نوم مش منتظم قصص حقيقية - 2 تجارب، ونصائح، ودعم

Ice Cream_30319 🇪🇬

منذ 9 أشهر

شعور متعب

موضوع:

حاسس إنك مش بتلاقي وقت لنفسك بسبب الشغل؟

طبعا مش بهتم بنفسي زي فتره الاجازه والنوم مش بيبقا منتظم والنفسيه بتبقا بايظه وساعت أسهر اوي وساعات اصحي بدري جدا انا بالنهار علشان اعوض السهر بالليل دا بيخليني أشعر بالتعب والارهاق الشديد

Pear_34238 🇪🇬 حاولي تقسمي يومك انا بحب لو عندي حاجات كتير في يومي اكتب to do list و اعلم صح لما اعمل حاجه و في العادي بقسم المهمات علي حاجات صغيره زي اني اغسل وشي و افطر و اعمل تاسك و بعد تعب اليوم ببص بلاقي نفسي عملت حاجات كتير بحس بالإنجاز اني قدرت اعمل كل ده و طبعا لزم تغيري و تحطي حاجات صغيره تفرحي بيها نفسك حتي لو هتعملي عصير بتحبيه في وقت البريك صدقيني الحجات الصغيره ديه جميله اوي 💌

عرض الكل 2 نصيحة

أنا مهدوده ونفسيتي متدمره بعد ما سابني

أنا حاسة اني بتهد من جوايا خارجه من علاقه حب أنا اللي كنت بحب بس فيها وبدي كل حاجه وهو مكنش بيحبني شكله حصل مشكلة وسابني بقالي شهر ونص الاول زعلت وبعدين جمدت قلبي ودلوقتي أنا اتهديت مهدوده ونفسيتي متدمره كنا مع بعض كل يوم ف الشغل طول اليوم مع بعض فطار وغدا مع بعض دلوقتي بقينا نتجنب بعض أنا تعبانه من غيره وعارفه أن هو كان بيأذيني بس اعمل اي أنا مش كويسه أنا بقيت تايهه ...عرض المزيد

2 الدعم

7 نصيحة

بحس حاجة ناقصة وحدي في الدنيا

بحس عندي حاجة ناقصة عن كل الناس انا دايما يبقا موجودة عشان كل الناس وبحاول اساعدهم فالمقابل محدش بيسأل عني ولو حاولت اتواصل مع حد حقيقي محدش بيحاول يساعدني أنا قمت كتير جدا من وقعات صعبة لوحدي بس كان نفسي الناس تقدر أو يشوفوني زي ما بشوفهم ، يهتموا زي ما بهتم ...عرض المزيد

2 الدعم

2 نصيحة

خسرت أخر صاحبة ليا وفضلت لوحدي مع تروما

انا كان عندى ٤ صحاب بنات اكتر من اخواتى حرفيا مع مرور الوقت علاقتى بيهم اتقطعت واحده ورا التانيه لأسباب مختلفه هما عادى كملوا حياتهم بس انا زعلت عليهم اوى بس برضو مكنتش دى مشكله كبيره لأن فضلى صاحبه واحده كانت هى أصلا اقرب واحده ليا فيهم ف كان المهم انها معايا كنا بنحب بعض ومتفاهمين جدا لدرجه قليل لو كنا اتخانقنا ٧ سنين وهى اهم حد ف حياتى ودى كانت آخر صاحبه ليا، من سنه ونص خسرنا بعض وقطع نهائى والموضوع كان من ناحيتها انا اكتئبت جدا بعدها وكنت حاسه بالوحده جدا لأن معنديش صحاب وفى مشاكل بينى وبين اختى ومش مرتبطه ف حرفيا ف الحياه لوحدى بعدها بكام شهر من القهره وانى مش لاقيه حد يبقى صاحب ليا بدأت ارد على الولاد اللى كانوا بيبعتولى ومكنتش فارقلى دا كويس ولا وحش ( أنا أصلا شخص انطوائي جدا ومكنتش برد على حد قبل كده وبالذات لو حاسه انه عايز يستغلنى) وفعلا كنت عارفه أنهم ميستاهلوش بصه منى حتى بس كنت بنزل وبخرج معاهم عشان مموتش نفسى من احساس الوحده وعشان يبقى فى حد أوهم نفسى انى مش لوحدى انتهى بيا الأمر بعد التجربه دى انى زودت التروما عندى بالتعامل مع رجاله مرضى شوفت منهم الوحش كله وبعدها قررت انى هوقف اديت حد معرفوش وحتى لو هفضل لوحدى العمر كله حاليا انا وحيده وعندى تروما من الرجاله كلها (اللى هى كانت موجوده من قبل كده بس التجربه دى زوددها) ومفيش اى معنى للحياه بالنسبالى بيصعب عليا نفسى طول الوقت لأنى عارفه انى جوايا خير وحب لكن حاليا ساعات بحس انه يمكن انا اللى العيب فيا ومتحبش ثقتى بنفسى كانت عاليه جدا لكن دلوقتى بتكسف من شكلى احساس ان نفسى صعبانه عليا دا احساس صعب، مش عارفه اشوف نفسى مكسوره ووحيده وتعيسه كدا ...عرض المزيد

1 الدعم

5 نصيحة