بصراحة، عمري ما كنت بحب أتباهى، لا بلبسي ولا بفلوسي. يمكن عشان شوفت ناس كتير كانت بتعمل كده، بس في الآخر اكتشفت إن المظاهر دي عمرها ما بتصنع قيمة حقيقية. أنا شوفت بنات ممكن تنبهر بالعربية أو بالساعة الغالية، بس شوفت كمان بنات تضحكلك من غير ما تبص حواليها، لأن اللي فارق معاها مش إنت لابس إيه، لكن مين إنت بجد. البنت اللي اتربت في بيت فيه راجل، مستحيل تبص للفلوس على إنها معيار. هي عايزة راجل يحسسها بالأمان، بالكلمة، بالموقف، بالنظرة اللي فيها رجولة مش تمثيل. أنا لما أحب بنت، مش بفكر أوريها عندي إيه، بفكر أكون سبب راحة قلبها، أبقى سندها وقت تعبها، وكتفها لما الدنيا تديق بيها. الفلوس بتخلص، المظاهر بتروح، بس المواقف الحقيقية بتفضل محفورة. وعشان كده، يمكن أكون مش الأغنى، بس متأكد إني أقدر أكون الأصدق، لأن اللي بيتباع بالفلوس عمره ما كان حب، واللي بيغلى بكرامته عمره ما هيتهان. انا عارف ان كلامي مش واقعي بس ده انا

3

5