Carrot_71963 🇪🇬
منذ أسبوع واحد
.
شعور مرتبك
كنت مرتبط ببنت عندها شوية أمراض نفسية زي ثنائي القطب واضطراب الشخصية الحدية المهم عرفتها فترة كبيرة حوالي سنة وفي خلال السنة دي كنت بحاول أفهمها أكتر وأتقبل كل مشاعرها وتقلباتها المزاجية بحكم اللي عندها يعني وكام مرة بعدنا ونرجع بسبب شوية مشاكل بسيطة عادي زي أي اتنين بيتخانقوا وكنت بحبها أوي بجد وسنة أو اتنين بالكتير وهتقدملها وهي كانت عارفة بكدا بس الحلو مبيكملش جت ف يوم بتقولي احنا لازم نبعد ودا الأحسن لينا وكلام كتير من دا، طب ايه السبب؟ لا هو كدا من غير سبب لا بجد والله؟! وقفلت ومردتش فضلت أبعت كل يوم زي العبيط على أمل إنها ترد والمفاجأة؟ ردت بعد أسبوعين عشان تقولي نفس الكلمتين وتسيبني تايه زي ما انا... فضلت أتحايل عليها أعرف السبب؟ قعدت تكرر إن دا من غير سبب وإنه الأحسن لينا (معرفش ع أي أساس حددت إن دا أحسن ليا!) المهم دلوقتي انا مش عارف أنساها بس في نفس الوقت متدايق منها جدا وخايف أقول أي كلمة تزعلها لأنها زي ما كانت بتقول كانت بتحبني بس جت في الآخر كدا ومبقتش عارفة هل الحب دا كان بجد ولا لا المفروض أعمل ايه دلوقتي؟
0
7
