مواقف

Pineapple_68793 🇪🇬

منذ ساعتين

شعور متعب

جماعة انا اهلي بينتقدوا اسلوبي وبيقولوا اني غبية علي تفكيري وكدا وبيشوفوا ابسط حاجة بعملها غلط يعني مثلا اخت صحبتي طلعت نتيجتها وكدا حبيت افرحها فجبتلها حاجة بسيطة وعرفت اخواتي قعدوا يقولوا لي ليه عملتي كدا انتي مالك بيها مع اني مش عملت حاجة غلط وبالعكس اخت صحبتي فرحت اوي بالهدية وبتحصل مواقف كتير ب

Coconut_58456 🇪🇬

منذ 4 ساعات

شعور متوتر

دلوقتي في بنت تقريبًا معجبة بيا. هي ما قالتش حاجة بشكل مباشر، لكن أنا شبه متأكد إنها مش محتاجة تقول، علشان التلميحات والتصرفات واضحة جدًا. هي بتهزر كتير جدًا، وبتتكلم كتير، وفيه تلميحات على الفاضي والمليان. أنا شخصيًا مش بحبها، ومش مرتاح من اللي هي بتعمله، ومش عارف أتصرف إزاي. أنا بتعامل معاها بلط

Sugar_68867 🇪🇬 ممكن تحاول ترميلها ف الكلام كذا مره انك شايفها زي اختك او انك معجب بواحده كدا و كدا مثلا عشان تعرف ان مفيش حاجة هتيجي من ناحيتك خالص ومتربطش نفسها بامل كداب

عرض الكل 5 نصيحة

Chocolate_55188 🇪🇬

منذ 11 ساعة

شعور لا مبالٍ

عندي ٣٨ سنة شكلي حلو و باشتغل في position حلو …ماتجوزتش قبل كدة و ده نصيب أكيد يعني ..المهم امبارح واحد متجوز و عنده ٣ أولاد متصل بيا يقولي عايز أتقدملك …بجد دمي اتحرق..مع العلم نفس الشخص ده رفضته من ١٥ سنة ..بس الحقيقة المرة دي دمي محروق جداً و مش عارفة ازاي اتجرأ يقولي كدة

Strawberry_67489 🇪🇬

منذ 15 ساعة

شعور سعيد

موضوع:

أكتر موقف حسسك أنك غير مرغوب؟

زمان كان معايا صديقه كانت معايا حوالي ٥ سنين دخلنا مرحله جديده صاحبت ناس تانيه كتير وطبعا مشكلتي مش هنا المشكله كانت تكلمهم وتضحك معاهم وانا ماشيه شفافه تقريبا كان الموقف دا عامل زي الجبل علي دماغي وقتها

Pineapple_44471 🇪🇬

منذ يوم واحد

شعور محبط

بدون تجريح لو سمحت أنا دلوقت شغالة مع واحد اصغر مني بكتير حرفيا بالنسبالي عيل المهم أنه جاب واحده هي صاحبته من وهما اطفال تشتغل ومنفعتش ومشيت دلوقت هو صمم جابها تشتغل ف حاجه تانية وارتبط بيها لحد هنا مفيش مشكلة المشكلة أن البنت دي بتكرهني لأنها فاكرة أن أنا وهو يعني بنحب بعض والقرف ده مع اني والله

Chilli_68522 🇪🇬 افصلي الشغل عن العواطف ترتاحي

عرض الكل 79 نصيحة

Coffee_68230 🇪🇬

منذ يوم واحد

شعور متعب

ساعدت حد واتاذيت بسبب مساعدتي ليه وموقفش جمبي ومن ساعتها كارهه اساعد حد وعملي ازمه نفسيه ان محدش يستاهل افكر اساعده ايا كانت نوع المساعده وعندي حاله من فقدان الامل والياس من الناس كرهاهم

Mango_67775 🇪🇬 حقك الصراحه بس احنا المساعده بتكون لوجه الله مش عشان عبد ف انتي عادي ساعدي الناس و كده لأن المساعده دي هتترد لك مش لازم من اللي ساعدتيه هتلاقي المساعده جاتلك من ناس غريبه عادي جدا ❤️

عرض الكل 8 نصيحة

Mango_67679 🇪🇬

منذ يومين

شعور عاطفي

انا حاليا عندي ٢٩ سنة، عمري في حياتي ما حبيت بنت أو حتي صاحبت بنت، دا لأني مريت بموقف كان أيام ثانوية عامة. باختصار كان في بنت باخد في بيتها درس والبنت دي كانت أول بنت في حياتي اتكلم معاها ونبقي زمايل، حسيت بشعور ناحيتها فصارحتها لكن قالتلي انا بحبك زي اخويا. وعرفت ان هي بتحب ولد تاني. واكتشفت بعدها

Croissant_66979 🇪🇬 الحل انك تعمل الي بتخاف منو لو حد او بنت عجبتك تروح وتقول وميهمكش الرفض يعم بلاش تحاول مع اهلها علي طول منغير ما تفكر بجد ١ ٢ ٣ انا هتكلم سواء معاها او مع أهلها بس يستحسن تسالها الاول هي مقبلتش اكيد في غيرها طل واحد فينا مخلوق لانسان معين وانت اكيد هتلاقيها بجد

عرض الكل 1 نصيحة

Mango_67217 🇪🇬

منذ 3 أيام

شعور متعب

بصراحة انا مش عارفة بنستخدم الابليكيشن دا ازاي ، بس انا عندي مشكلة وهي اني خايفة بشكل مستمر ، الدنيا بقت صعبة اوي وعدم الامان موجود في كل حتة وانا ضعيفة جدا ك شخصية وبرضو جسمي ضعيف ، ف ببقا عارفة اني مش هعرف ادافع عن نفسي لو حاجة حصلت ، مثلا لو قاعدين في قاعدة وحد احرجني ممكن اخاف ارد عشان ميحرجني

Mango_66328 🇪🇬

منذ 4 أيام

شعور وحيد

مشكلتي اني كنت اجتماعي جدا وبروح وأخرج واعرف ناس جديدة بس بعد وفاة الوالد بقيت حد تاني بس الكلام ده عدا عليا وقت وبقيت اتأقلم تاني وارجع بس مش زاي الأول الواحد اتعلم وعرف الناس علي حقيقتهم بس فعلا المواقف والضغوط بتصنع منك شخص تاني

Nutella_66996 🇪🇬

منذ 4 أيام

شعور ضاق ذرعًا

موضوع:

حاجة مش مسامح نفسك عليها ؟

اني ديما ساذجة و بثق في الناس بسرعة و علي الطيبة الزيادة اللي ديما موديني في داهية مبعرفش اخد قرار لوحدي و ده بسبب حاجات قديمة حصلت في حياتي و كمان اني معرفتش اعمل صحاب بسبب اني كنت بثق في الناس بسرعة و مش بخون دي حاجه جت علي دماغي و خلت مفيش صحاب حقيقيين حوليا

Cherry_66793 🇪🇬

منذ 4 أيام

شعور عاطفي

لو انا عندي واحدة صحبتي بعتبرها في مقام حد قريب جدا مني bestie المهم اني للاسف عملت معاها كام موقف مش افضل حاجه مني بجد كان اسلوبي وحش فشخ معاها عشان هي عملت حركات قرعه ولكن انا كنت اجرسيف اكتر زي اخر حاجه انا قطعت معاها فجأة وبكلام مش احسن حاجه المهم اننا رجعنا نتكلم لكن لسه بتعمل نفس الحركات

Orange_61792 🇪🇬 يعني حصلت مواجهة بينكم لدرجة الزعل و القطيعة و لما اتصالحتم بتكرر نفس الشيئ؟!!!

عرض الكل 6 نصيحة

Apple_66213 🇪🇬

منذ 5 أيام

شعور مكسور القلب

انا عندي 26 سنة ... اسمعوا أكبر خيانة حصلتي و قولولي أتعامل إزاي في الجامعة دلوقتي (يوسف) قعد معايا خمس سنين أهله كلهم عرفتهم و أنا أول حد يعرفه في منطقتنا و كان وحيد و مكتئب عاملته كصديق صح و اكتشفت فيه موهبته في الكتابة و شجعته يبتدي و وثقت فيه جدا و خليته يبقي شريك في كل اللي بعمله عشان أوصل

Apple_66792 🇪🇬 اولا متندمش ع نيتك الصافيه و قلبك الطيب ده . انا مش هنصحك واقولك أنه مكنش ينفع الطيبه و حسن النيه دي . بالعكس دي احلى حاجه فيك و كل اللي عملوه ده اوعى يغيروا حاجه فيك . لسه هتلاقي الصاحب الجدع . مع أن صاحبك يوسف ظهر من اول موقف ع حقيقه لكن عشان انت ابن اصول و باقي ع العشره هو استغلك . ممكن تكون صريح شويه و طيب زياده عن اللزوم لكن برده ده مازال شئ كويس . اولا متغيرش نفسك

عرض الكل 10 نصيحة

عبّر عن شعورك بشكل مجهول

انا عندي 26 سنة ... اسمعوا أكبر خيانة حصلتي و قولولي أتعامل إزاي في الجامعة دلوقتي

(يوسف) قعد معايا خمس سنين أهله كلهم عرفتهم  و أنا أول حد يعرفه في منطقتنا و كان وحيد و مكتئب عاملته كصديق صح و اكتشفت فيه موهبته في الكتابة و شجعته يبتدي  و وثقت فيه جدا و خليته يبقي شريك في كل  اللي بعمله عشان أوصل للتمثيل و كان موجود وقت ازماتي كلها يعني عارف انا اتبهدلت ازاي و طريقته كلها بقت تكبر عليا حس اني بقيت أقل منه لكن   أول ما لقي إني خرجت من اللي انا فيه و ربنا كتب ان  يكتبلي عمر جديد  و  يبقي ليا جامعة اللي انا عايزها  بمعجزة اتغير و أنا كنت واثق فيه انه صاحب حقيقي  مبسوطلي  عرفته علي كل اللي عرفتهم من الجامعة و عرفته ايه اللي انا اتعلمته و فجأة بعد أول سنة و نص في الجامعة دي اما اطمن انه عرف حاجات مهمة كتير و اخيرا عنده اصدقاء غيري و منهم بنت و كلهم واثقين فيه بسببي و في نفس المجال اللي احنا فيه حس ان الحقيقة اني ساعدته في كل ده فأنا كده صديق أحسن منه و بقي ميت من الغيرة و أنا معرفش.....و مفرقش معاه عشرة حقيقية و لا اني بعتبره صاحب حقيقي كان نفسه أبقي ناسي المواقف اللي بيننا دي ففجأة قعد معايا و حاول يقنعني انت من غيري مكنتش هتعرف تتعامل مع الحياة ولا توصل للي انت فيه  قمت قايله الحقيقة كاملة اني صديق صح و عملت كل اللي عليا و بيننا عشرة قوية و فكرته بالمواقف انه اصلا كان خايف اهله يعرفه انه بيحب يكتب  و هو اللي قالي اكلمله أهله و أعلمه يكتب و عملت كده و افهمه كل حاجة انا اتعلمتها   في السنين اللي قبل ما اعرفه و عملت كده  و  أول ما عرفت شلة كبيرة عرفتوا عليهم و لغاية الآخر اما عرفت اللي في الجامعة عرفتوا عليهم و عمري ما شوفته عارف بنت عرفتوا علي صديقة فكرتوا بده كله اتصدم اني فاكر كل ده  فقالي انا آسف انت عندك حق فعلا  و انا ظنيت خير انه فعلا كان ناسي و افتكر....لكن بعدها  خانني بأبشع طريقة و دمر سمعتي بس بخبث خططله شهور بعدها و أنا فاكره صاحب حقيقي و أتاريه مش عايز بس يمسح الحقيقة الكاملة دي ده بقي عايز يمسحني لأن وجودي دليل علي الحقيقة دي فبدا بإنه يتكلم عليا من ورايا مع واحد واحد علي جنب من شلتنا الكبيرة و من جامعتي و يقول حقايق غلط بحجة ان هو اللي عارفني سنين اكتر منهم و بدأ خطته انه يكره الناس فيا يخليهم يخونوني.......و هنا تيجي صديقة عشرة قوية سنة و نص و عرفت أهلها و دخلت بيتها و إخواتها بقوا اخواتي و اتعاملت معاها كأختي بجد و كنت بحللها و بحل لعيلتها و لأصدقائها كل مشاكلهم و أعملهم كلهم كل حاجة و وثقت فيها و عرفتها علي صديقي (يوسف) و شلتي الوحيدة اللي بره الجامعة في نص السنة و هو أستغل ده في خيانته الكبيرة و أنا مش واخد بالي  علي مدار شهور  بني فيها غيرة مني و أقنعها أنه غلبان و أنا بستغله و بمسح عشرتي معاه من بعد ما دخلت الجامعة و اتغريت بس بدل ما تيجي تقولي فهمني أو تقولي قال إيه ما صدقت انها تلاقي الفرصة انها تبان أحسن مني يعني هي مكنتش صديق حقيقي برضه و هو كان عايز يحس انه احسن مني كل ده من ورايا طبعا.....و فجأة هي كمان غيرت التعامل تماما  فقلتلها الحقيقة الكاملة و فكرتها بالعشرة القوية علي طول قالتلي اوك كويس انك فاكر انا برضو سيبلي يوم أفكرك و أنا هفكرك أكتر منك و هزرت كده فبظن خير مني اتبسطت و حسيت اني بعمل اللي عليا كأخ و صديق صح و اتاريها بدأت الخطة  معاه و انها تعاملني أقل فجاة و تاعملوا اكتر مني و متردش عليا في جروب الواتس  و هو يعمل نفسه مش واخد باله و يهمشوني في كل حاجة كإنتقام اني صديق  عاملتهم بأصح طريقة و اني حسستهم اني صديق احسن منهم   و اتفقوا علي غيرتهم مني و الخيانتين دول كانوا بداية خطة تدمير كل صداقاتي و سمعتي بين الناس عشان محدش يسمع اي حقيقة كاملة مني تثبت اني ساعدتهم و كنت صديق صح لأن كده بالحقيقة هبين ان هما مش بيساعدوا الناس....و هنا أتفقوا  يعملو موقفين   يألفوهم قدام الشلة الكبيرة عشان يبقوا دلائل يخلوهم كلهم ميثقوش فيا اللي هو اني ابان وحش بأي طريقة و الموقفين  استخدموا شخص من دفعتي قريب مني وواثق فيه و عمري ما أشك فيه عشان عنده سرطان و 
اول موقف استخدموه فأنه يتحايل عليا و يعيطلي لمدة أسبوعين انه عايز يعرف الدفعة الجديدة بيقولوا عليه إيه عشان يحسن نفسه  و يعقد معاهم زي ما انا بعقد و يتعاملوا معاه زي ما بيتعاملوا معايا فصعب عليا اوي وقلتله ممكن بيتضايقو شوية انك ساكت معاهم و بتكلم في الموبايل فممكن ترغي معاهم اكتر و بيقولوا انك بتتكلم علي عربياتك كتير عشان تبين انك غني فإتكلم علي أي حاجة عادي طبعا انا وثقت فيه غلطت و كنت غلطان اني أساعده و انصحه لأنه كان بيسجل كل ده ووصلوا ل للبنت و (يوسف) و عشان نيتي الطيبة متبانش ظبطوا التسجيل  انه ميكنش فيه غير صوتي و يبان اني بتكلم علي الناس فجأة و بدون سبب و نشروا ده في كل حتة في الجامعة عشان فكرة انهم يقولوا إني وحش.....و نشروا الموقف ده بالتسجيل اللي ظبطوه انه كأنه مكنش فيه غير صوتي بره الجامعة و جوه الجامعة  عشان الناس تصدقهم اني شرير أوي و خبوا حقيقة نيتي الطيبي و كل ده و انا معرفش اي حاجة بتحصل و مبسوط اني ساعدته عشان يحسن من نفسه و مش عارف اني بتخان و سمعتي بتدمر فيه خطة تدمير شغالة عليا........و تاني موقف ألفوه  خلوا طرفين منهم (يوسف) الي انا كنت لسه فاكره صاحب حقيقي و التاني اللي  من دفعتي هو هو برضه اللي عنده سرطان و اتفقوا معاه و عمال يوافق عادي بكل سهولة و  كلموني كأنهم متخانقين  عشان أقف جمبهم و أصلح بينهم لاني انا اللي عرفتهم علي بعض و دخلوا واحد تاني من الشلة كأن الخناقة كبيرة كأنه بيصلح عشان الموقف يبقي حقيقي و عشان يساعدهم ان كل حاجة تمشي زي ما اتفقوا عشان عارفين اني هقول الحقيقة ان حد منهم غلطان في كذا و كذا فا الإتنين يسجلوا عشان يقولو ده بيوقع بيننا و ده شيطان و محدش يصدق ان أنا  ساعدت حد حتي قبل كده....و فعلا نشروا التسجيلات دي جوه و بره الجامعة ان كأني بوقع بين اتنين  فبقيت باين شيطان و علي اساس كل ده يحكوا عني أي حاجة وحشة هتتصدق و عملوا كده فعلا و الناس بقت تصدق و محدش فكر يسالني او يسمع مني ولا مرة و  بقوا ٢٠ خيانة صديق و صديقة كنت بثق فيهم  مسحوا السنين و العشرة القوية و المواقف القوية و الصداقة.....و الهدف الأهم بالنسبة لصحابي اللي  افتكرتهم  صحاب حقيقيين  البنت و (يوسف) ان الحقيقة الكاملة اللي انا عارفها و متأكدين انها عندي  في اني كنت موجود في حياتهم اكتر من اصدقاء كتير ليهم  و كنت صديق أصح منهم عرفوا يخبوها و يمسحوا العشرة القوية دي و كمان ضيعوا كل ثقة شلتنا  الكبيرة فيا  و خسروني كل الناس اللي عرفتهم في الجامعة و كمان بوظوا سمعتي و محدش عمره هيصدق اي حاجة يسمعها مني كل ده عشان بفكرهم بالعشرة القوية و المواقف اللي بيننا و بتعامل كصديق صح جدا و هم مش عايزين الحقيقة دي ..... بعد كل ده كملت ترم كامل بدرس في الجامعة لوحدي و كله واخد جمب مني و الدكاترة و المعارف اللي من بعيد في الجامعة هم اللي كانوا سمعوني و تعاملوا معايا طبيعي لكن مكانش فيه حد بقضي معاه اليوم بين المحاضرات أو بعدها  و الحمدلله عديت السنة الدراسية اللي فاتت دي علي خير  بس كنت اول مرة احس اني لوحدي في الجامعة مع إني أعرف كل الدفعات اللي في مبني الكلية كلهم ......مش قادر أبقي لوحدي كده تاني و لسه قدامي سنتين جامعة .... أتعامل إزاي عشان حقي يفضل محفوظ من غير ما أعقد أتأسف علي حاجات أنا اتظلمت فيها و معملتهاش

و الفكرة ان اللي بيقوي احساس الوحدة ان كل الناس اللي حواليا أنا عارفهم جدا و عارف عن حياتهم كل حاجة و هم   عارفين عني كل حاجة و متعودين علي بعض بس فلحظة خلوا الناس كلها تصدق ان حقيقتي ظهرت و كل اللي فات ده كان وش تاني و ان هم اللي مصدومين كمان....فالناس بسبب التسجيلات اللي متظبطة بإني بدل ما بنصح حد عشان يتعامل أحسن عشان الشخص كان بيعيط و بينهار و بيسألني   انا بقيت باين انه منطقش و أنا من نفسي بنقله كلام الناس و بقوله اتغير و في التسجيل التاني أنا بصلح في خناقة بين اتنين فبقول لكل واحد منهم الغلط فين عشان اللي غلط يتأسف و نتعلم كلنا و نبقي صحاب اقوي  قام ظبطوا  اني عمال أقول ده غلط و ده غلطة و بوقع ما بينهم اكتر ....فا الجامعة كلها صدقتهم عشان تسجيلات و أنا الدكاترة عارفني و كلهم متأكدين اني أكيد اللي حصل ان  الصحاب دول بيطلبوا مني أساعد و انصح و أصلح و أنا بخش بقلبي كله علي فطبيعي هيتسجلي النية و القصة مش هتبان الكلام بس لوحده هتاخد بأي طريقة و اي معني بس في الآخر الدكاترة متدخلوش بس بيعاملوني عادي جدا قدام الباقي و بيقولو كلام حلو عادي ... فأعمل ايه عشان مبقاش لوحدي في الجامعة السنة اللي جاية ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_64198 🇪🇬

منذ 5 أيام

شعور مرتبك

انا عملت غلطة كده من شهر نزلت dating app هو انا كنت كاتبة عليه اني عايزة صحاب بس مش حاجه تانية و مسحته بعد ٤ ايام من لما نزلته المهم بس قبل ما امسحه كان في واحد حسيته عاقل كده كنا اتكلمنا على ال app فقبل ما امسحه قولتله لو حابب نكمل كلام في مكان تاني و فعلا عملنا ده المهم اتكلمنا تلات مرات و هو كان

Grape_66764 🇪🇬

منذ 5 أيام

شعور متعب

ممكن تكون مشكلتي صغيرة أو بالنسبة للناس اللي هنا مشكلة تافهة بس للاسف أنا مش بعرف اتعامل مع الناس اوي ودائما بطون محرج أو بكون خايف أن كلامي أو تصرفي يإما يخليني في موقف سيء أو اكون فريسة الناس تضحك عليها ( مهزلة القعدة) وللأسف حصل كام موقف من فترة قريبة ف كنت عايز اعرف حلول يعني للحاجات اللي زي دي

Cheese_65455 🇪🇬 بص انا كنت زيك كده لحد ما انفصلت عن الصحاب والاقارب بقيت محدوده ف علاقاتي الشخصيه .بس ف المجتمع انسانه اجتماعيه اوي. وده خلاني اتعلم ادي اللي يتريق عليا او يقول حاجه مش عجباني فوق راسه. ومجتش بالسهل. ف انت حاول تختار الناس اللي تستاهل وجودك عشان خوفك منهم مجاش من فراغ .حتي لو هتبقي بدون معارف او اصحاب المهم انك مرتاح. ومع الأغراب اضحك واتكلم وعيش واللي تلاقيه مش مريح اديله فوق راسه و امسحه من راسك

عرض الكل 6 نصيحة

Mango_66660 🇪🇬

منذ 5 أيام

شعور منزعج

اي حد زعلان من مشكله او موقف او عايز يفضفض يتفضل وان شاء الله يلاقي حل للمشكله ااااااااااااااااااااااااااااااااااااااااااااااااااا ااااااااااااااغغييييددددظظظددظظظظظظظظظظظظظظظظظظنتاالقييسسسيررىةتوتنلييبلتمنابتةبببييتنتننتتتتتتتاااففل

التجربة أفضل عبر التطبيق

حمّل تطبيق توهيل على هاتفك لتجربة أسرع