عارف احساس انك اديت كتير ومقدرش دا

Apple_84199 🇪🇬

منذ 15 ساعة

شعور مكسور القلب

عارف احساس انك لسه بتحب حد والحد دا مش شايفك اصلا عارف احساس انك اديت للشخص دا كتيررر وهوا مقدرش دا وظيفه ووظفتتها وقفات معاها ف مواقف ووقفت وهدايا وجبت حب واحتمام واديت مشاعر افرطت عارف كل دا ايوا هوا دا اللي حصل وف الاخر مش شايفاني اصلا

مشاعر بردت بعد الموت.. مش حاسس بالحب القديم

مبقتش حاسس معاها بنفس الشعور اللي كنت حاسه أول ما اتعرفت عليها. في الأول كنت بحس إن قلبي بيتفتح ليها، وإن وجودها بيغيّر يومي، كنت بستناها تتكلم معايا أو تبعتلي رسالة صغيرة، وأفرح من أبسط حاجة. كنت فعلاً حاسس إني بحبها وإنها واخدة مساحة كبيرة من قلبي وعقلي. بس من بعد وفاة خالي، حسيت بحاجة غريبة. المشاعر اللي جوايا بردت كأني فجأة اتقلبت لإنسان تاني. بقيت أحس إن الدنيا تقيلة عليا وإن فيه وجع مالي قلبي مش سايب مكان لأي إحساس تاني. لقيت نفسي ببعد عنها من غير ما أكون مخطط أو قاصد، مجرد إن طاقة الحب اللي كانت جوايا ناحيتها اتسحبت. بقيت أتعامل معاها كإنها مجرد زميلة مش أكتر، وجودها أو غيابها بقى شبه واحد. حاولت أفتكر الإحساس القديم أو أرجعه، لكن لقيت نفسي مش قادر. يمكن الموت بيغير جوانا حاجات مش بنتحكم فيها، بيخلينا نعيد حساباتنا ونشوف الدنيا بشكل أبرد وأقسى. أنا مش بقول إني مابقتش بحبها خالص، يمكن لسه جوايا ذكريات حلوة معاها، لكن الإحساس اللي كان بيخليني أتحرك ناحيتها بشغف بقى غايب. بقيت بارد في ردود أفعالي، ومش فارق معايا زي زمان. وده مش تقليل منها، بالعكس، يمكن هي تستاهل أكتر من كده، لكن أنا اللي اتغيّرت. اللي مزعجني إن التغيير ده جه غصب عني، مش باختياري. كأني اتطفى جوايا زرار كان منور حياتي. ...عرض المزيد

1 الدعم

0 نصيحة

ليه سبتني بعد كل الوعود والفرحة؟

شخص اتعرفت عليا عن طريق الشغل وكنت حاسة باعجاب ناحيته من جوايا وبعد فترة كلمني واكتشفت انه كمان معجب بيا اوي وقالي انه بيحبني واتعرفنا شهرين ع بعض واتخطبنا وكنا طايرين م الفرح بس بعدها بشهرين ونص فشكل معايا ومقاليش سبب معين ف الاول قالي مفيش كيميا بينا ولما حاولت افهم ايه مواقف غيرته ناحيتي قالي مفيش انا مشاعري اتغيرت فجاة ناحيتك بعد الخطوبة بشهر وانا كنت بحبه وحاليا انا مكتأبة فات شهر ونص ع الفشكلة بس انا متأثرة لسة وعندي اكتآب وبلوم نفسي ع مواقف كتير اقول يمكن حاجات خزنها جواه او فهمني فيها غلط وعلشان كدة سابني ؟؟!كل يوم بجلد ف نفسي وتعبانة اوي ،انا عارفة ان في وقت كنت بعاند ف حاجات زي اتاخر عليه ف الرد او كدة او اطنش مكالمة ليه ىع الايف كنت بسمع كلام صحابي علشان هو كان متغير معايا هو كمان فقالولي اتقلي عليه ومع الايف كتير منهم كانوا بيقوموني ودي غلطتي اني كنت بومي ودني ليهم بس انا كنت بعمل كدة علشان هو كمان وقتها كان متغير وبيعمل ساعات كدة ،، بس مش قادرة افتكر حتى الحاجات اللي هو كان بيعملها وتضايقني وكان لما بيعمل حاجة تضايقني بفضل طول الوقت ابرر من جوايا ليه مش قادرة افتكرله غير الحاجات الحلوة فقط واوقات كتير نفسي اروحله او اكلمه واقوله ليه كنت دايما تقولي متسبنيش؟ بس ف الاخر انت اللي سبتني ؟ نفس اقوله فين حبك ليا ووعودك ليا ؟ ليه اتخليت عني بكل سهولة كدة ؟ هو للدرجة دي كرهتني ؟ وانا مش عارفة حتى موقف معين ومعملتش حاجة كبيرة للدرجة دي , التفكير هيموتني،بس صحابي يقولولي لا متروحيش علشان كرامتك انا مش عايزة اقوله يرجعلي انا بس نفسي اخرج اللي جوايا وساعات ببقى خايفة اروحله احسن اسمع كلمة تجرحني . نفسي اقوله ليه خلتني طايرة من الفرح وسبتني .انا حزينة اوي 😔😔 ...عرض المزيد

0 الدعم

13 نصيحة

اكتشفت إنه تعلق مرضي مش حب.. واخترت أبني

يمكن لما حكيت لها عن نفسي، وقلت إني خريج كلية كويسة، وبعافر كل يوم عشان أصرف على بيتي وأمي وأبويا، حسيت إن ده قربني منها. يمكن شافت فيا إنسان صادق وبيكافح رغم الظروف. بس مع الوقت اكتشفت إن اللي كان جوايا مش حب ناضج زي ما كنت متصور… كان تعلق. التعلق ساعات بيبقى زي قيد يخليك مش عارف تشوف حياتك من غير وجود الشخص ده. وأنا لما ابتديت أبص بجد لمستقبلي، حسيت إن ده مش صح. لقيت نفسي متعلّق بيها تعلق مرضي، مش بيبنيني، بالعكس بيخليني واقف في مكاني. ومعرفش نيتها إيه. يمكن كانت شايفاني مجرد زميل بيشارك همومه، ويمكن كانت متأكدة من مشاعري وسايبة الموضوع يعدي من غير رد. الحقيقة إن الإجابة عندها، مش عندي. وأنا مش عاوز أفضل أدوّر في نيتها ولا أعلق نفسي بحاجة مش واضحة. أنا مش عاوز أكون نقطة سودا في حياة حد، ولا أبقى سبب في وجع إنسانة تستحق تفرح وتعيش حياتها. يمكن أنا مكنتش مناسب ليها، ويمكن هي مكنتش مناسبة لظروفي. ربنا أدرى بلي يصلح لينا إحنا الاتنين. عشان كده بقول: يا رب أنساها. مش من قسوة، لكن من رحمة. يا رب تفتح لي باب لمستقبل أوضح، وحياة أبني فيها نفسي بجد. لأن الحب الحقيقي بيبني، لكن التعلق المرضي بيهدم… وأنا اخترت أبني. ...عرض المزيد

3 الدعم

2 نصيحة