اضطرابات

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

دلوقتي بعد 15 سنه من محاوله اني أنكر انا مش هقدر انكر تاني 
انا اتعرضت للت*ح*ر*ش وانا صغيره يمكن مكنتش واعيه وقتها لأن كان عمري تقريبا 5/6 سنين وكان الي عمل كده ابن عمتي الكبير كان أكبر حفيد ف العيله كان تقريباً هو فالعشرينات وقتها وانا مكنتش فاهمه حاجه بس انا بجد حاولت كتير اني انسي الموضوع واقول انو يمكن كان بيهزر لانو كان بيندهلي يقولي ياعروستي وكان بيبوسني من خدي انا فكرت انو زي تيتا وجدو كده عشان انا طفله ف بيحبوني بس هو مكنش مريح ابدا كان بيقعدني علي رجله ويديلي الفون بتاعه العب عليه انا مكنتش ببقي مرتاحه بس كنت طفله صغيره لقيت حد ادالي الفون العب ف فرحت وانغمست فاللعب ومكنتش فاكره اي حاجه مع الوقت احنا نقلنا بعيد عن بيت العيله وهو سافر وعاش بعيد عننا بره المحافظه كلها وعدي وقت كتير ومكنتش بشوفه لحد بعد المواقف دي ب4 سنين هو اتجوز وتقريبا بقاله5 سنين متجوز فضل يناديلي بعروستي دي حوالي 7 سنين ويقولي لما اكبر هتجوزك انتي عروستي وانا مكنتش فاهمه كنت طفله صغيره لسا بتعلم اقرأ واكتب وكان بيناديلي كده عادي قدام تيتا وجدو واهلي واهله والكل موجود عادي مش همه وتناسيت الموضوع عشان اعرف اعيش وقولت بحسن نيه انو يمكن كان بيلعب معايا بس لما ركزت استوعبت انو لا انا مكنتش الطفله الوحيده وقتها فالعيله احنا كنا 6او7 اطفال اشمعنا اختارني انا ؟ ليه قرر أنو يسيبلي مشكله نفسيه ومشكله ف حياتي انا؟ ليه قرر كده انو يخليني اقعد اعيط علي حاجه مش ذنبي انا كنت ناسيه الموضوع لحد من ساعه لقيت الجرس بيرن وانا لوحدي ف بصيت اشوف مين ولقيته افتكرت كل حاجه وترددت انزل افتحله الباب بس هو شافني وعارف اني موجوده ورديت عليه نزلت فتحتله وقولتله اتفضل قالي اتفضل ايه تعالي سلمي سلمت عليه وانا قرفانه منو ومن نفسي ودخلته الدور الارضي وسالني عن بابا فين وقولتله انو مسافر وسألني عن امي وقولتله أنها خرجت واخواني الولاد كلهم ف الدروس بره قولتله اعملك شاي ولا حاجه وفضلت واقفه مردتش اقعد قالي لان انا كنت جاي اسلم عليكو عشان مسافر بكره وقام عشان يمشي وهو خارج راح ماسك خدي وقالي مع السلامه وسلميلي عليهم لما يجي واهم حاجه سلميلي علي ماما وراح ماشي انا بكرهو بكرهو اوي وبقرف منو وبقرف اشوفو اول مره اكره انسان بالطريقه دي دمرلي نفسيتي وحياتي انا كل ما اتناسي الموضوع اشوفه قدامي وافتكر كل حاجه انا اتاذيت منو نفسياً اوي وعمري ما هسامحو انا مكنتش عملتله حاجه عشان يعمل كده ليه اختارني يدمرلي حياتي وانا لسا ببداها ليه قرر أنو انا الي لازم أعيش ف معاناه ليه محدش من اهلي شك للحظه وبعدو عني انا كنت طفله ومهما جابو عليا الغلط انا طفله اكيد مش لابسه حاجه تخليه يبقي من حقو انا طفله ومكنتش بلبس لبس مكشوف وانا صغير بل بالعكس يعني بنات عمتي كانو يلبسو شوت وتيشرت كت انا كنت بلبس بنطلون وتيشرت طويل حتي وانا طفله كنت بعيط عشان مش بحب البس حاجات قصيره ده ذنبي ؟ اشمعنا انا انا اذيته ف ايه عشان يدمرلي حياتي انا لحد دلوقتي خايفه اني من اني اتجوز ورافضه الموضوع ومش عايزه مش بطيق الرجاله بكرههم كلهم معرفش ازاي انا هقدر اتعايش مع الموضوع وازاي هتجوز ويبقي عندي اطفال ازاي هآمن علي نفسي مع راجل وازاي هآمن علي عيالي من ابوهم حتي مش ابن عمتهم ولا عمهم ازاي عآمن انو ابوهم نفسه مش هيعملم حاجه وانا عارفه انو لو بقي عندي اطفال ف انا هخنقهم من خوفي عليهم وهبعد حتي ابوهم عنهم انا عمري ما هسامحه انو سببلي كل المشاكل دي انا بقا عندي اضطرابات في تصرفاتي ف حركاتي انا بخاف من امي وصلت أن لما امي تمسك ايدي بقرف بقرف لما حد يسلم عليا بخاف اقعد جنب حد حتي لو بنات حتي لو اخويا كل ده بسبب واحد معندهوش قلب قرر يدمر حياه طفله معملتش ذنب واحد عشان يعمل فيها كده حسبي الله عليه وعلي اي حد شبهو واي حد بيعمل كده ف اطفال وحتي كبار يارب تتحرقو وتدوقو ف عيالكو تشوفوهم قدامكو كده بيتعذبو ومتقدروش تعملو حاجه يارب يوجع قلبكو زي ما وجعتو قلب ناس ملهاش ذنب يارب تتحرمو من اي حاجه تتمنوها الله لايرحمكم وتتعذبو فالدنيا والاخره

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_71963 🇪🇬

منذ 4 أسابيع

شعور مرتبك

كنت مرتبط ببنت عندها شوية أمراض نفسية زي ثنائي القطب واضطراب الشخصية الحدية المهم عرفتها فترة كبيرة حوالي سنة وفي خلال السنة دي كنت بحاول أفهمها أكتر وأتقبل كل مشاعرها وتقلباتها المزاجية بحكم اللي عندها يعني وكام مرة بعدنا ونرجع بسبب شوية مشاكل بسيطة عادي زي أي اتنين بيتخانقوا وكنت بحبها أوي بجد وس

Ice Cream_70537 🇪🇬 مريض ثنائي القطب او اضطراب الشخصية الحدية التعامل معاه مش بيبقى سهل خالص ومحتاج معاملة خاصة انت محتاج تقرا كتير عنهم علشان تقدر تتعامل مع شخص عنده المرض دا واسمحلي أقولك ان الشخص اللي بيتجوز بحد عنده المرض دا نسبة اصابته بالاكتئاب عالية جدا حتى لو كان شخص طبيعي واللي هي عملته دا تصرف صح منها بس انت مش هتفهم كدا عكس الشخص المريض نفسه

عرض الكل 7 نصيحة

Pear_68730 🇪🇬

منذ شهر واحد

شعور محبط

موضوع:

اهلك عملوا معاك ايه مش هتعمله مع عيالك؟

اهلي دايما بيمدحو اي غيري طول الوقت بس عشان احس انه انا مش كافيه ، ما عمرهم تقبلو شكلي او جسمي لان وزني زايد ، كان بابا كل ما يشوفني قاعده معاهم يقولي انتي ازاي مستحمله القرف اللي انتي فيه برغم ان كان وقتها عندي 13 سنه بس، وماما بدأت توديني لدكتور تغذيه بدون حتى متسألني لو كنت حابه او لا ، وللاسف ك

Almond_65303 🇪🇬 حاولى تسامحيهم حتى وان كان اللى بيعملوه مؤذى، ثانيا مشكلتك مش وزن قد ما هى نفسية والدليل الاضطرابات اللى بتحصل عندك فى الاكل، سيبك من كلامهم واحكامهم، وابدأى اشتغلى على انك تخسى بطريقة رايقة وعل هادى، نص ساعة كل يوم ان شاء الله مشى، تبقى ساعة بعدها، تاكلي كذا مرة فى اليوم بس حاجات قليلة ومش بتتخن، وهكذا، تراقبى تصرفاتك لما بتزعلى أو تتوترى لو بتروحي للأكل، بالتدريج هتخسى، بطريقتك انتى، مش بالأجبار

عرض الكل 11 نصيحة

Mushroom_67074 🇪🇬

منذ شهر واحد

شعور وحيد

Coffee_67382 🇪🇬 رغم ان الكلام مُرهَق بس فيه حاجه كويسه اوي وانت قولتها انك بتحارب وانك حاولت تتعالج كتير،ايوه العالم الخارجي مش مساعدك بس انت لازم تكمل وتتغلب ع كابوس المرض النفسي،ارمي نفسك ف الشغل ومع العيله مع العلاج طبعا ومتسيبش نفسك لدماغك +الاستعانه بالله اهم شيء ممكن يلازمك ،وكان الله في عونك ي صاحبي

عرض الكل 6 نصيحة

عبّر عن شعورك بشكل مجهول

انا مريض نفسي عندي ٣٠ سنه و عندي اربع اضطربات نفسية حياتي جحيم من يوم ما بدأت اوعى للدنيا الاضطرابات النفسية اتشخصت بيها من سنه على ايد دكتورة نفسية صغيره في السن لكن شاطره جدا بعد رحله طويله من الحجز في المستشفيات و اتحجزت ف اوسخ الاماكن و شوفت اسوأ ناس ف حياتي و اتعالجت غلط كتير 
اللي حواليا مش مقدرين يعني ايه مرض نفسي فاكرينه اي كلام و انا اللي ايماني بالله ضعيف مثلا انا مش ببالغ لما بقول اني معرفش يعني ايه فرحه او سعادة عقلي معداش باحساس زي ده مخي معندوش القدره على افراز الهرمونات اللي بتسبب للانسان سعادة الناس مش متخيله يعني ايه احساس معين انسان معندوش القدرة يحس بيه و بيشوف ناس كتير حواليه بيحسوا بيه و بيستغرب 
انا طول حياتي في حرب نفسيه خايف و قلقان و حزين و غضبان و يائس طول الوقت العلاج النفسي في مصر فاشل 
لغاية قبل سنه لما شوفت الدكتورة اللي قدرت تشخصني صح و وضحتلي ان بقالي خمستاشر سنة بتعالج غلط و دا سببلي مشاكل اكبر 
اتمنى ربنا يسامحني و يعفي عني و يريحني من الدنيا دي بدعي ربنا كتير يرزقني حسن الخاتمه و يعجل بقضائه لأني مش قادر اكمل الحرب دي انا تعبان و منهك و هلكان عايز استريح

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_62236 🇪🇬

منذ شهرين

شعور آسف

حد هنا بيتعالج او بالفعل اتعالج و اتعافي خلاص من اضطراب الشخصية الحدية "bpd" Borderline personality disorder لو حد عنده الاضطراب دا ياربت يقولي ازاي نقدر نتعامل معاه لو مش هنقدر نعالجو عاوزة حل اي كان اتعالج منو ازاي او اتعايش معاه ازاي!!♥️

Banana_61920 🇪🇬

منذ شهرين

شعور شاعر بالملل

اولا انا ٣ث ف المفروض دي فتره امتحانات عندي اكتئاب حاد واضطرابات ف النوم ومحدش من اهلي مهتم يعرف والكلام ده قررت من فتره اني ادمر نفسي وافشل وم اجبش مجموع برغبتي عشان احسسهم بخساره واحسسهم انهم مقصرين معايا وفيه حاجات كتيره اوي متاخده مني كان نفسي فيها عشان كده باعمل كده ومش هوقف وهدمر نفسي اللي كده

French Fries_59089 🇪🇬 والله انت لو هتنفع هتنفع نفسك ولو هتضر هتضر نقسك مفيش حد بينفع حد دلوقتي حرفيا ولا اي حد فكر فيها صح عشانك مش عشان اي حد تاني وربنا يصلح الحال

عرض الكل 24 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Coffee_60138 🇺🇸

منذ شهرين

شعور مرتبك

عبّر عن شعورك بشكل مجهول

أنا طالبه دبلومه امريكيه وخلصت الحمدلله وجه وقت التقديم في الجامعات والكليات بس المشكله بقي إني مش قادره احدد أنا عايزه اي او حابه اي كأني بلا احساس وخايفه اختار حاجه مش متناسبه مع قدراتي..ميزه الاميريكان فتحلي كل الكليات الخاصه بحكم أن مجموعي مجبش اهليه ولا حكومي وحتي بشري خاص جبت لحد أسنان ودي مش المشكله عندي المشكله إني لاقادره اختار الكليه ولا حتي الجامعه طبعا حوليا مليون رأي ونصيحه وأنا كل مادا بتشتت اكتر خصوصا إني شخصيه بتتاثر جدا بالاراء الللي حواليها.. اخر تلت سنين كنت في مشاكل واضطرابات كلها جوا دماغي مش دا موضوعنا بس اللي عايزه من الموضوع دا إني كنت فاقده الثقه في نفسي وفقدراتي وفي حتي ذوقي في اي حاجه عموما مع دا غير الحقيقه واللي بيحصل او المواقف اللي علي أرض الواقع كلها كانت اوهام في دماغي لحد ما ربنا اراد كدا وقدرت اتخلص من كل حاجه عن طريق الكتابه..فنقطه زي دي إني بختار مستقبل كبيره اوي بس شئ ولابد منه أنا انسانه مرهفه جدا جدا عند اهلي و مكنتش بعمل اي حاجه غير لما يعرفوا ويكونوا راضين عنها لدرجه إني بعتبر رايهم هما الاهم في كل حاجه بحكم السن والخبره وكدا وبحكم كمان أننا اصحاب جدا واي حاجه لازم يشركوني فيها لدرجه إن حتي الميكب او حتي لون المنيكير إللي حطاه كمثال علي ادق التفاصيل فمابالكوا باي حاجه تانيه وديما رأي بابا بالنسبالي الاهم وأنا ديما بسمع الكلام ومن اولوياتي إني ارضيهم واسمع الكلام حتي لو مش مقتنعه بس المره دي ماما وبابا اختلفوا في امر الكليه وأنا واقفه في النص حيرانه ومش عارفه اعمل اي عمري مخترت ابسط الحاجات بنفسي علشان اختار مستقبلي بايدي الموضوع اي حد يحله أنتي شغفك اي ولا ميولك اي..الاجابه مش عارفه عامله زي البيبي إللي تحطوا علي الطريق وهوا هيمشي وطبعا مدايقه بس المعادله برضو صعبه.. أنا عارفه إني طولت بس محتاجه اقول كل حاجه أنا عارفه إن فيه كتير زي فنستحمل بعض.. أنا كان نفسي اتغرب بابا مكنش عنده مشكله حتي إني اسافر ادرس حتي فالمانيا المهم إني أكون محدده هدفي وعارفه أنا عايزه اي ولا هعمل اي أنا الصراحه استكبرت الموضوع جدا عليا أنا مش بعرف اعدي الطريق لوحدي حتي غير لو فاضي فازاي فقولت خلاص ادخل جامعه في القاهره وابقي مغتربه جنب اهلي وخلاص مامتي موفقتش وقعدت تعجزني بأني مش هقدر بس إللي أنا شيفاه إني محتاجه اتربي واتعلم كل حاجه من الأول واعتمد كدا علي نفسي وبابا قالي اعملي إللي أنتي عايزه أنا معاكي بس لو في مجالات التكنولوجيا والامن السيبراني المجالات الحديثه عموما غير كدا الطب موجود عندنا وحفظينه ملوش لزمه الاغتراب كدا خاص وكدا خاص بالمناسبه ماما نفسها اوي إني اشتغل في التجميل وبابا فنفسه في المجالات الحديثه زي مثلا جامعه السويدي فالمعادله تيجي عندي بقي إني مشتته فماما لما شافتني كدا قالتلي خلاص ادخلي صيدليه او علاج طبيعي وبعدها خدي دبلومه التجميل وافتحلك مركز تجميل بدون جراحه.. وفعلاً عملت إللي فدماغها وقدمتلي في الجامعه ودفعت المصاريف علشان معتش اناقشها في حاجه ودلوقتي مامتي وجدتي فرحنين إني بقيت دكتوره وأنا ولابابا مبسوطين أنا لما جيت اكلمهم كلمتهم بمنتهي الصطحيه إن الجامعه شكلها مش حلو فقولي سيبك من شكلها أنتي راحه تتعلمي فقولت خلاص أنتي ديما بتسمعي الكلام فخلاص بقي عليه العوض بس بجد مش قادره اضغط علي نفسي أنا بسال نفسي هي دي الجامعه إللي أنتي عايزاها وهوا دا التخصص إللي أنتي حباه مش عارفه ارد بس مش مرتاحه...بصوا هي المعادله كالآتي يابقي دكتوره وبعد ٩سنين ابقي اشتغل في التجميل ودرس حاجه ٦سنين مش هتخدمني في حاجه كل اللي عايزاه من الموضوع دا هوا لقب الدكتور فقط ولا ادخل مثلا امن سيبراني أو سوفت انجينيريج او نيتورك او تكنولوجيا الفن والتصميم اربع سنين واقدر اشتغل علي طول بعد ما اتخرج لأن عليها طلب كل إللي محتاجه فيها اشتغل علي نفسي زيها زي اي كليه من غير بقي لا تكليف ولا دبلومه ولا شغل برواتب قليله..عارفه إني طولت اوي بس بليز ممكن مساعده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_57855 🇪🇬

منذ شهرين

شعور مستنزف

عرفت معرفه مبدأيه بالإضطرابات النفسيه ال بحس بيها من زمان وعملت سيرش كتير بس مش متأكده من حاجه لان ببساطه محتاجه كلام طالع من دكتور او مختص عشان اقدر اتعامل مع الموضوع بنضج شويه بس مش هقدر اروح عياده لان هبقى بالنسبه لل حوليا بخرف وانا زهقت من ال بحس بيه لو حد عارف ابليكيشنز للدعم النفسي اتأكد من ال

French Fries_58101 🇪🇬

منذ شهرين

شعور وحيد

انا كنت طفله مولوده فظروف حياه ملغبطه مكنش اي شئ طبيعي وكبرت عندي اضطرابات كتير بقف وبقع لحد مخسرت كل شي وذال كل نعمه كنت بملكها خسرت شغلي بيتي واهلي صحابي وحتي الشخص اللي كنت بحبه معرفش مع اني مش وحشه وعمري مكنت وحشه بس نمت وصحيت لاقتني نسخه الناس كلها بتكرها ونافره منها مقمتش من الصدمه بس بقيت لوح

Potato_31970 🇪🇬

منذ 5 أشهر

شعور خجول

جماعه ممكن لو حد اتعامل قبل كده مع حد عنده اضطراب الشخصيه الحديه يقولي كان بيتعامل مع الشخصيه دي ازاي لان ف حد ف حياتي عنده المرض ده يعني وانا حقيقي مش عارفه اتعامل مع الشخص ده خالص ياريت تفدوني

Strawberry_21955 🇪🇬

منذ 7 أشهر

شعور عاطفي

كنت فاكرة ان أي حد كان بتجمعني بيه علاقة تحت أي مسمي وآذاني أو أخد مني الأمان والثقة فيه لما أكمل وادخل علاقات جديدة مش هيأثر، لحد ما لقيت نفسي بسأل في اليوم ميت مره هل الناس دول بيحبوني ولا لا، هل أنا فعلا جميلة زي ماقالو واتحب، هل ممكن احب حد وبعدين يخوني وميكونش قد كلامه طيب هل هما أهل ثقة مش عا

Watermelon_28759 🇪🇬

منذ 8 أشهر

شعور مكتئب

عبّر عن شعورك بشكل مجهول

بدون مقدمات هبدأ على طول 
انا بنت عادية بس من سن حوالي رابعة او خامسة ابتدائي بدأ وزني يزيد .. كنت بحب الاكل .. اهلي كانوا بيلفتوا نظري لكن للاسف كان بطريقة مباشرة .. اكيد مش اقسي طريقة في الدنيا بس كنت بتجرح .. في الاول والاخر كنت طفلة .. بدات اسمع تعليقات مش لطيفة في المدرسة ومن اهلي واحيانا كان بيبقى نقاش حاد مع حد من اهلي .. كرهت نفسي .. حاولت اكتر من مرة اقلل وزني وبفشل .. بطلع غلي في الاكل .. بشوفه مصدر سعادة .. بقيت بكره شكلي في الصور مع اني ميبانش عليا خالص قد اي انا بكره نفسي لاني شخص معروف انه فرفوش ودمه خفيف ومش بحب احكي الموضوع دة .. دايما لما صحابب بيتكلموا بين بعضهم عن الوزن عامةً مش عليا بحس باحراج ومش بشارك في الحديث وبسيبهم هم يتكلموا .. الموضوع عمال يزيد .. انا بحاول انظم اكلي بس انا بجد بقيت بكره شكلي .. بكره نفسي .. دايما مش مرتاحة .. حتى وانا قاعدة لوحدي بفكر قد اي انا مستحقش حد يبصلي حتى وان ازاي فيه ناس مستحملة شكلي .. مع اني ملامحي مش وحشة يعني اصنف عادية ووانا صغيرة كان الكل بيشوفني جميلة بس لما وزني زاد بقيت بسوف نفسي ابشع واحدة في الدنيا .. الموضوع اثر حتى على مذاكرتي .. بقيت مش طايقة حاجة .. مش طايقة اذاكر مش طايقة اتكلم مع حد .. دايما نفسيتي تعبانة ودايما بحس اني مستحقش اكل .. لو حد عنده طريقة كويسة اقل بيها وزن و ازاي على الاقل اتقبل نفسي اكون شاكرة جدا واتمنى محدش يقول كلام مش لطيف

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_50382 🇪🇬

منذ 8 أشهر

شعور خجلان

بكره جسمي اوي،بكرهو اكتر من اي حاجه في الدنيا،اكبر مشاكل حياتي جسمي،مع ان مشاكل حياتي كتير بس عمري ما حسيت بالم او ضيقه ناتجه عن اي حاجه اكتر من اني ابص على جسمي،بكره كل جزء صغير منه،مع اني فعلا مش تخين اوي،جسمي مش بشع يعني،بس مش هو الي انا كنت عايزه و الي كل الي في سني عندهم،انا مش تخين بس انا للأس

Avocado_63863 🇪🇬

حبيته وسبني ومش فاتح بالي وهو عايش عادي

حاسه اني ضيعه خصوصا بعد ما حبيته وسبني وبعد كل اللي كنت بعمله اللي يطلبه سبني وكمان غلط فيا طيب هو هيتردله الاذي ده المشكله اللي وجع قلبي أنه عايش حياته عادي ماشي ورامي كل الغلط عليا طلعني انا اللي وحشه بعد مكان ههيموت عليا قلبي متكسر ميت حته اعمل اي تايه بمعني الكلام وهو عايش حياته هو اصلا مش فكرني 💔💔 ...عرض المزيد

2 الدعم

27 نصيحة

Apple_60650 🇪🇬

أمي خاينة أبويا ومش عارفة أقول له

ازيكم انا عندي 26سنه متجوزه وبحب جوزي ومعانا ولدين دي القمر ربنا يخلهملي يارب بصلي الحمد لله المشكله الا في حياتي هيا امي امي على علاقه ب راجل تاني غير بابا وبابا راجل كبير ف السن 77سنه واني أصغر منو ب كتير المهم انها على طول مسوده عيشه ابويا ومبهداله وشتيمه وقله قيمه ومعايره انو مبقاش يقدر يعمل معاها علاقه معرفا الناس كلها كل الرجاله آلاف العيله او الا بره العيله عارفين انو مقصر ف الحكايه دي انا دلوقتي وقعت تحت ايدي ركورادت ليها معا الشخص الا هيا ماشيا معاه ده ومش عارفه اعمل ايه ابويا صعبان عليا جدا ومن شهر ابويا عمل معاها مشكله كبيره وساب البيت ومشي ودخل اخوها وعشان هيا مقتدره ماديا اخوه كدب ابويا وقالو هنرفع عليك قضيه سب وانك بتخوض ف عرض اختي وجه ف صف اخته عشان بتصرف عليه انا دلوقتي معايا دليل ان بابا عنده حق ومش عارفه اقول ل بابا ولا اعمل اي انا بحب بابا جدا وصعبان عليا الا بيحصل فيه ده انصحوني ...عرض المزيد

3 الدعم

20 نصيحة

Strawberry_70616 🇪🇬

محتارة أوي أعمل ايه في حياتي بعد التخرج

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت ...عرض المزيد

0 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع