اختيارات

Biscuit_64034 🇪🇬

منذ 3 أيام

شعور غبي

يعني هو الواحد هيفضل كدة ؟ اختياراته خرا فى صحاب و شريك و شغل و كله كله زفت !!! يعني طب و بعدين ؟! كللللله صفر !!!! مافيش بني ادم على الكوكب ده نضيف يبقا من نصيب الانسانة اللى زيي على سبيل حتى العوض زي باقى خلق الله !! انا بجد قرفت مش عارفة اتعامل مع بنى ادم و يطلع كويس و اللى هيقولى ازمة الاب و

Ice Cream_65043 🇪🇬

منذ 4 أيام

شعور محبط

انهارده اكتشفت اكتشاف صعبت عليا نفسي اوي، انا ليه مليش حد؟ ليه لوحدي علطول ولما بيبقي في حد مبيكملش معايا،ليه اختياراتي مش شبهي ليه بتحط وسط مكان وبعد ما اتأقلم يطلع مش مكاني! ليه دايماً بختار غلط! كان نفسي يبقي ليا نصيب ف اي حاجه حبيتها .

Coffee_64566 🇪🇬

منذ 5 أيام

شعور مكتئب

موضوع:

لو رجع بيك الزمن ٥ سنين ايه اللي هتكرره وايه اللي مش هتعملو🤍

لو رجع بيا الزمن هختار نفس كل حاجه بس اللى هيختلف انى هكون عارف كل حاجه نهايتها اى هعرف اغير ده هعرف انى لمه اصاحب الشخص ده هعرف امته هوه هيكسرنى هعرف ارد على اتا كنت عاوز اقولو هعرف اتصرف صح فى مواقف كتير انا كنت عاوز اعمل كده ومعملتش ومش هغير اختيارنى واجرب حاجه جديده لان ده يمكن يسيبنى بجروح جديد

Avocado_57183 🇪🇬

منذ أسبوع واحد

شعور غير مكتمل

السلام عليكم دلوقتي متقدملي اتنين بس الاتنين اصلا قرايب بس من بعيد والاتنين جايين من طرف واحده جارتنا بس انا اصلا مرتبطه وعلى علاقه حب بشخص تالت والشخص ده هو مش مقتدر ان هو يجي يتقدملي وكل شويه لما اجي افتحه في موضوع ان كل شويه عرسان بيجي يتقدمولي بيفضل يقولي انا اعمل ايه طيب مافيش حاجه في ايدي وك

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_63710 🇪🇬

منذ أسبوع واحد

شعور ضائع

كنت عايزه اخد رأيكو في حاجه انا عندي 14 سنه وانا صغيره كنت مصاحبه اتنين والاتنين كانو نفس اسمي ما علينا ان هما كانو بيتجاهلوني دايمًا وكانو بيحب بعض اكتر مني غير أن هنا كانو بيقولي لبعض اسرار كتير ويبعدو عني ولما اجي اسالهم يتوهو ويفضلو يضحكو ويطريقوا المهم في عيد ميلادي كنت صغيره وكنت بحبهم اوي وع

Hazelnut_52786 🇪🇬 أيوه، اللي عملتيه صح ١٠٠٪، لأنك اخترتي الناس اللي بتحبك وتقدّرك مش اللي تتريق عليك وتخليكي تحسي إنك أقل. اللي بيتجاهلك وبيخبي عنك ويتعامل معاك ببرود مش صاحب حقيقي، حتى لو رجع بعد سنين… الرجوع ده مصلحة مش محبة. كمّلي مع الناس اللي قلبهم نظيف وبيفرحوا بوجودك، عشان الصُحبة الحقيقية مش عدد… دي احترام وراحة وسند

عرض الكل 4 نصيحة

Banana_62482 🇪🇬

منذ 3 أسابيع

شعور متعب

موضوع:

اى اكتر حاجة بتكرهها في نفسك؟

مش عارف بكرها فى نفسى بس برتاح لما بتحصل بحب دائما تكون فى واحده فى حياتى خاصه بعد ما طلقت للاسف طلقتى كانت اختيار سيئ جدا ودائما بحب انى اعرف واحده واتكلم معاها وافضل كمان متكونش من محيط شغلى او بلدى مش عارف ليه كده ولا عارف ابطل وبحاول احافظ على كل واحده فى حياتى كده غير كده بقيت بكره انى ارتبط سو

Donut_52528 🇪🇬

منذ 3 أسابيع

شعور متعب

عبّر عن شعورك بشكل مجهول

انا مشكلتي هي انا.... 
انا اللي مش عندها ثقة في نفسها تماما في كل حاجة 
لا في شكلي و لا في نفسي و ذوقي و لا قراراتي و لا اختياراتي و لا اي حاجة بجد....
دايما مترددة و قلقانة و عايزة حد اللي يختار ليا و يقرر ليا عايزة حد هو اللي يقول أيوة ده 
و بكره في نفسي حتة التأثر ، انا ممكن اكون عايزة حاجة بس كلام اللي حواليا يأثر عليا و يشككني في نفسي و في اختياري ده أن هو ممكن يكون غلط لازم افكر تاني كمان فكرة أن بحس أن انا بدور علي مبررات للاختيار يعني الشخص الطبيعي بيفكر و يلاقي اسباب ف يختار ، انا لا انا مثلا عرفت أن ده الصح ف خلاص هختاره و اقنع نفسي بقي بالأمر الواقع أن ده الصح و يمكن و يمكن و افضل افكر و افكر و مش بخلص، و ده غلط و مش حباه في نفسي، وصلت لسن أن خلاص لازم انا اخد قراراتي بقي بنفسي ، بس بخاف اخد قرار غلط اضيع بسببه ، عارفة أن كلنا لازم نغلط علشان نتعلم و نسأل و تستشير و بعمل ده ، بس فكرة الخوف دايما هي اللي بتسيطر عليا وقت الاختيار بالذات، بخاف اختار حاجة اندم عليها و ابقي بوظت الدنيا، 
ده حتي القرار المصيري اللي مش ينفع حد ياخده غيري مش عارفة اخده، كبرت و وصلت لسن الجواز و خايفة اختار شخص غلط من كتر اللي شايفاه حواليا ، شوفت اللي اختار عن حب حصله ايه و اللي اختار بعقله بس عايش ازاي، خايفة اختار الشخص اللي بحبه اندم و اكون ضيعت حد تاني كان ممكن يكون احسن مع ان الشخص اللي بحبه ده كويس بجد و محترم بس خايفة، و في نفس الوقت خايفة اختار بعقلي اندم و اعيش بقيت حياتي ضيعت من ايدي اللي كنت حباه و ابقي عايشة قلبي مش معايا و مش مرتاحة و اظلم حد تاني و اكون ضيعت مني حبي اللي كبر جوايا سنين بيني و بين نفسي و طلع هو كمان بيحبني و اتقدم ليا، اسفة عارفة أن ده كلام كتير و مش مرتب و حاجة صعبة بس كنت محتاجة اتكلم و افضفض يمكن حد يقدر يفهمني و يساعدني، ف اسفة علي كل الكلام ده و التوهة دي....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Onion_61988 🇪🇬

منذ 3 أسابيع

شعور مرتبك

ايه الفرق بين إرادتي الذاتية و إرادة ربنا !! تعالى اقولك....ارادتك الذاتية هي اللي انت عايزو و محتاج تحققه ممكن يكون على حساب ناس تانية او تدهس او تستبعد اي اعتبارات اخرى فقط اللي انت عايزو، في الظروف اللي مش على هوايا بحاول اني اتحكم و استخدم اي اساليب تحققلي هدفي وخلاص مش مهم بقا انا دوست على

عبّر عن شعورك بشكل مجهول

ايه الفرق بين إرادتي الذاتية و إرادة ربنا  !!

تعالى اقولك....ارادتك الذاتية هي اللي انت عايزو و محتاج تحققه ممكن يكون على حساب ناس تانية او تدهس او تستبعد  اي اعتبارات اخرى فقط اللي انت عايزو، في الظروف اللي مش على هوايا بحاول اني اتحكم و استخدم اي اساليب تحققلي هدفي وخلاص مش مهم بقا انا دوست على مين او هرست مين ف السكه..في الغالب دي ارادة هدامة 
......
ارادة ربنا هي اللي ربنا عايزة ليا و اكيد هو الخير و الصالح ليا و كدا كدا هيحصل و هشوفه...

مش دايمًا الإرادة الذاتية غلط أو أنانية:
إرادتك الذاتية ساعات بتكون نعمة من ربنا لو نضّجتها... يعني لما تكون راجل بتسعى وبتحلم، بس بتحط نيتك في مكانها الصح، مش معناها إنك ضد إرادة ربنا.
العبرة إنك تراقب نفسك وتشوف: هل إرادتي دي نابعة من طمع؟ خوف؟ أنانية؟ ولا من حب، شغف، خدمة، هدف نقي؟
الإرادة الذاتية النقية ممكن تبقى جزء من إرادة ربنا.

طيب امتى تكون ارادتي الذاتية متماشية مع ارادة ربنا

ان اهدافك و اللي نفسك تحققه تجتهد فيه و تعمل دورك البسيط بأمانة و تواضع بدون تلاعب ماكر و فرض للنتائج لان اصلا النتيجة دي مش بتاعتك دي بتاعه ربنا....و ان اي حاجة كويسه مناسبه تخدم مستقبلك و حياتك تكون سالت كتير انها تمام ليك حاليا بالاضافة لانها  ترضي ربنا تأكد ان ده ارادة ربنا ليك و انت ماشي تمام...

ازاي ممكن اعرف ارادة ربنا ليا في حاجة معينة!!

مثلا تعالو نقول ادخل كلية تجارة ولا حقوق 
بسيطة 
الاستخارة اول حاجة لاني دي الراحة القلبية و بعدها 
هسال مجموعة من الناس بثق فيهم و يا ريت لو عندهم التجربة او الخبرة في الموضوع اللي هسأل فيه و يفضل يكون عددهم فردي زي مثلا  ٥ و هبدا احكي انا مهاراتي في الحفظ و بحب كلية تجارة بس مش بحب ازاكر كتير او العكس و احكي ايه اللي هقدر اعمله و ايه لا و ايه بحبه و ايه لا و ف النهاية هتلاقي فيه ٣ قالولك وليكن ادخل تجارة و ٢ قالولك ادخل حقوق او كلهم اجمعو على كليه او ايا كان المهم ان العدد الفردي ديما هيخلي فيه كفه اكبر من التانيه و ده بشكل او باخر خلاك تحاول تشوف ارادة ربنا ليك لان ربنا مش هينزل يكلمك و طبعا كل ما دائرة مشاركتك للناس بقت اكبر كل ما اخدت اراء اكتر و فهمت اكتر انت محتاج تعمل ايه...

معرفش ليه بشارككم الموضوع ده بس لقيت ايدي بتكتبه لا اراديا 🙏

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_58763 🇪🇬

منذ 3 أسابيع

شعور متوتر

موضوع:

رساله عايز تقولها لحد بس م عارف.

عبّر عن شعورك بشكل مجهول

حلوة البدايات... بس بيقول لك الـ بيجي بسرعه بيروح أسرع. مع اني في حياتي مقتنعت بـ دا انا الـ اعرفه ان في مرحله كدا بيسموها الصداقه او الفرند زون، لو انت بقي عملت لها سكيب هتخسر حاجات كتيير اوي معاها، زي انك ازاي تتعامل مع الشخص دا وقت ما يكون مبسوط او وقت ما يكون زعلان، و بالأخص بقي وقت ما يكون مضايق او بالأخص اكتر لما يكون متخلف كدا في اوقات معينه. فا الـ بييجي  بسرعه بصراحه يعني مع اول مشكله بتكون صعبه، صعبه اوي زي اول تعب لطفل لسا مولود معندهوش مناعه و مش عارف ازاي تتعامل معاه، بيكون مخيف،  فـ بصراحه بقي انت و مناعتك تستحمل و تعدي ولا هتوقف كل حاجه؟ في الاغلب بسبب وجود المشاعر هتختار انك توقف كل حاجه. الان انت مستحملتش قسوة الوجع و الاخص بقي ان في الاول الموج بيكون عالي اوي تخيل مشاعرك دي هي الموج العالي بحر صافي و جميل و الموج بيعلي حلو اوي المنظر و اللون و الريحه. حلو اوي احساسك بـ المشاعر و الحب و الاطمئنان، فجأه الموج بيقرب وانت تحب اكتر لحد مـ يوصل للشط و تنزل الموجه من قد ايه هي عاليه ان هي تبقي تحت رجلك او بين صوابعك و هنا بقي بتكون اول مشكله بتقابلكو تيجي الموجه و تسيب كل حاجه وحشه في بطن المياه و ترجع،  منها اعشاب صدف و رمل، كل حاجه قديمه جواها بقي ماضي مؤلم، امراض نفسيه و اسلوب مش تمام كل القرف الـ انت هتقابله هنا بقي السؤال ياتري هتوطي و تجيب صدفه و تصورها و تقول الله يا جماعه؟ ولا هتبص علي القرف الـ طلع منها و تبعد و تسيب كل حاجه حلوه عشتها في الوقت الـ انت كنت فيه؟  فـ انت هتختار ايه؟

Cookies_61258 🇪🇬

منذ 4 أسابيع

شعور ضائع

موضوع:

اى اكتر حاجة بتكرهها في نفسك؟

الندم على اى اختيار خاطئ وقعت فيه والاشخاص اللى كان مفروض اتجنب معرفتها لو بس نقدر نشوف نتيجة كل اختيار كانت الدنيا بقت احسن ...... ننلبيقفغ البلااقبلاليبلفب لبقلطدددددددددددد ةاةتتتتتم

Hazelnut_52786 🇪🇬 الندم طبيعي، بس بيكون مفيد بس لما نستخدمه كدرس مش كعقوبة لنفسنا. الاختيارات الغلط هي اللي شكلت نضجك اللي إنت فيه دلوقتي، فمتكرههاش تمامًا. كلنا بنتمنى نشوف النتيجة قبل القرار، بس الحياة اختبار، وإنت دلوقتي بقيت أفهم بكتير من قبل

عرض الكل 2 نصيحة

Chilli_60208 🇪🇬

منذ شهر واحد

شعور محبط

موضوع:

اى اكتر حاجة بتكرهها في نفسك؟

اني لما بتعلق بحد عاطفيا ببدأ اخسر نفسي وحياتي تبوظ من كتر تفكيري فيه وغالبا بتعلق تعلق مرضي وحياتي كلها بتتمحور حواليه وببدأ افقد نفسي وتركيزي في حياتي واحدة واحدة لحد ما اكره نفسي واتحول لنسخه سيئة مني وبالتالي طبيعي اللي قدامي يزهق مني وبكره نفسي لما اصر على اختيارات غلط برغم من اني عارفة انها غل

Mushroom_21238 🇺🇸

منذ شهر واحد

شعور ضائع

معايا واحد صحبي معجب بي بنت من الترم الاول ف الجامعه لحد دلواقت و بيقعد يتكلم قد اي هيا شدته و كده و المشكله ان البنت دي كان فيه نظرات بيني و بينا ف كنت بسال ع حاجه ع جروب الدفعه دخلت جاوبتني و عرفتها من صورتها انها هيا و بظات تفتح معايا كلام بس انا قفلت معاها كلام خالص يعني حرفيا كلمتها بطريقه بارد

Coffee_56037 🇪🇬

منذ شهر واحد

شعور عاطفي

كنت زمان بقول ازاي ممكن واحد يستحمل انه يكون لوحده منغير صحاب وناس ؟ ازاي ممكن حد يفضل انه يكون لوحده على انه يكون معاه شخص واحد على الاقل ؟ كل ما كبرت اكتر كل ما عرفت ان دي أسلم طريقة عشان اعيش وانها الاحسن كتير وانها مش غلط لما كنت كمان حد يقول قدامي كلمة اننا فترات في حياة بعض اقوله لا انت غلط ان

Chocolate_59817 🇪🇬 علفكره دي اوحش حاجه أنا ضعيت عمري كلو مع ناس كنت فاكره أنهم صحابي لحد ما حياتي بادت بسببهم ووقت ما سيبتهم اكتشفت اني مكنتش بدي نفسي فرصه اعرف غيرهم وحاليا معنديش صحاب حتي لما ابقي زهقانه انزل معاهم احكيلهم يومي اخد رأيهم في حاجه امنشن ليهم عالنت مثلا الحاجات واكتر حاجه مخوفاني اني يوم فرحي هبقي لوحدي حرفيا زي ما دلوقتي كل عيد ميلاد مبقاش حد يفتكرو اصلا

عرض الكل 6 نصيحة

Avocado_57878 🇪🇬

منذ شهر واحد

شعور محبط

موضوع:

الفلاش باك الي بيجي فجأه

الفلاش باكاللي بيجي انه ليه من الاول مقلتش لا لحاجات كتير ناس اخترتها عني ليه مقولتش انا مش عايزه ده ليه كنت ضعيفه لدرجه انهم اختاروا حياتي دلوقتي وانا مكنتش عايزه كل ده ليه في الوقت اللي قرروا فيه عني مقولتش لا عن اي حاجه مش عايزها

التجربة أفضل عبر التطبيق

حمّل تطبيق توهيل على هاتفك لتجربة أسرع