أكتر حاجة وجعاني دلوقتي إني حاسس إني كسرت قلب إنسانة كانت بتحبني بصدق. يمكن هي متعرفش قد إيه أنا مقدّرها، بس كل كلمة طلعت مني وقتها ما كانتش رفض ليها زي ما افتكرت، كانت محاولة إني أمشي صح وأبعد عن أي حاجة تغضب ربنا. بس للأسف الكلمة اتفهمت بشكل تاني، ووصل لها كإني مش عايزها أو إني رفضتها. أنا عارف إن البنت دي ما قصرتش معايا، بالعكس… كانت بتحاول تسعدني، وكانت تتمنى ليا الخير من قلبها. يمكن غبائي أو خوفي خلاني أضيعها من غير ما أقصد. واللي يوجع أكتر إن اللي كنت متمسك بيها من طرف واحد عمرها ما هتحس بيا زي ما هي كانت حاسة. أنا بكتب الكلام ده مش عشان أرجع أو أبرر، لكن علشان أفضفض وأقول إني غلطت من غير قصد، وإني بدعي من قلبي ربنا يعوضها بإنسان يقدّرها ويحبها زي ما هي حبتني. يمكن نصيبي مش معاها، بس عمري ما هنسى إنها كانت من أصدق القلوب اللي قابلتها في حياتي. في النهاية، الحب الحقيقي مش دايمًا في التمسك… ساعات بيكون في إنك تتمنى الخير للي بتحبه حتى لو مش معاك.

3

2