وجع القلب

Apple_52570 🇪🇬

منذ 4 أيام

شعور متوتر

موضوع:

لو رجع بيك الزمن هتحب نفس الشخص تاني؟

لو قولت اه هبقي ناوي اخلي قلبي يتعب ويعيش االي وجعه وتعبه ولو قولت لا هبقي بكدب برضو علي نفسي وعقلي علشان زي ما هي سبب تعب قلبي كانت هي في وقت سبب فرحه وسبب اني احس ان في حياه بس اظن طول ما الإنسان لسا عايش بعد التجربه يبقي لازم تكرر حتي لو فيها وجع

Potato_55495 🇪🇬 ربنا يطمن قلبك و يعوضك خير ❤️

عرض الكل 1 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_54995 🇪🇬

منذ أسبوع واحد

شعور مكسور القلب

انا كنت حبيت حد اوي الشخص ده كان بيحب بنتقبلي المهم قعدً يحكيلي انه سبها وانه هيكلم اهلي وكده وبعد فتره سبني ورجع ليها وانا كنت اول مره اعمل كده واتكلم مع حد وقلبي فعلاوجعني وبشوف علاقتهم دايما كويسه وبفكر ازاي عملت في كل ده وسمحها وحبها وانا كنت بجد بحاول دايما يعني ازاي حد ياذي انسان تاني كده في م

Apple_54174 🇪🇬

منذ أسبوعين

شعور ضائع

موضوع:

الفلاش باك الي بيجي فجأه

حرفيًا الواحد بيموت كل ما يفتكر حاجه، طلعت الذكريات الحلوة ليها نفس تأثير الذكريات الوحشه ويمكن اكتر بكتير كمان.. نفسي أنساه والله بس للأسف بقالي ٧ شهور في عذاب وألم محدش ممكن يتخيله تعبت وحاسه ان كل مادا قلبي بيوجعني اكتر ما بين الاحساس بالذنب اللي مش بيفارقني واني كنت بعمل حاجات وفاكرة اني كده كنت

Sugar_54171 🇪🇬

منذ أسبوعين

شعور مكسور القلب

موضوع:

الفلاش باك الي بيجي فجأه

شوفت بالصدفة بوست ليه بيسأل عن حاجه يعملها في شقته، من وقتها وأنا مش قادره اخرج برا ذكرياتنا بفتكر كل حاجه اخترناها وازاي خططنا للبيت دا بكل حب، كل دا اخترناه! دلوقتي هو بيعمله عشان البنت اللي سابني عشانها 😆 الله يوجع قلبه أضعاف ما وجعني

Strawberry_53724 🇪🇬

منذ أسبوعين

شعور محبط

بحس دايما ان اخر حاجة ممكن حد يفكر فيها ماما واخواتي بحس احيانا انهم مش شايفني ممكن افضل اعيط وهما ولا حاسين بيا بتصعب عليا نفسي اوي وقلبي علطول وجعني وبحس اني طول الوقت باجي علي نفسي بس تعبت وزهقت … وانا اصلا كل حلمي في الحياه اني افرح افرح بس والله حاسه اني وصلت ٣٦ سنه والفرحة بعيده عني من كل اتجا

Apple_52997 🇪🇬

منذ 3 أسابيع

شعور محبط

موضوع:

هل الوقت بينسي ؟

اه الوقت بينسي ولية فضل كبير في حاجات الواحد بيفكر انة عمرة ما هيتخطها والحمدلله ربنا بيعين وبتعدي بس بتلاقي نفسك في وقت من الاقات اتعرضت لموقف او كلمة حصلت من الشخص الا انت بقالك شهور وايام بتتخطاه الموقف والكلمة الا بتتقال بتعملك فلاش باك بس وقتها لبتكون اتخطتيت وعرفت قيمت نفسك ووقتها بتحمد ربنا ا

Cookies_35975 🇸🇦

منذ شهر واحد

شعور مكسور القلب

هو ايه الوجع ده بجد حاسه بناااار في قلبي و المرة دي غير حاسه كده بسبب الاشتياق يعني ايه تبقى موجود و عايش و أنا مش عارفه اقربلك خطوة يعني هو انت هتفضل واحشني في صمت كده ! طب ابعتلك و لا هتقول عليا عديمة كرامة بس الي بينا مش قليل ف مينفعش نفضل نقول كرامتي و مش كرامتي و نخسر بعض شهر و نص و محدش فينا ي

Tofu_19483 🇪🇬

منذ شهر واحد

شعور ضائع

عبّر عن شعورك بشكل مجهول

كنت النهارده عماله أفكر مع نفسي وأنا بفكر لقيتني بعيط ،كنت بفكر ف عوض ربنا وعماله أقوله يارب عوضني مش عارفه أقول كلام كتير لكن يارب أنت عارف إن قلبي جواه نار بتأكل فيه وإن قلبي وجعني كتير يارب عوضني عن القسوه والوجع ده بحاجه تنسيني كل الوجع ده،حقيقي مش عارفه لو ف عز ما الدنيا صعبه ومعظم الناس بقت وحشه سواء ولاد أو بنات هل ف وسط الزحمه المليئه بالكثير والكثير من الشباب البايظين إلا من رحم ربي هلاقي شخص كويس يتقي ربنا فيا ويعوضني عن كل شعور وحش حسيته!
الإنسان بيدور على شخص يأنس إليه ف يا ترى هلاقي حد يحبني زي ما أنا بتعبي وحزني وكل اللغبطه والقلق اللي ف دماغي ؟
هلاقي حد يتقبل إني شخص عيوطه ومش علشان نكديه لكن علشان حساسه وغصب عني وظروف الحياه زودت معايا نوبات البكاء!
هلاقي شخص يحتويني بدل ما يقولي أنتِ نكديه وكئيبه وبدمعه وياخد حزني وزعلي على إنهم نكد مش مشاعر لابد منها بسبب كل حاجه حصلتلي!
يا ترى فعلا الإنسان ممكن يلاقي إنسان يديه كل مشاعر الأمان اللي فقدها كلها دفعه واحده!
فضلت أعيط علشان قلبي أحن من كل القسوه دي وقلبي أرق من كل المعاناه دي
فضلت أعيط علشان ملقيتش شخص طول فترة مرضي وتعبي ومعاناتي يشاركني ألمي وأشاركه خطوه بخطوه كل جديد ف تفاصيل علاجي
فضلت أعيط علشان مش لاقيه حد أحكيله وأعيطله وأشكيله قد ايه الدنيا قاسيه عليا 
(ملحوظه: أنا محافظه على صلاتي الحمد لله)
لكن أنا عندي اكتئاب ومش قادره أطلع منه بس أتمنى تدعولي ربنا يعوضني أنا قلبي واجعني أوووي والله أتمنى تدعولي إني ألاقي حد يحبني أكتر من نفسه ويعوضني عن كل شيء ويصلح كل حاجه هو مبوظهاش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_19483 🇪🇬

منذ شهر واحد

شعور محبط

عبّر عن شعورك بشكل مجهول

محتاجه أحكيلكوا حاجه مزعلاني خالص..
وقت ما كنت باخد جلسات الكيماوي قبل اتقدملي شخص ف مركز علاج الأورام اللي بتعالج فيه والدته هي كمان كانت بتاخد جلسات كيماوي وكان هو وأخته موجودين 
ف أخته هي اللي وقفتني وقالتلي إنه أخوها عاوز عروسه وهو عاوز يتقدملك وبتاع ،هو كان موجود وشافني وبعدها لقيت أخته وقفتني وقالتلي كده وقالتلي هاتي رقمك هتواصل معاكي وبتاع ونتكلم وكده 
قولتلها بس أنا باخد جلسات كيماوي هنا قالتلي وفيها ايه أخويا معندهوش مانع وايه المشكله إنك بتتعالجي يعني وإن شاء الله تخفي وكده 
وبالفعل خدت رقمي وبعتتلي واتس قالتلي عامله ايه وفضلت تتكلم شويه وكده ف ف الكلام قولتها هي مامتك هتعمل عمليه مع حد علشان وقتها كنت عايزه أعرف دكتور شاطر يعملي العمليه قالتلي إنه مامتها مش هتعمل عمليات علشان حالتها متأخره وبتاخد علاجات بس 
قولتلها أصل كنت محتاجه أعرف دكتور شاطر علشان أعمل عنده العمليه 
قالتلي ايه ده هو أنتِ هتعملي عمليه؟
قولتلها اه 
من وقتها بقه بطلت تسأل عني وكده
لقيتها النهارده بعتالي وياريتها ما بعتت يعني حسيت شعور مش لطيف 
قالتي عامله ايه أنا عايزه أتطمن عليكِ وفاكره موضوع أخويا اللي كنت كلمتك عنه هو الرفض كان من أخويا وماما للأسف وأنا كنت محروجه أسأل عنك بسبب كده 
قولتلها لا مفيش إحراج ولا حاجه واحنا أخوات من غير أي حاجه 
هي الفكره مش ف إني ميته ع الجواز أو كده بس ف إني اتجرحت هي لما كانت عارفه إني باخد كيماوي كان الموضوع عادي ومفيش مشاكل لكن لما عرفت موضوع العمليه بقيت أنا كخه؟
الفكره ف إنه معنديش مشكله هو الشخص حقه يرفض براحته لكن المشكله اللي وجعاني إنك ليه بعد المده دي كلها تبعتيلي وتقوليلي طب منا أكيد كنت عارفه من عدم ردك إنه رفض وكنت مجروحه بسبب كده مش علشان الرفض نفسه ولكن علشان سبب الرفض حسيت شعور وحش إنه عمليتي بقت سبب ل إن حد ميوافقش بيا؟
قلبي وجعني مش شايفه إنه كان ليها لازمه إنها تبعتلي وتقولي وخصوصًا إنه عدت شهور ف ليه يعني الوجع ده ليه تحسسني بشعور وحش وإنه عمليتي دي سبب رفضي!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pumpkin_25616 🇮🇹

منذ شهر واحد

شعور مذنب

انا مسمعتش الكلام غير بعد ما اتأكدت بنفسي و جربت الوجع ي بنات بجد نصيحة من اختكم بلاش ترتبطوا من غير علم الأهل و بلاش ترتبطوا سوشيال بذات عشان انت مش بتبقي عارفة أصله ولا فصله و ممكن اى حاجة يقولها اصلا تبقى كدب فا حتى لو بانت ليكي أنها علاقة ممكن تنجح بيتهيألك الغالب مش بيكمل ربنا موضعش بينا حدود

Hazelnut_52786 🇪🇬 كلامك جميل ويدخل العقل وصح جدا

عرض الكل 6 نصيحة

Blueberry_39174 🇪🇬

منذ شهر واحد

شعور قلق

موضوع:

اكتر حاجه شاغله بالك

انى ممكن يكون عندى حياة حلوة فى يوم من الايام او اعيش حياة بهدوء وسلام بعيدة كل البعد عن وجع القلب ، انى اقابل حد يحبني من غير مصلحة ، يحبني لنفسي انا يحبنى علشانى ، يحبنى من غير اذئ و وجع فى قلبي اللى استكفى وجع ومبقاش قادر يكمل وهل ممكن أنجح فى حياتى وأكون حد يصلح أنه يكون مفيد للناس اللى حواليه

Banana_34439 🇪🇬 توكل/ي على الله متفكريش كتير في المستقبل عيش/يالاخضر هو الدائم انت مش ضامن/ه المستقبل هتبقي موجوده ولا لا ادعي ربك وتوكل/ي عليه

عرض الكل 5 نصيحة

Apple_15642 🇪🇬

منذ شهر واحد

شعور محبط

موضوع:

اتخدعت ف حد قبل كدة؟

Avocado_51186 🇧🇭 بصي هو طبعا كل دي تجارب في حياتك واهم حاجه علشان تتعرفي علي اصحاب هو الاختيار من البدايه .. متزعليش مني انتي شكل دماغك ناشفه شويه ومش بتسمعي كلام حد لان مامتك حذرتك منهم في الاول ومسمعتيش غير كلام نفسك المهم انتي لسه صغيرة واكيد هتتعرفي علي ناس كتير في حياتك فيهم اللي هيطلع كويس واللي هيطلع مش كويس لان الناس شخصياتها مختلفه مش احنا اللي بنحددها بمزاجنا

عرض الكل 4 نصيحة

عبّر عن شعورك بشكل مجهول

اتخدعت في اقرب صحاب ليا و كنت بحبهم جدا و مقدرش ابعد عنهم و كنا علي طول مع بعض و هما بصراحة كانوا بيعملوا حاجات تبين قد ايه هما مش سالكين بس انا اللي كنت مغفلة و بطنش عشان بحبهم كانت مامتي مش بتحبهم وانا كنت بفضل اتخانق معاها و اقولها متتكلميش عنهم كده دول صحابي و بحبهم و مش بحب حد يتكلم علي حد بحبه وحش. و كانوا هما السبب بردو في اني طول الفترة اللي كنت صحبتهم فيها كنت بعيدة عن اهلي جدا و مش بحكيلهم اي حاجة عن يومي او عن صحابي و واحدة واحدة بقيت احس انهم مختلفين بيخرجوا مع بعض كتير من غيري عندهم اسرار مع بعض مش بيقولولي عليها بيتريقوا عليا ساعات و كانوا رغم كل ده يفضلوا يفهموني ان انا صحبتهم جدا و هما بيحبوني اوي و هما كانوا مع اول حد جديد يقربوا منه بيبعدوا عني و مش بيفتكروني غير لما الشخص ده يكون مش موجود و كانوا بيخلوني معاهم بس للاحتياط عشان انا شاطرة في الدراسة فكانوا بيستغلوني في الامتحانات مع اني مكنتش بحب اغشش حد بس هما كانوا بيستغلوا اني مش بقدر اقولهم لأ و بتكسف و كانوا ساعات تانية بيستغلوني ماديا ده غير اني كنت في حاجات كتير اوي بحبها و مش بقولهم اني بحبها عشان زوقي مختلف عن زوقهم و خفت يتريقوا عليا و فضلت فترة كان في بنت مش بحبها كلهم صاحبوها و بقوا يخلوها تخرج معانا وانا عشان مكانش عندي صحاب تانيين كنت بضطر اقعد معاهم و مع البنت دي و كانوا بيحسسوني ان هم اللي شلة مع بعض وانا اللي غريبة و كانت ساعات البنت دي تتريق عليا و كلهم بيسكتوا مع ان لو حد كان بيتكلم عليهم وحش انا مكنتش بسكت و مرت الايام و البنت دي طلعت شخصية زبالة و غدرت بيهم كلهم ساعتها رجعولي بعدها بسنتين واحدة منهم اللي هي كانت اكتر واحدة بتستغلني فيهم اتعرفت علي بنت في المدرسة و كانت دايما معاها مع ان المفروض يعني انا كنت الbest friend بتاعتها بس كانت طول ما احنا في المدرسة كأنها متعرفنيش و حتي لو رحت اتكلم معاها تتخانق معايا و بعدها في الدروس عشان صحبتها دي مكنتش معانا كانت ترجع تتعامل معايا عادي و انها قد ايه بتحبني و بتموت فيا و هكذا كل يوم و انا فضلت فترة مكتئبة بسبب الحوار ده لحد ما اتعرفت علي بنات تانيين و كانوا بجد زي العسل و اكتشفت اصلا انهم في الاول مكانوش بيحبوني مش عشان انا عملتهم حاجة او عشان انا شخص وحش انما عشان انا كنت صاحبة البنت دي و انهم لما اتعاملوا معايا طلعت كويسة و فضلوا يقولوا انهم قد ايه مستغربين ان انا ازاي مصحباها و مع الوقت بدأت فعلا ان انا افوق لنفسي و اشوف القرف اللي هي بتعمله و حتي لما قطعت معاها و مع واحدة تانية من الشلة محدش فيهم فكر حتي انه يسأل عليا او يشوف بطلت اتكلم ليه او اي حاجة هما بس لقوا ان انا مش ببدأ كلام فخلاص بقي ما صدقوا و طبعا كان بيوصلي كلام بعدها بسنين حتي انهم بيتكلموا عليا و بيجيبوا في سيرتي و بيتريقوا عليا بس هو لو الواحد طبعه زبالة مش هنقدر نغيره و فضلت بعدها فترة طويلة معنديش صحاب و بخاف اعمل صحاب عشان مش عايزة اعيش نفس التجربة تاني و حتي لما عملت صحاب مبقتش بثق فيهم و متمسكة بيهم زي ما كنت بعمل قبل كده و بقيت عادي جدا ممكن استغني عن اي حد ودمروا ثقتي في نفسي و في الناس و سبحان الله الناس اللي كنت خايفة اقطع علاقتي بيهم مع انهم toxic بس لمجرد اني خايفة ميبقاش عندي صحاب بعدهم بقي عندي صحاب احسن منهم مليون مرة و سبحان الله كمان البنت دي كل صحابها بعدوا عنها دلوقتي و مبقاش عندها صحاب

Coffee_42261 🇪🇬

منذ شهر واحد

شعور ضائع

وفي عيني كلام حزين .... وبداخلي شوق اذاب القلب حزنا... وليس الهجر يؤلم ولكن الكلام يوجع ساعات بتبقى عايز تحكى بس الكلام بيرفض يخرج من صدرك وجع رهيب في قلبك دايما وحيد رغم الكل جمبك تايه في نفسك مش عارف ايه يرضيك ولا عارف ليه دايما الالم ماسك فيك ، بتسهر ليل طويل ساكت سهران بس علشان تعبان وفى ايام ك

Croissant_52399 🇪🇬

منذ شهر واحد

شعور مرتبك

عبّر عن شعورك بشكل مجهول

انا وبنت عمي قريبين لبعض اوى وتقريبا الناس كلها فكرانا اخوات من كتر قربنا وانا فعلا بحبها جدا خصوصا انى مليش اخوات بنات ف هي اختى.. المهم هي حد معاها ف الشغل اتقدملها وهي كانت حكيالى انها لسه مش عايزه تتخطب دلوقتي وانها مش بتحبه ومش موافقه وانا اللى كنت بقنعها كمان عشان هو حد كويس مش وحش المهم فضلت على الحوار ده كتير ف حد من بنات عمي هي حربوئه شويه ف احنا مش قريبين منها كانت بتتخطب وتقريبا اتفقو على كل حاجه ومحدش ف العيله عارف.. ف كانت بنت عمي الاولانيه دي تقعد تهزر ديما وتقول هعمل زيها هتخطب ومش هقول لحد إلا انتى طبعا انتى اختى وانتى اللى هتقفى جمبى وانتى وانتى... لحد م عرفت امبارح انها فعلا اتخطبت للعريس اللى كانت بتقول انها مش موافقه عليه والشبكه الاسبوع الجاي... امي اللى قالتلى وقالتلى هو انتى مش عارفه؟  انا بحسبك مخبيه معاها اصل انتو الاتنين محدش يقدر عليكم وبتهزر ساعتها انا فعلا حسيت اني ولا حاجه واني مش قريبه منها  زي م هي كانت بتحكى! عكسي انا تماما انا بجد بحبها اوي وعلى طول بحكلها كل حاجه ومش بخبى عنها بس مش مشكله..ف النهايه انا مليش انى ألومها هي حره تخبى او تعلن براحتها حاجه تخصها بس انا فعلا اتوجعت!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع