مشكله حب

French Fries_56669 🇪🇬

منذ يوم واحد

شعور آسف

سلام عليكم عندي مشكله بقالي كتير مش عارف أخرج منها بسبب اني ف يوم كنت بحب وحصل مشاكل كتير وكنت عارف اننا مش هنكمل بس كالعاده عافرت علي قد ما اقدر بس محصلش نصيب انا لحد الان بقارنها ب اي بنت تانيه ودا مسببلي ازمه اني معتش عارف اتعامل مع حد خالص ومش عارف ايه الحل

Cherry_53745 🇴🇲

منذ أسبوعين

شعور متوتر

عندي مشكله اني حبيت وحده وفضلنا مع بعض ٧سنين يمكن كل يوم كنا بنشوف بعض ومتعلقين ببعض جدا لدرجة انو قام بينا علاقه كذا مره و عادي وكنا بنحب بعض وللأسف أنا انسان شهواني حبتين سبن بعض سنه يمكن او سنه ونص رجعنا ل بعض عرفت انها كلمت غيري وحصل شبه علاقه بينهم بعت عنها وبعنا عن فكرت الحب وبقينا اخوات وصحاب

Broccoli_52846 🇪🇬

منذ 3 أسابيع

شعور متوتر

انا عندي مشكله عايز اراء الناس فيها دلوقتي انا ليا واحد صاحبي كان بيحب واحد سابو بعض هو مرتبط حاليا و هي كانت مرتبطه و سابت الي كانت بتحبه المهم ان صاحبي دا عارفني عليا عادي و هيا اكتر من مره تقول انها بتحبني بس بهزار و انا معجب بيها بس حقيقي مش عارف اعمل ايه

Banana_42639 🇪🇬

منذ 5 أشهر

شعور ضائع

واحد صاحبي كلمني قالك خطيبتك كلمت صاحب صحبتها و اتكلمو ساعه تقريبا و صاحبي دا صحاب الواد قالي كمان انهم كانو بيتكلمو قدامه و الوقت ال اتكلمو فيه قالت انها بتكلم مامتها اصدق مين او اعمل اي؟ هي دي تعتبر خيانه ؟؟

Biscuit_50227 🇪🇬 صدقها هي واقنعها انك صدقتها بس ركز معاها وعموما مفيش حاجة بتستخبي ورصيد الستر بيخلص وربنا هيظهرلك الحقيقة من غير مجهود منك ولو دا حصل فعلا اخسر الاتنين خطيبتك وصاحبك علشان بدل ما جاي يقولك كان المفروض يحذر اللي كلمته ويقوله يبعد عنها اصل ايه الفكرة أنه جاي يقولك خطيبتك بتكلم واحد غيرك وفي احتمال تاني أنها كانت بتحل مشكلة بين صاحبتها وصاحبها ومحبتش تقولك علشان مترفضش هو اه غلط بس مش خيانه

عرض الكل 8 نصيحة

Marshmallow_51047 🇪🇬

منذ 5 أشهر

شعور متوتر

Marshmallow_49911 🇪🇬 متعمليش حاجه وحاولى متبينيش انك مهتمه عشان نو امان ل اى مان عامة ممكن عاوز يتسلى مش اكتر استنى هو اللى ياخد first step وخلى الحدود زى ما هى وقوليله انك مش هتقبلى فيه غير بشكل رسمى ووقتها هتعرفى لو بيحبك هيحاول عشانك ومش هيبقي عنده مشكله انما لو بيتسلى كل دا هيختفى

عرض الكل 5 نصيحة

عبّر عن شعورك بشكل مجهول

في واحد معايا فالجامعه من السنه الفاتت هو اكبر مني مكنتش واخده بالي منو بس هو ديما لما بعدي من قدامو كان بيعمل eye contact ويفضل باصص ومركز ولو طلبت منو اي حاجه بيعملها ولوحتى اصحابو اتريقو عليه السنه دي نفس الفكره هو بيعمل eye contact وبيركز موت وهو واصحابه انا ومهديه بيرمو كلام يعني الاسبوع الفات بالصدفه انا وهو كنا عاملين ماتشنج كامل لابسين نفس اللون بتاع الهودي والطقم كولو زي بعض اصحابو كانو بيتكلمو وبيضحكو وهو كان باصص وفرحان اووي وبيعلق علي الماتشنج بتاعنا وفي واحد صاحبو كان بيحاول يخلينا نتكلم سوا عن طريق انو ادالي ورق وقالي ممكن تديهولو  ومن كام يوم كان في رحله هوواصحابه مسئولين عنها فأنا روحت معاهم اول ما وصلنا المكان كل واحد نزل وحددنا وقت نتجمع فيه تاني يوم انا كان معايا صحبتي فضلت معاها طول الوقت بس هو واصحابو كانو حوالينا فكل مكان بنروحو حتى لما قعدنا جابو كراسي وقعدو جنبنا بالظبط وفضلو مركزين ولو روحت مكان كانو بيبقو ورانا علي طول كان هو و ٤ اصحابو وكانو ديما بيتكلمو فحاجه احنا وقاعدين وهما مركزين معايا ولو بصيت ناحيتهم كلهم بيبصو بعيد وبعدين يرجعو يبصو ويتكلمو تاني فموضوع وبيكونو باصين عليا وهو كان باصص بتركيز وصحبتي لاحظت نظراتهم وكلامهم ا انا حبيت الشخص ده من السنه الفاتت وانا من النوع البيحط حدود فأيه تفسير ال هو بيعملو عشان انا متلغبطه وبجد مش عارفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_47860 🇪🇬

منذ 6 أشهر

شعور مرتبك

شباب عندي مشكله وعايز اسمع رايكو انا من فتره كنت بكلم بنت عادي خالص ع واتس هي تبقا قريبه ليا بس من بعيد المهم الكلام كتر اوي و عادي و كدا بالنسبالي جدا هي لقيتها بتقولي انا بحبك طب انا ف الاساس شايفه في مكانه اختي و مش عارف اشلها من المكانه دي وهي اكبر مني ب سنه ف انا شايفه اختي ولا لا تنصحوني ب اي؟

Avocado_38085 🇪🇬

منذ 7 أشهر

شعور ضائع

عبّر عن شعورك بشكل مجهول

ازيكوا ياجماعه انا عندي مشكله فعلا بجد ومش عارفه اعمل فيها ايه المهم 
انا اعرف شخص من تانيه اعدادي كده وكان كل شويه نبعد ونرجع وفي كل مره كنت بفكر اننا مش راجعين في مره بقي كنا بعدنا والفتره دي طولت بقي وفي حد غيره كلمني وابتديت اتشدله يعني واتكلمنا فتره تمام بس انا مفهماه اني معرفش غيره ومكلمتش قبله علشان الاول ده اصلا من محافظه تانيه وعمري ماشوفته في الحقيقه اصلا ف اكيد التاني مش هتعرف ب الاول يعني ف المهم عدت فتره والتاني ده جه واتفق معايا أن احنا نبعد في الوقت ده علشان سننا صغير ولما نكبر هيرجعلي يعني وعلشان هو بقي في تالته ثانوي وياخد باله من مستقبله اكتر من كده وانا وافقته
المشكله ان طول ما انا معاه كنت سعات بفكر في الاول وبعدين الهي نفسي ب التاني علطول مع أن التاني ده والله ماشوفت منه حاجه وحشه والمنطقة والناس عندنا تحلف ب أخلاقه والأول اللي من محافظه تانيه ده برضو والله عمري ماشوفت منه موقف واحد وحش ولا بينلي أنه مش كويس طريقه تفكيره لوحدها تدل أنه ناضج وفاهم هو عايز ايه وبيعمل ايه
ودلوقتي الاول ده رجعلي وانا مش عاوزه اظلم حد فيهم ولا بقيت فاهمه انا بحب مين فيهم الموضوع بقي صعب
انا عندي16 الاول عنده20 التاني اللي في تالته ث عنده18

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_37124 🇪🇬

منذ 7 أشهر

شعور مستنزف

انا كنت بحب واحد وقعدنا تلت سنين مع بعض وبعلم اهلي واهله واتقدملي عريس تاني ويكون ابن عمي وامي بتحبه واخويا بيحبه وبيثق فيه وهو كويس ومحترم جدا واهلي صممه اني ابعد عن الي بحبه عشان ابن عمي محترم بقا وهيعيشني مبسوطه وبعد م اتخطبت ل ابن عمي مش عارفه انسي حب عمري معن الي انا بحبه كلم اهلي كتير وهو رافض

Sugar_29587 🇪🇬 استخير ربنا

عرض الكل 8 نصيحة

Kiwi_31988 🇪🇬

منذ 7 أشهر

شعور محبط

انا عندي مشكله.. دلوقتي انا مش مركز في موضوع اني احب دي و يبقي في بنت في حياتي انا ليا زمايل كتير عادي بنات و علاقات عاديه يعني. بس ساعات بحس اني محتاج يكون في بنت في حياتي و فعلا كل مدي فرصه لبنت تطلع يا بتشغل دماغها يا خاينه و حاجات كتير بتقفلني.. مع العلم انا عندي 23 سنه.. حبيت اسأل بس و افهم

Strawberry_34197 🇪🇬

منذ 7 أشهر

شعور مرتبك

انا عندي مشكله ومش عارفه احلها ازاي دلوقي في واحد صحبتي بتحبو بالهبل حرفيا بتموت فيه وهو جه قالي من ييومين انو بيحبني وانا مش عارفه اقول لصحبتي ازاي خصوصا ان دي صحبتي المقربه وانا خايفه اقولها ع ممكن يحصلها حاجه و خايفه اخبي عليها واتعرف من حد تاني ف اقولها ولا لاء؟؟

Coffee_31719 🇪🇬

منذ 7 أشهر

شعور محبط

السلام عليكم أنا عندي مشكله وبجد نفسي حد يساعدني وآسفه لو طولت أنا من فتره قريبه حبيت شخص وهو قريبي يعني حبيته اووي لدرجه اني ضحيت بحاجات كتير عشانه وبصراحه هو عمره ما جيه عليه ف الفتره دي خالص ولا اذاني وكان حنين جدا معايا جيه يوم كان ضامن واحد صحبه وصحبه سافر ومدفعش فلوس الحاجه وكان هيتحبس أنا طبع

Potato_31970 🇪🇬 انا من رايي سبيه لان ده شخص لا يؤتمن بالمره انك تضحي عشانه وتبيعي دهبك وهو ف الاخر يجي يقولك كد لا طبعا اشغلي نفسك ف اي حاجه ف دراستك ف شغلك اياا كان يعني عشان تشغلي نفسك عن التفكير عارفه ان الموضوع صعب بس حاولي واكيد ربنا شايلك اللي احسن منه ميت مره واقولك اخرجي وروحي وتعالي ولو هو معاكي علي ال social media نزلي صورك وانتي بره ومبسوطه عشان يعرف ان هو مش فارق معاكي واقولك علي حاجه انتي غلطانه

عرض الكل 11 نصيحة

Sugar_32742 🇪🇬

منذ 7 أشهر

شعور مرتبك

كنت بحب واحد بقى لي ثلاث سنين وارتبطنا وقعدنا مع بعض سنتين ونص وكنا زي السمنه على العسل حرفيا ولا خناقه حصلت بيننا في الفتره دي وبعدين بابايا عارف ان انا بكلمه وبدات المشاكل من هنا في الفتره دي انا كان بيتقدم لي عرسان كثير وبعد اللي حصل ده ب 4 اشهر انا اتخطبت غصب عني طبعا المشكله ان خطيبي واحد محترم

Coffee_21153 🇪🇬 لا اذي فرصه لخطيبك لان التاني محاولش يعمل حاجه هو كان حابب الارتباط ومجاش جد لو كملتي مع خطيبك اقطعي علاقتك بالتاني عشان متبقيش ظالمه خطيبك

عرض الكل 14 نصيحة

Banana_30148 🇪🇬

منذ 7 أشهر

شعور ضائع

أنا كنت مرتبطه ب واحد بس مكنتش بحبو زي ما هو كان مبين انو بيحبني وانا الي كنت ببدأ الكلام و ببدأ بكل حاجه لما في مره بطلت ابدأ أنا هو كمان بطل لمده خمس ايام في خلال الخمس ايام دول اتعرفت على واحد تاني هو احسن منو من وجهه نظري بس هو مش عايز يعرف اهله ولا اهلي آننا بنتكلم او كده و في مره كلم مامتي بس

Biscuit_30533 🇪🇬 شايفه انك تسيبي الاتنين واستني الي يجي يبقا يعوضك عن كل دا عشان التاني دا حتي لو حصل حاجه رسميه بعد كدا انت هتحسي بامان ازاي او ان ليكي سند او ضهر وهو خجول يكلم مامتك ما بالك لو حصلت مشكله او حاجه مفروض راجل يبقا الاجراء والاقوي عشان تحسي حتي بامان

عرض الكل 3 نصيحة

Strawberry_28220 🇪🇬

منذ 7 أشهر

شعور محبط

Chilli_28248 🇪🇬 طيب ما دا واحد بيتسلي وبيقول نفس الكلام لأي حد ماشي من قدامه. فكرة يتعوض او لا دي فكرة قديمة لان خلينا واضحين ان اللي بيحب حد لا هيقوله عرفي ولا حرام ولا هيجيب سيرة الموضوع. حوار انه يقول لحد من اهلك متخافيش منه لانه اكيد قال الحوار دا قبل كدا ل٤ الالاف بنت اللي عنده على الاكونت. خدي الموضوع ببساطة، كله بيتعوض، كله بيعدي وكله بيهون. الزمن نساي.

عرض الكل 10 نصيحة

عبّر عن شعورك بشكل مجهول

انا عندي مشكله محتاجه بس حظ يسمعني و ينصحني اعمل ايه عشان انا بجد تعبت اوي انا مكنتش بكلم ولاد خالص و مكنتش ليا علاقه بأي ولد حتى لو زي الاخوات مكنش ليا اي علاقه بالولاد خالص المهم في يوم من حوالي 6 شهور واحد عملي متابعه على تيك توك انا الحساب بتاعي خاص فكان لازم اقبل المتابعة أو ارفضها انا مكنتش بقبل المتابعه من اي حد معرفوش معرفش ايه الخلاني اقبل المتابعة وقتها المهم قبلتها و دخل كلمني و اتعرفنا على بعض و فضلنا نتكلم حوالي شهر و نص و كان من اقرب الناس ليا و كان يعرف عني كل حاجه حرفيا حكيتله كل حاجه عني و بعدين بعد شهر و نص بنتكلم و كنا صحاب بس قالي أنه بيحبني انا وقتها رفضت و قلت حرام و خلينا صحاب بس و هو مقالش حاجه و قالي براحتك المهم بعدها بأسبوع اتخانقنا خناقه كبيره شويه و عملتله بلوك بس هو معمليش بلوك و بعدين فضلت اسبوع كنت بعيط كل يوم كان واحشني اوي و مقدرتش ابعد عنه و شيلت البلوك و قولتله اني بحبه و اني مش قادره ابعد عنه و اتصالحنا و فضلنا نتكلم شهرين بس الفرق المره ديه أننا كنا مرطبتين و بعدها طلب مني طلب انا لما عرفته حسيت اني بسمع صوت قلبي و هو بيتكسر طلب مني ابعتله صور ليا و انا مش لبسه حاجه انا طبعا رفضت و اتخانقت معاه و سبته بس حتى بعد الطلبه مكنتش قادره ابعد عنه و رجعت تاني و عارفه اني غلطانه اوي اني رجعتله تاني بس مقدرتش ابعد و رجعت و قالي أنه مش هيطلب الطلب ده تاني و بعدين مكملناش اسبوع و هو كان معاه حساب جدتي على التيك توك و كل شويه كان يقولي انا عايز اتجوزك دلوقتي عايز اتجوزك عرفي و انا عارفه أنه حرام بس كان كل شويه يقولي انا هطلب ايدك من جدتك و المشكله ان لو حد من عيلتي عرف اني بكلمه مش عارفه كان ممكن يعملوا فيا ايه و انا وقتها بقيت بعيط من الخوف أن حد يعرف اني بكلمه مع العلم اني كنت بكلمه شات بس مكنش في مكالمات بينا بس كنت خايفه اوي و بعدين قررت اني مش هكلمك تاني خلاص و بعدت عنه بس المره ديه متخانقناش انا قلتله اني محتاجه ابعد شويه و هرجه تاني و قالي ماشي و عملتله بلوك و انا مقرره اني مش هرجع تاني خلاص و مرجعتش تاني بقالي تلت شهور تقريبا دلوقتي هو واحشني اوي حتى بعد الكان بيعمله فيا بس واحشني اوي و اليوجع اكتر اني كل ما ادخل ابص على الحساب بتاعه الاقي عنده فوق الاربع آلاف بنت و كل شويه بنهار اكتر مش عارفه انساه مش عارفه اعمل ايه عشان انساه بجد تعبت اوي💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_25265 🇪🇬

منذ 8 أشهر

شعور مكسور القلب

عندي مشكله غريبه اوي والعندو كل ياريت يساعدني أنا حبيت واحد كان يعرف واحده قبلي وانا كنت فكره ان موضوع ده عدا وفات بس هوا كان وخدني عشان ينسى بيها بنت تانيه بس أنا مكنتش اعرف لاني حبيته جدا هوا كان مبهدلني حته نزولي مع اهلي مكنش بيوافق حته تعبت بسببه كتير جت عليه فتره تعب وكده وكنت جمبه وكنا كويسين

التجربة أفضل عبر التطبيق

حمّل تطبيق توهيل على هاتفك لتجربة أسرع