اختلاف

Pineapple_60236 🇪🇬

منذ أسبوع واحد

شعور ضائع

أحتاج أن أتحدث كثيرا بالفصحى، كأنني لا أريد أن يفهمني إلا فئة معينة من الناس، أو لا أريد أن يفهني أحد. أشعر في الفصحى بنشوة لا تضاهيها نشوة النوم أو الجماع.. أختار أن أفكر هكذا وأشعر بالشفقة تجاه من يفكرون بطريقة أخرى.. أعلم أنه لا ثمة صواب وخطأ، وأعلم أن الناس يفكرون كما يفكر الوعي الجمعي، وأنهم

عبّر عن شعورك بشكل مجهول

أحتاج أن أتحدث كثيرا بالفصحى، كأنني لا أريد أن يفهمني إلا فئة معينة من الناس، أو لا أريد أن يفهني أحد.

أشعر في الفصحى بنشوة لا تضاهيها نشوة النوم أو الجماع..

أختار أن أفكر هكذا وأشعر بالشفقة تجاه من يفكرون بطريقة أخرى..

أعلم أنه لا ثمة صواب وخطأ، وأعلم أن الناس يفكرون كما يفكر الوعي الجمعي، وأنهم ضحايا لأشياء لا يدركون كنهها..

أعرف ولكن لعنة الوعي تطاردني، ولا ينفك التفكير يعود، الشعور بالاختلاف لعنة، والشعور بالوحدة لعنة أكبر..

إنها لعنة لا يدركها إلا من خبرها، ولا تتيح لمن خبرها أن يعبر عنها، ربما لهذا وجدت الموسيقى أو وجدتني..

لا أعرف لماذا أكتب هذا أو أسمح لهذا الصوت الآن بالخروج،ولكن من قال إننا يجب أن نعرف دائما لماذا نفعل ما نفعل..

رغبة في الاستسلام ربما تقودنا نحو المطلق

أحتاج ما يحتاجه الجميع ولكن ليس بالطريقة التي ينال بها الجميع..

شعور بالتميز،، أو الاختلاف، يطلقون عليه حديثا "نرجسية" نسبة لنرسيس الذي رأى وجهه في الماء ففتن ثم كانت نهايته..

ما المشكلة في أن يفتتن المرء بنفسه؟
أليس أفضل ممن يفتتن بالأشياء المنفصلة عنه ؟
ألا يحق لمن أنفق ساعات وأياما من رصيده أن يتباهى قليلا على من لم يفعل؟؟

إذا اتسعت اللهجة العامية إلى سطر كهذا الذي سأستعيره الآن "يا خلق تكره كل شي جميل"
فلماذا لا تتسع لما أريد قوله؟

في المعنى الذي التقطه الشاعر حينما انسكب كوب الشراب من يده على الأرض فقال:
 
شربنا شرابا طيبا عند طيب
كذاك شراب الطيبين يطيب

شربنا وألقينا إلى الأرض فضلة
وللأرض من كأس الكرام نصيب

هكذا بهذه البساطة وبهذه الدهشة

لا يريد أن يكون مبهرا لأنه مبهر، ولا يريد أن يتكلف لأنه بسيط

ربما هي طبيعة الطاووس إذن!
ربما...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_73609 🇪🇬

منذ أسبوعين

شعور مستنزف

انا منفصله بدون اولاد عمرى ٣٥ سنه معايا تعليم عالى متقدملى شخص اصغر منى ب ٦ سنين ومعاه دبلوم بس شارينى جدا اعترفت عليه بخصوص شغل عن طريق واحدة صحبتى اكبر منى وهى محترمه جدا وبتتقي ربنا جدا .. كلمها أنه عايز يتجوزنى وأنه جد حتى بعت صورة بطاقته عشان نسأل عليه و لانى مختش حقوقي من طليقي فهو هيجهز كل ح

Olive_76077 🇪🇬

منذ 3 أسابيع

شعور محبط

عايز حل انا بحب واحده مش نفس ديانتى ف فيه حل من الاتنين يا انها تجيلى يا انا اروحلها وفى كلتا الحالتين مش هنعرف نتجوز علشان مش هيكون معايا حاجة لو روحت ديانتها وهى ممكن تتقتل لو جات ديانتى وانا بحبها وهى بتحبنى

Coconut_75570 🇪🇬

منذ شهر واحد

شعور مرهق

انا بنوته 20 سنه وحيده على 3 شباب انا حاسه اني عايشه في سجن و اخواتي ليهم مطلق الحريه عشان هما شباب و مفيش حد فيهم بيخرجني و فين و فين لما يسألوا عليا و يشوفه هل انا محتاجه حاجه او لا بس انا تعبت من الحبسه دي ليه مش عايزني اعمل اللي انا عايزاه ليه منزلش اشوف صحابي ليه مشتغلش في تخصصي ليه محسش ان في

Apple_73577 🇪🇬

منذ شهر واحد

شعور مكسور القلب

عبّر عن شعورك بشكل مجهول

من اسوأ الحاجات اللي ممكن يحس بيها انسان انه مرفوض
انه مش عارف يحافظ علي اي حاجه او علاقات او شغل  كل يوم الصبح بصحي أقول هو انا وصلت هنا إزاي
هو حرماني خلاني ادور ع حبي ف أماكن اقل ما يقال عنها انها زبالة ليه هو ازاي انا ضعيف كدا
الخوف من الوحده بيعملي فزع الخوف من ان ميبقاش ليا حد بيفزعني والفكرة الاسوأ اني عايش اغلب الوقت كدا
دماغي مختلفة وتفكيري مختلف شاب من قرية بسيطة جدا محاط بناس جميلة جدا لكنهم مش شبههم مش بقول مميز لان كل الناس مميزين لكني بس مختلف
وللأسف محدش فهم إختلافى ده كنت بقعد اتكلم ف حاجه معينه مع اللي كانوا صحابي ملاقيش منهم حد مهتم اما ارتبطت وجربت الارتباط كان سوشيال كله
علاقات عن بعد بدرجة جوع لأن حد بس يشوفني ويسمعني لدرجة اني ارتبط وحبيت وقررت اتجوز وخطبت واحده كانت عامله اكونت فيك بتستخدمه  لل$$$ شات مع ولاد
عشان بس عشان بس قررت انها تسمعني وتفهمني
اتفرج ع انمي اللي حواليا يقولوا عيب تبقي راجل مهندس وتتفرج ع كرتون
افكر ف حاجه عميقة او غريبة زي اني بحب الفيزياء النظرية والكون واتكلم فيه ملاقيش حد مهتم
اما اقول معلومه الاقي اللي حواليا يقولوا بطل تعمل فيها فاهم برغم انها صح
بيئة سامة مش بقول انهم مش كويسين لكنهم بس مش شبهي
طول حياتي نفسي ف شخص واحد شخص واحد يسمعني ويهتم واما لقيت حد بيهتم حتي لما كانت زبالة قررت إني اتجوزها لمجرد بس انها حسستني لاول مرة اني مهم وان كلامي مش غريب وان تفكيري مش غريب
بالإضافة اني شخص اتعرض لتحرش من اخوه الكبير وابن عمه وهو طفل 5 سنين ولسه فاكرها
اتعرضت لتنمر ع افكاري ووزني لحد ثانوي. علي شكلي اما جالي تثدي
ف بجانب انك مش متشاف ولا مفهوم كمان منبوذ
ببساطة مالقتش اي حد يفهمني
والنتيجة اني مضطرب بالبوردرلاين وحاليا بتعالج
انا عارف اني عمال اعيد وازيد ف كلامي واحساسي بس هو ده المكان الوحيد اللي اقدر اقول فيه اللي عايزه
اقدر اقول اني شخص تعبان نفسيا وجسديا ومرهق
مابقتش عايز اكلم حد ولا اشوف حد مجرد بس بروح الشغل وبرجع مشعارف اكلم حد ولا عندي طاقه أكلم حد بقيت تايه وجاف وعايز اعرف ناس تانيه. مكانش ليا شلة ف الكلية ولا المدرسة ولا اي حاجه طول عمري الشخص اللي لوحده كدا غشان غريب
حقيقي انا أسف لو طولت واسف لو حد مضطر انه يقرأ ده بس انا مابقتش قادر اسكت
لو حد اهتم وقرأ للاخر فلو عنده وقت يتكلم معايا ياريت يكلمني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_21327 🇸🇦

منذ شهر واحد

شعور مرتبك

انا مش ببقا مرتاحة أبدا لما بتكلم مع اخت زوجي أو لما نتقابل هيا مختلفة عني اوي فحاجات كتيير رغم ان يبان اننا شبهه بعض فحاجات بس بروض مختلفين جداً فمواضيع جوهرية انا بحاول اتكلم معاها لما يصادف اننا سوا او اشوفها بس عشان خاطر جوزي والله، لكن بجد ببقا مش مرتاحة أبدا وهيا موجودة ولا بفهم هزارها ولا كلا

Marshmallow_61643 🇪🇬

منذ شهر واحد

شعور مريض

انا قرفان من الولاد بصراحة مع اني ولد بس انا مختلف عنهم ملاحظ أن الولاد ببتعمدو يعملو حاجات غبية ويخلو شكلهم وحش ويكونو مش محترمين لمجرد أنهم عايزين يبانو كدا وفاكرين أن دا منظر كويس وملاحظ بردو أن هما مهاويس جنس بشكل مبالغ فيه وفاكرين أن دي حاجة حلوة ومن الاخر هما مش فاهمين بيعملو ايه بس مجرد قطيع

Cherry_62712 🇪🇬

منذ شهر واحد

شعور غير مكتمل

Grape_73396 🇪🇬 الجواز نصيب ورزق قولى الحمد لله على نصيبك لانه اكيد الاحسن ليكى طالما ده الى ربنا كاتبهولك ولو رضيتى بالى ربنا كاتبهولك هترتاحى وادعى ربنا فصلاتك انه يرزقك ب الزوج الصالح الى يراعى ربنا فيكى

عرض الكل 24 نصيحة

عبّر عن شعورك بشكل مجهول

مساء الخير او صباح الخير علي حسب ما تشوفو رسالتي انا بنت عندي 18سنه وكام شهر وهتم ال19 بس اهلي محسيني اني هتم ال 40 مش عارفه ليه كده علشان موضوع الجواز وكده مع العلم اني اتخطبت مرتين وقريه فاتحه قبل كده بس ال3 مرات محصلش نصيب اول واحد كان قرايحه فاتحه قاعدت اربع شهور وفشكلت علشان مكنتش مرتاحه والتاني قعدت سنتين الا كام شهر مخطوبه بعدين اتفشكلت من نحيه اهلي واهلو بعد خطوبتي ما اتفشكلت اختي الاصغر مني بسنه اتقدملها عريس وهي كانت موافقه جم سألوني قلتلهم عادي جوزوها طلما نصيبها جيه انا نصيبي مجاش وبل فعل انا  حاجتي وعزالي كانو جاهزين اهلي قالو ان  اختي هتاخدهم معترضتش خالص وفرحت وقلت عادي انا كده كده هبقا اجيب بدالها عادي  مع اني كنت بموت من جواياا بس اختي انا بحبها وفرحتلها جداا والله وبعدين قالو للعريس انهم جاهزين والعريس كمان كان جاهز قعدو ٣شهور واتجوزو بعدين اتقدملي حد وشوفتو انو مناسب واتخطبت قعدت شهرين وفشكلت وحالياا انا بقالي شهرين خطوبتي متفشكله دلوقتي اختي الصغيره الثالثه جايلها عريس من تبع واحده صاحبتها وما اختي قالت لأاهلي معترضوش خالص ولا حتاا بصو لمشاعري واني حياتي بايظه بجد لقيتهم مرحبين جداا بل الموضوع وحددو معاد ان الناس تيجي ويعملو مقابله ويتفقو  وانا ببص ليهم كده واقول في سري طب وانا فين ليه مش بتبصولي ده انا بنتكم الكبيره لما اخواتي الاصغر مني يتجوزو قبلي واحنا في بلد ارياف الناس هتقول علياا اي مع العلم انهم قعدوني من التعليم علشان يجوزني ولا مني طلت تعليم ولا جواز ولا شغل ومش بخرج خالص يمكن ممكن مرتين في الشهر و10دقايق قدام بيتنا وخلاص ومتشددين علياا جامد علي عكس اخواتي ومحدش حاسس بيا حرفياا عايزه عايزه بس اسألكم هو ينفع اختي الثالثه تتجوز قبلي عادي مفيهاش حاجه وان انا الي مكبره الموضوع.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_72595 🇪🇬

منذ شهر واحد

شعور مزعوج

صراحه عندنا مشكله في مجتمعني نحن نعتبر الدين أمر مقدس و مهم لكن لدينا مشكله أن رغم أننا مؤمنين بالله رحمان رحيم و دين و قران لكن ديما نكفر المختلف مذبيا عني نكفر المسيحي و اليهودي و غيره من أصحاب المذاهب المختلفه و نقول أنهم في النار فقط لأنهم أصحاب مذاهب مختلفه و لهم اراء و افكار ناحيه دينهم مختلف

Watermelon_63493 🇪🇬 عندك حق بس كمان لازم زى ماحنا نحترم عقيدة الاخرين وافكارهم مش ظريف ان ملحد ييجى ويتهمنى ويتهم ايمانى وكتبي ورسلى انت حر فى نفسك انما انا كمان حر صحيح العصبية زيادة غلط بس دة من صنع السياسة لا الدين

عرض الكل 6 نصيحة

Apple_64598 🇪🇬

منذ شهر واحد

شعور آسف

عبّر عن شعورك بشكل مجهول

ازيكم ياريت اي بنت تفيدني في المشكله دي بسرعه والله تكونوا عملتوا فيا جميله عمري نا انساها 
انا ولد مرتبط ببنبت ف كنا بنتكلم عن اهلنا وكده هي كانت جايه من حته وبقالنا فتره متكلمناش كانت وحشاني اوي وانا كنت زي العيل من الفرحه ادفع عمري واللحظه دي اعرف ارجعها.
المهم اتكلمنا وبدأنا نحكي في زمان وكده وطفولتنا ونقلنا عالعائلات وقعدنا نحكي انا امي دكتوره جامعه وأبويا قامه علميه برضه واحنا في عيلتنا للاسف ابويا وامي بيهتموا بموضوع الشهاده والمؤهل وكده المهم باباها خرج من المدرسه بدري اساسا في الابتدائي ومامتها كليه مش قد كده خالص الموضوع معايا 
بجد مش فارق ابدا هما ناس طيبه وانا عايز اناسبهم المهم غلطت وقولنا هنفضفض قولت لها بصراحه اهلك في موضوع التعليم ده هيبقي صعب نع اهلي وخصوصا أن في عائق تاني وهو السن هي اكبر مني فيقول لها والله مشكله وشايل همها اعمل ايه 
بفضفض وكنت ملهوف عليها اوي واحنا متعودين علي الصراحه لقيتها اتقمصت ويلا ننام واهلي مش قليلين مع اني والله الموضوع مش فارق معايا أنا شاريها وبعمل كل حاجه تقربني منها بس هي قفشت وحاولت اصالحها ونمنا الساعه٦ الصبح جينا الصبح نصحي علي ٣كده طريقتها جافه وزعلانه وعندها حق تعمل الي عيزاه وانا معاها والله جيت لقيتها بتقولي لما صحينا انا نمت ٩ اتصدمت قعدت تلاته ساعات تفكر وكده المهم شدت معايا وآخره الكلام أن عايزه تسيبني وانا والله ندمان موووت اعمل اي حاجه عشانها بتقولي اهلي ميستاهلوش من كده وانا والله كنت بتكلم ومش عارف لسه رده فعل اهلي بس عارف اهلي ممكن يتدايقوا المهن اتفقنا نقعد اسبوع وبعدها نحدد هتسيبني ولا لا جبت لها هدايا ويتكلم وبعمل كل حاجه اتغيرت خالص معايا بقت شخص تاني بجد انا غلطان وعندها حق في كل حاجه جت النهارده شدينا في حاجه بس فهمت كلامي غلط والله والله غلط ومصممه نسيب بعض وعيطنا اعمل ايه يا جماعه والنبي عرفوني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_61643 🇪🇬

منذ شهر واحد

شعور غاضب

لاحظت أن خمسة وتسعين في المية من الناس هنا أهدافها ملهاش علاقة بالتطبيق وجايين يستهبلو بس وناس مريبة وناس مريضة لو واحدة أو واحد عايز يتكلم مع حد صنم حرفيا من ناحية الأهداف الخبيثة وبيقول كلام منطقي ومش بيطبل ولا بيحاول يتعرف والكلام الهطل دا يكلمني عشان انا مختلف عن الهبل الي هنا ده

Marshmallow_69067 🇪🇬

منذ شهر واحد

شعور ضاق ذرعًا

عندى مشكلة مع الشخص الى بيحاف ياخد قرار في سبيل سعادة نفسه،كل خطوة بتاخدها بعيد عن الحاجات الى مش قابلها بتقربك من أحلامك، انك تتعلم تقول لا حتى لو كل الناس شايفة انك غلط، انك متفرطش في فرصتك انك تكون سعيد، ثقافة القطيع الى اغلب الناس عايشة بيها مش مخلياهم راضيين عن حياتهم هما بس عايشيين بمبدأ يعن

Strawberry_71236 🇪🇬

منذ شهر واحد

شعور لا مبالٍ

ممكن يبان موضوعى تافه بس دا بجد انا معنديش اى مشكله ان حد مبيحبش القطط او بيخاف منهم بس ليه كل م تشوفينى تضحكي و تقولى يعع انتى ازاى مربيه قطه ازاى مبتقرفيش و تحب تزودي دا لما يكون فى ولاد فى المكان بتعملى كدا ليه الله اعلم الهدف من اللى بقوله دا ان كل واحد يحترم التانى انت مبتحبش حاجه خلاص عرفنا و

Biscuit_55687 🇪🇬

منذ شهر واحد

شعور قلق

يجماعه بابا من النوع البلدي يعني ياكل لازم بصل ياكل بايده وممكن يعمل اصوات في الاكل وفي الحمام وكدا انتو فاهمين انا خطيبي واهله ناس تربيتهم مختلفه شويه بياكلو بهدوء ومرتبين ونضاف جدا هو لسه هنعزمهم العزومه الاولى وانا بصراحه حسا اني مكسوفه من بابا للاسف وبرضو محدش يقول انبهه هو انا لو نبهته هيشتمنى

Donut_71161 🇪🇬 هوا كسر ال٤٠ سنه ربنا يخلهولك اسلوبه كدا وحياته وطبعه للاسف مش هيتغير بس ممكن نوعيه ازاي بكومديا شويه نقولو ان اهل العريس امه مريضه نفسيا ومتقولش لحد وكل متسمع صوت حد بياكل بتصوت ؟ ونكلم معاه بجد ونعرفه ان الغلط عندهم وان احنا لازم يبقا عندنا دم ونراعي امراض الناس دا حل لطيف شويه يمشي الدنيا

عرض الكل 8 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Biscuit_26457 🇦🇪

قلبي وجعني من العلاقات اللي بتتكرر

كل شويه اتعرف علي واحد من ابلكيشان حواز وبعد كده فجأه يختفي معرفش ليه انا تعبت اخر واحد قعد يقولي انه معجب بيا وبشخصيتي وكان بيدور علي حد شبهي وفجأه بطل يكلمني ومش عوزهي مع ان محصلش حاجه انا حقيقي قلبي وجعني كل العوزه واحد اكمل معاه ويكون كويس انا مش بنت وحشه لا شكل ولا شخصيه بس فعلا ثقتي في نفسي بتتدمر كل شويه اكتر من القبلها معرفش عملت ايه ولا اذيت مين ولا ايه الحصل لكل ده ولا ايه اليخليني ديما اقبل ناس تأذيني كده بس انا مخنوقه اوي مقهوره قلبي وجعني امبارح قعدت اعيط كتير اوي والنهارده هموت واعيط بس قعده مع ناس فبحول امسك نفسي بس انا مش قادره ومقهوره وقلبي وجعني جدا بشكل مش طبيعي ...عرض المزيد

2 الدعم

31 نصيحة

Sugar_58980 🇪🇬

خايفة أبقى تقيلة على حد ويوم التخرج لوحدي

السلام عليكم انا حببت افضفض شوية اولا انا تقريبا طول عمري هادية بس مش انطوائيه و مش عندي صحاب كتير بس للاسف الاتنين اللي كانوا صحابي كان صحاب و سابوني بدون سبب مقنع يعني، أنا دلوقتي ٢٢ سنة و المفروض هتخرج السنه دي و كلهم عندهم صحاب ف الكلية و اتصوروا صور التخرج و انا حقيقي مش عارفه هحضر الحفلة ازاي انا بتكلم و بهزر معاهم عادي بس مش بحب افرض نفسي عليهم و اقولهم هخرج معاكم لاني دايما عندي شعور اني خايفه ابقي تقيلة علي حد و النتيجة اهو اني هكون لوحدي ف اليوم دا مش عارفه انا بكتب دا لي بس حبيت افضفض ...عرض المزيد

2 الدعم

19 نصيحة

Mango_22117 🇪🇬

دماغي عطلانه من التعامل وجها لوجه

التعامل وجها لوجهه غيرر بجد و حاسه منكتر مناا اتعودت علي شات مع كل معارفي بقت دماغي عطلانه بفكر ابطأ و باخد ردود افعال ابطأ و بفكر بمثاليه و بأوفر ثينك اجتماعياتي ادمرت و بجد بحاول انزل و اتعامل بس مش عارفه ارجع كويسه ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع