انا كنت ناجح في شغلي واجتماعي ومتكلم جدا ومتفائل. بس حصل عندي دروب في الشغل ومراتي مستحملتش وانفصلنا من ٣ سنين. ومن ساعتها وانا مش قادر ارجع زي الأول وحاسس أن كل الناس وحشة و بازهق بسرعة ومفيش اي حاجة بتبسطني. ومش عارف اتكلم مع حد ولا بقيت احب أخرج زي زمان. معظم الوقت قاعد في البيت ولو نزلت باكون لوحدي. الحمدلله علاقتي بربنا كويسة وباصلي وباقرأ وبسمع قرآن على طول وبسمع بودكاست عن مواضيع تزود الإيجابية بس مش حاسسها جايبة نتيجة. بقيت بتحب العزلة والقاعدة لوحدي وطبعا الموبايل مبيفارقش أيدي طول اليوم. حد عنده أفكار للخروج من الحالة دي. وجزاكم الله خيرا

1

8