خايفة أختار وأندم.. إزاي أتخطى الخوف من القرارات؟

Chocolate_61979 🇪🇬

منذ أسبوع واحد

شعور مرهق

السلام عليكم أنا في مرحلة محتارة فيها جدًا… قدامي اختيارات، وكل واحدة فيهم لها مميزات وعيوب، وخايفة أختار وأندم أو أضيع فرصة. إنتوا إزاي بتتخطوا خوفكم من المستقبل أو من اتخاذ قرار وترجعو تندموا أو كدا حاسه انى تايهه اووى بصلي استماره كتير ومش بحلم أو بحس باي حاجه برضو ياريت لو حد عنده تجربه أو كدا يساعدنى

مش عارف أعمل إيه في علاقتي العاطفية!

انا كنت معجب ببنت وبحاول اتعرف عليها واتكلم معاها بس كنت بحس ان مفيش رغبة او اهتمام منها ف مبقتش احاول تاني ولا هي رجعت تكلمني تاني. وفي نفس الوقت ظهر في حياتي بنت تانية حسيتها مهتمة بيا اكتر وحسيتها بتحبني ولما قربنا من بعض اكتر وبدأت اتعلق بيها حسيتها مبتحبنيش او مش بتبادلني نفس الشعور وان انا زيي زي اي حد في حياتهامجرد صديق قريب شوية مش اكتر دا غير ان طبعها غريب شوية مش قادر افهم دماغها وبتعمل حاجات بتضايقني وساعات بحسها متعلقة بناس كانت عارفاهم قبل كدة. انا مبقتش عارف دلوقتي المفروض اعمل اية والفكرة اني فعلا اتعلقت بيها هل ابعد عنها ؟ ولا اعمل اية مش عارف بس انا بقيت حاسس اني بستنزف مشاعري علي الفاضي وفي نفس الوقت مش هقدر اعترفلها بحاجة دلوقتي لاني مش جاهز اخطب دلوقتي ولا هل انا اللي غلطان من الاول اني بطلت احاول من البنت اللي كنت معجب بيها وارجع احاول معاها تاني ؟ مع العلم اني مش عايز بنت عشان نقعد نتكلم ونرغي ونخرج والجو دا انا بجد بدور علي بنت كويسة عشان في اقرب فرصة اتقدم واخطبها ...عرض المزيد

10 الدعم

5 نصيحة

مش عارفه أحكي ولا أخذ رأي حد في علاقتي المتعبه

انا عاوزه احكي حاجه مش عارفه احكيها ولا اخد رأي حد فيها انا مخطوبه لواحد مش قادره احدد انا بحبه قد ايه بس حياتي مربوطه بيه هو اول حب في حياتي كل احلامنا كل حاجه متعلقه بيه مكنش بيهون عليا خالص حبيته لدرجه لو زعل افضل اتصل بيه واتحايل عليه يرضي لحد ما ازهق من طريقته وزعله الوحش ووقت العصبيه بتاعه بيتعصب عليا اوي ميعرفش هو بيقول ايه وكلامه بيوجعني بفضل ساكته علشان لو رديت هيتعصب اكتر كان بيقولي اني بارده فضلت كده شهور كتير اوي بتعامل بالحسني لحد ما تعبت وخوفت خوفت يتعود علي ده بدات ارد لو زعقلي في حاجه ارد واقوله انت بتزعق ليه واتعامل معاه بنفس طريقته زعل احاول اصالحه ميرضاش اسكت علشان عارفه انه مش هيرضي وهيفضل يوجعني عاتبته كتير اوي مفيش فايده لحد ما بقيت انا اللي بتعصب عليه وبقي هو دلوقتي اللي مستحملني انا مش بتعصب من اي حاجه يعني علي سبيل المثال كان عنده بنات كتير اوي سوري في اللفظ شمال علي اكونته طلبت منه كتير يشيلهم بما انه مش بيكلمهم مره بالحسني ومزه بدلع ومره بزعل ومره برخامه ومره بقفش مفيش فايده لحد ما مسكت فونه في مره ولاقيته كان باعت لواحده منهم مسدج وهي مش ردت عليه قلبت الدنيا وقولتله اني مش هكمل اعتذزلي وشالهم كلهم وقالي خلاص وبتاع انا عديت الموقف بس دلوقتي كل حاجه بتحصل بفتكره بقيت صعبان عليا نفسي كل المرات اللي طلبت فيها ده صعب عليا نفسي ان مشاعري استهان بيها مش قلدره اعدي الموقف كل شويه بفتكره واضايق وميقتش بتعامل عادي بقيت خايفه اكمل معاه وعندي احساس دايما انه ممكن يخوني في اي وقت بقيت خايفه اكون معاه ...عرض المزيد

2 الدعم

4 نصيحة