السلام عليكم قبل م اكتب مشكلتي أنا حسابي محظور من 3 أيام ومش عارفه أفتحه خالص دا حساب حد أعرفه لو حد عنده حل يقول.. عندي ابن خالتي أكبر مني بـ 10 سنين نفترض اسمه (أحمد) قرب مني أوي بعد م ساب خطيبته كان بيهتم بيا ويخليني أحكيله دايما بيشجعني على دراستي وأنا للأسف حبيته بس والله غصب عني في يوم سألني لو جاتلك فرصه دلوقتي خطوبه وجواز وكدا بس مفيش شغل توافقي ولا لأ قولتله لأ مش جاهزه لكده دلوقتي وأكيد بدرس علشان أشتغل إتكلم معايا إن البنت الأفضل ليها بيتها وإني مش هستحمل الشغل بعد كلامنا ده حسيته بعد عني شويه يختفي كتير وبعدين يقولي كنت مشغول ومن غبائي اتعلقت بيه ومن اسبوع (أخوه) كلم بابا إنه عاوز يخطبني هو ما شاء الله إنسان محترم وشغله كويس ميترفضش أهلي موافقين عليه وشايفينه مناسب وهو قال هيستنى لحد م أكون جاهزه وهشتغل عادي بس مينفعش أوافق عليه وأنا بحب أخوه لما قولت لـ أحمد رده عليا كان"أنا مش عارف أقولك إيه لو مرتاحه وافقي مش هتلاقي أحسن منه" وطبعا بقى عليا ضغط من أهلي ومن خالتي وجوزها إني لازم أوافق عليه أنا مش لاقيه سبب مقنع أقول أنا ليه مش عايزاه مش شايفه غير أحمد وعرفت إنه هيخطب من وقتها وأنا مش كويسه قلبي وجعني أوي ومش قادره أبطل تفكير ليه علقني بيه وليه قرب مني أصلاً من الأول لما هو هيبعد.💔😔

1

6