احساس

Mango_52097 🇪🇬

منذ ساعتين

شعور مكسور القلب

انا حاسة اني ضيعت وحياتي اتدمرت وبقيت تايهه انا جوزي مات وسابني لوحدي وساب بنتي وابنه اللي لسة مجاش مش متخيلة انه هيجي عالدنيا وهو من غير اب انا مهما ناس تواسيني انا مش قادرة والله مش مصدقة مش مقتنعة حاسة اني هتجنن او اني بحلم بقيت كل يوم ادعي ربنا يجمعني بيه طب دا احنا لسة كان قدامنا عمر طويل نعيشو

Coconut_56919 🇪🇬

منذ 13 ساعة

شعور مستنزف

احساس وحش اوي لما تبقا غير مرغوب فيك من كل صحابك أو حتى الأشخاص اللي لسه بيتعرفو عليك و التوحش انك وجود زي غيابك مهما تقدم من انت مش موجود اصلا بتكون موجود ساعت مصلحة الشخص اللي بيكلمك و بعدها بيرجع لي مرحلة التهميش من تاني بس هو ليه بجد طالما انت مش عايزني في حيات قولي لكن لا تهمشني ولا تتجاهلني ان

Strawberry_51056 🇪🇬

منذ يوم واحد

شعور مرهق

الحمدلله علي كل حال اعتقد ان اوحش حاجه ف الدنيا احساس العجز انك تبقي قادر تروح و تبجي و تعمل كل حاجه لنفسك و فجاة تتعب و تبقي مش عارف تتحرك من مكانك ساعتها بيبقي لو احتاجت تعمل حاجه او تجيب حاجه لنفسك مبتقدرش بيبقي فيه احساس بالعجز وحش اوي بصراحة اوحش حاجه لما الانسان صحتو تخونو فجاه اتمني محدش يجر

Coffee_78345 🇪🇬

منذ يوم واحد

شعور وحيد

Marshmallow_84171 🇪🇬 بالعكس باين عليك شخص محترم وعاقل ودي حاجه مش وحشه خالص بس هو بصراحه موضوع الحدود اللي مش حلو ، هو اللي بيخليك تبان قاسي ، أصل طبيعي يعني أن الناس وقت الزهق أو الزعل ممكن تعدي الحدود دي بس من غير قصد ، بس المشكله انك وقتها هتعاقبهم بطريقه قاسيه وهم مش هيتحملوا ده ، فالأحسن انك تكسر الحدود دي علشان الناس اللي بتحبها ، وده مش معناه انك بتقلل من كرامتك ولا حاجه

عرض الكل 7 نصيحة

عبّر عن شعورك بشكل مجهول

انا ديما عندي مشكله في كل علاقة انا الحمد لله مش ناقصني اي شيئ مش بحب الكلام في التليفون كتير وبكره الكدب وبكره الشخص الي مس بيعرف بواجهني وببعد عن اي حد بيحاول يتجاهلني عندي حدود ممنوع حد يتخطاها مهما كان حتى لو اهلي مش رومنسي ولاكن بقدر اوصل الرومنسيه بطريق تعجب اي حد وحنون ويقال عني قاسي ولاكن مش قسوه هيا الفكره كلها اني عندي حدود واني مش بحب اي حد يتخطي حدوده معايا اعمل مصيبه لو حد تجراء عليا  ديما بميل للهدوء اكتر بحب الضلمه او النور الخافت بحب الناس الي تفكيرها هادي ومبحبش حد يرجع في قرارة بيقل من نظري وهل انا الي فيا المشكله ولا الناس الي بقيت غريبه حتى في طريقة لبسي بلبس لبس خالي من الالوان  وكلو كلاسيك مبحبش غير الساده  حتى القهوه بشربها ساده وحتى الشاي اي حاجه سخنه بشربها ساده حتى طريقة نومي بقيت احس اني غريب عن الناس وواني عقلي اكبر من جيلي انا عندي 24 سنه بس يبان عليا 33او اقل بقليل ديما بحس ان الناس الي حوليا مختلفين عني او مش شبهي وحتى الالعاب الي بحبها بحب الشطرنج  حتى الاغاني بتاعتي قديمه وبحب القرآن جدآ ارجو الرد هل ده كبيعي ولا العالم هو الي خرج عن الفطره الي ربنا خلقو عليها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_51475 🇮🇹

منذ يومين

شعور مرتبك

أنا بحب اخو صحبتي وبنتكلم وإحساسي بيقول انه معجب صحبتي التانيه الي مش اخته قالت ان صحبتنا الي هي اخته قالت انها سالته انو بيحبني ولا لاء قال حب لاء أنا مشفتهاش ممكن اعجاب اه غير كدا بتقول انه لسه منسيش الي كان بيحبها قبلي وان لحد دلوقتي لما بيشوفها نظارته ليها فيها حب وان هي مش عايزه تقولي صحبتي قال

Mushroom_85529 🇪🇬

منذ 3 أيام

شعور متعب

عبّر عن شعورك بشكل مجهول

هو لي الواحد المحترم اللي بيتقي ربنا بقي غلبان وطيب ومش فاهم حاجه ومش مقطع وفاهم الدنيا وبقي مصدر استهزاء من الناس انا حرفيا تعبت من الموضوع ده وكنت بتكلم وبعرف اصاحب ناس دلوقتي من كتر الكلام والاستهزاء انا نفسيتي وثقتي بقت في الارض حتي اهلي وقاريبي بقوا يقولوا عليا كده حتي امي تستهزاء بيا قدام الناس عمرها مداتني حقي قدام حد مصغراني ديما بقيت لسه حاسس ان عيل صغير مع اني عندي 20 غير بقيت قاريبي من امي وابويا سببولي مشكله في ثقتي مبقتش عارف اصاحب او اتكلم بلباقه مع الناس واقعد الوم نفسي اوقات يامه اللي فيه دا حاجه نفسيه انا عارف انا مكنتش كده مش عارف اغير ماما ازاي مع اني عارف ان انا اللي هبقي فاضلهم في الدنيا دي بعد ربنا عز وجل واني مينفعش ابقي وحش معاها مع اني عمري ما زعلتها او كنت عاق انا طيب ماشي بس مبينضحكش عليا وبعرف اخد حقي ساعات ليه الاحباط ده منها ببقي مكسوف قدام الناس وانا في تجمع معاها وتقول حاجه تقلل مني خلاص بنقفل واحس اللي حواليا بيقولو دا ضعيف وخلت اخواتي البنات يتعلمو منها ويفرضوا سيطرتهم وعيال اخواتي كمان ولما جيت اعاقب بنت اختي عشان شتمتني محدش وقف معايا وابويا جه وهزقني وكان هيضربي وحتي جوز اختي كنت رايح عندها مره عشان كانت مريضه سمعته بيقول حاجه مش كويسه عليا واختي كانت قعده وسامعه وكنت زعلت وبينتلهم زعلي ومشيت مع اني والله كنت جاي من الشغل تعبان وامي قالتلي روح لاختك اديها العلاج في محلول وكده عشان انا ممرض روحت ومدخلتش البيت ومشيت مسافه كبيره وكانت بتقولي جوزي هيجي ياخدك عندهم متوسكل بس مجاش اتكبر عليا ادتها الدوا ومشيت وانا صعبان عليا نفسي وبعدها بشهر جات عندنا وبحكلها اني زعلان من جوزها شتمتني وقالتلي جوزي راجل انما انت عيل عادي  انا تعبان قوي ومش عارف احكي لمين او اروح لمين بدعي ربنا انه يهديني منا ممكن اكون صايع واعمل حاجات حرام يامه غيري بيعملها بس انا بتقي الله وبخاف اصل انا لاحظت حاجه فيا ان انا لما اعصي ربنا بيحصل معايا حاجه وحشه بعدها علطول المشكله فبخاف واستغفر لي الناس اللي بحترمها وبقدرها بتعمل معايا كده انا عارف ممكن تقول دا عيب مني انا انا عارف بس غصب عني نفسيتي بقت كده وثقتي اتهزت وبحس نفسي منبوذ منهم حتي ربنا مكرمنيش صحاب بتحبني عشان اقعد معاهم بفكر في الانتحار يامه بحس الدنيا ضيقه قوي انا كنت كويس لي يعملو فيا كده ياريتني اعرف ارجع

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_67575 🇪🇬

منذ 3 أيام

شعور مرهق

انا تايهه اوي اتعودت على وجود شخص في حياتي ولما اختفي بجد حاسه حياتي وقفت مش قادره ابذل مجهود ف اي حاجه مش قادره اشتغل مش قادره اعمل اي حاجه بسيطه كل حاجه تقيله على قلبي بحاول اتجاهل الشعور ده بس مش قادره وال يزعلني اني مستنيه منه مكالمه او رساله وحتي لما انا اخدت الخطوه وبعدت وعملت بلوك من كل حاجه

Orange_85755 🇪🇬 عملك بلوك عشان هو حياتك اي علاقة بين اتنين هيا حرف H. انتي ليكي حياة وهو حياة وبيتلاقوا في بعض الحاجات ممكن تكوني صفعة ليكي تشوفي حياتك حولي الغضب اللي عندك دا إنك تجيبي نسخة كويسة من نفسك

عرض الكل 9 نصيحة

Strawberry_64688 🇪🇬

منذ 3 أيام

شعور عاطفي

احساس حلو حتى ولو محزن ان الواحد يبقا مش مستنى ولها سوال من حد ولها متوقع رساله وعارف يستكفى ويستمتع مع نفسو بالحاجات الصغيره والكبيره وبرضو حزنو بيبقا ليه لوحدو زعلو خنقتو افكاروه كل شى بس عادى عموما ببقا مبسوطه وانا حاسه كدا ان عارفه اكون لوحدى

Popcorn_68662 🇪🇬

منذ 3 أيام

شعور محبط

أنا مضايق اوي انا مدمن متعافي الحمده لله من ٨ سنين وشهر والحمدلله مفيش انتكاسه ولا مره بس ناس حرفيا قدرو يكرهوني في نفسي بعد مكنت بقي عندي تصالح مع نفسي وسلام داخلي احنا عايشين في مستنقع والله و فعلا مبقتيش فاهم ليه الناس بتعمل كده ليه افضل احاسب علي فاتوره غلطه زمان و خلاص راحت لحالها من سنين .

Avocado_57179 🇪🇬

منذ 4 أيام

شعور مرهق

انا بدى نصايح لكل اللى حواليا وحتى لناس كتير هنا ، بس مكنتش اتخيل انى انزل بوست واقول حد يدينى نصيحة ، احساس الخذلان دا فى ظل ماانت اصلا الناس اللى فى حياتك يتعدوا ع الصوابع دا احساس سخيييييف ، لما بآمن لحد ويخذلنى بحس بالغباء ، ومهما تقرر تختار الوحدة لانها الاوبشن الأصلح ، لكن بييجى عليك أوقات تحس

Marshmallow_85500 🇪🇬

منذ 5 أيام

شعور وحيد

سمعت حد بيقول ان أصعب احساس ف الدنيا هو احساس الفقد فقد حد بتحبه مشى وسابنا للأبد انا مجربتش الاحساس ده بالمعنى الحرفى انا جربت الفقد لكل اللى حواليا بس هما لسه عايشين ونشوف بعض وعايشين مع بعض ف نفس البيت معرفش ده يعتبر فقد بردو ولا لا بس ده اللى انا حساه

Mushroom_83316 🇪🇬

منذ 5 أيام

شعور وحيد

احساسي دايما بالضعف من ناحية اي حاجه وخوف دايما من كل حاجه اه انا اللي اخترت ابقا وحيده انا اتاذيت من ناس كتير مابقتش حابه اي كد في حياتي حابه اني افضل سكته انا للاسف دايما مبينه للناس اني تمام اووي بس ماحدش هيحس بيا محدش حاسس انا عايزه ليه بتهان وبقالي انتي فاشله لو بس ماعملتش الحاجه اللي اتطلبت

Coffee_63938 🇪🇬

منذ 5 أيام

شعور عاطفي

يا جماعة انا ملاحظ ان العلاقات بقت هشة بطريقة مستفزة الكل داخل في حياة بعضه يوم ولا اتنين ولا حتي شهر ولا اتنين كأننا بنجرب نفسنا هننفع في الارتباط ولا لا بنجرب الشخص ده لوني ولا لا كأننا بنقلب في بوستات الفيس بوك نفسي أستقر والله بقيت حاسس اني مشتت دائماً ولكن نهاية التشتت دي النتيجة اني ببقي دايما

Pineapple_83926 🇩🇿

منذ 5 أيام

شعور مرهق

hi انا لا أريد التكلم عن من انا فقط أريد التعبير في بداية هذا العام اصبت بالكثير من الأحزان و الضغوطات و المشاكل بدأت عامي الدراسي الثاني في الجامعة باضراب فضطربت كل افكاري و اصبح لدي وقت فراغ كبير فسد نومي و صرت اسهر كثيرا استمريت لهذا الحال طيلة ثلاثة اشهر الثاني اصيبت جدتي ام أمي بسرطان فتوفت

Apple_84199 🇪🇬

منذ 6 أيام

شعور مكسور القلب

عارف احساس انك لسه بتحب حد والحد دا مش شايفك اصلا عارف احساس انك اديت للشخص دا كتيررر وهوا مقدرش دا وظيفه ووظفتتها وقفات معاها ف مواقف ووقفت وهدايا وجبت حب واحتمام واديت مشاعر افرطت عارف كل دا ايوا هوا دا اللي حصل وف الاخر مش شايفاني اصلا

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع