مشاكل عيون قصص حقيقية - 2 تجارب، ونصائح، ودعم

Strawberry_25725 🇪🇬

منذ 10 أشهر

شعور محبط

طول عمري نفسي يبقي عندي صحاب دايما صحابي بيتنمروا عليا عشان انا عندي مشكله في عيني محسسني اني غريبه محدش بيحبني ولا بيقرب مني وكلهم بيتكلمو عليا نفسي اصاحب واحده تنسيني كله ده انا وصلت لمرحله ان المدرس بتاعي اتنمر علياا عشان في مر قلت هعمل عمليه والدكتور قالي بعد كد مفيش عمليه قالي مانتي لو كنتي سال

Grape_25677 🇪🇬 بصي هقولك على حاجة.. لو تخيلنا كدا ان في جردل فيه ورد وجردل تاني بس في زبالة وجيتي دلقتي الاتنين الجردل اللي فيه ورد هتلاقيه لما يتدلق هيخرج ورد منه والجردل اللي فيه زبالة هتلاقيه لما يتدلق طلع منه زبالة ف انتي اتعاملي مع الناس على انهم جرادل 😂 انا بجد مش بتريق وبتكلم جد... اللي قصدي اقوله ان كل واحد بيطلع اللي جواه من عقد نفسية او كلام طيب لو هو شخص سوي ف انتي ملكيش دخل نهائي بالاتنين

عرض الكل 12 نصيحة

جهاز يحمي كرامة المصريين من الظلم والمهانة

🇪🇬❤️ الرقابة العامة للأمن الوطني المصري.. حارس كرامة الشعب يا مصريين، كلنا عارفين إن البلد دي مليانة خير، بس برضه مليانة مشاكل بتتعبنا كل يوم: 🔻 موظف حكومي يعطّلك بالساعات عشان تمضي ورقة صغيرة. 🔻 ظابط أو عسكري يكلمك بطريقة مهينة وكأنك مش بني آدم. 🔻 سوق مليان جشع، أسعار بتتضاعف من غير رقابة، وتاجر يستغل المواطن الغلبان. 🔻 شاب واقف في لجنة مرور يتظلم ومافيش حد يسمعه. 🔻 أم بسيطة تروح مصلحة تدور على حقها، ترجع مكسورة بسبب معاملة سيئة. المشاكل دي مش صغيرة.. دي اللي بتكسر نفسية المواطن كل يوم. المواطن اللي بيشيل البلد على كتفه هو اللي بيدفع التمن. ومن هنا جات الفكرة: “الرقابة العامة للأمن الوطني المصري” ✨ جهاز أعلى من الداخلية والدفاع، بيتبع رئاسة الجمهورية مباشرة، هدفه حماية المواطن وكرامته قبل أي حاجة. إزاي الجهاز ده هيحل مشاكلنا؟ ✅ في المواصلات والشارع: لو حد من الأمن أو أي مسؤول تعامل معاك بقلة احترام، فيه عين بتراقب ومحاسبة حقيقية مهما كان منصبه. ✅ في الأسواق: مفتشين سريين يراقبوا الأسعار والتجار، وأي جشع أو استغلال يتردع فورًا. ✅ في المصالح الحكومية: أي موظف يذل الناس أو يعطل مصالحهم هيتحاسب، وهيتعامل مع المواطن زي ما يتعامل مع مسؤول كبير. ✅ في التعامل مع الشرطة: الضابط أو العسكري اللي يتجاوز في حق المواطن، يتحاسب فورًا.. عشان الشرطة ترجع تكون "خدمة الشعب" زي ما مكتوب على العربيات. ✅ في حياة المواطن اليومية: الجهاز مش بيراقب الشعب.. لا، هو بيحميه. بيخلي كل مواطن يحس إن ليه قيمة وكرامة محفوظة، وإنه مش وحده. --- يا شعب مصر، إحنا مش بنخترع وهم.. إحنا بنبني فكرة ممكن تغير شكل البلد. جهاز يضمن إن القانون مش بس ورق، لكن كرامة محفوظة لكل مصري. الكرامة مش رفاهية.. الكرامة حق. واللي بيحافظ على كرامة شعبه، بيحافظ على وطنه. 💬 شاركونا: هل شايفين إن جهاز زي ده هو الحل للمشاكل اللي بنعاني منها؟ وهل تحلموا تعيشوا في بلد مفيهاش مهانة ولا ظلم؟ --- هو ده حلمي بس خارج الدراسة ده الحلم الي اتمني يوصل للدولة و يتنفذ اكون فرد منه ...عرض المزيد

0 الدعم

0 نصيحة

مين في مجال البرمجة والذكاء الاصطناعي؟ شارك تجربتك!

مين هنا في مجال البرمجة، السوفتوير، الذكاء الاصطناعي، أو الويب؟ 💻 سواء كنت خبير أو لسه بتفكر تدخل المجال، شاركنا تجربتك! كيف كانت بدايتك؟ إيه التحديات اللي واجهتها وإزاي اتغلبت عليها؟ ويا شباب، لو لسه بتفكر تدخل المجال، اسألني! كلنا هنا عشان ندعم بعض ونساعدك تبدأ صح. بالتوفيق للجميع في رحلتهم! 🚀 عايزين نعرف تجاربكم، حتى لو كانت مجرد محاولة. شاركوا معانا ولو فكرة بسيطة عن مشروع أو حاجة بتشتغلوا عليها حالياً. عايزين نعمل مجتمع بجد! ...عرض المزيد

1 الدعم

1 نصيحة

بحس إني لوحدي ومن جواكي فاضي

ايام كتير بتعدى عليا رمادى ، لا هى ابيض ولا هى اسود شعور انى بكمل اليوم عشان اليوم يعدي ويجي اللي وراه، شعور انى مش لاقيه نفسي، بهرب ف حاجات لا تفيد عشان مفكرش ، لدرجة انى بقيت بطبق الصمت والانعزال مع اهلي معظم الوقت، وهم لاحظوا دا ولامونى فيه.. من كتر تجاهل شعورى وهروبي بقيت بعيدة عنهم منكرش انى كدا مرتاحة تجنبا للمشاكل والمشاحنات اللى مش بتخلص، بس ف نفس الوقت بأنب نفسي علي تقصيري ف حق اهلي وهروبي من تواجدي معاهم حتى ف الاوقات الكويسة كأني معنديش طاقة ليهم . من زمان اوي وانا اسرتي مش اسرة سوية، كان في خلافات لا تعد ولا تحصي بين بابا وماما وكنت بشهدها بصفتي الكبيرة وسمعت وشوفت كتير، وكنت لانى مش عايزة افكر بتجاهل دا واكتم اي زعل جوايا وعادى ، وكبرت والمشاكل مش بتقف والازمات مش بتخلص وشعورى انى غريبة ف بيتي بيتفاقم، توفي بابا الله يرحمه وحزنت فترة بس بعد كدا بقيت بتجاهل شعور الحزن دا بقيت بتجنب افكر فيه او اشوف صوره او حتى اروح ازوره بتجنب اي حاجة توجعني لما افكر كبرت وانا حسة انى لوحدي ودلوقتي عندي اصحاب بس بردو حسة انى لوحدي، مكنتش متعودة احكى مشاعري لحد لانى عمري ما حسيت اني استاهل اتسمع كنت ومازلت الركن الامن لصحابي واسمع مشاكلهم واحلها من قلبي، بس اتكلم عن شعور ملازمنى وخانقني لا مبعرفش شعور متعب بأنك متستحقش تكون متشاف، اصل هتتشاف ع اي وانت من جواك فاضي انا مش عارفة انا بكتب دا ليه، بس حسيت انى عايزة اتكلم وخلاص ...عرض المزيد

0 الدعم

4 نصيحة