شفيت من الاكتئاب وبعدت على الناس السلبية

Question

حسيت روحي تبدلت بزاف يا حصراه كيفاش كنت 
كنت نهتم بناس ونحس بيهم واحد واحد ووقفت مع بزاف ناس وكنت ماتنساش نفسي..مي ماعنديش الوقت بزاف لنفسي .
وكانو لي كنت مسيمتهم صحاباتي كامل دايرين بيا على خاطر كنت ماعندي حتى مشكل برك نحب نسمعلهم ونساعدهم. 
بصح نهار جات دالتي قسما بالله لي نعيطلها نحكيلها تقولي رانا كيفكيف و نقول علاه انا لقاوني وكنت نسهر معاهم لصبح ونبكي معاهم علاه ربي سبحانو خلاني نوقف معاهم وانا ملقيت حتى وحدا .
دخلت فاكتئاب عام والمشاكل مزلت فيهم حاربت تقول كنت في حرب كنت ضايعة مالقيتش لي يقولي راكي فطريق الصح ولا لا خفت نندم مكانش لي نشاورها مكانش لي تشيلي يدي كما شديت يدهم وخرجتهم من الغمة . شفيت فالفجر قررت نتشاور ربي سبحانو خير من العباد صليت صلاة الاستخارة تماك حسيت بإحساس كي شغل ربي قالي ياك انا راني معاك علاه راكي تسناي فناس اوجهوك . تماك بديت حياتي وتكلت على ربي و عالجت نفسي وحدي حتى تعافيت الحمدلله وبعدت عليهم كامل وماوليتش نحس بحتى واحد غير نفسي وكي فهمو بلي وليت مليحة بداو يسقسو عليا 😂 باش يحكيلي الظروفهم وليت شخصية وحدوخرا وفهمت ربي سبحانو كي خلاني نداوي الناس بيدي تعلمت بزاف صوالح من تجاربهم وشديت يدي بروحي الحمدلله كانت تجربة واااعرة بصح سلكت منها وكيفاش سلكت الله اعلم مافهمت والو كيفاش الوقت لنهار هذا كيفاش فكيت تعلقي بشخص مؤذي وكيفاش بعدت على ناس سلبية والمصلحجية كيفاش وليت نحس بروحي ونقدر نتحكم فمشاعري الحمدلله ❤️

Marshmallow_80779 🇩🇿 · Accepted Answer

so proud of you ♥️♥️can you explain me how di you do for being this strong person

Pineapple_80421 🇩🇿 · Answer

انا بزاف فخورة بيك ❤️ مادابيا تشرحيلي الأحاسيس كيفاش باش ما تتأثريش كي يحكولك(كبما قلتي وليتي ماتحس بحتى واحد) لأني ناشبه بزاف للنسخة تاعك قبل التشافي و مادابيا نولي كيما راكي دوك

Coffee_79889 🇩🇿 · Answer

لاني يوم طحت لقيت نفسي برك والله شفيت في رمضان بكيت حتى خلاص وملقيت حتى واحد معيا حلفت منزيد نهتم بحتى واحد علاه انا شكون حس بيا وكيما نحيت روحي من هذيك الازمة هوما ثان يقدرو ،وخليت هاذوك المشاعر والكلام المليح لنفسي لاني انا لي نستاهلو.  حبي نفسك وخلي كل واحد يعاون روحو فمشاكلو خلاص تعبنا انا همي الوحيد نوقف مع روحي وفقط . وكل واحد ربي يكون معاه مانضرك .نقصي العطاء وعرفي قيمتك

Pear_80403 🇩🇿 · Answer

ربي معاك الاخت

Pineapple_80421 🇩🇿 · Answer

و الله غير عجبتيني 💖 المشكل انا صراتلي مع الوالدة، اول و أصعب مرة كانت قبل 7 سنوات تجرحت و مرضت و بكيت لربي قلتلو ماعنديش غيرك، فهمت مليح بلي صح ماعنديش غير لي خلقني و نفسي بصح نولي نسمعلها مشاكلها مع بابا و مشاكل اخرى و ننصحها و لكن ماتبع نصائحي (و لا يا سيدي تلقا حلول لعمرها لتغيير الوضع) ما ترضى بالوضع كيما راهو، و دايمن كي نكون حزينة توجعني أني أنا لا أستطيع اللجوء ليها كيما هي تشكيلي

Pineapple_80421 🇩🇿 · Answer

لأني كي نشكيلها يا إما راني غالطة يا إما تشدهالي كاش نهار تجبدهالي، يا إما في عوض تتقلق على مشاعري تتقلق على الوضع تقولي 'مازالت تخمي هكا؟'... قلتلها مرة انها ما تحسي بيا لكنا ماتفهم الامر، الاهتمام عندها هي كي 'تتعب علينا'

Coffee_79889 🇩🇿 · Answer

merci 🤍

Coffee_79889 🇩🇿 · Answer

أولا الاهل عمرهم ما تقدري تبدليلهم العقلية هكاك احبو يعيشو خلاص ركزي على نفسك ومستقبلك امك عاونيها فحوايج لي تقدري عليه مثلا ماديا و سمعيلها كي تحكيلك أما باش تغيريلها تفكيرها مستحيل هذا إرهاق فقط .اخدمي على شخصيتك وتكوني الأم  الصح لعايلتك جديدة . 
ماتشكيش ليها على خاطر هي متحبش عليك بالرغم أنها تقولك هكاك تبين برك بلي ماهيش حاسة بيك بصح فصح راهي تخمم عليك بالعكس ريحيلها بالها متشكيلهاش احسن

Coffee_79889 🇩🇿 · Answer

أشكي يا إما لوحدة عندك ثقة فيها ولا ما كاين شات جي بي تي أو شخص خارجي .
متربيناش فعائلة تسمع لهمومنا ولا يدعمونا

Coffee_79889 🇩🇿 · Answer

pourquoi pas

Coffee_79889 🇩🇿 · Answer

انا نسمع بزاف لي بودكاست كل ما حسيت بشعور ما ولا نحطيت فموقف نروح نحوس على بودكاست نسمعو ومع لوقت وليت نطبق بشوية وليت هكا نحب نحل مشكلتي خاصة النفسية .مثلا التجاهل ،التخطي التشافي، الخذلان ،ونسمع على ربي سبحانو ...