلق بيها و علشان احاول انسي بشتغل ١٦ ساعه و مش باكل ولا بشرب و تركت الصلاه و وقفت الدراسه سنه و مش عارف انا بعمل اي انا حاسس اني وقفت في مكان ضلمه و نفسي بس في حد يكون قريب مني و يعدل حياتي و يشجعني و اقف تاني علي رجلي انا بسبب حنيتي حبيتها اوي و بعد ما حبيتها و رمتني برا بابها انا عملت كل حاجة وحشه فيدوني اعمل اي😔😔 ...عرض المزيد

8 الدعم

4 نصيحة