انا بدى نصايح لكل اللى حواليا وحتى لناس كتير هنا ، بس مكنتش اتخيل انى انزل بوست واقول حد يدينى نصيحة ، احساس الخذلان دا فى ظل ماانت اصلا الناس اللى فى حياتك يتعدوا ع الصوابع دا احساس سخيييييف ، لما بآمن لحد ويخذلنى بحس بالغباء ، ومهما تقرر تختار الوحدة لانها الاوبشن الأصلح ، لكن بييجى عليك أوقات تحس انك محتاج حد جمبك ، ولما مابتلاقيش بتحس انك فاشل لانك حتى معرفتش تكون دايرة معارف ولكن للاسف لو كنت كونتها كانت هتبقى دايرة منافقة ولمة كذابة ، مهما بقول لما تزعل طبطب على نفسك وابسط نفسك ودلع نفسك ، بييجى عليك أوقات تحس انك زهقت من مواساة نفسك وزهقت من كتر الوجع والصعاب ولما تفكر تسند على حد بتلاقيه حيطة واقعة او يقرر يمشى فجأة لانه مابيحبش العكننة ، فيه ناس عايزة تشارك الفرح وبس ، انما الحزن لا محدش يعرفك

1

2