أيام

Marshmallow_52401 🇪🇬

منذ 3 أيام

شعور لا مبالٍ

عبّر عن شعورك بشكل مجهول

نفسي ارجع للوقت الي احب اصحا فيه للمدرسة بدري علشان اقف في اول الصف
وتشم كدا الهوا البارد بتاع الفجر و تلاقي الدنيا دخان و شبورة جوا المدرسة و الحوش فاضي و معاك ناس متعرفهمش اكبر منك واصغر منك و كلكم تقعدوا تجروا ورا بعض ولما يجي وقت الطابور واقف في الأول كانت بتقف جمبي احلي واحده شفتها في حياتي و كنا نقف في الطابور اول ناس و كنت ابصلها الاقيها بتدحك و تدور وشها الناحيه التانيه وانا بلا اراده و عفويه تامه اعمل زيها. 
و يقوم بقيت العيال يقوموا جايين يخربوا اللحظة الحلوه دي بس برضو لسه بحبهم لانهم اخواتي مش صاحبي. 
ويقف قصاد الطابور بتاعنا مدرس و في ايده عصايه و لابس نظارة و يزعالنا: اقفوا في الطابور كويس. 
الي كان يدايقني بقا اننا بعد ما نخلص تحيه العلم يقولنا للخلف دور و كل واحد يطلع علي فصله بس في نفس الطابور طبعا فتلاقيني اخر واحد طالع الفصل يا بيضة يا الي اخترع القانون ده في المدرسة امال هتخليني احب اروح بدري ليه. 
1️⃣، 2️⃣عموما اول يوم طبعا حصتين عربي ورا بعض معروفه يجي الاستاذ الي كان واقف قصادنا في الطابور يدينا الحصة و متسمعش لحد نفس. 
 3️⃣بعدها رياضيات تدخل الاستاذه الطيبة شوية بس كانت عصبيه تكتبلك اوحش ٣ جداول ضرب و فاكر مره اختارتني لجدول ال٦ وطلعت وعديت علي ايدي بس محدش خد باله الحمد لله. 
 وزي فعلا ما كان بيحصل في الكرتون في واحد طالع يحل برضو وناسي حاجة و وبنت واقفه جمبه يسالها والله يا جدعان غششته غلط والله حصلت قدامي ربنا يسامحها بقا الواد علي ما اتذكر كان اضرب. 
4️⃣الحصه الرابعه دراسات كانت عاديه بصراحه بس الاستاذه الي كانت بتدينا ادتنا الماده دي طول السنين تقريبا مكنش في غيرها. 
🆓الفسحة بقا يا جدعان
انا فاكر مره موقف مش هقول حلو بس يبينلك الفرق بين شبحنه دلوقتى و شبحنه ايام الخير من ١٠ او ١١ سنه كنت قاعد باكل السنداوتش بتاعي جبنه و طماطم الي كنت بحبه خالص و بالصدفه كده كنت جايب معايا كيس فوكس اول ما نزل كنت جايبه بالجبنه فنا قاعد باكل كنت لسه متعرفتش علي حد لقيت ٢ تقريبا اكبر مني وواحد معاه قصافه و جاي يهددني بالمبرد تخيل بقا دي ساعتها كانت عامله ازاي قالي هات شبسي ليا و لصاحبي قولتله ماشي و اديته واحده هو وصاحبه و مشوا بس وانتها الحوار 😂😂. والله يبني لو انت جتلي عادي و قولتلي عايز شوية كنت هديك برضو عادي.
وطبعا زي ما احنا عارفنين اول ما جرس الفسحة يضرب انها خلصت تلاقي ٢ اساتذه كبار و معاهم خرازانات مش عصيان لا خرازانات ماشيين يضريوا في العيال علشان تطلع الفصول والي يجري و الي يصوت و الي يقع علي الارض و حالتها حاله. 
5️⃣الحصة الخامسة موسيقى
انا فاكر مره الاستاذ بتاع الموسيقى كان غفلني
قال في مره عايزين حد يغني في الإذاعة نشيد فجه يعزف النشيد علي الاوكورديون بتاعه من اول النشيد للآخر انا كنت تعبان و مناخيري ضاربه خالص يومها بس البنت الي قولتلكم عليها في الأول دي قالتلي روح جرب فطبعا روحت يا سلام و لو عايزاني انا الي اعزف كمان مفيش مشكله المهم رحت وجاي اسمع النشيد من اوله الاقي المحترم بادئ العزف من نص النشيد ربنا يسامحه برضو انا بقول كلام و هو بيعزف حاجة تانيه انا واخد بالي بس مكنتش مدرك اني اغير الي بعمله و اغني في الجزء بتاع اللحن ده قعدت و طبعا كله قعد يدحك بمن فيهم انا لانه حرفيا رقصني
ليه يبدا من النص الوحيد في الفصل الي عمل معايا كده مش ناسيهالك يا استاذ والله 😂. 
6️⃣، 7️⃣الحصة السادسه و السابعة انجليزي
يستحضرني موقف حلو اني اتكرمت من مدير المدرسة في الانجليزي فطالع علشان اتكرم ( هو المدير كان متشدد شوية و منبه علي اللبس جامد) انا كنت تعبان فماما مخلتنيش انزل من غير جاكيت فلقبته بيقولي بدل مبروك انت جاي لابس مخالف قولتله طب انا تعبان اعمل ايه مش ناسيهالك برضو. 
و كان في مره الاستاذ بتاع الانجليزي اخترني انا وواحد صاحبي و شوية طلاب نعمل زي تجارب اداء لو فاكرين فكان بيبقي في زي نشيد بالانجليزي سطور كلمتين تلاته بالكتري و نقعد نقراهم اليوم بقا بتاع تجارب الاداء مش فاكر روحت اعمل ايه و مروحتش فجه اليوم الي هنطلع نغني فالاستاذ الراجل المحترم جه علشان يقولي يلا قام صاحبي جزاه الله خيرا قاله دا محضرش تجارب الاداء (ملحوظة بس : كان المفروض العيال الي تطلع تبقي حافظة و كان منبه علينا مش هنطلع بالكتاب) اتفاجا بالعيال طالعين بالكتب و قاعدين يرصوا الكلام وانا كنت حافظ لاني كنت عامل حسابي اطلع بس خير بقا عادي. 
الحصة الثامنه و الاخيره الحمد لله تقريبا كانت دين او تربيه اجتماعيه او علوم
8️⃣علوم دي معاها تجربه يعتبر هي الاجتماعية الوحيده عندي
كان في زي لجنه او حاجة مش عارف بس اساتذه من بره كانوا جايين و المدرسة بتاعه العلوم ربنا يجزيها خير كنت بحبها اوي اختارتني علشان نمثل حاجه زي مسرحيه كده فجمعتنا انا و شوية عيال في المعمل الصغير و قالتلي اقعد هنا و لقيت بعدها بنت تانيه حلوه برضو قالتلها تقعد جمبي ( ياخي والله يا ليت الشباب يعود يوما) و لقتها بتكلمني لوحدها و تعرف اسمي كمان كانت بقا بنت الاستاذة ولا ايه معرفش المهم كانت حلوه و كانت تعرفني وبعدين رحنا المعمل الكبير لقيتها بتقول مين يقدر ياخد طبق في فواكة متقطعه و يطلعه من شنطة و كده و يقعد يشرحه ( ساعتها كنا بناخد حاجه اسمها المخلوط) فقولت انا و مكنش حد تاتي كان عايز كده و كنت مستغرب لانه عادي يعني فيها ايه و الي خلاني استغرب اكتر لقيتها بتقولي فعلا هتقدر تعمل كده قولتها اه عادي ببص علي بقيت العيال يوم التقديم وشهم كان مرسوم عليه الي مرسوم اوكسوجين و الي ثاني أكسيد الكربون و ميه و كان مهرجان 😂
طبعا متسالنيش عن حصة الألعاب الانها كانت نادرة في الفصل بتاعنا الصراحه ويوم ما بتيجي يا الاستاذ بيقعدنا لحد ما كلنا نسكت خالص و يقولك يلا هننزل يا اما ينزلك و يقولك هنتمرن شوية ياخي كميه هبل ملوش لازمه سيب انت الكورة واحنا مننا لبعض طبعا الكلام ده مش للبنات كانوا بياخدوا كورة سله و البتاع الي بتقعد تلف حوالين الوسط دي و بس
واروح بقا
مفيش احلي من كده خالص والله
لو قرات لحد هنا فنا بشكرك و بعتذر لك لو ضيعت وقتك سامح الطفل الي جوايا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_26801 🇪🇬

منذ أسبوعين

شعور متوتر

إلى أيامي المتبقية… مري بسلام مش بطلب كتيررر . . بس مري بهدوء . أنا مبقتش نفس الشخص اللى يقف كل ما يقع . السقوط دلوقتى بقى يُرهقني… والوقوف بقى مؤلم أكتر. فإن كان لا بد المرور … ف مرّي بخفة من غير وجع . خليكى لطيفة بيا … أنا بقاوم من زمن ، ومش باقى فيا غير شخص قلبه مش متحمل تعب . .

Banana_69853 🇪🇬

منذ 3 أسابيع

شعور مكسور القلب

موضوع:

قرارات من الأهل كانت سبب في تغير حياتك

هو ليه نسبه بقت كتير جدا مع أن شايف الموضوع بسيط جدا و محدش يقولي عشان الأحوال اللي بتمر بيها البلد و الكلام دا و الحاجه بقت اسعارها نار لان عمر الظروف الماديه ما كانت سبب نهائي اغلبنا اتولد في اسره فقيره اوي و مع ذلك و نشأة في ظروف صعبه و محصلش اي مشكله بل بالعكس كنا نلاقي البيوت مستقره و كوي

Marshmallow_61979 🇪🇬

منذ 3 أسابيع

شعور مذنب

حرفيا ياجماعه حياه الكبار والشغل وحياه ما بعد التخرج صعبه اووى ومرهقه جدا ودائما بتحس انك في دوامه كدا كنت بقول ياالله امتى اتخرج وارتاح بس لا الي بعد التخرج اصعب استمتعوا ياجماعه بجد ايام الدراسه والكليه وعيشوا حياتكم انا بجد ندمت أنى كان اكبر همومي اخلص مزاكرتى اول باول واطلع الاولى في كل حاجه

Coffee_70072 🇪🇬

منذ شهر واحد

شعور غير مكتمل

مبعرفش اتبسط دايما فى اي يوم بخرج فيه او حتي بكون مع صحابي او حد بحبه بكون عادي ممكن نهزر او نضحك ونتصور نعمل كل حاجه حلوه بس عمري ما قولت انا كدا اتبسطت عمري ما حسيت ان دا من احلي ايام حياتي كل الايام عندي فى مرحله عادي يوم زي اي يوم عادي

Banana_71311 🇪🇬

منذ شهر واحد

شعور ضائع

موضوع:

ما هو أكثر شيء تفتقده من طفولتك؟

الاستقرار اني ارجع البلد الي كنت عايش فيها الاقي نفس الناس و نفس الحياة و نلعب في الشارع زي زمان و ترجع ايام المدرسة و ترجع كل حاجة زي زمان انا تخطيت حاجات كتير صعبة و لحد الآن ليا ٥ سنين مش قادر اتخطى الايام دي حتى لما برجع هناك بلاقي كل حاجة اتغيرت الاماكن الناس مفضلش حد من صحابي بفضل ماشي في الشو

Onion_68412 🇪🇬

منذ شهر واحد

شعور لا مبالٍ

موضوع:

ما هو أكثر شيء تفتقده من طفولتك؟

قد ايه الدنيا كانت بسيطه كان احساس كل حاجه مختلف همومنا كانت قليله كانت اصعب مشكله ممكن تقبلك ان ابويا ميوفقش ان انزل العب كل المشاكل كانت مجهوله يعني كنت عايش في نعيم الجهل معرفش ان الشهاده مهمه معرفش ان ف جيش هيجي ف اكتر وقت انت تايه فيه و كتير من المشاكل دي

Carrot_68158 🇪🇬 ايام الطفولة لا تعوض بكل القصص بتاعها وكل التفصيل ديت الواحد كان في راحه دائماً كان اكتر حاجه بيفكر فيها هيسمع كرتون ايه النهارده.. فا الحمدلله علي ما مضي وبارك الله فيما هوه اتي

عرض الكل 2 نصيحة

Grape_56968 🇪🇬

منذ شهر واحد

شعور شاعر بالملل

افتكرت حاجه من حوالي خمس سنوات كانت في ٣ث ولما ظهرت النتيجه انا كنت مطرود من البيت وشفتها وانا مطرود من البيت كانت %٦٦ علمي اذهر وصراحه انا حاليا علاقتي بأهلي كويسه علي الرغم ان شفت ايام سوده معاهم

Strawberry_65777 🇪🇬

منذ شهر واحد

شعور آسف

السلام عليكم اول مره انزل الابلكيشن و اول مره اكتب انهارده يوم نتيجة الثانوية العامة يعني تقريبا ذكره يوم صعب جدا عدي عليا ف حياتي ورغم ان عدي سنه حصل فيها حجات كتير لكن في نفس الموضوع دا واقفه مكاني يمكن تخطيت شويه صغيرين لكن بتيجي ايام ترجعني الصفر زي انهارده مثلا فلاش باك كدا لأيام صعبه جدا ايام

Ice Cream_61082 🇪🇬 مش مهم جبت كام المهم هتعرف تجيب فلوس

عرض الكل 10 نصيحة

Hazelnut_64540 🇪🇬

منذ شهر واحد

شعور مكتئب

موضوع:

لو رجع بيك الزمن هتحب نفس الشخص تاني؟

اه يا ريت ترجع الايام دي حبي كان من طرف واحد بس كانت احلا مخلوقه في الدنيا بس لو في مره تنيا هكون أكثر جرأة وا لا ما خلاص مبقاش في خلص وا اكتب عليه السكوت وا الوحده الي الابد أصبحت خالي من المشاعر ميت يعني

Potato_63928 🇪🇬 الزمن عده فعلاً ومش هيرجع كل العليك دلوقتي أنك متخليش نسختك المستقبلية تحس بنفس احساسك دلوقتي ومضيعش وقتك في الندم

عرض الكل 2 نصيحة

Sugar_41367 🇲🇦

منذ شهرين

شعور سعيد

موضوع:

happy memories can make you feel sad

سنوات الاعدادي و تانوية كانو من اروع سنوات حياتي ضحك من القلب و مافيش مسؤولية و هزار و اصحاب و صور ، مرو سنين و كل حدا وين راح ما عاد عندي اخبار عن كتيير بس فرحانة ليهم في لي تزوج و لي سافر و لي عمل مشروع….. انا بشكرهم على الايام الحلوة و الروعة لي قديت معاهم و نفسي ارجع من تاني و نعيدها والله 🫶🫶

Avocado_46262 🇪🇬

منذ شهرين

شعور متعب

اول امبارح هو امبارح هو انهارده هو بكره هو الاسبوع الجاي هو من اسبوع فات عندي الايام كلها نفس اليوم نفس استعيد حياتي اللي كنت عليها نفسي ارجع زي ما كنت داخل علي سنه رابعه و مشروع تخرج المفروض حاليا اكون بظبط نفسي ل ده غير اني المفروض ليدر تيمي بس مش عارف ارجع ل روتيني تاني مش عارف استعيد حياتي

Apple_60523 🇪🇬

منذ شهرين

شعور شاعر بالملل

موضوع:

ما هي احسن او اسوء فتره عمريه؟

أحسن فترة كانت لما كان عندي سنة لحد 7سنين مكنتش فاهم اي حاجة ف اي حاجة احلي حاجة ان الواحد ميفهمش اي حاجة اااااااااااااااااااااااااااااااااااااااااااااااااااااااااااااااااااا

Tofu_19479 🇪🇬

منذ 7 أشهر

شعور متعب

خدت تاسع جلسة كيماوي النهارده،تعبانه جدًا ف ممكن تدعولي كتير احنا ف أيام مفترجه وأيام جميله أستحلفكم بالله لو افتكرتوني ف أي وقت تدعولي أو حتى ادعوا قولوا اللهم اشفي مرضانا و مرضى المسلمين ويبقى كده دعيتولي حتى لو ناسييني متنسوش يا أخواتي💗

Biscuit_17258 🇪🇬

منذ 7 أشهر

شعور ضائع

‏اه عرفت أتخطى حاجات كتير بس لسه بيجى ف بالي كل حاجة مرت عليا ووجعتنى لسه وأنا قاعدة مع نفسي بفتكر ذكريات وأيام عدت عليا وخدت منى كتير لسه بيجى ع بالي حاجات بتخلينى حزينة ع نفسي رغم إنها عدت وفات عليها كتير .

Blueberry_69403 🇪🇬

بدور على ناس مثقفة تفيكري أتكلم معاها

زهقانه عادي مفيش حاليا في حياتي اي احدث الحمدلله بس انا حاليا بميل جداااا للناس المثقفه وخصوصاً البنات المثقفين اللي المتحدثين معتش بطيق اتفرج ع اي فيد ل اي رجل بجد حتي معتش موجود اوبشن اني اديهم فرصه واسمعهم بقلب ع طول المهم اني بجد محتاجه ناس في حياتي من اللي بتحب تتفرج ع أفلام وثائقية وافلم فيه أفكار وكدا و تنتقدو وتتناقش فيه و دا لي عامل كدا ودا لي عامل كدا أو نبعت لبعض فيد لشخصيه ما بتتكلم بكلام حلو او تنتاقش قد اي الحاجه دي بتأثر ع اللاوعي وبجد أنا بقيت فيمنست مؤخرا وبجد مفتخره جدااا اني بقيت كدا والله لان أنا من فتره كنت بقول أنا مش فيمنست وبتع وازعق جامد كأنها شتمه بس لا الست ل الست بجد و بحب اي حاجه قديمه بموت في أي حاجه قديمه بجدددد بحس اني بحب العجويز جداا وبحب صمتهم وأنهم عاشوا كتير وان هما خلاص عملوا كل حاجه بجد بروح اتلزق فيهم اين كان عوزه حد شبه تفيكري اتكلم معه شويه ...عرض المزيد

1 الدعم

17 نصيحة

Avocado_63863 🇪🇬

ازاي أبدأ صفحة جديدة مع نفسي وأطور من ذاتي؟

ازاي إبداء من الاول وجديد وابداء صفحه جديده مع نفسي طيب ازاي أطور من نفسي في كل حاجه في عقلي في نفسي في اني ابقا محاسبه قانونيه لنفسي انسانه هتبداء من اول وجديد ومش هتشوف غير نفسها قبل اي حاجه ...عرض المزيد

2 الدعم

16 نصيحة

Nutella_67912 🇪🇬

عندي maladaptive daydreaming ودماغي مش بتيجي

عندي حاجه اسمها maladaptive daydreaming أن انا طول الوقت فيه سيناريوهات و حاجات خياليه انا بفكر فيها يعني مثلا انا في روايه و انا البطله و انا في مسلسل و ليا دور كدا يعني و بقالي ٥ سنين على نفس الحاله دماغي مش بتفضى انا ممكن اقعد بال٨ أو ٩ ساعات بفكر بس في السيناريوهات و انا بعمل حاجاتي يعني مثلا حد اداني مياه أتخيل أن حد تاني بيدهالي و انا بشرب مشروب تاني و الموضوع بيزيد لما بسمع أو اتفرج على فيلم او اسمع اغنيه انا بحبها و الموضوع وصل لمامتي و قالت هوديكي ثيرابيست في نص السنه و انا مش عايزه الموضوع يوصل لثيرابيست ( لما ابطل تفكير في السيناريوهات بحس مخنقه و ستريس رهيب ) ...عرض المزيد

4 الدعم

12 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع