كنت بحب واحد بقى لي ثلاث سنين وارتبطنا وقعدنا مع بعض سنتين ونص وكنا زي السمنه على العسل حرفيا ولا خناقه حصلت بيننا في الفتره دي وبعدين بابايا عارف ان انا بكلمه وبدات المشاكل من هنا في الفتره دي انا كان بيتقدم لي عرسان كثير وبعد اللي حصل ده ب 4 اشهر انا اتخطبت غصب عني طبعا المشكله ان خطيبي واحد محترم جدا وبيحبني قوي وبيحبني بقى له اكتر من ثلاث سنين برده والمشكله كمان ان الشخص اللي انا كنت بحبه ده بعد اللي حصل مع اني عدى عليه اربعه اشهر ما حاولش على ثاني ولا حاول يجي يتقدم لبابا ولا اي حاجه كل اللي كان بيعمله ان كان بيجي يعيط ليه في التليفون بس مش معايا غير الكلام وانا حربت لوحدي وهو ما عملش اي حاجه علشاني بعكس خطيبي ما رضيتش يدخل يكلمني ابدا مع انه كان بيحبني قوي ما رضيش يدخل غير من باب البيت انا مش عارفه اعمل ايه ادي فرصه لخطيبي اللي هو بيحبني ولا احاول علشان اللي انا بحبه واسيب خطيبي وكل واحد فينا يروح لحاله يا جماعه بجد انا تايهه ومحتاجه نصيحه

11

14