احكولنا عن صعوبة توازن حياتك بين الشغل والراحة. إزاي بتأثر على صحتك النفسية

أنا مش بلاقي وقت للشغل بسبب نفسي ،🥴 دي الحقيقة فعلا ، بهتم بنفسي زيادة عن اللزوم لدرجة اني مش بلاقي وقت اشغلها فيه ، دي يمكن كارثة ع المجتمع بس والله مشكلة بالنسبة لي يعني وبحاول احلها الفترة دي!

مش حكايه مش لائقه وقت بس شغل مع جامعه صعب خصوصا أن أنا مختاره كده بس للامانه أنا مبسوطه جدا حاسه ان أنا بعمل حاجه خصوصا أن أنا مش بروح جامعه كل الايام ف يومي بيتاكل مابين جامعه و مذاكره و شغل ساعات مبنمش كفايه و ساعات ببقي محتاجه ابص للسقف و لا حد يكلمني ولا اسمع صوت حد الحمدلله

انا بنت عندي 20 سنة، كنت بدور علي شغل، في حظ يقدر يساعدني الاقي شغل محترم و كويس و فلوسه حلوة، هتقولولي لسة صغيرة هقولكوا لا عادي انا تانية كلية فا كبيرة و كمان في قدي و اصغر بيشتغلوا عادي. انا بعرف اعمل حاجات كتير ممكن اشتغل فيها و كمان ممكن اشتغل فيحاجة جديدة بحب اجرب كل جديد بس يكون محترم و كويس.

انا بحب شغلي جدا جدا مع الرغم اني حاسس انه حاجه توكسيك دخلت حياتي وفي نقاط كتير الشغل سحبني منها وخلاني اقصر فيها بس بحب شغلي انا شاب بشتغل من لما كان عندي ١٦ سنه في نفس المجال والنهارده عندي٢١ سنه بقالي سنتين مؤسس لشركه والحمد لله كرم ربنا ان الشركه بتكبر من موظفين وعملاء ومكملين المشكله الكبيره اني مقصر مع نفسي بشكل كبير جدا ومقصر في كذا حاجه حواليا وملاحظ اني خسرت نقاط اهتمام كبيره في اشخاص حواليا بسبب اني بقيت مقصر معاهم كل يوم احاول اعمل بالانس مبين البيزنيس و الحياه الشخصيه و الموضوع مجهد بشكل كبيير جدا وبيدخلني دايما جوا دوامه الفشل واني مش عارف اعمل كده عشان فاشل وخايف على مدار الزمن البعيد اخسر فعلا ناس مهمه في حياتي بسبب انشغالي معظم الوقت في الشغل وبس

الفكرة اني حديث تخرج من الأقاليم لقيت فرصة شغل في القاهره من7ل 4 خمس ايام واخد سكن بالتالي بطبخ واغسل بالتالي وقت الفراغ من 7 بليل و محتاج اذاكر واشتغل في البيت عشان اثبت نفسي+اني مش متخيل ممكن الحياه بعد الشغل او جنب الشغل شكلها ايه وبالتالي الدنيا مقتصرة على اليومين الإجازة اللي بنزل اشوف اهلي واصحابي وشكرا فلو حد عنده فكره قشطه 🤍

حاسس إنك مش بتلاقي وقت لنفسك بسبب الشغل؟

Ice Cream_30319 🇪🇬

منذ 8 أشهر

شعور متعب

طبعا مش بهتم بنفسي زي فتره الاجازه والنوم مش بيبقا منتظم والنفسيه بتبقا بايظه وساعت أسهر اوي وساعات اصحي بدري جدا انا بالنهار علشان اعوض السهر بالليل دا بيخليني أشعر بالتعب والارهاق الشديد

Pear_34238 🇪🇬 حاولي تقسمي يومك انا بحب لو عندي حاجات كتير في يومي اكتب to do list و اعلم صح لما اعمل حاجه و في العادي بقسم المهمات علي حاجات صغيره زي اني اغسل وشي و افطر و اعمل تاسك و بعد تعب اليوم ببص بلاقي نفسي عملت حاجات كتير بحس بالإنجاز اني قدرت اعمل كل ده و طبعا لزم تغيري و تحطي حاجات صغيره تفرحي بيها نفسك حتي لو هتعملي عصير بتحبيه في وقت البريك صدقيني الحجات الصغيره ديه جميله اوي 💌

عرض الكل 2 نصيحة